የሰለሞን ባረጋ ድል !

አትሌት ሰለሞን ባረጋ ከአስራ ሶስት ዓመታት በኋላ በውድድር መድረኩ ለ ኢትዮጵያ የመጀመሪያውን ወርቅ ማስገኘት ችሏል።

ኢትዮጵያ በርቀቱ በኦሎምፒክ ድል ማድረግ የቻለችው በ ቤጂንግ ኦሎምፒክ ላይ ነበር።

ሰለሞን ባረጋ በ ኦሎምፒኩ በግሉ የመጀመሪያውን ወርቅ አሳክቷል።

ሰለሞን ባረጋ ውድድሩን በ በላይነት ሲያጠናቅቅ የዓለም ሪከርድ ባለቤቱን ጆሽዋ ቼፕቲጌ አስከትሎ በመግባት ነው።

እንኳን ደስ አለን በድጋሚ 🇪🇹

@tikvahethsport

"ወደ መቐለ የተንቀሳቀሰው የእርዳታ አቅርቦት በባሕር ላይ የውሃ ጠብታ ያህል ነው" - ክሌር ኔቪል

በትግራይና በአፋር ክልሎች አዋሳኝ አካባቢዎች በነበረው ግጭት ወደ ትግራይ መግባት ያልቻሉት የዓለም ምግብ ፕሮግራም ተሽከርካሪዎች ከሰመራ ወደ መቐለ ጉዞ ጀምረዋል።

ይህን ያሳወቁት በኢትዮጵያ የዓለም ምግብ ፕሮግራም የኮምዩኒኬሽንስ ባለሙያ የሆኑት ክሌር ኔቪል ናቸው።

ኔቪል ለቢቢሲ በሰጡት ቃላቸው የእርዳታ አቅርቦት የጫኑ ከ200 በላይ ተሽከርካሪዎች ከአፋር ሰመራ ተነስተው ወደ ትግራይ መቐለ ጉዞ ጀምረዋል ብለዋል።

ምንም እንኳን ዛሬ ከ200 በላይ የጭነት ተሽከርካሪዎች የእርዳታ አቅርቦት ይዘው ወደ ትግራይ ቢያቀኑም አሁንም ካለው ፍላጎት አንጻር አናሳ መሆኑን ተናግረዋል።

አሁን ወደ መቐለ የተንቀሳቀሰው የእርዳታ አቅርቦት "በባሕር ላይ የውሃ ጠብታ ያህል ነው" ሲሉ ገልፀውታል።

ባለፈው ማክሰኞ ሐምሌ 20/2013 ዓ.ም የዓለም ምግብ ፕሮግራም ዳይሬክተር ዴቪድ ቢዝሊይ በትግራይ ያለው የምግብ ክምችት ዛሬ ዓርብ ይጠናቀቃል ማለታቸው ይታወሳል።

በሌላ ከትግራይ ጋር በተያያዘ መረጃ በቀጣይ አንድ ዓመት ውስጥ 100, 000 ሕጻናት ለሕይወታቸው ለሚያሰጋ የአልሚ ምግብ እጥረት ሊጋለጡ እንደሚችሉ UNICEF አስታውቋል።

ድርጅቱ ዛሬ አርብ ባወጣው መግለጫ በምግብ እጥረት ለከፋ ጉዳት ተጋልጠዋል የተባሉ ልጆች ቁጥር ከዓመታዊ የአማካይ አኃዝ በአስር እጥፍ ከፍ ያለ ነው ብሏል።

የሚያጠቡ እናቶች እና ነፍሰጡር ሴቶች በከፍተኛ ሁኔታ ለተመጣጠነ ምግብ እጥረት ተጋልጠዋል ሲልም አሳውቋል። UNICEF በትግራይ ክልል የአስቸኳይ ምግብ እና ሌሎች ርዳታ ለሚያስፈልጋቸው ሴቶች እና ሕጻናት አስፈላጊውን ድጋፍ ማቅረብ እንዲቻል ያልተገደበ እንቅስቃሴ ሊፈቀድልን ይገባል ብሏል።

@tikvahethiopia

ጎንደር ዩኒቨርሲቲ ነገ ተማሪዎቹን ያስመርቃል።

ጎንደር ዩኒቨርሲቲ በተለያዩ የትምህርት መስኮች ያሰለጠናቸውን 5 ሺህ 710 ተማሪዎች ነገ ቅድሜ ሐምሌ 24/2013 ዓ.ም የሚያስመርቅ ይሆናል።

ትላንት የዩኒቨርሲቲው ሴኔት የቴዎድሮስ ካሳሁን (ቴዲ አፍሮ) የክብር ዶክትሬት እንዲሰጥ ማፅደቁ አይዘነጋም።

ቴዲ አፍሮ በነገው ዕለት ከዩኒቨርሲቲው የክብር ዶክትሬት የሚቀበል ሲሆን ለዚህ ፕሮግራም ዛሬ ጎንደር ከተማ መግባቱ ታውቋል።

ቴዲ አፍሮ ጎንደር ሲገባ የዩንቨርሲቲዉ ፕሬዝዳንት ፣ ም/ፕሬዝዳንት ፣ የከተማዋ ከንቲባ ሞላ መልካሙ እና የጎንደር የባሕል ማዕከል በጎንደር አየር ማረፊያ ተገኝተዉ አቀባበል አድርገውለታል።

ፎቶ ባለቤት ፡ ሞገስ መኮንን

@tikvahethiopia

የከፍተኛ ትምህርት ተቋማት ተማሪዎቻቸውን እያስመረቁ ነው።

#ጎንደር_ዩኒቨርሲቲ

የጎንደር ዩኒቨርሲቲ 6 ሺህ 574 ተማሪዎችን ዛሬ እያስመረቀ ይገኛል፡፡

በ87 የመጀመሪያ እንዲሁም በ67 የድህረ ምረቃ የትምህርት መስኮች ያሰለጠናቸውን ተማሪዎች ነው የሚያስመርቀው፡፡

በምረቃ መርሃ ግብሩ ላይ የውኃ መስኖ እና ኢነርጅ ሚኒስትር ዶ/ር ኢ/ር ስለሺ በቀለ ተገኝተዋል፡፡

#ደብረታቦር_ዩኒቨርሲቲ

የደብረ ታቦር ዩኒቨርሲቲ በተለያየ የትምህርት መስክ ያሰለጠናቸውን ተማሪዎቹን እያስመረቀ ይገኛል።

ዩኒቨርሲቲው ለስምንተኛው ዙር ነው ተማሪዎቹን እያስመረቀ የሚገኘው።

#ቦንጋ_ዩኒቨርሲቲ

የቦንጋ ዩኒቨርሲቲ 2ኛ Batch ተማሪዎች በዛሬው ዕለት እያስመረቀ ይገኛል።

#ደብረብርሃን_ዩኒቨርሲቲ

የደብረ ብርሃን ዩኒቨርሲቲ በ13ኛ ዙር በተለያዩ መርሃ ግብሮች ያስተማራቸውን በ2ኛ ዲግሪ 231 ተማሪዎችን እና በ3ኛ ዲግሪ አንድ ተማሪ እያስመረቀ ነው።

#ኮተቤ_ሜትርፓሊታን_ዩኒቨርሲቲ

የኮተቤ ሜትርፖሊታን በተለያየ የትምህርት ክፍሎች ያሰለጠናቸውን ተማሪዎች አስመርቋል።

ዩንቨርሲቲው በዛሬው እለት ያስመረቃቸው በመጀመሪያና ሁለተኛ ድግሪ ወንድ 448 ሴት 135 በድምሩ 583 ተማሪዎች ናቸው።

#ቅድስተ_ማርያም_ዩኒቨርሲቲ

የቅድስተ ማርያም ዩኒቨርሲቲ በተለያዩ የሙያ ዘርፎች በድህረ ምረቃ ያሰለጠናቸውን 636 ተማሪዎችን በኦሮሞ ባህል ማዕከል አስመርቋል።

አጠቃላይ ከተመረቁት ውስጥ 322 ወንዶች 314 ደግሞ ሴቶች ናቸው።

#ሀራምቤ_ዩኒቨርሲቲ

ሀራምቤ ዩኒቨርሲቲ በተለያየ ትምህርት መስክ ያሰለጠናቸውን 3683 ተማሪዎችን እያስመረቀ ነዉ።

ዩኒቨርሲቲው ለ18ኛ ዙር ነው ተማሪዎችን እስመረቀ የሚገኘው።

ምንጭ፦ ኢፕድ፣ ዋልታ፣ አሚኮ፣ የዩኒቨርሲቲዎች ገፅ

@tikvahuniversity

ፎቶ : አንጋፋው ጎንደር ዩኒቨርሲቲ በተለያየ የትምህርት መስክ እና መርሀ ግብር ያሰለጠናቸውን 6,574 ተማሪዎች በዛሬው ዕለት አስመርቋል።

በምርቃት ስነስርዓቱ ላይ የውሃ ፣ መስኖ እና ኢነርጂ ሚኒስትር ዶክተር ኢንጂነር ስለሺ በቀለ ፣ የክብር ዶክተር አርቲስት ቴዎድሮስ ካሳሁን (ቴዲ አፍሮ) ፣ የዩኒቨርሲቲው እና የፌዴራል መንግስት አመራሮች ፣ የሃይማኖት አባቶች ፣ የሀገር ሽማግሌዎች ፣ የተመራቂ ቤተሰቦች ሌሎችም ጥሪ የተደረገላቸው እንግዶች ተገኝተው ነበር።

በዛሬው ምረቃ ስነ ስርዓት ቴዎድሮስ ካሳሁን (ቴዲ አፍሮ) በዩኒቨርሲቲው የተበረከተለትን የክብር ዶክትሬት ተረክቧል ፤ ለታዳሚውም ንግግር አድርጓል።

የፎቶ ባለቤት ፡ ጎንደር ዩኒቨርሲቲ ፣ የውሃ ፣መስኖና ኢነርጂ ሚኒስቴር

@tikvahethiopia