2 የትግራይ ጊዜያዊ አስተዳደር አመራሮች ከኃላፊነታቸው ተነሱ !

By : አል ዓይን (am.al-ain.com)

የትግራይ ጊዜያዊ አስተዳደር ምክትል የኮሙኒኬሽን ቢሮ ኃላፊ አቶ አምዶም ገብረስላሴ ከኃላፊነት መነሳታቸውን ለአል ዓይን ኒውስ አስታውቀዋል።

አቶ አምዶም ገብረስላሴ ፥ በገዛ ፈቃዳቸው አለመልቀቃቸውን የገለፂ ሲሆን ፓርቲያቸው ዓረና ትግራይ ለዲሞክራሲ እና ሉዓላዊነት ከሰሞኑ ከሰጠው መግለጫ እና እርሳቸው በተለያዩ ሚዲያዎች ካደረጓቸው ቃለ መጠይቆች ጋር በተያያዘ ከኃላፊነት መነሳታቸው እንደተገለጸላቸው ተናግረዋል፡፡

በዓለም አቀፍ የሴቶች ቀን (ማርች 8) ተደፈሩ የተባሉ የትግራይ ሴቶችን በተመለከተ አደረግሁ ባሉት ንግግር እና ከሰሞኑ ወደ ክልሉ አቅንቶ ከነበረ ዓለም አቀፍ የሚዲያዎች ቡድን ጋር በተያያዘ ከተፈጠሩ ግርግሮች ጋር በተያያዘ መነሳታቸውን ጠቁመዋል፡፡

አቶ አምዶም ፥ “የክልሉ ጊዜያዊ አስተዳደር አይደለም ከኃላፊነት ያነሳኝ” ሲሉ ተናግረዋል።

እርሳቸው “አላውቀውም” የሚሉት “የፌዴራል ሚዲያ ኮሚቴ” ለጊዜያዊ አስተዳደሩ በሰጠው ትዕዛዝ መሰረት መነሳታቸውን ገልፀዋል።

አቶ አምዶም ፥ ከኃላፊነት መነሳታቸውን የጊዜያዊ አስተዳደሩ ዋና ስራ አስፈጻሚ ዶ/ር ሙሉ ነጋ ትናንት ማታ ቢሯቸው ጠርተው እንደነገሯቸው እና ደብዳቤ እንደተሰጣቸው ገልጸዋል፡፡

በእርምጃው ቅር የሚላቸው ምንም ዐይነት ነገር እንደሌለ የገለጹ ሲሆን በዓረና አመራርነታቸው እንደሚቀጥሉ አስታውቀዋል፡፡

የጊዜያዊ አስተዳደሩ የኮንስትራክሽን፣ መንገድ እና ትራንስፖርት ቢሮ ኃላፊ በተመሳሳይ መልኩ ከኃላፊነት መነሳታቸውን ነው አቶ አምዶም ተናግረዋል።

@tikvahethiopiaBot @tikvahethiopia

የኢትዮጵያ ወንጌል አማኞች አብያተ ክርስቲያናት ካውንስል አንደኛ አመት የምስረታ በዓል እየተከበረ ነው !

የኢትዮጵያ ወንጌል አማኞች አብያተ ክርስቲያናት ካውንስል አንደኛ አመት የምስረታ በዓል በአዲስ አበባ ስታዲየም እየተከበረ ይገኛል።

በመርሃ ግብሩ ላይ ፕሬዚዳንት ሳህለወርቅ ዘውዴ፣ የሰላም ሚኒስትር ወይዘሮ ሙፈሪያት ካሚል ፣ የአዲስ አበባ ከተማ ምክትል ከንቲባ ወ/ሮ አዳነች አቤቤ እንዲሁም በርካታ የእምነቱ ተከታዮች ተገኝተዋል።

@tikvahethiopia

#PhiBela

ንብረትነቱ የባለሀብቱ አቶ በላይነህ ክንዴ የሆነው ቡሬ ከተማ የሚገኘው የፊብላ ዘይት በመላው ሀገሪቱ እንዲሁም በአማራ ክልል ከተሞች እየተሰራጨ መሆኑ ተገልጿል።

የፊቤላ ዘይት አሁን ላይ እየተሰራጨባቸው ካሉ ከተሞች አንዷ የአማራ ክልል መዲና ባህር ዳር ናት።

የምርቱ ስርጭት በዘይት ዋጋ ላይ እየታየ ያለውን የዋጋ ንረት ትርጉም ባለው ደረጃ ይረጋጋዋል ተብሎ ታምኗል።

አሁን በገበያ ላይ ካለው የዘይት ዋጋ አንፃር የፊብላ ዘይት ምርት በቅናሽ ዋጋ ነው ለገበያ የቀረበው።

እንደአማራ ኮሚኒኬሽን መረጃ ዘይቱ በቀጣይ ቀናት አማራ ክልል ሁሉም ዞኖች እና ከተማ አስተዳደሮች ተደራሽ ይሆናል ተብሎ ይጠበቃል።

@tikvahethiopia

በሃላይደጌ ፓርክ በተከሰተ የእሳት አደጋ እስካሁን ከ100 ኪሎ ሜትር እስኩየር በላይ ሳርና ቁጥቋጦ ወድሟል !

ባለፈው ሀሙስ ቀትር ላይ በፓርኩ ሰሜናዊ ክፍል የተከሰተውን የእሳት አደጋ በአብዛኛው መቆጣጠር እንደተቻለ የፓርኩ አስተባባሪ አቶ መሐመድ እድሪስ ተናግረዋል።

አደጋውን ለመቆጣጠር ባለፉት 3 ቀናት ከፍተኛ ጥረት ሲደረግ መቆየቱን ገልጸዋል።

የእሳት አደጋውን ለመቆጣጠር ፦

- የአፋር ክልል እሳት አደጋ መከላከያ ቡድን፣
- የክልሉ የልማት ድርጅቶች፣
- የአሚባራና ሃሩካ ወረዳ ነዋሪዎች እና አመራሮች
- የአገር መከላከያ ሠራዊት አባላት ከፍተኛ ተሳትፎና ጥረት ማድረጋቸው ተገልጿል።

በአካባቢው ባለ ከፍተኛ ንፋስና ሙቀት ቃጠሎውን ፈጥኖ ለመቆጣጠር አላስቻለም ተብሏል።

እስከ ትናንት ምሽት ከፍተኛ የእሳት ቃጠሎ በነበረባቸው አካባቢዎች እሳቱን ለማጥፋት በተደረገ ጥረት አብዛኛውን ክፍል መቆጣጠር እንደተቻለ ተነግሯል።

ዛሬም በፓርኩ የተለያዩ ቦታዎች ላይ ተበታትነው የሚገኙ አነስተኛ እና ቀላል እሳቶችን የማጥፋት ስራ እየተከናወነ መሆኑን የተጠቆመ ሲሆን አደጋው በቁጥጥር ስር የሚውልበት ደረጃ ላይ ደርሷል ተብሏል።

ለ3 ቀን በዘለቀው ቃጠሎ ከ100 ኪሎ ሜትር እስኩየር በላይ የሸፈነ ሳርና ቁጥቋጦ ሙሉ በሙሉ ውድሟል።

በቃጠሎው በዱር እንስሳት እንዲሁም በአእዋፎች ላይ ጉዳት መድረሱን ተጠቁሟል።

የእሳት አደጋው መንሰኤ #ሰው_ሰራሽ መሆኑን ተገልጿል።

ዝርዝር የአደጋው መንስኤና የጉዳት መጠን በሚመለከታቸው አካላት ተመርመሮ ይገለፃል ተብሏል። ~ ENA

@tikvahethiopiaBot @tikvahethiopia

ዛሬ በአማራ ክልል ደቡብ ወሎ በቃሉ ወረዳ በ07 ቀበሌ የቃሉ ኢስላሚክ ዩኒቨርሲቲ እና የተውፊቅ ሙስጂድ ግንባታ የማስጀመሪያ የመሰረት ድንጋይ ተቀመጠ።

የመሰረት ድንጋዩ የተቀመጠው በኡስታዝ አቡበክር አህመድ ሲሆን በስነ ስርዓቱ ላይ ኡስታዞች እና መሻይኾች ተገኝተው ነበር።

Photo : Ustaz Abubeker Ahmed
@tikvahethiopiaBot @tikvahethiopia

በ5 የሶማሊ ክልል ተወላጅ ወጣቶች ኢንቨስት የተደረገ "ሚና" የተሰኘ የውሃ ማቀነባበሪያ ፋብሪካ ተመረቀ !

ሚና የውሃ ፋብሪካ በ80 ሚሊየን ብር ወጪ በፋፈን ዞን ጉርሱም ወረዳ ደገህሌ ከተማ የተገነባ ሲሆን ዛሬ ተመርቋል።

ፋብሪካው በአምስት የክልሉ ተወላጅ ወጣቶች ኢንቨስት የተደረገ ነው።

በሰአት 12 ሺህ ሊትር ፣ በቀን 288,000 የታሸገ ውሃ የሚያመርት ሲሆን ፤ በ28 ሺህ ካ.ሜ ላይ አርፏል።

በምርቃት ስነ ርዓቱ ላይ ተገኝተው ፋብሪካውን የመረቁት የሶማሊ ክልል ፕሬዜዳንት አቶ ሙስጠፌ ፥ በሶማሊ በተፈጠረው አስተማማኝ ሰላምና ለውጥ አማካኝነት በርካታ ኢንቨስተሮች ወደ ክልሉ ለመሳብ መቻሉን ገልፀዋል።

PHOTO : Abdulkadir
@tikvahethiopia