አሜሪካ በኤርትራ ጦር አዛዥ ላይ ማዕቀብ ጣለች።

አሜሪካ የኤርትራ ጦር በትግራይ ክልል ፈጽሟል ባለችው የሰብዓዊ መብት ጥሰት ምክንያት በጦሩ ዋና አዛዥ ላይ ማዕቀብ መጣሏን አስታወቀች።

ማዕቀቡ በኤርትራ ጦር ጠቅላይ ኤታማዦር ሹም ጄነራል ፊሊጶስ ወልደዮሀንስ ላይ የተጣለ ነው፡፡

ማዕቀቡን የተጣለው በአሜሪካ የፌዴራል ግምጃ ቤት (ትሬዠሪ) በኩል ሲሆን አዛዡ በአሜሪካ ያላቸው ሀብት እንዲታገድ እንደተወሰነ ግምጃ ቤቱ በድረገጹ ባወጣው መረጃ አስታውቋል።

አሜሪካ በጄነራል ፊሊጶስ ወልደዮሀንስ የሚመራው የኤርትራ ጦር በኢትዮጵያ ትግራይ ክልል የሰብአዊ መብት ጥሰቶችን ፈጽሟል፤ ሴቶችን ደፍሯል እንዲሁም ወጣቶችን እና ንጹሀን ዜጎችን ቤት ለቤት በመግባት ገድሏል ስትል ከሳለች።

የኤርትራ ጦር የኢትዮጵያ ፌደራል መንግስት የተናጠል የተኩስ አቁም ካደረገ በኋላም ተመልሶ ወደ ትግራይ ክልል ገብቷል የሚለው የአሜሪካ ግምጃ ቤት ጦሩ በአስቸኳይ ወደ ኤርትራ እንዲመለስ ጠይቋል።

ውሳኔው አሜሪካ ለሰብአዊ መብት ጥበቃ ላላት ቁርጠኝነት ማሳያ ተደርጎ ሊወሰድ እንደሚችልም ነው ግምጃ ቤቱ ያስታወቀው።

አሁንም ጦርነቱ በኢትዮጵያ እየተካሄደ ነው የሚለው የህ ተቋም በቀጠለው ግጭት ምክንያት እርዳታ የሰብአዊ መብት ድጋፍ ለሚያስፈልጋቸው ዜጎች ማድረስ ባለመቻሉ ሁሉም አካላት ግጭቱን እንዲያስቆሙ ጠይቋል።

ኤርትራ ማዕቀቡን በተመለከተ እስካሁን የሰጠችው ምላሽ የለም፡፡

የመረጃ ባለቤት፦ አል አይን ኒውስ

@tikvhethiopia

#Eritrea

ኤርትራ፤ አሜሪካ በሀገሪቱ የጦር መሪ ጄነራል ፊሊጶስ ወልደዮሀንስ ላይ የጣለችውን ማዕቀብ "መሠረተ ቢስ" ስትል ውድቅ አድርጋዋለች።

ኤርትራ "ህገ ወጥ" ያለችውን የአሜሪካን ማዕቀብ በተመለከተ በውጭ ጉዳይ ሚኒስቴሯ በኩል መግለጫ አውጥታለች።

አሜሪካ በጠቅላይ ኤታማዦር ሹም ጄነራል ፊሊጶስ ወልደዮሀንስ ላይ "ተቀባይነት የሌላቸውን ክሶች ሰንዝሯል" ያለው መግለጫው የኤርትራ መንግስት የተቃጣበትን መሠረተ ቢስ ውንጀላና ክስ በደብዳቤም ሆነ በመንፈስ እንደማይቀበል አስታውቋል።

የአሜሪካ አስተዳደር እንዲህ ዐይነት መሠረተ ቢስ የውንጀላ ዘመቻዎችን በኤርትራ ላይ ሲያርግ የመጀመሪያው እንዳይደለም ሲል ጠቁሟል።

ባሳለፍነው መጋቢት መባቻ ላይ የኤርትራ የውጭ ጉዳይ ሚኒስትር ዑስማን ሳሌህ ለአሜሪካው የውጭ ጉዳይ ሚኒስትር አንቶኒ ብሊንከን "እንዳለመታደል ሆኖ በሚዲያዎች በሚነዙ ያልተረጋገጡ መረጃዎች ላይ ተመስርተው ማደማደሚያዎችን ይሰጣሉ" ሲሉ በጻፉት ደብዳቤ "ተከታታይ የአሜሪካ አስተዳደሮች ባለፉት 30 ዓመታት በኤርትራ ላይ ሲያራምዱት ወደነበረው ፖሊሲ የተመለሱ በሚያስመስለው ደብዳቤዎ አዝኛለሁ" ሲሉ ቅሬታቸውን ገልጸው እንደነበር አስታውሷል።

ሚኒስትሩ ወደ ዝርዝር ጉዳዮች አልገባም ባሉበት በዚህ ደብዳቤ መፍትሔዎች ሊኖሩ ይችላሉ በሚል ስለመግለጻቸው ነው የተጠቀሰው።

ኤርትራ ምክንያታዊ ያልሆኑ ተደጋጋሚ ክሶችን በዝምታ ልታልፍ እንደማትችልም ይጠቁማል። "ሃሰተኛ" ያለው ውንጀላ ሊጣራ የሚችል ነገር ካለው በገለልተኛ አካል እንዲጣራም ለአሜሪካ አስተዳደር ጥሪ አቅርቧል።

የUN የጸጥታው ም/ቤት ተደጋጋሚ የዓለም አቀፍ ህግጋትና የሃገራትን የሉዓላዊነት ጥሰቶች በመግታትና መፈትሔ በመፈለግ ረገድ ኃላፊነቱን እንዲወጣም አሳስቧል።

(አል-ዓይን)

@tikvahethiopia

#SUDAN

በአብዬ ግዛት የተሰማራው የኢትዮጵያ ሰላም አስከባሪ ጦር እንዲወጣ ያቀረበችውን ጥያቄ ተመድ እንደተቀበላት ሱዳን አስታወቀች፡፡

የሱዳን ውጭ ጉዳይ ሚኒስትር የሆኑት መርያም አል ሳዲቅ አል መህዲ ከተመድ ዋና ጸሃፊ የምስራቅ አፍሪካ ልዩ መልዕክተኛ ፓርፊት አንያንጋ ጋር ትናንት ሰኞ ምሽት የበይነ መረብ ውይይት አድርገዋል፡፡

በውይይቱ የድርጅቱ የሰላም አስከባሪ ዋና ኃላፊ ዦን ፔሬ ላክሮይ እንዲሁም የኦፕሬሽን ዋና ኃላፊ አቱል ካሪ ተካፍለዋል፡፡

ውይይቱ በዋናነት በአብዬ ግዛት ስለተሰማራው የተመድ ጊዜያዊ የጸጥታ ኃይል ሁኔታ ላይ ያተኮረ ነበር፡፡

የጸጥታ ኃይሉ አካል ሆኖ በስፍራው ሚገኘው የኢትዮጵያ ሰላም አስከባሪ ጦር በሱዳን ጥያቄ በቀጣዮቹ ሶስት ወራት ውስጥ ለቆ እንዲወጣ ስምምነት ስለተደረሰባቸው ሁኔታዎች በውይይቱ መነሳቱንም ነው የሃገሪቱ ዜና አገልግሎት (ሱና) የዘገበው፡፡

ተመድ የሱዳንን ሁኔታ ተረድቶ የኢትዮጵያ ሰላም አስከባሪ ጦር ወጥቶ በሌላ ይተካ የሚለውን ጥያቄ በመቀበሉ ያመሰገኑት መርያም አል ሳዲቅ ሃገራቸው ከደቡብ ሱዳን ጋር ያላትን ግንኙነት የበለጠ ለማጠናከር እንደምትሰራ ገልጸዋል፡፡

የኢትዮጵያ ሰላም አስከባሪ ጦር በቶሎ ሊወጣ የሚችልበትን የተቀላጠፈ ሁኔታ ለማመቻቸትም እና ለተተኪው አቀባበል ለማድረግ ቃል ገብተዋል፡፡

ሱዳን በጋራ የድንበር ጉዳዮች ላይ ያሉ ጋሬጣዎችን በማጽዳት የራሷን ሚና እንደምትጫወትም ነው ሚኒስትሯ የገለጹት፡፡

በአሀኑ ወቅት ከ3 ሺህ በላይ የኢትዮጵያ ሰላም አስከባሪ ሀይል በአብዬ ግዛት እንዳለ የመንግስታቱ ድርጅት ሪፖርት ያስረዳል።

ደቡብ ሱዳን ከሱዳን በህዝበ ውሳኔ ነጻ አገር ለመመስረት መወሰኗን ተከትሎ ነበር የኢትዮጵያ ሰላም አስከባሪ ሀይል ወደ አብዬ ግዛት የተሰማራው።

(አል-ዓይን ኒውስ)

@tikvahethiopia

#MinistryofPeace

የሰላም ሚኒስትር ወይዘሮ ሙፈሪሃት ካሚል ከአፍሪካ ቀንድ ልዩ ተወካይ ዶክተር አኔቴ ዌበር ጋር ተወያይተዋል።

በውይይየታቸው ወ/ሮ ሙፈሪያት በኢትዮጵያ ወቅታዊ ሁኔታና ቀጠናዊ ጉዳዮች ዙሪያ ማብራሪያ ሰጥተዋል። የአውሮፓ ህብረት ለኢትዮጵያ ልማት በተለያዩ መስኮች እያደረገ ለሚገኘው ድጋፍ አመስግነዋል።

ዶ/ር አኔቴ ዌበር በበኩላቸው፥የአውሮፓ ህብረት ከኢትዮጵያ መንግስት ጋር ለረጅም ዘመናት የቆየውን መልካም የዲፕሎማሲያዊ እና የልማት ትብብር ለመቀጠል ያለውን ጠንካራ ፍላጎት መግለጻቸውን የሰላም ሚኒስቴር አሳውቋል።

@tikvahethiopia

ከባህር ዳር ተነስቶ አዲስ አበባ ሊገባ የነበረ የጦር መሳሪያ ተያዘ።

ከባህር ዳር ተነስቶ አዲስ አበባ ሊገባ የነበረ የጦር መሳሪያ በቁጥጥር ስር ዋለ።

ሱሉልታ ከተማ በቁጥጥር ስር የዋለው መሳሪያ 83 ትንሿ ሽጉጥ፣ 199 ኤም ፎርቲን ጥይት እና 10 ሺህ 865 የሽጉጥ ጥይት መሆኑ ታውቋል።

የብሔራዊ መረጃና ደህንነት አገልግሎትና አዲስ አበባ ፖሊስ በጋራ ባደረጉት የተቀናጀ ክትትል ተጠርጣሪ የሆኑት ሹፌሩና ረዳቱ ተይዘዋል።

#ኢፕድ

@tikvahethiopia

''ቱኒዚያ በድጋሜ ለተባበሩት የፀጥታው ምክር ቤት ለግብጽ ተገቢ ያልሆነ ድጋፍ ለማድረግ እየተዘጋጀች ነው'' - አምባሳደር ሬድዋን ሁሴን

ቱኒዚያ ድጋሚ በህዳሴው ግድብ ዙሪያ የግብፅን ሀሳብ ብቻ የሚደግፍ የውሳኔ ሀሳብ ለማቅረብ እየተዘጋጀች በመሆኑ አፍራሽ አካሔዷን ለመቀልበስ የላይኛው የናይል ተፋሰስ አባል ሀገራት በጋር መንቀሳቀስ እንደሚገባቸው የውጭ ጉዳይ ሚኒስትር ዴኤታ አምባሳደር ሬድዋን ሁሴን ገልጸዋል።

አምባሳደር ሬድዋን ይህን ያሉት ከላይኛው የናይል ተፋሰስ አባል ሐገራት አምባሳደሮች ጋር ውይይት ባደረጉበት ወቅት ነው።

የላይኛው ተፋሰስ አገራት አምባሳደሮችም በበኩላቸው በቀረቡት ሃሳብ ላይ በመንተራስ ድንበር ተሻጋሪ ሃብቶችን ለጋራ ልማት ለማዋል የጋራ ትብብር እንደሚያስፈልግ እንዲሁም የአፍሪካን ጉዳይ በአፍሪካዊያን መፍታት እንደሚገባ አንስተዋል፡፡

ቱኒዚያ ለተባበሩት የፀጥታው ምክር ቤት ለግብጽ ተገቢ ያልሆነ ድጋፍ ለማድረግ ያቀረበችው የውሳኔ ሃሳብ ውድቅ ቢደረግባትም በድጋሚ ለማቅረብ ዝግጅት ማድረጓን አንስተው፣ ይህ ውሳኔ ቢወሰን የሁሉም የላኛው ተፋሰስ አገራት አስቸጋሪ ሁኔታ ውስጥ ሊያስገባ እንደሚችልና ይህን ሃሳብ ለመቀልበስ በትብብር መስራት እንደሚያስፈልግ ሚኒስትር ዴኤታው አሳስበዋል፡፡

አምባሳደር ሬድዋን የቱኒዚያ አካሄድ በአፍሪካ ህብረት እየተመራ ያለውን የሶስትዮሽ ድርድር ጥረት የሚያደናቅፍ መሆኑን ገልጸው፣ አገራቱ ኒውዮርክ ለሚገኙት ሚሲዮኖቻቸው ይህንኑ እንዲገልጹላቸው ጠይቀዋል።

መረጃው የውጭ ጉዳይ ሚ/ር ቃል አቀባይ ጽ/ቤት ነው።

@tikvahethiopia