የሸገር ፓርክ ምረቃ ስነ ስርዓት እየተካሄደ ነው!

የሸገር ፓርክ የምረቃ ስነ ስርዓት በዛሬው እለት እየተካሄደ ነው።

በፓርኩ ምረቃ ላይ ፕሬዚዳንት ሳህለወርቅ ዘውዴ እና ጠቅላይ ሚኒስትር ዶ/ር ዐቢይ አህመድን ጨምሮ ሌሎችም ከፍተኛ የመንግስት የስራ ኃላፊዎች ፣ የሀይማኖት አባቶች እንዲሁም የህብረተሰብ ተወካዮች ተሳትፈዋል።

የሸገር ፓርክ ምረቃ ስነ ስርዓት ላይ ለፓርኩ መገንባት ከፍተኛ አስተዋፅኦ ላበረከቱ አካላት በተለይም ለቻይና መንግስት እና ለሌሎች አካላት እውቅና ተሰጥቷል።

በዚህም ጠቅላይ ሚኒስትር ዶክተር ዐቢይ አህመድ በስራ ሂደቱ ላይ ለተሳተፉ አካላት የምስጋና ስጦታ ማበርከታቸውን ኤፍ ቢ ሲ ዘግቧል።

PHOTO : Reporter /FBC
@tikvahethiopiaBot @tikvahethiopia

በአዲስ አበባ በአስሩ ክፍለ ከተማ በጥናት በተደረገ ፍተሻ ህገ ወጥ የጦር መሳሪያ በቁጥጥር ስር መዋሉን የአዲስ አበባ ፖሊስ ኮሚሽን ለኤፍ ቢ ሲ አስታውቋል።

በተደረገው ፍተሻ አንድ (1) ቦምብ እና አራት (4) ሽጉጦች በቁጥጥር ስር መዋሉ ነው የተገለፀው። ከጉዳዩ ጋር በተያያዘም የተጠረጠሩ 180 ግለሰቦች ተይዘው ፖሊስ ምርመራ እያደረገ ይገኛል።

የአዲስ አበባ ፖሊስ ኮሚሽን ህብረተሰቡ የራሱን ሰላም በመጠበቅ ፣ ሰላምን ሊያውኩ የሚችሉ ወንጀለኞችን ለመከላከል በሚደረገው ጥረት ለፀጥታ አካላት ጥቆማ በመስጠትና አስፈላጊውን ድጋፍ በመስጠት እንዲተባበር ጥሪ አቅርቧል።

@tikvahethiopiaBot @tikvahethiopia

አዲስ አበባ ከተማ ውስጥ ለፀጥታ ሲባል ማንኛውም ግለሰብ ርችት መተኮስ እንደማይችል የአዲስ አበባ ፖሊስ ኮሚሽን አሳስቧል።

ለዚህ ምክንያቱ ደግሞ ርችት መተኮስን ምክንያት በማድረግ 'የሽብር ጥቃት' ለማድረስ እየተዘጋጁ ያሉ ግለሰቦች መኖራቸውን ፖሊስ በጥናት ስለደረሰበት እንደሆነ የኮሚሽኑ የሕዝብ ግንኙነት የሚዲያ ዲቪዥን ኃላፊ ዋና ኢንስፔክተር ማርቆስ ታደሰ ለኤፍ ቢ ሲ ገልጸዋል።

ስለሆነም ወንጀልን ለመከላከል ሲባል አዲስ ዓመትን ምክንያት በማድረግ ማንኛውም ግለሰብ ሪችት መተኮስ አይችልም ብለዋል።

ይህንን ተላልፎ ሪችት የሚተኩስ ማንኛውም ግለሰብ በፖሊስ ቁጥጥር ስር እንደሚውል ዋና ኢንስፔክተር ማርቆስ ታደሰ ተናግረዋል።

@tikvahethiopiaBot @tikvahethiopia

#UPDATE

በትግራይ ምርጫ ለሊቱ ድምፅ ሲቆጠር አድሮ ጠዋት በየምርጫ ጣብያው ውጤት ተለጥፏል።

ትላንት ጳጉሜ 4 በትግራይ የተካሄደው 6ኛው ክልላዊ ምርጫ ውጤት ፣ ድምፅ በተሰጠባቸው 2,672 የምርጫ ጣቢያዎች ዛሬ ንጋት ጀምሮ የየምርጫ ጣብያው ውጤት ይፋ እየተደረገ ነው።

በመቐለ ከተማ የሚገኙ አንዳንድ የምርጫ ጣብያዎች የተለጠፈ ውጤት ህወሓት ከፍተኛ ድምፅ ማግኘቱ የሚያመለክት ሲሆን ባይቶና ፣ ሳልሳይ ወያነ ትግራይና የትግራይ ነፃነት ፓርቲ ተወካዮችም የህዝብ ድምፅ ማግኘታቸውን ዶቼ ቨለ (DW) ዘግቧል።

@tikvahethiopiaBOT @tikvahethiopia

በአፋር ክልል ሁለት ከተሞች አነስተኛ መጠን ያለው ርዕደ - መሬት መከሰቱን አዲስ አበባ ዩኒቨርሲቲ አስታወቀ።

ጳጉሜ 3 እና 4 /2012 ዓ/ም በሎግያ-ሰመራ ከተማ በተለያዩ ሰአቶች ሶስት ጊዜ በሬክተር እስኬል መለኪያ ከአንድ እስከ ሁለት የሚለካ ቀላል ርዕደ-መሬት መከሰቱን ዩኒቨርሲቲው ለኢዜአ ገልጿል።

ምንም እንኳን በክስተቱ በአካባቢው የደረሰ ጉዳት ባይኖርም በቀጣይ በአካባቢዉ ተጨማሪ ክትትል እና ጥናቶችን ማድረግ አስፈላጊ ስለመሆኑ አመላካች ነገሮች መኖራቸዉ ተገልጿል።

ርዕደ-መሬቱ የተከሰተዉ በተለይም ጳጉሜ 3 በተለያዩ ሰዓታት መሆኑ የተነገረ ሲሆን ትናንትናም ማምሻውን ጨምሮ በተለያዩ ሰአታት አራት ጊዜ ርእደ-መሬቱ በተመሳሳይ አካባቢዎች ተመዝግቧል።

@tikvahethiopiaBot @tikvahethiopia

በላሬ ወረዳ ከ5,000 በላይ ሰዎች ተፈናቅለዋል!

በጋምቤላ ክልል በላሬ ወረዳ በጎርፍ ምክንያት ከአምስት ሺ (5,000) ሰዎች በላይ ከቤት ንብረታቸው ተፈናቅለው እደሚገኙ ከጋምቤላ ፕሬስ ሰክሬተሪያት ፅ/ቤት ያገኘነው መረጃ ያሳያል።

ጎርፉ ከአቅም በላይ በመሆኑ ህብረተሰቡ ላይ ችግር እየደረሰ ስለሆነ አስፈላጊው ድጋፍ እንዲደረግላቸው የወረዳው ዋና አስተዳዳሪ አቶ ጋርዊቺ ቢየል ጥሪ አቅርበዋል፡፡

የላሬ ነዋሪ የሆኑት ወይዘሮ ኛዳክ ፓች በተደጋጋሚ በሚጥለው ዝናብ ምክናያት ቤት ንብረታቸውን ጥለው በትምህርት ቤት አጥር ጊቢ ውስጥ ተጠልለው እደሚኖሩ ተናግረዋል።

ወይዘሮዋ አክለውም ጎርፉ ከፍተኛ መሆኑን ገልጸው የአልባሳትና የምግብ ፍጆታ አቅርቦት መንግስት ድጋፍ እንድያደርግላቸው ጠይቀዋል፡፡

የወረዳው አስተዳዳሪ አቶ ጋርዊች ቢየል በበኩላቸው በተመሳሳይ ጎርፉ በወረዳው ባሉ 28 ቀበሌዎች ለጊዜው ቁጥራቸው ባይታወቅም ከተጠቀሰው ቁጥር ባላይ ተፈናቃዮች እንዳሉ ነው የተናገሩት፡፡

ተጎጅዎቹ ባለባቸው የመጠለያ እና የምግብ ችግር ለተለያዩ በሽታዎች አደሚዳረጉ ገልጸው ችግሮችን ለመቅረፍ የባለድርሻ አካላት ርብርብ እደሚያስፈልግ ገልጸዋል፡፡

@tikvahethiopiaBot @tikvahethiopia