" ...ጥቃቱ ምግበይ በተባለ ግለሰብ የሚመራ የወንበዴ ኃይል ላይ የተወሰደ እርምጃ ነው ፤ ሰላማዊ ሰው ላይ ጥቃት አልተፈፀምም" - ጄኔራል ብርሃኑ ጁላ

ከትላንት በስቲያ ከመቐለ በስተ ምዕራብ አቅጣጫ 25 ኪ.ሜ በምትገኝ እንደርታ ወረዳ ደብረናዝሬት ቀበሌ ተቶጋግ እዳጋ ሰሉስ በምትባል መንደር ለገበያ ተሰብስበው የነበሩ ሰዎች በነበሩበት ወቅት ተፈፅሟል የተባለውን የአየር ጥቃት መነጋገሪያነቱ ቀጥሏል።

ቶጎጋ እዳጋ ሰሉስ ላይ ተፈፅሟል በተባለው የአየር ድብደባ እስካሁን ቁጥራቸው ያልታወቀ ዜጎች ህይወት አልፏል፤ በርካቶችም ቁስለኛ ሆነዋል።

የአይን እማኞች ድብደባው ማክሰኞ ከቀኑ ስድስት ሰዓት አካባቢ ለገበያ ተሰብስቦ በነበረ ህዝብ ላይ ነው የተፈፀመው ብለዋል። በድብደባው በሰዎች ላይ ከደረሰው ጉዳት በተጨማሪ በእንስሳት ላይ ጉዳት ደርሷል።

የአይን እማኞቹ በቅድሚያ የተመታው ገበያው እንደሆነ በኃላም በቤቶች ላይ እንደነበር አስረድተዋል።

ከቦታው ጉዳት ደርሶባቸው መቐለ አይደር ሆስፒታል የገቡት 5 ሰዎች ሲሆኑ ከእነሱ መካከል አንዷ የ2 ዓመት ከአራት ወር ህፃን ትገኛለች።

ህፃኗ ከፍተኛ የሆኑ ጉዳት የደረሰባት ሲሆን በአሁን ሰዓት መተንፈስ ስለማትችል የመተንፈሻ ቱቦ ተገጥሞላት ይገኛል። በሌላ በኩል የህፃኗ አባት ጉዳት ደርሶበት ወደ ህክምና እንዳይገባ በወታደሮች ተከልክሏል ተብሏል።

አንድ የአይን እማኝ ደግሞ አጠገቡ ሶስት ሰዎች መሞታቸውን ገልጿል። አህዮች ጨምሮ ብዙ እንስሶችም ሞተዋል ብሏል ፤ በአካባቢው ታጣቂዎች እንደነበሩ ተጠይቆ ምንም ታጣቂ አላየሁም ብሏል።

ጉዳት የደረደባቸውን ሰዎች ለማምጣት የአምቡላንስ ሹፌሮች አምስት ጊዜ ተጉዘው አይቻልም ተብለው መመለሳቸውን ገልፀዋል።

ያንብቡ : telegra.ph/Tgoga-Tigray-06-24

@tikvahethiopia

አቶ ዳገቶ ኩምቤ ከእስር ተፈቱ።

ለ10 ወር ያህል በእሥር የቆዩት የቀድሞ የዎላይታ ዞን ዋና አስተዳዳሪ አቶ ዳጋቶ ኩምቤ ከእስር መፈታታቸው ተሰምቷል።

ከእሳቸው በተጨማሪም ምክትላቸው የነበሩት አቶ ገበዜ ጎዳና ዛሬ ሰኔ 17 /2013 ዓ.ም ዎላይታ ዞን ከፍተኛ ፍርድ ቤት በዋለው ችሎታ በነፃ አሰናብቷቸዋል።

የቀድሞው የዎላይታ ዞን አመራሮች የተከሰሱት ስልጣናቸውን አላግባብ የመገልገል ወንጀል ፈጽመዋል በሚል ነበር።

Video Credit : Woldetsaadiqa

@tikvahethiopia

"በነፃ አልተለቀቅንም"

ከትላት በስቲያ ከእስር የተፈቱ የኦሮሞ ነፃነት ግንባር የፖለቲካ መኮንን አቶ ያሶ ከበበው ስለአፈታታቸው እንዲሁም ስለእስራቸው ትላንት ምሽት አየር ላይ በዋለው የቪኦኤ አፋን ኦሮሞ የሬድዮ ስርጭት ላይ አስተያየት ሰጥተዋል።

ከ30 የጊዜ ቀጠሮ በኃላ ፍርድ ቤት የተመላለሱት እነ አቶ ያሶ በነፃ እንዳልተለቀቁ እና ታስረው እንደወጡ ወቀሳ አሰምተዋል።

አቶ ያሶ፥ "ፍ/ቤቱ ከተጠረጠርኩበት ወንጀል ነፃ ነህ አለኝ እንጂ አንተ ነፃ ሰው ነህ አላለኝም።

አንድ ሰው ሁለት አመት ታስሮ ነፃ ነህ ተብሎ ሲፈታ መደሰት ይለበትም፤ ምክንያቱም ሁለት አመት ታስሮ ነው የወጣው መባል አለበት።

ፍርድ ቤት በነፃ ነው ያሰናበትኩት ማለት የለበትም ፤ እኔ ሁለት ዓመት ታስሬ ነው የወጣሁት ነገር ግን ከተጠረጠርኩበት ወንጀል ነፃ ነህ የሚል ሃሳብ ነው ከተከሳሾቼ የተረዳሁት" ብለዋል።

የፌዴራል ጠቅላይ አቃቤ ህግ ስለእነ አቶ ያሶ ተይዘው ስለቆዩበት ጊዜ በሰጠው አስተያየት በክርክር ሂደት በእስር ቤት ቆይተው ፍርድ ቤት በመመላለስ የባከነ ጊዞ ሳይሆን የፍትህ ማስገኛ ጊዜ ነው ሲል ገልጿል።

አቶ ያሶ መንግስት የህግ የበላይነት አስከብራለሁ እያለ ያለ ሰዎችን ካለ ፍርድ ቤት ትዕዛዝ ይታሰራሉ ያሉ ሲሆን አጋጥሟቸው የነበረውን ችግር ተናግረዋል፦

"ለምሳሌ አንድ ሰው በፀጥታ ኃይል ቁጥጥር ስር ሲውል በፍርድ ቤት ትዕዛዝ መሆን አለበት። ነገር ግን እኔ ከመንገድ ላይ ያለፍርድ ቤት ትዕዛዝ ነው የተያዝኩት፤ ይህ ህገወጥ ነው። በተጨማሪ ከታሰርን በኃላ አራዳ ፍርድ ቤት የዋስትና መብት ሰጥቶን የዋስትና ማስከበሪያ ከተከፈለ በኃላ አሁንም ፖሊስ የፍርድ ቤት ትዕዛዝ ወደጎን በመተው ለአንድ አመት ከስምንት ወር አሰረን"

ያንብቡ : telegra.ph/YASO-KABABAW-06-25

@tikvahethiopia