ተጨማሪ...

ዛሬ ጥዋት በዚህ ባጠናቀቅነው ነሃሴ ወር በተለያዩ የሀገሪቱ ክፍሎች የነበሩ ህገወጥ የጦር መሳሪያ ዝውውሮችን የተመለከተ ጥቂት መረጃ ተለዋውጠን ነበር።

ዛሬ በወሩ የመጨረሻ ቀን ላይ የኦሮሚያ ፖሊስ ኮሚሽን ነጆ ከተማ ላይ 25,335 የክላሽ እና የብሬን ጥይት መያዙን ለኢዜአ ገልጿል።

ይህን ጥይት ከአ/አ ከተማ በ ኮድ 3 A 32684 አይሱዙ መኪና ተጭኖ ህዝብ ተወካዮች ምክር ቤት ሽብርተኛ ብሎ ለፈረጀው ሸኔ ቡድን እንዲደረሰው የታቀደ ሲሆን ነጆ ከተማ በቁጥጥር ስር ማዋሉን ፖሊስ ሪፖርት አድርጓል።

ከዚህ በተጨማሪ የክልሉ ፖሊስ አምቦ ባቢቻ ላይ 3 ሺህ የክላሽ ጥይት ተይዟል፤ ይህም በተመሳሳይ ለሸኔ ሊሰጥ ነበር የተባለ ሲሆን ጥይቱን ለማድረስ የሞከሩ ግለሰቦችም በፖሊስ ተይዘዋል።

@tikvahethiopia

#EthiopianAirlines

የሱዳን መንግሥት የዜና ወኪል ‘ሱና‘ ዛሬ በኢትዮጵያ አየር መንገድ ተጓጉዘው ሱዳን ስለገቡ ጦር መሳሪያዎች የተዛባ ዘገባ ሰርቶ ነበር::

ሱና መሳሪያው "[በሱዳን] መንግሥት ላይ ወንጀል ለመፈጸም" ጥቅም ላይ ሊውል ነበር የሚል ጥርጣሬ አለ ሲል ገልጽዋል::

የሱዳን መንግስት በኢትዮጵያ አየር መንገድ በኩል ካርቱም ከገቡ በኋላ ተይዘዋል ስላለው የጦር መሳሪዎች ምርመራ እያደረኩ ነው ማለቱንም ሱና አክላል::

በሱዳን የዜና ወኪል የወጣውን የተዛባ መረጃ አስመልክቶ ከኢትዮጵያ አየር መንገድ ግሩፕ የተሰጠ ምላሽ እንደሚከተለው ይቀርባል :

የኢትዮጵያ አየር መንገድ ወደ ሱዳን ያጓጓዘውን ለአደን አገልግሎት የሚውል መሳሪያ በተመለከተ አየር መንገዱ የሰጠው የማጓጓዝ አገልግሎት በአየር መንገዱ እና በደንበኛው ሙሉ ህጋዊ ማስረጃ የተደገፈ ህጋዊ የንግድ አሰራር መሆኑን ልናረጋግጥ እንወዳለን።

የአደን መሳሪያዎቹ በአዲስ አበባ በጸጥታ አካላት አስፈላጊው ህጋዊ የማጣራት ስራ እስኪሰራ ረዘም ያለ ግዜ የወሰደ በመሆኑ በተፈጠረው መዘግየት ምክንያት የአደን መሳሪያዎቹ ባለቤት መሳሪያዎቹን እንድናስረክብ አለበለዚያ 250 ሺህ የአሜሪካን ዶላር የሚጠጋ ገንዘብ እንድንቀጣ የሚያስገድድ ክስ በሱዳን ፍርድ ቤት መስርቷል።

በአደን መሳሪያዎቹ ላይ የተካሄደው ህጋዊ ማጣራት ከተከናወነ በኋላ ከኢትዮጵያ የፀጥታ አካላት የይለፍ ፍቃድ እንዳገኘን ጭነቱን ወደሱዳን አጓጉዘናል።

ከሱዳን የውጪ ጉዳይ መ/ቤት ያገኘነውን ህጋዊ ማረጋገጫ ጨምሮ የሰጠነውን አገልግሎት ህጋዊነት በተጨባጭ የሚያረጋግጡ በርካታ ማስረጃዎች በእጃችን የሚገኙ መሆኑን እንገልጻለን።

ስለጭነቱ ምንነት የሚገልፅ መረጃ ከላይ አያይዘናል።

የኢትዮጵያ አየር መንገድ
(ጳጉሜ 1/2013 ዓ/ም)

@tikvahethiopia

እጅግ ከፍተኛ ጥበቃ ከሚደረግበት እስር ቤት ያመለጡት ፍልስጥኤማውያን …

6 ፍልስጤማውያን እስረኞች ጠንካራ ጥበቃ ከሚደረግለት እስር ቤት ካመለጡ በኋላ እስረኞቹን አድኖ ለመያዝ እስራኤል ኦፕሬሽን ጀመረች።

ከ6ቱ 5ቱ የእድሜ ልክ እስር የተፈረደባቸው ናቸው::

ከእስር ቤቱ ያመለጡት እስረኞች ለወራት ያህል የእስር ቤት ክፍላቸውን ውጪ ካለ መንገድ ጋር የሚያገናኝ ዋሻ ለመሥራት ሲቆፍሩ ቆይተዋል ተብሏል።

እስረኞቹ ትናንት ለሊት ላይ ማምለጣቸው የተገለጸ ሲሆን፤ እስረኞቹ በእርሻ ስፍራ ሲሯሯጡ የተመለከቱ አርሶ አደሮች ለእስራኤል ባለሥልጣናት ጥቆማ አድርሰዋል።

ፍልስጤማውያኑ እስረኞች ተረዳድተው ከመጸዳጃ ክፍላቸው ጀምረው የቆፈሩት ዋሻ ከእስር ቤቱ ውጪ ካለ መንገድ ጋር የሚያገናኝ ነው።

ጄሩሳሌም ፖስት እንደዘገበው ከሆነ እስረኞቹ ዋሻውን ለመቆፈር ያረጀ ማንኪያ ተጠቅመዋል። የእስራኤል ደኅንነት ኤጀንሲ በበኩሉ እስረኞቹ ከእስር ቤቱ ውጪ ካለ አካል ድጋፍ ሳያገኙ አይቀርም ብሏል።

የእስራኤል ማረሚያ ቤት አገልግሎት ኃላፊዎች የእስረኞቹን ማምለጥ፤ "ከፍተኛ የደኅንነት ውድቀት ነው" ሲሉት የፍልስጤም ታጣቂ ቡድኖች ደግሞ፤ "ጀግንነት" ሲሉ አወድሰዋል።

ከእስር ቤቱ ያመለጡት እስረኞች ዌስት ባንክ አልያም ጆርዳን እንዳይገቡ የእስራኤል ፖሊስ መንገዶችን በመዝጋት ፍተሻ እያካሄደ ነው ተብሏል። ይሁን እንጂ ዌስት ባንክ እና ጆርዳን ከእስር ቤቱ 14 ኪሎ ሜትሮች ብቻ እንደሚርቁ ተመልክቷል።

ምንጭ ፦ ቢቢሲ

@tikvahethiopia

#Update

“በኢትዮጵያ አየር መንገድ ተጭነው ወደ ካርቱም የገቡ “ጦር መሳሪያዎች ተያዙ” መባሉ ከእውነት የራቀ ነው" - የሱዳን የሃገር ግዛት ሚኒስቴር

የሱዳን የሃገር ግዛት ሚኒስቴር በኢትዮጵያ አየር መንገድ ተጭነው ወደ ካርቱም የገቡ “ጦር መሳሪያዎች ተያዙ” መባሉ “ከእውነት የራቀ” ነው ያለስ ሲሆን የጦር መሳሪያው ተገቢው የጉምሩክ ክሊራንስ ሂደት መጀመሩንም ገልጸዋል::

ሚኒስቴሩ የሱዳን ጉሙሩክ ባለስልጣናት ያዝን ያሉት “ጦር መሳሪያ” ምንም ዐይነት የህግ ግድፈት እንደሌለበት አስታውቋል::

ባለስልጣናቱ ያዝን ያሉት “ጦር መሳሪያ” ራሳቸው በሰጡት ህጋዊ ፈቃድ ተጓጉዞ ወደ ካርቱም የገባ እንደሆነ የጦር መሳሪያዎቹ ባለቤት የሆነውና ‘ዋዒል ሸምሰዲን’ የተባለው የንግድ ተቋም ገልጸዋል::

የተቋሙ ጠበቃ የሆኑት ሲራጁዲን ሃሚድ ተያዙ የተባሉትን ጦር መሳሪያዎች በህጋዊ መንገድ እንደገቡ መግለጻቸውን የአል ዐይን ኒውስ ዘግቧል::

‘ዋዒል ሸምሰዲን’ ለሲቪል ግልጋሎት የሚውሉ ጦር መሳሪያዎችን ከውጭ የማስገባት እና የመነገድ ፈቃድ ያለው ድርጅት ነው፡፡

በዝርዝር ያንብቡ : telegra.ph/Al-Ain-News-09-06

Credit : AL AIN NEWS (አል ዓይን ኒውስ)

@tikvahethiopia

በተለያዩ ጉዳዮች ላይ የሀሳብ ልዩነት ሊኖር ይችላል ሀገር ግን እስከመጨረሻው ድረስ ሀገር ናት ፤ እናት ናት 🇪🇹 !

የኢትዮጵያ ስም በክፉ ሲነሳ ሮጠው ቀድመው ለብዙሃን ለማሰራጨት የሚጥሩ በእግጥም ለኢትዮጵያ ክፉ የሚመኙ አካላት እንዳሉ በተለያየ ጊዜ መመልከት ተችሏል።

እንደማሳያ ትላንት SUNA/ሱና የሰራውን ፍፁም ከእውነት የራቀ፣ ሀሰተኛ፣ የተዛባ እና እጅግ በጣም አደገኛ ዘገባ አንድ እና ሁለቴ ሳያጣሩ የኢትዮጵያ ስም በክፉ መነሳቱን አንድም በጥላቻ፣ በሌላ መልኩ ለራሳቸው የተቃውሞ ሀሳብ ማጠናከሪያ ለመጠቀም ሲሯሯጡ የነበሩ ሰዎች ታይተዋል።

መረጃው ሱና ባወጣበት ቅፅበት የኢትዮጵያ አየር መንገድን አንዳች ምላሽ ሳይጠይቁ/የአየር መንገዱን መግለጫም ሳይጠብቁ የአንዱን ወገን እጅግ አደገኛ ዘገባ በድስታ ሲያሰራጩ የተዩ ብዙ ናቸው።

ይህንን ካደረጉት መካከል የተለያዩ ዓለም አቀፍ ሚዲያዎች፣ በኢትዮጵያ ጉዳይ የሚፅፉ የውጭ አክቲቪስቶች ፣የሀገር ውስጥ አክቲቪስቶች ፣ ማህበራዊ ሚዲያን መሰረት ያደረጉ ሚዲያዎች ይገኙበታል።

አንዳዴ ባገኙት አጋጣሚ ሁሉ ተከታይ ለማፍራት እና የራሳቸውን ስሜት ለማጋራት፣ የሚፈልጉትን አጀንዳ ለማራመድ ሲሉ በአግባቡ መጣራት ያለባቸውን የተለያዩ ዘገባዎች አንድ ጊዜም መለስ ብለው ሳያዩ ለህዝብ የሚያጋሩ ሀገር ከሌለ እነሱም እንደሌሉ አውቀው መጠንቀቅ አለባቸው።

መንግስትን ፣ ፓርቲን መደገፍ አለመደገፍ ፣ የመንግስት ተቃዋሚዎችን ፓርቲዎችን መደገፍ አለመደገፍ ምንም ችግር የለውም ሚሊዮኖች ለሚኖሩበት ሀገር ፣ ላሳደች ሀገር፣ ክፋ ማሰብ እጅግ አሳፋሪና አደገኛ ድርጊት ነው።

@tikvahethiopia