በአፋር ክልል የተፈናቀሉ 76 ሺ ዜጎች ...

የአፋር ክልል አደጋ መከላከል ቢሮ ህወሓት በአፋር በኩል በከፈተው ጥቃት ምክንያት 76 ሺህ ሰዎች ተፈናቅለው እርዳታ እየተደረገላቸው መሆኑን አሳውቋል።

ተፈናቃዮቹ በአብዛኛው በአራት የአፋር ክልል ወረዳዎችና ከጭፍራ የተሰደዱ መሆናቸውን ተገልጿል።

ሰዎቹ በትንኮሳው ምክንያት ከሚኖሩበት አካባቢ ተፈናቅለው ወደ አማራ ክልል አዋሳኝ ቦታዎች እና ሌሎች አካባቢዎች ተበታትነው የነበሩ በመሆኑ በአፋጣኝ ዕርዳታ ለማድረስ አዳጋች አድርጎት እንደነበር ተነስቷል።

አሁን ላይ ተፈናቃዮቹን በ9 የመጠለያ ቦታዎች ማሰባሰብ በመቻሉ መንግሥት ለተፈናቃዮቹ ሰብአዊ ድጋፍ እያደረገ መሆኑ ተገልጿል።

ከመንግሥት ድጋፍ ጎን ለጎን ዓለም አቀፍ የዕርዳታ ድርጅቶች የበኩላቸውን እርዳታ ማቅረብ ጀምረዋል። ድጋፍ ማድረግ ከጀመሩ ተቋማት መካከል የዓለም የምግብ ፕሮግራም እና ዓለም አቀፉ የቀይ መስቀል ማኅበር ተጠቃሽ ናቸው።

@tikvahethiopia

#Ethiopia

ኢትዮጵያ ባለፉት 24 ሰዓት 4,547 የኮቪድ-19 ላብራቶሪ ምርመራ ያከናወነች ሲሆን 200 ሰዎች ለቫይረሱ ተጋላጭ ሆነው ተግኝተዋል፤ አምስት ሰው ህይወቱ ያለፈ ሲሆን 87 ሰዎች ከበሽታው አገግመዋል።

@tikvahethiopia

#Alert🚨

በኢትዮጵያ 3ኛው ዙር የኮቪድ-19 (3rd Wave) ወረርሽኝ እየጀመረ መሆኑን የሚያሳዩ ምልክቶች እየታዩ ነው።

በተለያዩ የዓለም ሀገራት መረጃዎች እና ጥናቶች እንደሚያሳዩት 3ኛው ዙር (3rd Wave) የኮቪድ-19 ወረርሽኝ መከሰቱ ታውቋል።

ለዚህም እንደ ምክንያት የሚጠቀሰው ደግሞ የኮቪድ-19 ዴልታ ቫይረስ ነው። በሀገራችን የኮቪድ-19 የዴልታ ቫይረስ መኖሩ ባይረጋገጥም የሶስተኛ ዙር (3rd Wave) ወረርሽኝ መከሰቱን የሚያሳዩ ምልክቶች መታየት ጀምሯል።

በአማካኝ በቀን በቫይረሱ የሚያዙ ሰዎች እንዲሁም ወደፅኑ ህሙማን ክፍል የሚገቡ ሰዎች ቁጥር እየጨመረ ነው።

ሁለተኛው ዙር (2nd wave) ካበቃ በኋላ በተወሰነ መልኩ በማህበረሰቡ የታዩ መዘናጋቶች እንዲሁም የኮቪድ-19 መከላከያ መንገዶች በአግባቡ ባለመተግበራቸው ሶስተኛ ዙር (3rd wave) ሊከሰት የሚችልበት ምልክቶች እየታዩ ስለሆነ ፦
- እያንዳንዱ ግለሰብ ፣
- ቤተሰብ ፣
- ሁሉም መንግስታዊና መንግስታዊ ያልሆኑ ድርጅቶች ፣
- የሐይማኖት ተቋማት ፣
- ሲቪክ ማህበራት ፣
- አገልግሎት ሰጪ ተቋማት ፣
- የጤና ባለሙያዎች ፣
- መምህራንና ሌሎችም ባለድርሻ አካላት የኮቪድ-19 ወረርሽኝን ለመከላከል ማስክ ማድረግ ፣ የእጅን ንፅህና በአግባቡ መጠበቅ እና ርቀትን በመጠበቅ በተጨማሪም የኮቪድ-19 ክትባት በመከተብ የኮቪድ-19 መከላከከል እና መቆጣጠር ተግባር ላይ በባለቤትነትና በኃላፊነት ስሜት አጠናክረው እንዲሠሩ የኢትዮጵያ ህብረተሰብ ጤና ኢንስቲትዩት ማሳሰቢያ አስተላልፏል።

@tikvahethiopia

#Alert🚨

በኤካ ኮተቤ ሆስፒታል የፅኑ ህሙማን ክፍል ሞላ።

በአሁኑ ሰዓት የኤካ ኮተቤ አጠቃላይ ሆስፒታል ፅኑ ህሙማን ክፍል በኮቪድ -19 ታማሚዎች መሙላቱን የሆስፒታሉ ስራ አስኪያጅ ዶክተር ያሬድ አግደው በይፋዊ የፌስቡክ ገፃቸው ላይ አሳውቀዋል።

ሁሉም ሰው እንዲጠነቀቅም መልዕክታቸውን አስተላልፈዋል።

@tikvahethiopia

#Tokyo2020 🇪🇹 #ETHIOPIA

በ1,500 ሜትር ማጣሪያ በተደረገ ውድድር ኢትዮጵያዊያኖቹ ፍሬወይኒ ሀይሉ እና ለምለም ሀይሉ ከ ምድባቸው አምስተኛ ደረጃን በመያዝ ለግማሽ ፍፃሜው ማለፋቸውን አረጋግጠዋል ።

በሶስተኛው ምድብ ተወዳድራ የነበረው አትሌት ድርቤ ወልተጂ 12ኛ ደረጃን በመያዝ ወደ ቀጣዩ ዙር ማለፍ ሳትችል ቀርታለች።

የ1,5000 ሜትር የግማሽ ፍፃሜ ውድድር በመጪው ረቡዕ ከቀኑ 7:00 ጀምሮ የሚካሄድ ይሆናል።

@tikvahethsport

ቪድዮ : ሲፋን ሀሰን ከወደቀችበት ተነስታ ድል አደረገች።

ትላንት በተካሄደ የ1,500 ሜትር ማጣሪያ ውድድር ኔዘርላንዳዊቷ (በትውልድ ኢትዮጵያዊ) ሲፋን ሀሰን በመጨረሻው ዙር ላይ ተጠልፋ ብትወድቅም ተነስታ ውድድሯን #አንደኛ ደረጃ በመያዝ አጠናቃለች።

በርካቶችንም በጥንካሬዋ እና ተስፋን ባለመቁረጧን በማህበራዊ ሚዲያው ላይ እያሞጋገሷት ነው።

ሲፋን ሀሰን በቶኪዮ ኦሎምፒክ በምትወዳደርባቸው የውድድር ዘርፎች ውጤት ታስመዘግባለች ተብለው ከሚጠበቁ የዓለማችን አትሌቶች ቅድሚያ የተሰጣት ናት።

@tikvahethiopia