#Attention😷

ባለፉት 24 ሰዓት 33 ሰዎች በኮቪድ-19 መሞታቸው ሪፖርት ተደርጓል።

በተመሳሳይ ከተደረገው 7,487 የላብራቶሪ ምርመራ 1,851 ሰዎች በቫይረሱ መያዛቸው ተረጋግጧል።

ትላንት 1,193 ሰዎች ከበሽታው አገግመዋል።

በአጠቃላይ 225,516 ሰዎች በኮሮና ቫይረስ መያዛቸው ሲረጋገጥ ከእነዚህ መካከል 3,111 ሰዎች ህይወታቸው አልፏል፤ 167,945 ሰዎች አገግመዋል።

በአሁን ሰዓት 895 ሰዎች በፅኑ ታመዋል።

#Purpose
@tikvahethiopia @tikvahethiopiaBOT

"ሮሃ ግሩፕ" የተሰኘ በጤና ዘርፍ የተሰማራ የአሜሪካ ኩባንያ በራሱ ወጪ የሚያስገነባው "ሮሃ የህክምና ማዕከል" ሜጋ ፕሮጀክት ግንባታ የመሰረት ድንጋይ ተቀመጠ።

የመሰረት ድንጋዩን ያስቀመጡት የኢትዮጵያ ጠ/ሚር አብይ አህመድ ናቸው።

የ "ሮሃ ህክምና ማዕከል" ሜጋ ፕሮጄክት ግንባታው በአዲስ አበባ ቦሌ ክ/ከተማ ወረዳ 13 "አድዋ ፓርክ" አካባቢ በ300 ሚሊዮን ዶላር ወጪ ነው የሚገነባው።

የፕሮጀክቱ ግንባታ በ5 ዓመት ይጠናቀቃል ተብሏል።

የሕክምና ማዕከሉ በውስጡ 5 ሆስፒታሎች እንደሚኖሩት ተገልጿል።

በግንባታው በየዓመቱ አንድ ሆስፒታል አጠናቆ ለአገልግሎት ክፍት ለማድረግ መታቀዱ ነው የተሰማው።

ሮሃ የሕክምና ማዕከል በውስጡ የነርቭና የጀርባ ፣ የህጻናትና እናቶችና የልብ ሕክምና ሆስፒታሎች ፣ የሕክምና ትምህርት ቤት እንዲሁም የጥናትና ፈጠራ እና የማገገሚያ ማዕከላት እንደሚኖሩት ተገልጿል።

ማዕከሉ 4 ሺ 200 የጤና ባለሙያዎችን ጨምሮ በአጠቃላይ ለ7 ሺህ 200 ሰዎች የስራ ዕድል ይፈጥራል ተብሏል።

#ENA
@tikvahethiopia @tikvahethiopiaBOT

አፍሪካ : ለረጅም ጊዜ በስልጣን ላይ የሚገኙ/እያገለገሉ ያሉ መሪዎች ፦

[official data & AFP bureaux]

- ቴዎዶሮ ኦቢአንግ ነጉኤማ (ኢኳቶሪያል ጊኒ) 41 ዓመታት በስልጣን
- ፖውል ቢያ (ካሜሩን) 38 ዓመታት
- ዴኒስ ሳሱ ንጉሶ (ኮንጎ) 37 ዓመታት
- ዩዌሪ ሙሴቬኒ (ዩጋንዳ) 35 ዓመታት
- ምዋስቲ III (ስዋቲኒ) 34 ዓመታት
- ኢድሪስ ዴቢ (ቻድ) 30 ዓመታት
- ሌቲስ III (ሌሴቶ) 29 ዓመታት
- ኢሳያስ አፈወርቂ (ኤርትራ) 27 ዓመታት
- ኢስማኤል ኡማር ጌሌ (ጅቡቲ) ከ21 ዓመታት በላይ
- መሀመድ VI (ሞሮኮ) 21 ዓመታት
- ፖል ካጋሜ (ሩዋንዳ) 21 ዓመታት
- ፋውሬ ግናሲንግቤ (ቶጎ) 15 ዓመታት

@tikvahethiopia @tikvahethiopiaBOT

የ40/60 መኖሪያ ቤት ቁልፍ መረከቢያ ፕሮግራም :

የአዲስ አበባ ከተማ ቤቶች ልማት ኮርፖሬሽን በ40/60 የቤት ልማት ፕሮግራም ካስገነባቸው የጋራ መኖሪያ ቤቶች መካከል ለተጠቃሚዎች ያስተላለፋቸውን ቤቶች ቁልፍ ለቤት ባለቤቶች ከመጋቢት 6 ቀን 2013 ዓ/ም ጀምሮ እያስረከበ እንደሚገኝ አስታውሷል።

የቤት ባለቤቶችም አስፈላጊ የሰነድ ማስረጃዎችን ይዛችሁን በPDF ፋይሉ በተገለፀው ፕሮግራም መሰረት የቤታችሁን ቁልፍ እንድትረከቡ ጥሪ ቀርቧል።

@tikvahethiopia

"...ዘገባው የተሰራበት መንገድ ስህተት ነው" - አቶ ሀጂ ኢብሳ

By : am.al-ain.com

ከፈነዱ በአዲስ አበባ ነዋሪዎች እና ንብረት ላይ ከፍተኛ ጉዳት ሊያሰከትሉ የሚችሉ ተቀጣጣይ ኬሜካሎች በብዙ ድርጅቶች መጋዘን ላይ እንደሚገኙ የሚገልጹ ዘገባዎች ስህተት ናቸው።

የመንግስት ግዢና ንብረት አስተዳደር ኤጀንሲ ዋና ዳይሬክተር አቶ ሀጂ ኢብሳ ፣ ዘገባው የተሰራበት መንገድ ስህተት እንደሆነ ከአል ዓይን ድረገፅ ጋር በነበራቸው ቃለ ምልልስ ተናግረዋል።

አቶ ሀጂ ፥ "እውነታው በአዲስ አበባ ባሉ የስንዴ መጋዘኖች፣ ዩንቨርሲቲዎች፣ ሆስፒታሎችና የግብርና ስራዎች ኮርፖሬሽን መጋዘኖች አካባቢ ፣ የመጠቀሚያ ጊዜያቸው በመጠናቀቅ ላይ የሚገኙ እና ሊፈነዱ የሚችሉ ኬሚካሎች ተከማችተው ይገኛሉ፡፡ እነዚህ ኬሚካሎች በተከዘኑባቸው ቦታዎች ቢፈነዱ መጋዘኖቹ ካሉበት ስፍራ ጀምሮ እስከ 250 ሜትር ባሉ ስፍራዎች ውስጥ አደጋ ሊያደረሱ ይችላሉ የሚል ነው” ብለዋል።

አክለው ፥ “እኔን ዋቢ አድርገው የተለያዩ ብዙሃን መገናኛዎች አዲስ አበባን ጨምሮ በ250 ኪሎ ሜትር ራዲየስ ውስጥ ባሉ ከተሞች ላይ አደጋ ሊፈጠር የሚችል ኬሚካል ተከማችቷል የሚል ዘገባ ሰርተዋል። እኔ ለነዚህ የሚዲያ ተቋማት ይሄንን መናገሬን አላስታውስም። በዚያ መንገድ ተናግሬም ከሆነ ግን በአፍ ወለምታ በስህተት ነው ፣ ለዚህም ይቅርታ እጠይቃለሁ” ብለዋል።

እነዚህን ኬሚካሎች ለማስወገድ ከአዲስ አበባ ዩንቨርሲቲ ጋር ጥናቶችን እየተካሄዱ መሆኑን ያሳወቁት አቶ ሀጂ ፤ በያዝነው ሚያዝያ ወር ውስጥ ጥናቱ ተብሎ እንደሚጠበቅ ተናግረዋል።

ከመንግስት እውቅ እንዲሁም ፍቃድ ውጪ የገቡ ኬሚካሎች ሊኖሩ እንደሚችሉ የተገለፀ ሲሆን ጥናቱ ሲጠናቀቅ የሌሎች አገራትን ልምድ ተጠይቆ ኬሚካሎችን በፍጥነት ይወገዳሉ ተብሏል።

@tikvahethiopiaBOT

#Ethiopia😷

ባለፉት 24 ሰዓት 35 ሰዎች በኮቪድ-19 መሞታቸው ሪፖርት ተደርጓል።

በተመሳሳይ ከተደረገው 7,278 የላብራቶሪ ምርመራ 1,739 ሰዎች በቫይረሱ መያዛቸው ተረጋግጧል።

ትላንት 1,093 ሰዎች ከበሽታው አገግመዋል።

በአጠቃላይ 227,255 ሰዎች በኮሮና ቫይረስ መያዛቸው ሲረጋገጥ ከእነዚህ መካከል 3,146 ሰዎች ህይወታቸው አልፏል፤ 169,038 ሰዎች አገግመዋል።

በአሁን ሰዓት 933 ሰዎች በፅኑ ታመዋል።

#Purpose
@tikvahethiopia @tikvahethiopiaBOT

ሼህ ሂዝቡሏህ ሙሐመድ አሚን አረፉ።

[Harun Media , Ustaz Abubeker Ahmed]

በትግራይ እና አማራ ክልል አዋሳኝ በሆኑት በራያና አካባቢው ከፍተኛ እውቅና የነበራቸው እና በሀገር አቀፍ ደረጃ በሸራተኑ ጉባኤ ከተመረጡት 26 ኡለሞች ውስጥ አንዱ የነበሩት ሼህ ሂዝቡሏህ ሙሐመድ አሚን በአዲስ አበባ ከተማ ህይወታቸው አለፈ።

ሼህ ሂዝቡሏህ ሙሐመድ በኮቪድ-19 ምክንያት ነው ህይወታቸው እንዳለፈ የተገለፀው።

ሼይኽ ሂዝቡሏህ ሙሐመድ በኢልማቸው አንቱታን ያተረፉ በርካታ ደረሶችን ያፈሩ ትልቅ አሊም የነበሩ ሲሆን የራያን እና የአካባቢውን ህዝበ ሙስሊም ኢልም በማስተማር ትልቅ ድርሻ የነበራቸው ታላቅ አሊም ነበሩ።

ሼክ ሂዝቡሏህ ሙሐመድ ከዚህ ቀደም የኢትዮጵያ አሊሞች ማህበር ምክትል ዋና ፀሃፊ በመሆን ያገለገሉ ሲሆን የቀድሞው አል ሂጅራ መፅሄት የአረብኛው ክፍል ላይ በዋና አዘጋጅነት አግልግለዋል።

ሼይኽ ሂዝቡሏህ በ2004 ህዝበ ሙስሊሙ የመንግስትን የሃይማኖት ጣልቃ ገብነት በመቃወም ሲያካሂደው በነበረው ሰላማዊ የመብት ትግል ወቅት ከሃቅ ጎን በመቆማቸው ኢማም ከነበሩበት መስጂድ እንዲነሱ ተደርገው ለእስር ተዳርገው የቆዩ ሲሆን እስከ ህልፈተ ህይወታቸው ድረስ ህዝበ ሙስሊሙን በማገልገል ላይ ነበሩ።

ሼህ ሂዝቡሏህ ሙሐመድ በህዝበ ሙስሊሙ የጣለባቸውን አማና ለመወጣት በቅርቡ የተካሄደውን የኢትዮጵያ የእስልምና ጉዳዮች ጠ/ምቤት ጠቅላላ ጉባኤ ለመሳተፍ መጥተው አዲስ አበባ የሰነበቱ ሲሆን የጉባኤውን ውሳኔ አፈፃፀም ተግባራዊ እስኪሆን ድረስ ወደመጡበት ላለመመለስ ወስነው በአዲስ አበባ በመጠባበቅ ላይ ሳሉ ነዉ ህይወታቸው ያለፈው።

@tikvahethiopiaBOT @tikvahethiopia