#COVID19Ethiopia

መስከረም 4/2013 ዓ/ም

የተደረገ ላብራቶሪ ምርመራ - 9,256
በቫይረሱ የተያዙ - 485
ህይወታቸው ያለፈ - 9
ያገገሙ - 350

@tikvahethiopiaBot @tikvahethiopia

#DrAbiyAhmed

ጠቅላይ ሚኒስትር አብይ አህመድ በነገው ዕለት ከተቃዋሚ ፓርቲ አመራሮች ጋር እንደሚወያዩ ኢትዮጵያ ኢንሳይደር በደረ ገፁ አስነብቧል።

ነገ ረፋዱን ይካሄዳል ተብሎ ለሚጠበቀው ለዚሁ ስብሰባ ፤ የፖለቲካ ፓርቲ አመራሮች በዛሬው ዕለት ጥሪ ተደርጎላቸዋል።

የነገው ውይይት ባለፈው ሐምሌ ወር ከተደረገው ተመሳሳይ ስብሰባ ወዲህ የነበሩ ሂደቶች የሚገመገሙበት እንደሆነ ተገልጿል።

@tikvahethiopiaBot @tikvahethiopia

ጥቅምት እና ህዳር ውስጥ ብዙ ሰው በኮቪድ-19 ይሞታል ተብሎ ተሰግቷል!

በመጪዎቹ ጥቅምት እና ህዳር ወራት በኮቪድ-19 ሳቢያ የሚሞቱ ሰዎች ቁጥር ይጨምራል ብለው እንደሚገምቱ የዓለም የጤና ድርጅት (WHO) የአውሮፓ ቅርንጫፍ ኃላፊ መናገራቸውን ቪኦኤ ዘገበ።

ሃንስ ክሉገ ለአዣንስ ፍራንስ ፕሬስ በሰጡት ቃል "እየከፋ ነው የሚሄደው፣ ጥቅምት እና ኅዳር ውስጥ ብዙ ሰው ይሞታል ብለን እንሰጋለን” ብለዋል።

የኮቪድ-19 ክትባት ቢገኝ እንኳን ዓለምቀፉ ወረርሽኝ አበቃ ማለት እንደማይሆንም አሳስበዋል።

"የሚገኘው ክትባት ለሁሉም ህዝብ የሚሆን ወይም ሁሉንም የሚረዳ እንደሚሆን አናውቅም። የተወሰነ የህዝብ ክፍል ቫይረሱን እንዲከላከል እንደሚረዳ ለሌላው ደግሞ ምንም ላይጠቅም እንደሚችል ከወዲሁ ፍንጮች እያገኘን ነው ፤ ያ ከሆነ ደግሞ የተለያዩ የክትባት ዓይነቶችን ማዘዝ ሊኖርብን ነው፤ እንደዚያ ሲሆን የሚኖረውን የማጓጓዣ እና የማከፋፈል መከራ ማየት ነው" ብለዋል።

@tikvahethiopiaBot @tikvahethiopia‌‌

ህፃናትን አስገድደው ደፍረዋል የተባሉ ግለሰቦች በእስራት ተቀጡ!

በአዊ ብሄረሰብ አስተዳደር ዞን ጃዊ ወረዳና ደብረ ማርቆስ ከተማ ህፃናትን አስገድደው ደፍረዋል ተብለው የተከሰሱ ሁለት ግለሰቦች እስከ 25 ዓመት ፅኑ እስራት ተቀጡ።

መረጃ #1 ፦

ይሉሃል እንዳለው የተባለ ግለሰብ በጃዊ ወረዳ የ11 ዓመት እድሜ ያላትን ታዳጊ ህጻን ግንቦት 17/2012 ዓ.ም አስገድዶ ደፍሯል።

የ40 ዓመት እድሜ ያለው ይሄው ግለሰብ ከደፈራት ታዳጊ ህጻን  እናት ጋር በአንድ ተቋም የሚሰሩና በጉርብትናም የሚቀራረቡ ናቸው።

ይህንን አጋጣሚ ተጠቅሞ ከህጻኗ ጋር በመቀራረብ ደፍሯታል ድርጊቱን ከፈጸመ በኋላ ለእናቷ ብትናገር እንደሚገላት ማስፈራራቱን በማስረጃ ተረጋግጧል።

ግለሰቡ በዚህ ሳያበቃ  እንደገና ግንቦት 19/2012 ዓ.ም በድጋሜ አስገድዶ ሲደፍራት ወላጅ እናቷ ደርሳ ለፖሊስ አመልክታች።

ፈጽሞታል የተባለው የወንጀሉ ድርጊት በፖሊስ ከተጣራ በኋላ  አቃቤ ህግ የመሰረተውን ክስ የተመለከተው የጃዊ ወረዳ ፍርድ ቤት በሰውና ሰነድ ማስረጃ አመሳክሮ ግለሰቡ ጥፋተኛ ሆኖ በመገኘቱ ጳጉሜን 4/2012 ዓ.ም በዋለው ችሎት በ25 ዓመት ፅኑ እስራት እንዲቀጣ ተወስኗል።

መረጃ #2 ፦

በደብረ ማርቆስ ከተማ ህጻን አስገድዶ የመድፈር ሙከራ ባደረገ ግለሰብ ላይ በ12 ዓመት ፅኑ እስራት እንዲቀጣ ተወስኗል።

የከተማ ነዋሪ የሆነው ግለሰብ ህጻኗን ብር ልስጥሽ በማለት ከቤት አታሎ በመውሰድ ሐምሌ 7/2012 ዓ/ም የመድፈር ሙከራ ማድረጉን በሰውና ሰነድ ማስረጃ ተረጋግጧል።

ድርጊቱን ፈጽሟል የተባለው የሃያ ሰባት (27) ዓመት እድሜ ያለው ጳውሎስ ምህረቴ ጥፈተኛነቱ ተረጋግጦበት የከተማው ፍርድ ቤት ጳጉሜን 5/2012 ዓ.ም  በዋለው ችሎት የቅጣት ውሳኔው ተላልፎበታል። (ኢዜአ)

@tikvahethiopiaBOT

#SPHMMC

የቅዱስ ዻውሎስ ሆስፒታል ሚሊኒየም ሜዲካል ኮሌጅ (SPHMMC) ለ3 ወር ያህል አቋርጦት የነበረውን ህክምና መስጠት እንደጀመረ የኢትዮጵያ ብሮድካስቲንግ ኮርፖሬሽን ዘግቧል።

ሆስፒታሉ የኮሮና ወረርሽኝን በመከላከል ረገድ ምርመራዎች ማካሄድና ታካሚዎችን ከመንከባከብ ጋር ተያይዞ ወደ 25 ሺህ የሚጠጉ ምርመራዎችን እንዳከናወነ ነው የገለፀው።

270 አልጋዎችንም በማዘጋጀት ከኮሮና በሽታ ጋር ተያይዞ የተለየ ህክምና የሚያስፈልጋቸውን ታካሚዎች በመቀበል አገልግሎት ሲሰጥ እንደነበር ተጠቅሷል።

ከኮሮና ቫይረስ ወረርሽኝ ጋር በተያያዘ እስከ 900 ሰዎችን በመቀበል 640 ድነው መውጣታቸውና አሁን ላይ ደግሞ 150 ሰዎች በህክምና ላይ የሚገኙ እንደሆኑ ተጠቁሟል።

@tikvahethiopiaBot @tikvahethiopia

ከ3 ሚሊዮን የሚበልጡ የሶሪያ ተማሪዎች ከእሁድ ጀምሮ ወደ ትምህርት ገበታቸው ተመልሰዋል።

ትምህርት ቤቶች የኮሮና ቫይረስ ወረርሽኝ ለመከላከል ጥብቅ የሆነ እርምጃ እየወሰዱ እንደሆነም ተገልጿል።

ሶሪያ እስካሁ 3,506 ሰዎች በቫይረሱ እንደተያዘባትንና 152 ሰዎች እንደሞቱባት ሪፖርት አድርጋለች።

ትክክለኛው በቫይረሱ የተያዙ ሰዎች እና የሞቱ ሰዎች ቁጥር ግን ከዚህ እጅግ እንደሚልቅ ይታመናል። የሀገሪቱ የምርመራ አቅም ዝቅተኛ ነው።

በሶሪያ በግል ክሊኒክ ምርመራ ለማድረግ $60 (የአሜሪካ ዶላር) የሚያስፈልግ ሲሆን መንግስት በየዕለቱ ለቫይረሱ የተጋለጡ ናቸው ላላቸው 300 ሰዎች ነፃ ምርመራ ያደርጋል።

@tikvahethiopiaBot @tikvahethiopia