#DrAbebechGobena

የእናታችን የክብርት ዶ/ር አበበች ጎበና የ80 ቀን መታሰቢያና የሐውልት ምርቃት ዛሬ ቅዳሜ ጥቅምት 6 ቀን 2014 ዓ/ም በመንበረ ጸባዖት ቅድስት ሥላሴ ካቴዴራል ተካሂዷል።

@tikvahethiopia

ዛሬ በመንበረ ጸባዖት ቅድስት ሥላሴ ካቴዴራል በተካሄደው የእናታችን የክብርት ዶ/ር አበበች ጎበና የ80 ቀን መታሰቢያና የሐውልት ምርቃት በመላው የቲክቫህ አባላት ስም የአበባ ጉንጉን አስቀምጠናል።

እናታችን ክብርት ዶ/ር አበበች ጎበና ስራቸው ሁሌም ሲታወስ የሚኖር የፍፁም ደግነት ምልክት / ለሚሊዮኖች ተምሳሌት የሆኑ አፍሪካዊ እናት ናቸው።

@tikvahethiopia

#Update

ደምቢ ዶሎ ዩኒቨርሲቲ ለፖለቲከኛ አቶ ሌንጮ ለታ የክብር ዶክትሬት ሰጥቷል።

ዛሬ የተማሪዎች የምረቃ ስነ ስርዓቱን ያከናውነው ደምቢ ዶሎ ዩኒቨርሲቲ ፤ ለረጅም ዘመን ፖለቲከኛው ሌንጮ ለታ የክብር ዶክትሬት አበርክቷል።

ዩኒቨርሲቲው አቶ ሌንጮ ለታ "ላበረከቱት የረጅም ዘመን አስትዋጽኦ የክብር ዶክትሬት መስጠቱን" ገልጿል።

@tikvahuniversity

#Update

አዲሱ የደቡብ ምዕራብ ኢትዮጵያ ህዝቦች ክልል ሕገ መንግሥት ረቂቅን አስመልክቶ በቤንች ሸኮ ዞን ከሚገኙ የተለያዩ ባለድርሻ አካላት ጋር የውይይት መድረክ በሚዛን አማን ከተማ እየተደረገ ነው።

የክልሉ ህገ መንግስት በ11 ምዕራፍና በ124 አንቀጾች የተዋቀረ መሆኑን በመድረኩ ተገልጿል።

በተመሳሳይ ደቡብ ምዕራብ ኢትዮጵያ ክልል አዲስ ህገ-መንግስት ረቂቅ ላይ በዳውሮ ዞን ውይይት እየተደረገ ይገኛል።

የተዘጋጀው ህገ-መንግስት የክልሉ የሥራ ቋንቋ ፣ ብሔራዊ መዝሙር፣ ስደቅ አላማና የመሳሰሉትን ያካተተ ሲሆን ለውይይት ቀርቦ ሀሳብና አስተያየት ይሰጥበታል፡፡

ለአዲሱ ክልል የተቀረፀው ህገ መንግስት በሀገሪቷ ህገ-መንግስት እና የሌሎች ክልሎች ተሞክሮ በመቀመር የተዘጋጀ እንደሆነ በመድረኩ ተገልጿል።

በህገ-መንግስት ዙሪያ ማብራሪያ የሰጡት አቶ ብርሃኑ አታሮ ፥ የልማትና የመልካም አስተዳደር እንዲሁም የፍትሐዊ ተጠቃሚነት ችግሮችን ለመቅፍ እንዲቻል የተመሠረተው አድሱ ክልል የክልሉ የስራ ቋንቋ አማርኛ እንሚሆንና ሌላው የክልሉ አካባቢዎች ቋንቋ በምክር ቤት ይሁንታ ካገኝ ሊወሰን እንደሚችል በህገ-መንግስቱ መካተቱን አሳውቀዋል።

የአዲሱ ክልል ህዝበ ውሳኔ ጽ/ቤት ኃላፊ ኢንጅነር ምትኩ በድሩ በበኩላቸው ፤ የክልሉ መቀመጫን በሚመለከት በአንድ ማዕከል እንደማይሆንና ይህም በፊት ሲቀርብ የነበረው አንድ ከተማን ብቻ የማሳደግ ችግርን የሚፈታ ነው ብለዋል።

አዲሱ የደቡብ ምዕራብ ኢትዮጵያ ህዝቦች በሀገሪቱ 11ኛ ክልል ሆኖ በፌዴሬሽን ምክር ቤት በቅርቡ በይፋ ይመሰረታል ተብሎ ይጠበቃል።

ምንጭ፦ የደቡብ ክልል ሬድዮ እና ቴሌቪዥን

@tikvahethiopia

" ደንበኞች በሚበዙበት አካባቢ የፖስ ማሽን የሙከራ አገልግሎት እየተሰጠ ነው " - የኢትዮጵያ ኤሌክትሪክ አገልግሎት

የኢትዮጵያ ኤሌክትሪክ አገልግሎት የቅድመ ክፍያ ተጠቃሚ ደንበኞች በሚበዛባቸው አካባቢዎች የሚስተዋለውን መጨናነቅ ለመቀነስ የሚያስችል የፖስ ማሽን የሙከራ አገልግሎት መስጠት መጀመሩን አሳውቋል።

የፖስ ማሽን የሙከራ አገልግሎቱ በስራ ላይ የዋለው በአዲስ አባባ በአራቱም ዲስትሪክቶች በሚገኙና ደንበኛ በሚበዛባቸው የአገልግሎት መስጫ ማዕከላት ነው፡፡

በሙከራ ደረጃ አገልግሎት መስጠት የጀመሩት ፖስ ማሽኖች ብዛት 15 ሲሆኑ በቀጣይም አዋጭነታቸው እየታየ ደንበኛ በሚበዛባቸው ማዕከላትና በተመረጡ የንግድ ድርጅቶች፣ ሱፐር ማረኬቶች እንዲሁም ተደራሽ በሆኑ አካባቢዎች አገልግሎቱ የሚሰጥ ይሆናል ብሏል ተቋሙ።

ተጨማሪ ፖስ ማሽኖችን በስራ ላይ ለማዋል ከአቅራቢ ድርጅቶች ጋር የኮንትራት ውል ስምምነት ፈርሞ ማሽኖችን ለማስገባት በዝግጅት ላይ እንደሚገኝም ገልጿል።

በሌላ በኩል ፥ ተቋሙ የቅድመ ክፍያ ተጠቃሚ ደንበኞችን ድካምና እንግልት ለማስቀርትና ካርድ ለማስሞላት የሚያጠፉትን ጊዜ ለማስቀረት በእጅ ስልካቸው አፕልኬሽን በመጫን ኤሌክሪክ ሃይል መሙላት የሚችሉበትን ሁኔታ ለመፍጠር እየሰራ እንደሚገኝ አሳውቋል።

@tikvahethiopia

#ItsMyDam🇪🇹

በታላቁ የኢትዮጵያ ህዳሴ ግድብ ጉዳይ የጅማ ፣ አዲስ አበባ ፣ ባህር ዳር እና አርባ ምንጭ ዩኒቨርሲቲዎች በውጭ ካሉ ተመራማሪዎች ጋር የሚመክሩበት የኦን ላይን ሲምፖዚም ይካሄዳል።

ሲምፖዚየሙን ያዘጋጀው የኢትዮጵያ ውሃ ጉዳዮች መማክርት ነው።

ይህን ዓለም አቀፍ ሲምፖዚየም ለማካሄድ መነሻ ሃሳቡን በተመለከተ ከአስተባባሪዎች አንዱ የሆኑት ፕ/ር አቻምየለህ ደበላ እንዲህ ሲሉ አብራርተዋል ፦

" ዓለም አቀፍ ይዘት ያለው አንድ ተለቅ ያለ ይዘት ያለው ጉባኤ ብንፈጥር በዛ ጉባኤ አማካኝነት በተለይ ኢትዮጵያውያኖችን እና የውጭ ሰዎችን ጋብዘን የኢትዮጵያውያን ሳይንቲስቶች ድምፅ የሚሰማበትና በተለይ እውነታው ከምን ጋር እንደሆነ እንዲያውቁ ያደርጋል በሚል ነው የተነሳነው። "

በሲምፖዚየሙ ላይ የህዳሴውን ግድብ በተመለከተ የኢትዮጵያን ትርክት ለዓለም አቀፉ ማህበረሰብ በማስረዳት በምክንያታዊነት ላይ የተመሰረተ ህጋዊ ድጋፍ ለማሰባሰብ ታልሟል።

ይህን ሲምፖዚየም በሚኒስትር ማዕረግ የድንበር ተሻጋሪ ወንዞች እና የህዳሴድ ግድብ ዋና ተደራዳሪ እና አማካሪ ዶ/ር ኢ/ር ስለሺ በቀለ ነው ይከፍቱታል ተብሎ ነው የሚጠበቀው።

ሲምፖዚየሙ የአባይን ጉዳይ ከብዙ አቅጣጫ ለማየት የሚሞክር መሆኑን ደግሞ ከአስተባባሪዎች መካከል አንዷ የሆኑት መቅደላዊት መሳይ ተናግረዋል።

አስተባባሪዋ ሲምፖዚየሙ ኢትዮጵያውያን ስለህዳሴ ግድቡ በሚገባ አውቀው ለሀገራቸው ትልም እንዲሞግቱ ያደርጋል ተብሎ ታምኖበታል።

ሲምፖዚየሙ ዛሬ ቅዳሜ እና ነገ እሁድ እንዲሁም በቀጣዩ ሳምንት ቅዳሜና እሁድ (ለ4 ቀናት) በኦንላይን በአማርኛ እና በእንግሊዝኛ ቋንቋ እንደሚካሄድ የጀርመን ድምፅ ሬድዮ ጣቢያ (ዶቼ ቨለ) ከአስተባባሪዎች መስማቱን ዘግቧል።

@tikvahethiopia