#ቢጂአይ #ፐርፐዝብላክ

" ገንዘቡንም አልመልስም ሲል በደብዳቤ አሳውቋል " ፐርፐዝ ብላክ ኢትዮጵያ

" የመመለስ አለመመለሱ ጉዳይ በቀብድ ውሉ መሰረት የሚታይ ነው " - ቢጂአይ ኢትዮጵያ

ስምንት ወራትን የፈጀውና ያለስኬት የተጠናቀቀው የቢጂአይ-ኢትዮጵያ ዋና መስሪያ ቤት ህንፃ ሽያጭ ሂደት አሁን ላይ ወደ ክስ ሂደት አምርቷል።

ገዢ ሆኖ የቀረበው ፐርፐዝ ብላክ ኢትዮጵያ ክስ እስከሚመሰርት ድረስ ጊዜያዊ የእግድ ትዕዛዝ እንዲተላለፍለት ለፍርድ ቤት ጥያቄ አቅርቧል።

የእግድ ጥያቄው ምን ይላል?

- ተጠሪ (ቢጂአይ ኢትዮጵያ) ውሉን እንዳያቋርጥና እንዳይጥስ ታግዶ እንዲቆይ

- በብሔራዊ ባንክ ስር በሚተዳደሩ ማንኛውም ባንክ በተጠርጣሪ ስም ያለ እስከ 1ቢሊዮን 519 ሚሊዮን ብር ሳይንቀሳቀስ ታግዶ እንዲቆይ፤

- ለሽያጭ የቀረበው በአጠቃላይ ስፋቱ 29 ሺህ 896.51 ካ.ሜ የሆነው ይዞታ እንዲታገድ ሲል ጥያቄ አቅርቧል።

ከዚህ በተጨማሪ ለፍርድ ቤቱ ባቀረበው አቤቱታ " በውላችን አንቀጽ 6 መሰረት በሰነዶች ማረጋገጫና  ምዝገባ አገልግሎት ቀርቦ ውሉን መፈረም ሲጠበቅበት ውሉን አቋርጫለው ክፍያውንም አልመልስም ሲል የህዝብና የደሃ ማኅበረሰብን ገንዘብ ከህግና ከሥርዓት ውጪ የማይገባ ጥቅም ለማግኘት ውሉን አቋርጧል፤ ገንዘቡንም አልመልስም ሲል በደብዳቤ አሳውቋል " ሲል ገልጿል

ቢጂአይ ኢትዮጵያ ሐሙስ የካቲት 28 ዕለት በሰጠው መግለጫ የድርጅቱ የህግ ክፍል ዳይሬክተር አቶ ነጋ ምህረቴ " ገንዘቡን የመመለስ ያመመለስ ጉዳይ በቀብድ ውሉ መሰረት የሚታይ ነው " ሲሉ ገልጸው ነበር።

ተጨማሪ መረጃ ቲክቫህ ኢትዮጵያ የጠየቃቸው የቢጂአይ የኮርፓሬት ኮሙኒኬሽን ዳይሬክተር በኃይሉ አየለ " ቢጂአይ-ኢትዮጵያ በፍርድ ቤት በተያዘ ጉዳይ ላይ አስተያየት አይሰጥም " የሚል ምላሽ ሰጥተውናል።

የፍርድ ቤቱ የእግድ ትዕዛዝ ምን ይላል ?

በብሔራዊ ባንክ ስር በሚተዳደሩ ማንኛውም ባንክ በተጠርጣሪ ስም ያለ እስከ 1ቢሊዮን 519 ሚሊዮን ብር ሳይንቀሳቀስ ታግዶ እንዲቆይ እና የክርክሩ ምክንያት የሆነው ይዞታ እንዲታገድ ትዕዛዝ አስተላልፏል።

ተጠሪ ውሉን እንዳይቋረጥ እና እንዳይጥስ የቀረበውን አቤቱታ ፍርድ ቤቱ ውድቅ ያደረገው ሲሆን ለዚህም "የውሉ ህጋዊነት ክርክር የሚያስነሳ ስለሆነ አመልካች (ፐርፐዝ ብላክ) ተጠሪ ውሉን እንዳይጥስ የጠየቀውን እግድ ፍርድ ቤቱ አልተቀበለውም" ሲል በትዕዛዙ ላይ ጠቅሷል።

ይህ የእግድ ውል የሚቆየው ለ20 ቀናት (እስከ መጋቢት 17) ወይም ከግራ ቀኙ አንዱ አቤቱታ ሲያቀርቡ መሆኑን የካቲት 28 ስምት ቀን ባሳለፈው ትዕዛዝ ጠቅሷል።

መረጃው በአ/አ የቲክቫህ ቤተሰብ አባል ተዘጋጅቶ የቀረበ ነው።

@tikvahethiopia

ረመዷን ነገ ይጀምራል።

በሳውዲ አረቢያ የረመዳን ወር መግቢያ ጨረቃ በመታየቷ የታላቁና ቅዱሱ የረመዳን ወር ጾም ነገ ሰኞ ይጀምራል።

@tikvahethiopia

#ረመዷን

የኢትዮጵያ እስልምና ጉዳዮች ጠቅላይ ምክር ቤት ፕሬዜዳንት ሸይኽ ሐጂ ኢብራሂም ቱፋ ፦

" ታላቁ የረመዳን ወር የእዝነት፣ የመተሳሰብ፣ የምህረት ወር በመኾኑ ደካሞችን፣ ችግረኞችን፣ ተፈናቃዮችን እንዲሁም ወላጅ አልባ ሕጻናትን በመርዳትና ማዕዳችንን በማካፈል በመተሳሰብና አላህን በመለመን ልናሳልፈው ይገባል።

የረመዳን ወር የእዝነት፣ የምህረትና ከእሳት ነጃ የምንወጣበት፣ አላህ ዘንድ ተቀባይነት ያለው የዒባዳ ወር ይሁንልን።

መንፈሳዊ ልዕልና የሚኖረው #ሰላም ሲኖር በመኾኑ፣ ለሀገራችን ሰላም እና ለሕዝባችን ደኅንነት ዱዐ ልናደርግ ይገባል።

ለመላው ሙስሊም ማኀበረሰብ እንኳን ለ1445 ዓ.ሂ /2016 የረመዷን ወር በሰላም አደረሳችሁ። "

@tikvahethiopia

#ረመዷን

ሙፍቲ ኢስማኤል ሜንክ (ዶ/ር) ፦

" ረመዷን ምንድን ነው ? ሰዎች እየፆምን ነው ይላሉ ይህ ግን የረመዷን አንዱ ክፍል ብቻ ነው።

ረመዷን ፦
🤲 #የሰላም ወር ነው፤
🤲 #የመረጋጋት ወር ነው፤
🤲 #የመፈወሻ ወር ነው፤
🤲 #የቸርነት ወር ነው፤
🤲 #የምህረት ወር ነው፤
🤲 #የይቅርታ ወር ነው፤
🤲 #ጀነትን የምናገኝበት ወር ነው፤
🤲 ይህ ወር #ሙስሊም መሆናችንን የምናከብረበት ነው ፤ ሙስሊም በመሆናችን #ራስን_መግዛትን የምንለማመድበት የፈለግነውን ብቻ ሳይሆን ሁሉን ቻይ የሆነው አላህ የወሰነውን የምናደርግበት ወር ነው ፤  ሱብሃንአላህ ! ስለዚህ ለአላህ ቃል ጥረት ማድረግ ግዴታችን ነው። "

መልካም #የረመዷን_ጾም ለመላው የእስልምና እምነት ተከታዮች እንዲሆን ቲክቫህ ኢትዮጵያ ይመኛል።

@tikvahethiopia

በነገው ዕለት የዐቢይ ጾም እንዲሁም የረመዷን ወር ጾም ይጀምራል።

ቲክቫህ ኢትዮጵያ መልካም የዐቢይ ጾም እንዲሁም መልካም የረመዷን ጾም እንዲሆን ከልብ ይመኛል።

በነገው ዕለት የሚጀምሩት አጽዋማት የፈጣሪን በረከት ፣ ዕርቅ ፣ ምህረት ፤ ለመላው ሀገራችን ፍጹም ሰላም እና መረጋጋትን የሚያመጡ እንዲሆኑ እንመኛለን።

#ኢትዮጵያ #Ethiopia #ክርስትና #እስልምና

@tikvahethiopia

PHOTO ፦ የመጀመሪያው ምሽት ተራዊህ ሶላት በሳዑዲ አረቢያ - #RAMADAN #ረመዷን ☪️

Photo Credit : Haramain

@tikvahethiopia