'መሀመድ ዴክሲሶ ያለበት አይታወቅም'

• "...የኦሮሚያ ልዩ ኃይል ነው ስድስት ሆነው መጥተው ነው በፓትሮል የወሰዱት ከዛ ቀን ጀምሮ እዚህ ነው የሚል ተጨባጭ መረጃ የለንም።" - አቶ ሱልጣን ዴክሲሶ

• "... እኛም ያለበትን ቦታ ማወቅ አልቻልንም" - ኢሰመኮ

የካቲት 6/2013 ዓ/ም ጅማ ዩኒቨርሲቲ ተማሪዎችን በሚያስመርቅበት መድረክ ላይ እነ አቶ ጃዋር መሃመድን ጨምሮ ሌሎች እስረኞች ከእስር እንዲፈቱ የጠየቀው መሃመድ ዴክሲሶ በተለያዩ ወንጀሎች ተጠርጥሯል በሚል በፖሊስ ቁጥጥር ስር ውሎ ክስ ከተመሰረተበት ወዲህ ከእስር አልተለቀም።

የመሀመድ ቤተሰቦች ፥ ፍርድ ቤት ከአንድም ሁለት ጊዜ ቢያሰናብተውም እስካሁን ሳይለቀቅ ቀርቷል ብለዋል።

የመሀመድ ዴክሲሶ ወንድም አቶ ሱልጣን ዴክሲሶ ለጀርመን ድምፅ እንደተናገሩት ከሆነ ፥ አሁን ላይ መሀመድ ዴክሲሶ ያለበትን ቤተሰቦቹ አያውቁም።

አቶ ሱልጣን ፥ " ... በምርቃት ቀኑ እዛው በመድረክ ላይ ድምፁን ካሰማ በኃላ ነው በፖሊስ ቁጥጥር ስር የዋለው፤ ከዛም ወደ ፖሊስ ጣቢያ ነው የተወሰደው ፤ ከዛ ፍርድ ቀርቦ ነበር፤ ከዛ በኃላ ባልታወቀ ምክንያት ልዩ ኃይል በሚባለው ተወሰደ ፤ ከተወሰደ ወዲህ ዛሬ 3 ሳምንት አልፎታል ፤ እዚህ ነው ያለው፤ በዚህ ሁኔታ ነው ያለው የሚለውን እንደቤተሰብ እኛ ምንም የምናውቀው ነገር የለም" ብለዋል።

በኢትዮጵያ የሰብዓዊ መብቶች ኮሚሽን (ኢስመኮ) የሰብዓዊ መብቶች ጉዳይ አማካሪ ኢማድ አብዱልፈታህ እንደተናገሩት፥ መሀመድ ዴክሲሶ አሁን ያለበትን ስፍራ ለማወቅ የተለያዩ የመንግስት መዋቅሮችን ጠይቆ ለመረዳት ቢሞከርም ይህ ከኮሚሽኑ አቅም በላይ መሆኑን ነው የገለፁት።

ያንብቡ : telegra.ph/Mohaammad-Deeksisoo-04-22

@tikvahethiopiaBOT @tikvahethiopia

የፀጥታው ምክር ቤት መግለጫ :

የተባበሩት መንግስታት የፀጥታው ም/ቤት በኢትዮጵያ የትግራይ ክልል ያለውን ሁኔታ በተመለከተ ባወጣው ጋዜጣዊ መግለጫ ፣ በክልሉ ላለው ቀውስ እልባት ለመስጠት የኢትዮጵያ መንግስት እያከናወነ ያለውን ተግባር አድንቋል፡፡

መግለጫው እንደሚገልፀው ፣ የፀጥታው ምክር ቤት አባላት የኢትዮጵያ መንግስት ሰብዓዊ ዕርዳታን ለማቅረብ እና ሰብዓዊ ተደራሽነትን ከፍ ለማድረግ እያደረገ ላለው ጥረት እውቅና ሰጥተዋል፡፡

ነገር ግን የምክር ቤቱ አባላት የሰብዓዊ ችግሮች አሁንም መኖራቸውን እንደሚገነዘቡ እና በክልሉ ያለው ሰብዓዊ ሁኔታ እንደሚያሳስባቸውም ነው መግለጫው ያመለከተው፡፡

ከምግብ ዋስትና ጋር በተያያዘ የሚደረገው የሰብዓዊ ድጋፍ መጨመር እንዳለበት እና ያልተገደበ የሰብዓዊ እርዳታ ለሁሉም የተቸገሩ ወገኖች ተደራሽ እንዲሆን ጥሪ አቅርበዋል።

ከተባበሩት መንግስታት ድርጅት የሰብዓዊ አስቸኳይ እርዳታ መርሆዎች ጋር በሚጣጣም መልኩ ሰብዓዊነትን ፣ ገለልተኛነትን እና ነፃነትን መሰረት በማድረግ የሚከናወኑ ዓለም አቀፍ የሰብዓዊ ድጋፍ አቅርቦቶች እንዲቀጥሉ የፀጥታው ም / ቤት አባላት ጥሪ አቅርበዋል።

በትግራይ የተፈጠረው ፀጥታ ችግር ለቀጣይ የሰብአዊ አገልግሎቶች እንቅፋት መሆኑን በመግለጽ መደበኛ ሁኔታው እንዲመለስም አባላቱ መጠየቃቸው በመግለጫው ተካቷል ፡፡

ያንብቡ : https://telegra.ph/UNSC-04-23

ምንጭ፦ አል ዓይን
@tikvahethiopia @tikvahethiopiaBOT

የUN የፀጥታው ም/ቤት በኢትዮጵያ ወቅታዊ ሁኔታ ያወጣውን የፕሬስ መግለጫ በተመለከተ በተመድ የኢፌድሪ ቋሚ መልዕክተኛ ጽህፈ ቤት መግለጫ ሰጠ።

* ሙሉ የመግለጫው ሀሳብ ከላይ ተያይዟል።

@tikvahethiopia @tikvahethiopiaBOT

#WorldBank

የአለም ባንክ በኢትዮጵያ ለሚተገበሩ ሶስት ፕሮጀክቶች የሚውል የ907 ሚሊዮን ዶላር የልማት ድጋፍ አድርጓል።

ዛሬ አርብ በገንዘብ ሚኒሰቴር በተደረገ የፊርማ ስነ-ሰርዓት በኢትዮጰያ መንግስት እና በዓለም ባንክ የ907 ሚሊዮን ዶላር የድጋፍ ስምምነት ተፈርሟል።

ስምምነቱን የገንዘብ ሚኒስትሩ ክቡር አቶ አህመድ ሽዴ እና የዓለም ባንክ ግሩፕ የምስራቅ አፍሪካ ዳይሬክተር ሚ/ር ኦስማን ዲዮን ናቸው የፈረሙት።

ስምምነቱ ሶስት ፕሮጀክቶችን ለመደገፍ ይወላል ተብሏል ፦

- የ200 ሚሊዮን ዶላር ስምምነት በኢትዮጵያ ውስጥ በአነስተኛ እና ጥቃቅን ለተሰማሩ ኢንተርፕራይዞች የሚውል ነው።

- የ500 ሚሊዮን ዶላር ስምምነት በሀገሪቱ ለሚከናወን የኤሌክትሪክ አገልግሎት ተደራሽነት እንዲሁም የግሉ ዘርፍ ካፒታል ተሳትፎንና ዘላቂ የፋይናንስ አማራጮችን ለማምጣት የሚያስችል ነው ፤ ከዚህ ውስጥ 100 ሚሊዮን ዶላር የሚውለው የግሉ ዘርፍ በኤሌክትሪክ አገልግሎት አሰጣጥ እና አቅርቦት ተሳትፎ እንዲኖረው ለማስቻል ነው፡፡

- የ207 ሚሊዮን ዶላር ስምምነት በኢትዮጵያ ውስጥ የኮቪድ - 19 ወረርሽኝ የሚያስከተለውን ጉዳት ለመቀነስ እና የበሽታው መከላከያ ክትባቶችን ውጤታማ እና ፍትሐዊ በሆነ መንገድ እንዲዳረስ ለማድረግ የሚውል ነው።

Via Ministry of Finance -Ethiopia
@tikvahethiopia @tikvahethiopiaBOT

#update

“...ቻድን ማንም እንዲያስፈራራት አልፈቅድም” - የፈረንሳዩ ፕሬዝዳንት

የቀድሞ የቻድ ፕሬዝዳንት ኢድሪስ ዴቢ ቀብር ስነስርዓት ዛሬ በትውልድ አካባቢያቸው አቅራቢያ ተፈፀመ።

የቀብር ስነስርዓቱ በትውልድ አካባቢያቸው ከመፈፀሙ ቀደም ብሎ በኒጃሚን በነበረ ስነስርዓት የፈረንሳይ ፕሬዝዳንት ኢማኑኤል ማክሮን፣ የኮንጎ ፕሬዝዳንት ፌሊክስ ቺሲዲኬ እና ሌሎችም ተገኘተው ነበር ፤ ምንም እንኳን አማፂያን የሀገራት መሪዎች በደህንነት ምክንያት በስነ ስርዓቱ ላይ እንዳይገኙ ቢያስጠነቅቁም።

ፕሬዜዳንት ማክሮን ፥ በስነስዓቱ ላይ ባደረጉት ንግግር ፥ “ቻድን ማንም እንዲያስፈራራት አልፈቅድም” ሲሉ ተደምጠዋል።

ለቻድ መረጋጋት እና አንድነት ድጋፋቸውን እንደሚያደርጉ ገልፀው፥ ነገር ግን ወታደራዊ ተተኪዎቹ ወደሲቪል አስተዳደር በሰላም እንዲመለሱ አሳስበዋል።

የቀድሞ የቻድ ፕሬዝዳንት ኢድሪስ ዴቢ ባለፈው ሰኞ ዕለት በሃገሪቱ ሰሚናዊ ክፍለ ግዛት ከአማጽያኑ ጋር የሚዋጉትን ወታደሮች በውጊያው ግንባር ተገኝተው በመጎብኘት ላይ ሳሉ ቆስለው ህይወታቸው ማለፉ ይታወሳል።


@tikvahethiopiaBOT @tikvahethiopia

#NEBE

ዛሬ ማምሻውን የኢትዮጵያ ብሔራዊ ምርጫ ቦርድ ባወጣው መግለጫ ከሃገሪቱ የምርጫ ህግና የስነ ምግባር አዋጅ በተጻረረ መልኩ "ለአመጽ የሚጋብዝና በግለሰቦች ወይም ቡድኖች ላይ ስጋትን የሚያጭር ቋንቋ" ን የሚጠቀሙ ፓርቲዎች እና እጩዎችን አሳስቧል።

ፓርቲዎች እና እጩዎች ግጭት ቀስቃሽ ከሆኑ ንግግሮች እና ድርጊቶች እንዲቆጠቡ አስጠንቅቋል፡፡ ህጉ የማይከበር ከሆነ እርምጃዎችን እንደሚወስድ አሳስቧል።

* የምርጫ ቦርድ መግለጫ ከላይ ተያይዟል።

@tikvahethiopiaBOT @tikvahethiopia

የመራጮች ምዝገባ ተራዘመ።

የመራጮች ምዝገባ መራዘምን አስመልክቶ ብሔራዊ ምርጫ ቦርድ ዛሬ ምሽት መግለጫ ሰጥቷል።

ቦርዱ የመራጮች ምዝገባ ቀን ማጠናቀቂያ ዛሬ መሆኑን ተከትሎ የስራ ሂደቱን ያጋጠሙትን ችግሮች መመርመሩን ገልጿል።

በዚህም መሰረት ፦

1. የመራጮች ምዝገባ በግማሽ የአገሪቱ ክፍሎች ዘግይቶ በመጀመሩ

2. በጊዜው በተጀመረባቸው ቦታዎች የመራጮች ምዝገባ መረጃዎች እጦት እና በሌሎች ምክንያቶች ለመመዝገብ ጊዜ በመውሰዱ

3. የመራጮች ምዝገባ ሊጠናቀቁ በቀሩት ጥቂት ቀናት በአንድ ምርጫ ጣቢያ 1500 ሰው ብቻ መመዝገብ በመቻሉ የተነሳ በተለይ በአዲስ አበባ ከተማ መስተዳድር በሚገኙ የተወሰኑ ምርጫ ጣቢያዎች ምዝገባ በመቋረጡ እና ተጨማሪ ምርጫ ጣቢያዎች በመክፈት ሂደት ክፍተት በመፈጠሩ ቦርዱ የመራጮች ምዝገባ እንዲራዘም ወስኗል።

በዚህም መሰረት ፦

1. የመራጮች ምዝገባ እጅግ ዘግይቶ በጀመረባቸው በአፋር እና በሶማሌ ክልል የመራጮች ምዝገባ ለሶስት ሳምንት ተራዝሟል ። ይህም ማለት የመራጮች ምዝገባ ግንቦት 06 ቀን 2013 የሚጠናቀቅ ይሆናል።

2. የመራጮች ምዝገባ ከላይ በተጠቀሱት ምክንያቶች በተስተጓጎለባቸው ሌሎች የአገሪቱ ክፍሎች ለሁለት ሳምንት ተራዝሟል ይህም ማለት የመራጮች ምዝገባ ሚያዝያ 29 ቀን 2013 የሚጠናቀቅ ይሆናል።

3. የመራጮች ምዝገባ እስካሁን ድረስ ባልተጀመረባቸው እና የጸጥታ ችግር ባለባቸው ቦታዎች በኦሮሚያ ክልል ምእራብ ወለጋ፣ ምስራቅ ወለጋ፣ ሆሮጉድሩ እና ቄለም ወለጋ የመራጮች ምዝገባን የማስጀመር እንቅስቃሴዎችን እየተደረገ ይገኛል።

4. 1500 ሰዎቸን መዝግበው በጨረሱ ምርጫ ጣቢያዎች ተጨማሪ ንኡስ ምርጫ ጣቢያዎችን መክፈት የሚቀጥል ይሆናል።

* ዝርዝር መግለጫው ከላይ ተያይዟል።

@tikvahethiopia @tikvahethiopiaBOT