ዶ/ር አብይ አህመድ ዛሬ የተመረቀው የኮሮና ቫይረስ (ኮቪድ-19) መመርመሪያ ኪት ማምረቻ ፋብሪካ ውጤታማ እንዲሆን ከፍተኛ ስራ ለሰሩት ዶ/ር አርከበ እቁባይ ምስጋና አቅርበዋል።

@tikvahethiopiaBot @tikvahethiopia

#UPDATE

ከጥቂት ቀናት በፊት ተቋርጦ የነበረው አስትራዜኔካ እና ኦክስፎርድ ዩኒቨርስቲ እየሰሩት ያለው ዓለም ተስፋ የጣለበት የኮቪድ-19 ክትባት ሙከራ ዳግም ሊጀመር መሆኑን ቢቢሲ አስነብቧል።

የክትባት ሙከራው እንዲቆም የተደረገው በዩናይትድ ኪንግደም በሚገኙ አንድ የሙከራው ተሳታፊ ላይ የጎንዮሽ ችግር በመታየቱ ነበር።

ባሳለፍነው ማክሰኞ አስትራዜኔካ፤ ምርምሩ እንዲቆም የተደረገው በሙከራው ተሳታፊ ላይ የታየው የጤና ችግር ከክትባቱ ጋር ይያያዝ ፤ አይያያዝ እንደሆነ ለመፈተሽ እንደሆነ ተናግሯል።

ይሁን እንጅ ትላንት ቅዳሜ ኦክስፎርድ ዩኒቨርስቲ የክትባቱን ሙከራ መቀጠል እንደሚቻል አስታውቋል።

ምርምሩ ተሳታፊ ያጋጠማቸው ጤና እክል በተመለከተ ሚስጢር ለመጠበቅ ሲባል እንደማይገልፅ የተነገረ ቢሆንም ኒው ዮርክ ታይምስ በዩናይትድ ኪንግደም (UK) የሚገኙት የሙከራው በጎፈቃደኛው በአንድ በኩል ያለው የአከርካሬ አጥንታቸው ላይ ያሉ ነርቮች መቆጣት እንዳጋጠማቸው ዘግቧል።

Via BBC
@tikvahethiopiaBot @tikvahethiopia

"የአዲስ አበባ ኮቪድ-19 የፊልድ ሆስፒታል በዛሬው እለት በክቡር ጠቅላይ ሚንስትር ዶ/ር አብይ አህመድ በይፋ ተመርቆ ስራ ጀምሯል፡፡ ሆስፒታሉ ከባድ የኮቪድ ምልክቶች ለሚያሳዩ ህመምተኞች ህክምና የሚሰጥ ሲሆን አቅማችንን የሚያሻሽሉ በቂ የህክምና መሳሪያዎችም እንዲሟሉም አድርገናል። ሆስፒታሉ በቀጣይ ከዓለም ጤና ድርጅት ጋር ለአስቸኳይ ጊዜ ምላሽ ሰጪ የህክምና ቡድኖች ስልጠናን ይሰጣል፡፡" - ዶክተር ሊያ ታደሰ (የጤና ሚኒስትር)

@tikvahethiopiaBot @tikvahethiopia

#SHARE #ሼር

አፋር የመንግስትን እና የህዝብን አስቸኳይ ድጋፍ እና እርዳታ ይሻሉ!

ይህን ከባድ የተፈጥሮ አደጋ በቸልታ የሚታለፍ አይደለም።

አፋር የሃገራችን ዳርድንበር ለዘመናት እየጠብቁ የቆዩ ፣ የሰው ልጆችን ሁሉ በእኩልነት እና በክብር ተቀብለው የሚያስተናግዱ እንግዳ ተቀባይ እና ከሌሎች ጋር ተካፍለው መብላት ህይወታቸው የሆነ የኢትዮጵያ ውድ ህዝቦች ናቸው።

እነዚህ ወገኖቻችን ባጋጠማቸው ከፍተኛ የሆነ የጎርፍ አደጋ ከ200 ሺህ ህዝብ በላይ ተፈናቅሎ የመንግስትን እና የህዝብን ድጋፍ እየጠበቁ ነው።

ሰብዓዊነት ሁሉም ሊሰማው ይገባል። አንድ አካላችን ሲታመም ሁሉም አካላችን እንደሚታመም ሁሉ የአፋር ወገኖቻችን ጉዳት እና ህመም እኛንም ሊያመን ይገባል።

በሌላ በኩል ፦

ጣና ሐይቅ በከፍተኛ ደረጃ ከመጨመሩ የተነሳ ውሃው ተመልሶ በሐይቁ ዙሪያ ያሉ ቀበሌዎችን እያጥለቀለቀ ይገኛል።

በዚሁ ምክንያት እስካሁን ድረስ በደንቢያ ወረዳ ከ600 በላይ ሰው እንደተፈናቀለ መረጃ የደረሰኝ ሲሆን ፎገራ ወረዳ ሁለት ቀበሌዎች፤ ሊቦ ከምከም ወረዳ ደግሞ አራት ቀበሌዎች በውሃ ተጥለቅልቀዋል።

የውሃው መጠን አሁን ካለው በላይ ጨምሮ ጉዳት እንዳይደርስ ሕዝቡ ከአካባቢው እንዲነሳና ወደ ደረቅ ቦታ እንዲሰፍር ማድረግ አስፈላጊ ነው።

ጉዳዩ የሚመለከታቸው የመንግስት አካላት ተገቢውን ትኩረት ሰጥተው ክትትል ሊያደርጉ ይገባል።

(ኢስታዝ አቡበክር አህመድ፣ መልካሙ ሹምዬ ኮከብ)

@tikvahethiopiaBot @tikvahethiopia

የመስቀል አደባባይ ፕሮጀክት ለመስቀል ደመራ በዓል ዝግጁ እንደሚሆን የአ/አ ምክትል ከንቲባ አረጋገጡ!

የአዲስ አበባ ምክትል ከንቲባ ወይዘሮ አዳነች አቤቤ ዛሬ የመስቀል አደባባይ ፕሮጀክትን መጎብኘታቸውን አሳውቀዋል።

ምክትል ከንቲባ ወ/ሮ አዳነች ለፕሮጀክቱ ሰራተኞች ምስጋና ያቀረቡ ሲሆን ለመስቀል ደመራ በዓል ዝግጁ እንደሚሆን በዛሬው ጉብኝታቸው ማረጋገጫ እንዳገኙ ገልፀዋል።

"የተለያዩ አካላትን በጥምረት ያሳተፈው ይህ ሀገራዊ ፋይዳ ያለው ትልቅ ፕሮጀክት ወቅቱን ባማከለ መንገድ ለበዓሉ ዝግጁ እንደሚሆን በማወቄም ተደስቻለሁ" ሲሉ በይፋዊ የትዊተር ገፃቸው አስፍረዋል።

@tikvahethiopiaBot @tikvahethiopia

መስከረም 4/2013 ዓ/ም

ጠቅላይ ሚኒስትር ዶ/ር አብይ አህመድ ነባሮቹን የ10 ፣ የ50 እና የ100 ብር የገንዘብ ዓይነቶች ሙሉ ለሙሉ በመተካት ለግብይት የሚሆን አዲስ የገንዘብ ዓይነት በዛሬው ዕለት ይፋ አድርገዋል።

ከዚህ በተጨማሪ ኢትዮጵያ የሁለት መቶ ብር ኖትን ወደ ሥራ ታስገባለች።

የ5 ብር ገንዘብ ባለበት ቀጥሎ፣ ከተወሰነ ጊዜ በኋላ ወደ ሣንቲም የሚለወጥ ይሆናል።

የብር ኖቶቹን ለምን መቀየር አስፈለገ ?

- መደበኛ ባልሆነ መንገድ እንዲሁም ከፋይናንስ ተቋማት ውጪ የሚዘዋወረውን ገንዘብ ለመሰብሰብ ፣

- ሙስናን እና የኮንትሮባንድ ሥራዎችን ለመቀልበስ፣

- ለሕገ ወጥ እንቅስቃሴዎች የሚደረግን ድጋፍ ለማስቀረት ፣

እርምጃው የፋይናንስ ተቋማት የገንዘብ እጥረትን ለመቋቋም እንዲችሉም እንደሚያግዝ ከPMO ያገኘነው መረጃ ያመለክታል።

አሁን በምን ደረጃ ላይ ይገኛል ?

አብዛኛው የሕትመት ሥራ ተገባዶ በኢትዮጵያ ብሔራዊ ባንክ ግምጃ ቤት ይገኛል። የስርጭት ስርዓት እና ዕቅድ የተዘጋጀ ሲሆን ፣ በሚመለከታቸው አካላት አማካኝነት ይተገበራል።

በገንዘብ ቅያሬው ሂደት ውስጥ የጸጥታ አስከባሪ አካላት ከፍተኛ ሚና የሚጫወቱ ሲሆን ፣ የሚመለከታቸው የመንግስት አካላት ከማኅበረሰቡ ጋር በመተባበር ጥንቃቄ በተሞላበት መንገድ ያስፈጽማሉ ተብሏል።

ከመከላከያ ሠራዊት፣ ከብሔራዊ የመረጃና ደህንነት አገልግሎትና ከፌደራል ፖሊስ የተውጣጣ ኮማንድ ፖስት ተቋቁሞ ፣ ሂደቱን በበላይነት ያስተባብራል።

የክልል መንግሥታትም ተመሳሳይ ኮማንድ ፖስት አቋቁመው ሥራውን እንዲያከናውኑ ይጠበቃል።

ምንጭ፦ ጠ/ሚ ዶ/ር አብይ ፣ የጠ/ሚ ፅ/ቤት
@tikvahethiopiaBot @tikvahethiopia

#UPDATE

ጠ/ሚ ዐቢይ አህመድ በዛሬው ዕለት ያስታወቁትን የግብይት ገንዘብ ዓይነቶች ለውጥን በተመለከተ የደረሰው መረጃ እንደሌለ የኢትዮጵያ ባንኮች ማህበር (Ethiopian Bankers Association) ለአል ዓይን አስታወቀ፡፡

ጉዳዩን በተመለከተ በርከት ያሉ ጥያቄዎች ከተለያዩ የሚዲያ ተቋማት ቀርበውልናል ያሉት የማህበሩ ጽህፈት ቤት ተጠባባቂ ኃላፊ አቶ ኤርሚያስ ግርማ “በይፋ የደረሰን ነገር የለም፡፡ የተሟላ መረጃም እያገኘን አይደለም፣ ስለፋይዳና ተጽዕኖው ልንናገርም አንችልም” ሲሉ ገልጸዋል።

የብር ለውጡን በተመለከተ በዚህ ሳምንት ሊሰጡ የሚችሉት መግለጫ ሊኖር እንደሚችል ጠቁመዋል።

https://telegra.ph/AlAin-09-14

@tikvahethiopiaBot @tikvahethiopia