#የኮማንዶ_አባላት_ተሳትፎ!

በራያ ግንባር ተሰልፎ ያለው የኮማንዶ ኃይል ኮንክሪት ምሽጎች እና አስቸጋሪ ተራራማ ቦታዎችን በመስበር ከፍተኛ ስራ እየሰራ እንደሆነ በልዩ ዘመቻዎች ሃይል የኮማንዶ አዛዥ የሆኑት ኮ/ል ከማል በሪሱ ገልጸዋል።

ባልተጠበቁ ቦታዎች ላይ በፍጥነት ቆርጦ በመግባት ፤ የታፈነ ወገንን በማስለቀቅ እና በቀጥታ ውጊያዎች ከሌሎች የሰራዊቱ ክፍሎች ጋር በመቀናጀት የኮማንዶ አባላት የላቀ ጀግንነት መፈፀማቸውን እና እየፈፀሙም እንደሚገኙ ኮ/ል ከማል ገልፀዋል።

ቀደም ሲልም በሁመራ ግንባር ቅርቅር በተባለው ቦታ የተያዘውን ስትራቴጂክ ቦታ በማስለቀቅ እና የህውሓት ቡድን ከወታደራዊ ጠቀሜታ አንፃር ምቹ የሆኑትን የመሬት ግፆችን እንዳይጠቀባቸው በማድረግ አንጻር ትልቅ ስራ መሰራቱን ኮሎኔል ከማል ተናግረዋል።

* መረጃውን የላከልን በራያ ግንባር የሚገኘው ሃምሳ አለቃ አበበ ሰማኝ ነው።

@tikvahethiopiaBOT @tikvahethiopia

አጫጭር መረጃዎች ፦

1. መከላከያ ሰራዊት መቐለ ከተማን ለመቆጣጠር የወታደራዊ ዘመቻውን ጀምሯል ፤ ዛሬ ከረፋድ 4:00 ሰዓት ጀምሮ በከተማዋ ዙሪያ የከባድ መሳሪያ ድምጽና ፍንዳታዎች መሰማት እንደጀመሩ ቢቢሲ፣ አልጀዚራና ሮይተርስ ዘግበዋል።

2. የህወሓት ሊቀመንበር የሆኑት ዶክተር ደብረጽዮን ለሮይተርስ በጽሁፍ መልዕክት መቐለ ላይ "የከባድ መሳሪያ ድብደባ" እየተካሄደ ነው ሲሉ ገልፀዋል።

3. የጠ/ሚ ፅህፈት ቤት ፕሬስ ሴክሬታሪ ቢለኔ ስዩም የሀገር መከላከያ ሰላማዊ ሰዎች የሚገኙባቸውን አካባቢዎች ላይ የከባድ መሳሪያ ጥቃት አይፈጽምም ሲሉ ለሮይተርስ ተናግረዋል።

"በመቐለ ከተማም ሆነ በትግራይ ክልል ውስጥ የሚገኙ ኢትዮጵያውያን ደኅንነት የፌደራል መንግሥቱ ቅድሚያ የሚሰጠው ጉዳይ ሆኖ ይቀጥላል" በማለት ሰራዊቱ ለሰላማዊ ሰዎች ጥንቃቄ እንደሚያደርግ አሳውቀዋል።

4. የፌዴራል የህብረት ስራ ኤጀንሲ በትግራይ ክልል እየተካሄደ ያለው የህግ ማስከበር ሂደቱ እንደተጠናቀቀ በህብረት ስራ ማህበራት በኩል መሰረታዊ ሸቀጦችን ወደትግራይ ለማሰረጨት ቅድመ ዝግጅት እየተካሄደ መሆኑን አሳውቋል።

5. ከትግራይ ክልል ወደ ሱዳን የሸሹ ዜጎቻችን ቁጥር ከ43 ሺህ አልፏል።

6. ፍሊፖ ግራንዲ (ከUNHCR) ትላንት በምስራቃዊ ሱዳን በኢትዮጵያ ድንበር ከትግራይ ክልል ወደ ሱዳን የተደዱ ዜጎች ያሉበትን ሁኔታ መጎብኘታቸውን አሳውቀዋል።

አብዛኞቹ ስደተኞች ውጊያው ከቆመና ፣ ደህንነታቸው የሚጠበቅ ከሆነ ወደ ሀገራቸው ለመመለስ ፍላጎት እንዳላቸው መናገራቸውን ገልፀዋል።

ህዳር 19/2013

@tikvahethiopiaBOT @tikvahethiopia

#FederalPoliceCommission

ዛሬ ፌዴራል ፖሊስ ኮሚሽን በሀገር ውስጥና በውጭ ሀገራት በመሆን የተለያዩ ሚዲያዎችን በመጠቀም "አገር አፍራሽ መረጃ" ያሰራጫሉ ባላቸው ግለሰቦች እንዲሁም በ27 ወታደራዊ ሹማምንት ላይ የመያዣ ትዕዘዝ መውጣቱን አሳውቋል።

* የስም ዝርዝራቸው ከላይ ተያይዟል።

@tikvahethiopiaBOT @tikvahethiopia

#DrAbiyAhmed

ጠ/ሚ ዶ/ር አብይ አህመድ መከላከያ ሰራዊት መቐለ ከተማ መግባቱን አሳውቀዋል።

በተካሄደው ዘመቻ ላይ ንጹሐን ዜጎች ዒላማ ሳይሆኑ ፣ ከተሞችና ቅርሶች ሳይጎዱ መቐለ ለመግባት መቻሉን ነው የገለፁት።

ከዚህ በተጨማሪ የትግራይ ሕዝብ በህግ ከሚፈለጉት "የህወሓት ቡድን አባላት" ጋር እንዳልሆነ በተግባር አስመስክሯል ብሏል።

* ማምሻውን ያሰራጩት መልዕክት ከላይ ተያይዟል።

@tikvahethiopiaBOT @tikvahethiopia

አጫጭር መረጃዎች ፦

1. የመከላከያ ሰራዊት የመቐለ ኤርፖርት ፣ የክልሉን አስተዳደር ጽህፈት ቤት እንዲሁም ቁልፍ የሆኑ ህዝባዊ እና ሌሎች ተቋማትን በዋናነት መቆጣጠሩን ዶክተር አብይ አህመድ ገልፀዋል።

2. ዶ/ር ደብረጽዮን ገ/ሚካኤል ለሮይተርስ ጦራቸው ከመቐለ አካባቢ መልቀቁን ጠቁመዋል ፤ በፍልሚያው ግን እንደሚቀጥሉ ገልፀዋል። ዶክተር ደብረፅዮን "የእራስን እድል የመወሰን መብታችንን ለመከላከል ወራሪዎችን እስከ መጨረሻው እንታገላቸዋለን" ነው ያሉት።

3. ትላንት ምሽት ኤርትራ አስመራ ከተማ 6 የፍንዳታ ድምፅ መሰማቱን በኤርትራ የአሜሪካ ኤምባሲ ገልጿል። ኤርትራን በሚመለከት መረጃ የሚያሰራጩ አካላት 'ህወሓት' ወደ ኤርትራ ለሶስተኛ ጊዜ የሮኬት ጥቃት መፈፀሙን ገልፀዋል።

4. የህዝብ ተወካዮች ምክር ቤት ጠቅላይ ሚኒስትር ዶ/ር አብይ አህመድ ነገ በወቅታዊ ሃገራዊ ጉዳዮች ላይ ማብራሪያ እንደሚሰጡ አሳውቋል።

5. በሚቀጥሉት ሁለት ቀናት የተጠናቀቀውን የህግ ማስከበር ዘመቻን አስመልክቶና በቀጣይ ሁኔታ ላይ ከጄኔራል አበባው ታደሰ ጋር በመቐለ ከተማ መግለጫ እንደሚሰጡ ሌ/ጄኔራል ባጫ ደበሌ ዛሬ ገልፀዋል።

3ኛው ምዕራፍ የህግ ማስከበር ዘመቻ በድል ተጠናቆ አሁን ላይ ወደ መልሶ ማደራጀት መገባቱን ሌ/ጄኔራሉ እንደገለፁት አብመድ ዘግቧል።

6. የUNHCR ኮሚሽነር ፊሊፖ ግራንዲ ከኢትዮጵያ ወደ ጎረቤት ሀገር ሱዳን የሚሰደዱ ሰዎች ቁጥር እየቀነሰ መምጣቱን ገልፀዋል። "ሆኖም ግን በቀን ከ5 መቶ እስከ 6 መቶ የተፈናቃዮች ቁጥር ትንሽ የሚባል አይደለም" ብለዋል።

በሌላ በኩል በሱዳን የሚገኙ ተፈናቃዮችን ለመርዳት የሱዳን መንግሥት $147 ሚሊየን እንዲያስፈልገው መግለፃቸውን SBS አስነብቧል።

ህዳር 20/2013 ዓ/ም

@tikvahethiopiaBOT @tikvahethiopia