#BREAKING

ዊሊያም ሩቶ የኬንያን ምርጫ ማሸነፋቸው ይፋ ሆነ።

የኬንያ ምርጫ ኮሚሽን በቦማስ ማዕከል ዊልያም ሩቶ ፕሬዚዳንታዊ ምርጫውን ማሸነፋቸውን ይፋ አድርጓል።

ዊልያም ሩቶ እና ራይላ ኦዲንጋ በተቀራራቢ ውጤት አንገት ለአንገት ተናንቀው እስከ አሁኗ የውጤት መግለጫ ሰዓት የደረሱ ሲሆን በመጨረሻም የፕሬዜደንታዊ ምርጫው አሸናፊ ዊሊያም ሩቶ መሆናቸውን በቦማስ ማዕከል ባለው ኮሚሽን ተገልጿል።

ሩቶ ያሸነፉት ከተሰጠው ጠቅላላ ድምፅ 50.49% በማግኘት ሲሆን ራይላ ኦዲንጋ 48.8% ድምፅ አግኝተዋል።

@tikvahethiopia

#ኬንያ

የሀገራችን ጠ/ሚር ዶክተር ዐቢይ አህመድ እና የዝምባብዌው ፕሬዝዳንት ኤመርሰን ምናንጋግዋ የኬንያ ምርጫ ውጤት ይፋ መደረጉን ተከትሎ ለዊልያም ሩቶ የ " እንኳን ደስ አልዎት " መልዕክት ያስተለለፉ የመጀመሪያዎቹ የዓለም ሀገራት መሪዎች ሆነዋል።

@tikvahethiopia

ተቃውሞ እና ደስታ በጎረቤት ኬንያ !

ዛሬ በኬንያ የፕሬዜዳንታዊ ምርጫ ይፋ መደረጉን ተከትሎ ውጤቱን እንደማይቀበሉ የገለፁ የራይላ ኦዲንጋ ደጋፊዎች ተቃውሞ ማሰማት መጀመራቸው ፤ በአንዳንድ ቦታዎችም አመፅ መቀስቀሳቸው ተሰምቷል።

ከዚህ በተቃራኒው በጠባብ ውጤት እንዳሸነፉ የተነገረላቸው የዊሊያም ሩቶ ደጋፊዎች አደባባይ በመውጣት ደስታቸውን እየጨፈሩ በመግለፅ ላይ ናቸው።

የራይላ ደጋፊዎች በተለይም በኪሱሙ መንገድ በመዝጋት ፣ ጎማዎችን በማቃጠል የምርጫውን ውጤት እንደማይቀበሉት ገልፀዋል። ደጋፊዎቹ ሰዎች ላይ ድንጋይ ሲወረውሩም እንደነበር ታይቷል።

የፀጥታ ኃይሎች ሁኔታውን ለመቆጣጠር አስለቃሽ ጭስ እስከመተኮስ መድረሳቸውም ተሰምቷል።

ኪሱሙ የራይላ ኦዲንጋ ደጋፊዎች በብዛት ያሉበት ነው።

በሌላ በኩል በኪቤራ የራይላ ኦዲንጋ ደጋፊዎች " ራይላ ከሌለ ሰላም የለም " እያሉ ጎማ በማቃጠል የምርጫው ውጤት መጭበርበሩን በመግለፅ እንደማይቀበሉት አሳውቀዋል።

ከዚህ በተቃራኒ በተለያዩ ከተሞች የዊሊያም ሩቶ ደጋፊዎች በውጤቱ ደስታቸውን በተለያየ መንገድ እየገለፁ ይገኛሉ።

@tikvahethiopia

#HappeningNow #AddisAbaba

በ2015 ዓ/ም የትምህርት ዘመን ወደ ሙሉ ትግበራ በሚግባው አዲሱ ስርዓተ ትምህርት ዙሪያ ውይይት ተጀመረ።

የአዲስ አበባ ከተማ አስተዳደር ትምህርት ቢሮ እና ስልጠና እና ጥራት ቁጥጥር ባለስልጣን በ2015 የትምህርት ዘመን ወደ ሙሉ ትግበራ የሚገባውን አዲሱ ስርዓተ ትምህርት ትግበራን በተመለከተ ከግል እና መንግስታዊ ካልሆኑ ትምህርት ተቋማት ባለቤቶች ጋር የውይይት መድረክ መካሄድ መጀመሩን ከአዲስ አበባ ትምህርት ቢሮ የተገኘው መረጃ ያሳያል።

ከትምህርት ሚኒስቴር ሚኒስትር ፕ/ር ብርሃኑ ነጋ እንደተገኘው መረጃ ፤ የአዲሱ ስርዓተ ትምህርት በመጀመሪያ ደረጃ ትምህርት ቤቶች ላይ በተወሰኑ ትምህርት ቤቶች ተሞክሮ የተጠናቀቀ ሲሆን ከሚቀጥለው ዓመት ጀምሮ በሁሉም ትምህርት ቤቶች ስራ ይጀምራል ተብሎ ይጠበቃል።

በተመሳሳይ በቀጣይ ዓመት የ2ኛ ደረጃ ካሪኩለም የሙከራ ስራ በተወሰኑ ትምህርት ቤቶች ላይ የሚሞከር ሲሆን 2016 ዓ/ም ላይ ሙሉ ለሙሉ ተግባራዊ መሆን ይጀምራል።

@tikvahethiopia

#Scotland

ስኮትላንድ የሴቶች የንጽህና መጠበቂያ ምርቶችን በነጻ የማግኘት መብትን የሚያስከብር ሕግን ማፅደቋን ቢቢሲ አስነብቧል።

ወዲያው ተግባራዊ እንዲሆን የተደረገው ሕግ የንጽህና መጠበቂያ ምርቶችን በነጻ የማግኘት መብትን ለመጠበቅ አዲስ ሕግ ያወጣች የዓለማችን የመጀመሪያዋ አገር በመሆን እንድትመዘገብ አድርጓታል።

በዚህ ሕግም ሕዝብ የሚገለገልባቸው ህንጻዎች፣ ትምህርት ቤቶች፣ ኮሌጆች እና ሌሎች ተቋማት የሴቶች የንጽህና መጠበቂያ ምርቶችን #በነጻ_ለማቅረብ ይገደዳሉ።

የየአካባቢው ባለሥልጣናት ማንኛውም ምርቶችን የሚፈልግ ሰው በነጻ እንዲያገኝ የማመቻቸት ግዴታ አለባቸው ተብሏል።

Credit : BBC

@tikvahethiopia

#Amhara

አቶ ደጀኔ ልመንህ የአማራ ክልል ፖሊስ ኮሚሽን ኮሚሽነር ሆነው ተሾሙ።

የአማራ ብሄራዊ ክልል መንግስት ፕሬዝዳንት ዶ/ር ይልቃል ከፋለ የተለያዩ ሹመቶችን ሰጥተዋል።

በዚህም ፦

አቶ ደጀኔ ልመንህ የአማራ ክልል ፖሊስ ኮሚሽን ኮሚሽነር አድርገው ሲሾሙ ረዳት ኮሚሽነር ታደሰ አያሌው ም/ኮሚሽነር እና የወንጀል ምርመራ ዘርፍ ኀላፊ አድርገው ሾመዋል።

በተጨማሪም ረ/ኮሚሽነር ሠይድ አህመድ ም/ኮሚሽነር እና የአስተዳደር ልማት ድጋፍ ዘርፍ ኀላፊ እንዲሁም ረ/ኮሚሽነር እንዬው ዘዉዴ ም/ኮሚሽነር እና የወንጀል መከላከል ዘርፍ ኀላፊ አድርገው ሾመዋቸዋል።

መረጃው ከአማራ ፖሊስ የተገኘ ነው።

@tikvahethiopia

#ጥቆማ #YALI2023

የማንዴላ ዋሽንግተን ፌሎ ሺፕ ፕሮግራም የ2023 (Mandela Washington Fellowship) ማመልከቻ ዛሬ ክፍት ተደርጓል።

በአህጉሪቱ ያሉ ወጣቶች ተወዳድረው #በአሜሪካ ሀገር በሚደረግ ሥልጠና ላይ እንዲሳተፉ እድሉ ተመቻችቶላቸዋል።

ከዚህ ቀደም በርካታ #ኢትዮጵያውያን ወጣቶች እድሉን ተጠቅመው ይህንን ሥልጠና ወስደዋል።

በሥልጠናው ላይ ለመሳተፍ የሚያስፈልጉትን መስፈርቶችን ለማየትና ለማመልከት ይህን ይጫኑ👇
https://www.mandelawashingtonfellowship.org/apply/

👉 Application Timeline :

• August 16, 2022 | Application opens

• September 13, 2022 | Application deadline

• November 2022 – January 2023 | Semi-finalists interviewed by local U.S. embassies and consulates

• March 2023 | Applicants are notified of their status

• May 2023 | Visa processing and Pre-Departure Orientations for Finalists

• June 2023 | Fellowship begins in the United States

Via @tikvahethmagazine

ሳፋሪኮም ኢትዮጵያ የተነሳበት ተቃውሞ ምንድነው ?

ከሰሞኑን በማህበራዊ ሚዲያዎች ስራ ሊጀምር በዝግጅት ላይ በሚገኘው ሳፋሪኮም ኢትዮጵያ ላይ ዘመቻ እየተካሄደ ይገኛል።

የዘመቻው ምክንያት ቅጥር የሚፈፀመው እና ውክልና የሚሰጠው አግላይ በሆነ መንገድ ነው በሚል ነው።

#በተለይ ደግሞ በድርጅቱ የሰራተኞች አቀጣጠር እና ውክልና አሰጣጥ ላይ ቅሬታ አለን ያሉ ኢትዮጵያውያን የኦሮሞ ተወላጆች ድርጅቱ ከአድሎ እንዲታቀብ ፣ ኢትዮጵያን እንዲመስል፣ ሁሉንም እንዲያቅፍ ካልሆነ በኦሮሚያ ክልል ያለው ህዝብ የድርጅቱ ደንበኛ እንዳይሆንና አገልግሎቱን እንዳይጠቀም ዘመቻ እንደሚያካሂዱ አስጠንቅቀዋል።

ከተነሱ ቅሬታዎችና ፍትሃዊ የሆነ አሰራር ተጓድሏል ከተባሉ ጉዳዮች መካከል የሲም ካርድና ሞባይል ካርድ አከፋፋዮች ላይ አድሎ አለ፣ የህትመት የማስታወቂያ የፕሮዳክሸን ስራዎች በአድሎ ተሰጥተዋል፤ እየተፈፀመ ያለው ቅጥር በቂ ልምድ ያላቸውን የኦሮሚያ ተወላጆችን ባገለለ መልኩ ነው፤ በድርጅቱ በየእርከኑ የተመደቡ ኃላፊዎች በአድሎ የተመደቡ ናቸው፤ ድርጅቱ ኦሮሚያ ክልል ላይ አፋን ኦሮሞ ላለመጠቀም ሲያንገራግር ነበር የሚሉ ናቸው።

ጉዳዩን በተመለከተ በቀጥታ ከድርጅቱ ምላሽ ለማግኘት ያደረገው ጥረት ለጊዜው አልተሳካም ፤ ነገር ግን ድርጅቱ በፌስቡክ ገፁ ዘመቻውን እየመሩ ናቸው ካላቸው ተወካዮች ጋር መነጋገሩን አሳውቋል።

ሳፋሪኮም በውይይቱ የተወካዮቹን ስጋት በጥሞና ማዳመጡን ገልጿል። " ሁሉንም ኢትዮጵያ ሚወክል ድርጅት ያለአንዳች ወገንተኝነትና አድሎ እየገነባን እንደሆንን አረጋግጠንላቸዋል " ብሏል።

" በማንኛውም ጊዜ ለውይይት ዝግጁ ነን " ያለው ሳፋሪኮም ኢትዮጵያ ፤ " ሁሉንም ቋንቋዎች እና ባህሎች ባከበረ መንገድ ሁሉንም ኢትዮጵያ ለማገልገል ቁርጠኞች ነን " ሲል አሳውቋል።

@tikvahethiopia