በሆሳዕና በደረሰ የእሳት አደጋ በንብረት ላይ ጉዳት ደረሰ።

በሆሳዕና ከተማ በአንድ የገበያ አዳራሽ የደረሰው የእሳት ቃጠሎ ከ5 ሚሊየን ብር በላይ ግምት ያለው ንብረት ማውደሙን የከተማው ፖሊስ አስታውቋል።

የከተማው ፖሊስ አዛዥ ኮማንደር ኤርደዶ አወኖ ዛሬ እንደገለፁት በቀን 05/04/2013 ዓ/ም ከምሽቱ ሦስት ሰዓት የተነሳው የእሳት ቃጠሎ በርካታ የኤሌክትሮኒክስና የአልባሳት የንግድ ድርጅቶች ከነ ሙሉ ንብረታቸው አውድሟል ።

ለሦስት (3) ተከታታይ ሰዓት የቆየው የእሳት ቃጠሎ የአካባቢው ህብረተሰብ ባደረገው እርብርብ ወደ ሌሎች ድርጅቶች ሳይዛመት ማጥፋት የተቻለ ሲሆን ፖሊስ የአደጋውን መንስኤ በማጣራት ላይ መሆኑንም ኮማንደሩ ገልፀዋል።

ምንጭ፦ የሆሳዕና ከተማ ኮሚኒኬሽን ፣ ፎቶ - Tikvah Family Hossana
@tikvahethiopiaBOT @tikvahethiopia

#UPDATE

በሱማሌ ክልል የ8ኛ ክፍል ክልል አቀፍ የሚንስትሪ ፈተና ዛሬ ታህሳስ 7 ቀን 2013 ጀምሯል።

ፈተናውን በሁሴን ጊሬ አንደኛ ደረጃ ትምህርት ቤት የፈተና ጣቢያ በመገኝት ያስጀመሩት የሱማሌ ክልል ትምህርት ቢሮ ሀላፊ መሀመድ ፈታህ እንደገለፁት ፈተናው ከታህሳስ 7-10 የሚቆይ ሲሆን በፈተናው ላይ 41,889 ተማሪዎች መቀመጣቸውን አስታውቀዋል።

657 የፈተና ጣቢያዎች ዝግጁ መደረጋቸውን የገለፁት ሀላፊው ፣ ከኮሮና ቫይረስ ጋር ተያይዞ ጥንቃቄ በተሞላበት ሁኔታ ፈተናው እንደሚሰጥ መናገራቸውን ኢቲቪ ዘግቧል።

@tikvahethiopiaBOT @tikvahethiopia

በሲዳማ ብሄራዊ ክልላዊ መንግስት የስምንተኛ ክፍል ክልላዊ ፈተና በዛሬ መሰጠት ተጀመረ። #SRTA

@tikvahethiopiaBOT @tikvahethiopia

#Tigray

አቶ አብርሃ ደስታ የትግራይ ክልል ጊዜያዊ አስተዳደር የሰራተኛ እና ማህበራዊ ጉዳይ ቢሮ ዋና ኃላፊ ሆነው መሾማቸው ተሰምቷል።

አቶ አብርሃ ደስታ በመቐለ ዩንቨርሲቲ የፖለቲካ ሳይንስ ክፍለ ትምህርት አስተማሪ ነበሩ።

በሌላ በኩል አቶ ሚሊዮን ኣብርሃ የደቡብ ትግራይ ዞን ዋና አስተዳዳሪ ተደርገው መሾማቸው ተገልጿል።

ምንጭ፦ የትግራይ ብልፅግና ፓርቲ
@tikvahethiopiaBOT @tikvahethiopia

በአ/አ 11 መጠጥ ቤቶች እና ሬስቶራንቶች ታሽጉ !

በአዲስ አበባ ዉስጥ የሚገኙ ከ100 በላይ መጠጥ ቤቶች ላይ የአካባቢ ጥበቃ እና አረንጓዴ ልማት ኮሚሽን የአካባቢ ብክለት ቁጥጥር ባለሙያዎች ባደረጉት የድምፅ ልኬት አካባቢ እና ህብረተሰቡ የሚያዉክ ድምጽ ማዉጣታቸዉ በመረጋገጡ የማስተካከል እርምጃ እንዲወሰድ ማስጠንቀቂያ ተሰጥቷቸዉ ነበር።

አብዛኛዎቹ መጠጥ ቤቶች ቢያስተካክሉም 11 የሚሆኑት መጠጥ ቤቶች የሚለቁትን የድምጽ መጠን ባለማስተካከላቸዉ እንደታሸጉ የአካባቢ ብክለት ኢንስፔክሽን ቡደን መሪ አቶ ሙላቱ ወሰኑ ተናግረዋል፡፡

በቦሌ ክፍለ ከተማ እና በአቂቃ ቃሊቲ ክፍል ከተማ የሚገኙት 11 መጠጥ ቤቶች ከተፈቀደዉ 45 ዴስባል የድምፅ መጠን በላይ አልፍዉ እሰከ 85 ዴሲባል መጠን ሲጠቀሙ መገኝታቸዉ ተረጋግጧል።

በተደጋጋሚ ማስጠንቀቂያ ቢሰጣቸዉም ሊያስተካክሉ ባለመቻላቸዉ ህጉ በሚፈቅደው መሰረት እርምጃ ተወስዶባቸወል።

በዚህም መሰረት፦

- ከዚራ ባርና ሬስቶራንት
- ሰለሞን ጀርመን ሀዉስ
- ፋልከን ላወንጂ
- ሴራኒ ባርና ሬስቶራንት
- አዲናስ ባርና ሬስቶራንት
- ዊንግ ላዉንጂ
- ፎድ ዞን ኤልቢስ ትሮ ባርና ሬስቶራንት
- ሚሚስ አዲስ ባርና ሬስቶራንት
- ሮያል ባርና ሬስቶራንት እንዲሁም ተክላኋይማኖት ግሮሰሪ ታሽገዋል፡፡

ህብረተሰቡ በሚኖርበት አካባቢ ብክለት የሚያደርሱ ተቋማትን በ6713 የስልክ መስመር ጥቆማ ማድረስ እንደሚችል መልዕክት ተላልፏል።

ምንጭ፦ የአካባቢ ጥበቃና አረንጓዴ ልማት ኮሚሽን
@tikvahethiopiaBOT @tikvahethiopia

#Tigray

የትግራይ ክልል ጊዜያዊ አስተዳደር ነዋሪው የጦር መሳሪያዎችን እንዲያስረክብ ያሰቀመጠው የጊዜ ገደብ ተጠናቋል።

በሕጋዊም ሆነ በሕገ ወጥ መንገድ የጦር መሳሪያ የታጠቁ ነዋሪዎች እስከ ማክሰኞ ታኅሳስ 6/2013 ዓ.ም ድረስ መሳሪያቸውን በአቅራቢያቸው ለሚገኝ የጸጥታ አካላት እንዲያስረክቡ መታዘዙን ይታወሳል።

የጦር መሳሪያዎችን ለማስረከብ ከተቀመጠው የጊዜ ገደብ በኋላ የቤት ለቤት ፍተሻ በማድረግ ሕገ ወጥ የጦር መሳሪያዎች እንደሚሰበሰቡ እና በፍተሻውም ትጥቅ የሚገኝባቸው ግለሰቦች "በሕግ ተጠያቂ ይሆናል" መባሉ አይዘነጋም።

የትግራይ ጊዜያዊ አስተዳደር እስካሁን በተደረገው የጦር መሳሪያዎችን መሰብሰብ ሂደት ውስጥ በርካታ የጦር መሳሪያዎች መሰብሰባቸውን አሳውቆ መጠኑም በሁሉም አካባቢ የተገኘው የጦር መሳሪያ መረጃ ተጣናቆ ሲያበቃ የሚታወቅ መሆኑን ገልጿል።

ምንጭ፦ BBC
PHOTO : FILE
@tikvahethiopiaBot @tikvahethiopia