መስከረም 4/2013 ዓ/ም

ጠቅላይ ሚኒስትር ዶ/ር አብይ አህመድ ነባሮቹን የ10 ፣ የ50 እና የ100 ብር የገንዘብ ዓይነቶች ሙሉ ለሙሉ በመተካት ለግብይት የሚሆን አዲስ የገንዘብ ዓይነት በዛሬው ዕለት ይፋ አድርገዋል።

ከዚህ በተጨማሪ ኢትዮጵያ የሁለት መቶ ብር ኖትን ወደ ሥራ ታስገባለች።

የ5 ብር ገንዘብ ባለበት ቀጥሎ፣ ከተወሰነ ጊዜ በኋላ ወደ ሣንቲም የሚለወጥ ይሆናል።

የብር ኖቶቹን ለምን መቀየር አስፈለገ ?

- መደበኛ ባልሆነ መንገድ እንዲሁም ከፋይናንስ ተቋማት ውጪ የሚዘዋወረውን ገንዘብ ለመሰብሰብ ፣

- ሙስናን እና የኮንትሮባንድ ሥራዎችን ለመቀልበስ፣

- ለሕገ ወጥ እንቅስቃሴዎች የሚደረግን ድጋፍ ለማስቀረት ፣

እርምጃው የፋይናንስ ተቋማት የገንዘብ እጥረትን ለመቋቋም እንዲችሉም እንደሚያግዝ ከPMO ያገኘነው መረጃ ያመለክታል።

አሁን በምን ደረጃ ላይ ይገኛል ?

አብዛኛው የሕትመት ሥራ ተገባዶ በኢትዮጵያ ብሔራዊ ባንክ ግምጃ ቤት ይገኛል። የስርጭት ስርዓት እና ዕቅድ የተዘጋጀ ሲሆን ፣ በሚመለከታቸው አካላት አማካኝነት ይተገበራል።

በገንዘብ ቅያሬው ሂደት ውስጥ የጸጥታ አስከባሪ አካላት ከፍተኛ ሚና የሚጫወቱ ሲሆን ፣ የሚመለከታቸው የመንግስት አካላት ከማኅበረሰቡ ጋር በመተባበር ጥንቃቄ በተሞላበት መንገድ ያስፈጽማሉ ተብሏል።

ከመከላከያ ሠራዊት፣ ከብሔራዊ የመረጃና ደህንነት አገልግሎትና ከፌደራል ፖሊስ የተውጣጣ ኮማንድ ፖስት ተቋቁሞ ፣ ሂደቱን በበላይነት ያስተባብራል።

የክልል መንግሥታትም ተመሳሳይ ኮማንድ ፖስት አቋቁመው ሥራውን እንዲያከናውኑ ይጠበቃል።

ምንጭ፦ ጠ/ሚ ዶ/ር አብይ ፣ የጠ/ሚ ፅ/ቤት
@tikvahethiopiaBot @tikvahethiopia

#UPDATE

ጠ/ሚ ዐቢይ አህመድ በዛሬው ዕለት ያስታወቁትን የግብይት ገንዘብ ዓይነቶች ለውጥን በተመለከተ የደረሰው መረጃ እንደሌለ የኢትዮጵያ ባንኮች ማህበር (Ethiopian Bankers Association) ለአል ዓይን አስታወቀ፡፡

ጉዳዩን በተመለከተ በርከት ያሉ ጥያቄዎች ከተለያዩ የሚዲያ ተቋማት ቀርበውልናል ያሉት የማህበሩ ጽህፈት ቤት ተጠባባቂ ኃላፊ አቶ ኤርሚያስ ግርማ “በይፋ የደረሰን ነገር የለም፡፡ የተሟላ መረጃም እያገኘን አይደለም፣ ስለፋይዳና ተጽዕኖው ልንናገርም አንችልም” ሲሉ ገልጸዋል።

የብር ለውጡን በተመለከተ በዚህ ሳምንት ሊሰጡ የሚችሉት መግለጫ ሊኖር እንደሚችል ጠቁመዋል።

https://telegra.ph/AlAin-09-14

@tikvahethiopiaBot @tikvahethiopia

የኢፌዴሪ ሳይንስ እና ከፍተኛ ትምህርት ሚኒስቴር ዶ/ር ገብረየሱስ ብርሃነ የአክሱም ዩኒቨርሲቲ ፕሬዜዳንት አድርጎ ሾሟቸዋል።

@tikvahethiopiaBot @tikvahethiopia

ከግንቦት 28/2005 ዓ/ም ጀምሮ የመቐለ ዩኒቨርሲቲ ፕሬዝዳንት ሆነው ሲያገለግሉ የቆዩት ፕሮፌሰር ክንደያ ገ/ህይወት ከነገ መስከረም 5/2013 ዓ/ም ጀምሮ ኃላፊነቱ እንደተነሳላቸው የሳይንስና ከፍተኛ ትምህርት ሚኒስቴር ዛሬ አስታውቋል።

@tikvahethiopiaBot @tikvahethiopia

አዲሱ የብር ኖት 2 ነጥብ 9 ቢሊዮን ታትሟል!

አዲሱ የብር ኖት 2 ነጥብ 9 ቢሊዮን ታትሞ በሁሉም የአገሪቱ አካባቢዎች ለስርጭት ዘግጁ መሆኑን የኢትዮጵያ ብሄራዊ ባንክ አስታወቀ።

የኢትዮጵያ ብሔራዊ ባንክ ገዥ ዶክተር ይናገር ደሴ አዲሱን የብር ኖት በማስመልከት ዛሬ መግለጫ ሰጥተዋል።

በመግለጫቸውም አሁን ላይ 2 ነጥብ 9 ቢሊዮን ብር ታትሞ በሁሉም የአገሪቱ አካባቢዎች የብር ኖት ቅያሬውን ለማከናወን ዝግጅቱ መጠናቀቁን ገልጸዋል።

አዲሱን የብር ኖት ለማሳተም 3 ነጥብ 7 ቢሊዮን ብር ውጭ መደረጉንም ገልጸው፤ በሁሉም ክልሎች በበቂ ሁኔታ ለማድረስ ዝግጅት መደረጉንም ተናግረዋል።

የብር ቅያሬው በውክልና የማይከናወን በመሆኑ መታወቂያ በመያዝ ባለቤቱ ብቻ ማከናወን ይኖርበታል ብለዋል።

ከአጎራባች አገራት የሚገባን ህገ ወጥ የሆነ ገንዘብ ለመቆጣጠር በድንበር አካባቢ ጥብቅ ቁጥጥር የሚደረግ መሆኑን ዶክተር ይናገር መግለፃቸውን ኢዜአ ዘግቧል።

@tikvahethiopiaBot @tikvahethiopia

የትግራይ ምርጫ የመጨረሻ ውጤት ይፋ ሆነ!

ዛሬ የትግራይ ክልል ምርጫ ኮሚሽን ጳጉሜ 4/2012 ዓ/ም የተደረገውን 6ኛው ክልላዊ ምርጫ የመጨረሻ ውጤት ይፋ አድርጓል።

ከአጠቃላዩ 190 የክልሉ ምክር ቤት ወንበሮች 189ኙ በህወሓት የተያዙ ሲሆን በታሪክ ለመጀመሪያ ግዜ አንድ ተቃዋሚ ፓርቲ በምክር ቤቱ አንድ (1) ወንበር አግኝቷል፡፡

ባይቶና በአንድ ወንበር ምክር ቤት የገባ ፓርቲ ሆኗል፡፡

ምንጭ፦ ሚሊዮን ኃይለስላሴ (DW)
@tikvahethiopiaBot @tikvahethiopia

ዛሬ ማምሻውን የኢትዮጵያ ብሔራዊ ባንክ ገዥ ዶ/ር ይናገር ደሴ ከሰጡት መግለጫ የተወሰዱ ዋና ዋና ነጥቦች ፦

- የብር ለውጡን ተከትሎ ህገ ወጥ ተግባራትን ለመቆጣጠር ዝግጅት ተደርጓል።

- በተለያዩ ጎረቤት አገራት የኢትዮጵያ የብር ኖቶች ክምችት አለ ፤ ለብር ለውጡ ጥቅም ላይ እንዳይውሉ ቁጥጥር ይደረጋል። ለዚህም ከጸጥታና የደህንነት አካላት ጋር በመነጋገር የመቆጣጠርና የማምከን ተግባራት ይከናወናል።

- በድንበር አካባቢ የሚገኙ ባንኮች በብር ለውጡ ለህገ ወጥ ድርጊቶች እንዳይጋለጡ ጥብቅ ክትትል ይደረጋል።

- የብር ቅያሬውን ለማከናወን ማንኛውም ግለሰብ የብር ኖቶቹን ራሱ በባንክ መቀየር ሲገባው በሌላ ግለሰብ በውክልና መቀየር አይችልም።

- በ3 ነጥብ 7 ቢሊዮን ብር ወጪ 2 ነጥብ 9 ቢሊዮን የብር ኖት ታትሟል፤ የመጠባበቂያ ክምችት እንዲኖር ተጨማሪ የብር ኖቶች እየታተሙ ነው።

- ባለፉት ጥቂት ወራት አዳዲሶቹን የብር ኖቶች ወደ ኢትዮጵያ የተለያዩ አካባቢዎች የማጓጓዝ ስራ ተሰርቷል። አሮጌውን ገንዘብ መቀየር የሚያስችል በቂ ክምችት አለ።

- አዳዲሶቹ የብር ኖቶች እንዳይበላሹ ጥንቃቄ ማድረግ ይገባል፤ ይሄም ኢትዮጵያ የተበላሸ ገንዘብ ለመተካት የምታወጣውን ብዙ ወጪ ያስቀራል።

- ህገ ወጥ ተግባራት የሚፈጽሙ ባንኮች እንደ ጥፋታቸው መጠን እና ልክ ቅጣት ይጣልባቸዋል።

@tikvahethiopiaBOT @tikvahethiopia