#Election2012

የሴቶች ተሳትፎ አናሳ መሆን እጅግ አደገኛ ተብሏል...

የኢትዮጵያ ሲቪል ማህበረሰብ ድርጅቶች መድረክ ፅ/ቤት ኃላፊ ወይዘሮ ብሌን አስራት ለቲክቫህ ኢትዮጵያ የተናገሩት፦

"ካሉት ፖለቲካ ፓርቲዎች 10% ብቻ ናቸው ሴት አመራሮች ያሉበት። ይሄ በጣም አደገኛ አካሄድ ነው። ሀገራችን ብዙ አይነት ህዝብ፣ ብዙ አይነት ብሄር፣ ብዙ አይነት ፍላጎት ያለበት ሀገር ነው፤ ከዚህም ሴቶች አንደኛቹ ናቸው የህብረተሰቡ ግማሽ ክፍል ናቸው። በዛው ልክ ወደአመራርነት መድረክ መምጣት መቻል አለባቸው። ወደአመራርነት መድረክ የሚመጡባቸው አንደኛው መንገድ ይሄ ምርጫ ነው። ዛሬ የፖለቲካ ፓርቲ አባል ያልሆነ ፣ አመራር ያልሆነ ነገ ከነገ ወዲያ በመንግስት ኃላፊነት ላይ ሊመጣ አይችልም።"

@tikvahethiopia @tikvahethiopiaBot

ጥቂት ትላንት ስለፀደቀው ኤክሳዝ ታክስ...

በረቂቅ አዋጁ ላይ በተደረጉ ማሻሻያዎች፦

- ከ1 ሺህ 300 ሲሲ ያልበለጠ የፈረስ ጉልበት ያላቸው ተሽካረካሪዎች እና ባለ 3 እግር ተሽከርካሪዎች ላይ ተጥሎ የነበረው ኤክሳይዝ ታክስ አዲስ በሀገር ውስጥ የሚገጠሙ፣ ሙሉ በሙሉ ተበትነው የቀረቡ ፣ በሀገር ውስጥ ኢንዱስትሪ እንዲገጣጠሙ በከፊል ተበትነው የገቡ እና አዲስ ሙሉ በሙሉ ተገጣጥመው የቀረቡ ላይ እንዲጣል የሚጠይቀው የኤክሳይዝ ታክስ ከ30 በመቶ ወደ 5 በመቶ ዝቅ እንዲል ማሻሻያ ተደርጎበታል።

- ከ1 ዓመት እስከ ከ2 ዓመት ያገለገሉ ተሽከርካሪዎች ላይ እንዲጣል የሚጠይቀው የኤክሳይዝ ታክስ ከ80 በመቶ ወደ 55 በመቶ እንዲሁም፥ ከ2 ዓመት እስከ ከ4 ዓመት ያገለገሉ ተሽከርካሪዎች ላይ እንዲጣል የሚጠይቀው የኤክሳይዝ ታክስ ከ130 በመቶ ወደ 105 በመቶ ዝቅ እንዲል ማሻሻያ ተደርጎበታል።

- ከ4 እስከ 7 ዓመት ያገለገሉ ተሽከርካሪዎች ላይ እንዲጣል የሚጠይቀው የኤክሳይዝ ታክስ ከ230 በመቶ ወደ 205 በመቶ ዝቅ እንዲል ማሻሻያ ተደርጓል።

- ከ7 ዓመት በላይ ያገለገሉ ተሽከርካሪዎች ላይ እንዲጣል የሚጠይቀው የኤክሳይዝ ታክስ ከ430 በመቶ ወደ 405 በመቶ ዝቅ እንዲል ማሻሻያ ተዳርጓል።

https://telegra.ph/ETH-02-14

@tikvahethiopiaBot @tikvahethiopia

የ13ኛ ዙር የ20/80 የጋራ መኖሪያ ቤት ባለቤቶች...

የ20/80 የጋራ መኖሪያ ቤት ባለቤቶቹ ከአዲስ አበባ ቤቶች ልማት አስተዳደር ጋር የነበራቸውን ስብሰባ እና ያገኙትን መልስ በሚመለከት ለቲክቫህ ኢትዮጵያ ሪፖርት አድርገዋል።

ያንብቡ https://telegra.ph/2080-02-14

@tikvahethiopiaBot @tikvahethiopia

በሠደድ እሳት ከ800 ኩንታል በላይ እህል ወደመ!

በቢሻንጉል ጉሙዝ ክልል ባምባሲ ወረዳ በተከሰተ ሠደድ እሳት ከ800 ኩንታል በላይ በእርሻ ማሳ ላይ የነበረ እህል መውደሙን የወረዳው ዋና አስተዳዳሪ ገልፀዋል።

አስተዳዳሪው አቶ አብደላ መሐመድ ዛሬ እንዳስታወቁት ትናንት ማምሻውን በወረዳው ሸቦራ ቀበሌ በተነሳ ሠደድ እሳት በአንድ ኢንቨስትመንት ማሣ ላይ ጉዳት አስከትሏል።

ቢዚህም በማሳው ውስጥ ቆጥ ላይ የተሰበሰበ እና በመጋዘን የተከማቸ ከ800 ኩንታል በላይ በቆሎ፣ ማሽላ፣ አኩሪ አተር፣ ሠሊጥና በርበሬ መውደሙን ገልጸዋል። ሰደድ እሣቱ በሰው ላይ ያደረሰው ጉዳት እንደሌለ አመልክተዋል።

#ENA
@tikvahethiopiaBot @tikvahethiopia

#UPDATE

የኮሮና ቫይረስ በሽታን (CoViD-19) አስመልክቶ ከኢትዮጵያ ህብረተሰብ ጤና ኢንስቲትዩት ዛሬ የካቲት 6/2012 የተሰጠ መግለጫ፡፡

@tikvahethiopiaBot @tikvahethiopia

የውጭ ጉዳይ ሚኒስቴር...

በኮሮና ቫይረስ ስጋት ውስጥ እንደሆኑ የተነገረላቸው ተማሪዎችን ለማስመጣት ግብረኃይል መቋቋሙን የውጭ ጉዳይ ሚኒስቴር ዛሬ አርብ የካቲት 6/2012 በወቅታዊ ጉዳይ በሰጠው ጋዜጣዊ መግለጫ ላይ አስታውቋል፡፡

በቻይና ለሚገኙ ኢትዮጵያውያን ተማሪዎች መንግስት የገንዘብ ድጋፍ መላኩን የገለጹት የሚኒስቴሩ ቃል አቀባይ ነብያት ጌታቸው ተማሪዎቹ በቫይረስ እንዳይጠቁ ክትትል እየተደረገ ነው ብለዋል።

ምንጭ ፦ አዲስ ማለዳ ጋዜጣ
@tikvahethiopiaBot @tikvahethiopia

በዲላ ማረሚያ ተቋም የተነሳው የእሳት ቃጠሎ...

በዲላ ማረሚያ ተቋም ዛሬ [የካቲት 06 / 2012 ዓ/ም] ረፋዱ ላይ በተነሳ የእሳት ቃጠሎ ከአምስት ሚሊዮን ብር በላይ ግምት ያለው ንብረት ማጥፋቱን የማረሚያ ተቋም  አስታውቋል። በሰው ላይ የደረሰ ጉዳት እንደሌለ ተገልጿል።

የዲና ማረሚያ ተቋም ኃላፊ ሳጅን ትግስት ሮቤ እንደገለጹት መንስኤው ለጊዜው ባልታወቀ ሁኔታ የተነሳው የእሳት ቃጠሎው የታራሚዎች መመገቢያ አዳራሽና የንብረት ክፍልን አውድሟል።

#ኢዜአ
@tikvahethiopiaBot @tikvahethiopia

"አባሎቼና ደጋፊዎቼ በጅምላ እየታሰሩብኝ ነው" - ኦነግ

የኦሮሞ ነፃነት ግንባር (ኦነግ) አባሎቼና ደጋፊዎቼ በጅምላ እየታሰሩብኝ ነው ብሏል፡፡ እስሩ እየተፈፀመ ያለው በኦሮሚያ ፖሊስ እንደሆነም ግንባሩ ዛሬ በፅህፈት ቤቱ በሰጠው ጋዜጣዊ መግለጫ ላይ አሳውቋል፡፡

እስከ ዛሬዋ ዕለት ድረስም በኦሮሚያ ክልል 7 ዞኖች እና 26 ከተሞች 350 አባሎቹ፣ ደጋፊዎቹና ሌሎች ወጣቶች መታሰራቸውን በመግለጫው ገልጿል፡፡ ከእነዚህ ውስጥ የ174ቱ ስም ደርሶኛል ሲልም ዘርዝሯቸዋል፡፡

የምዕራብና ደቡብ ኦሮሚያ አካባቢዎች ህጋዊ መሰረት በሌለው እና ቀነገደብ ባልተቀመጠለት ኮማንድ ፖስት እየተዳደሩ ይገኛሉም ብሏል፡፡ የአካባቢዎቹ በኮማንድ ፖስት መተዳደር ነዋሪዎቹን ለግድያ፣ ዝርፊያ፣ አስገድዶ መድፈርና ሌሎች ወንጀሎች አጋልጧቸዋል ሲልም አክሏል፡፡

በምዕራብና ቄለም ወለጋ አካባቢዎች የስልክና የኢንተርኔት አገልግሎቶች ከተቋረጡ ከ1 ወር ተኩል በላይ እንደሆነ የግንባሩ ባለስልጣናት በመግለጫው ላይ ተናግረዋል፡፡

በአገሪቱ አጠቃላይ ምርጫ ለማድረግ ዝግጅት እየተካሄደ ባለበት በአሁኑ ወቅት የነገሮች መክፋት አሳስቦኛል ሲልም ኦነግ በመግለጫው ጠቅሷል፡፡

መንግስት ለችግሩ አስቸኳይ መፍትሄ እንዲሰጥ፣ የኢትዮጵያ ሰብዓዊ መብት ኮሚሽን ደግሞ በኦሮሚያ የተለያዩ አካባቢዎች እየተፈፀሙ ያሉ የመብት ጥሰቶችን አጣርቶ መረጃውን ለሕዝብ ይፋ እንዲያደርግ ጠይቋል፡፡

ምንጭ፦ ሸገር ኤፍ ኤም 102.1
@tikvahethiopiaBot @tikvahethiopia

የውጭ አገር ሥራ ስምሪት ተጠናክሮ ቀጥሏል!

የኢትዮጵያ የውጭ ሀገር የሥራ ስምሪት ከተጀመረ በጥቂት ወራት ውስጥ መንግሥት የሥራ ስምምነት ወዳደረገባቸው አገራት የሥራ ዕድል አግኝተው ወደ ሣውዲ ዓረቢያ 8,804፣ ኳታር 1,233፣ ጆርዳን 1,709፣ የተባበሩት ዓረብ ኤምሬትስ 1,262 በድምሩ 11,981 ዜጎች ለሥራ ተሰማርተዋል፡፡

እነዚህ ዜጎች በህጋዊ መንገድ መጓዛቸው ክብራቸው መብታቸውና ደህንነታቸው ተጠብቆ ምንም ዓይነት የጉዞ ወጪ ሳያወጡ በነፃ በውጭ ሀገር ለሥራ የተሰማሩ ናቸው ተብሏል፡፡

ህብረተሰቡ በህጋዊ መንገድ የውጭ አገር የሥራ ሥምሪት ተጀምሮ ዜጎች ተጠቃሚ እየሆኑ መሆኑን ተረድቶና ተገንዝቦ ልጆቹን ከህገ - ወጥ ደላላና ከህገ - ወጥ የሰዎች ዝውውር እንዲሁም ከህገ - ወጥ የበረሃ ጉዞ እንዲታቀብ ማሳስቢያ ተሰጥቷል።

[Ministry of Labor and Social Affairs]
@tikvahethiopiaBot @tikvahethiopia

የሰላም ዋጋ ስንት ደረሰ?

ሠላም ዋጋው ምን ያህል ነው? እንገምት እንበል። ማልዶ ወጥቶ፣ አምሽቶ ገብቶ ያለአንዳች እንከን ተግባርን ከውኖ መመለስ በምን ያህል ይለካል ? በምን ይመዘናል ? ልጅ ወልዶ ፣ አሳድጎ ፣ አስተምሮና ለወግ ማዕረግ አብቅቶ ተመስገን ብሎ አምላክን ለማመስገን መታደል ዋጋው ስንት ይሆን? የሰላም ዋጋ ስንት ደረሰ? 

ክፉ አይንካችሁ፤ ሰላም እደሩ!
#የቲክቫህቤተሰቦች

#ከአባ_መላኩ
@tikvahethiopiaBot @tikvahethiopia

#BREAKING

ኮሮና ቫይረስ አፍሪካ ገብቷል!

በአፍሪካዊቷ ሀገር #ግብፅ ውስጥ በኮሮና ቫይረስ የተጠቃ ግለሰብ መኖሩ ተረጋገጠ። ግብፅ የመጀመሪያዋ የኮሮና ቫይረስ ተጠቂ የተገኘባት አፍሪካዊ ሀገርም ሆናለች። ከግብፅ የጤና ሚኒስትር እንደተሰማው ከሆነ በኮሮና ቫይረስ የተጠቃው ግለሰብ የውጭ ሀገር ዜጋ ነው፤ ግለሰቡ የምን ሀገር ዜጋ እንደሆነ ግን አልተገለፀም።

#COVID19
@tikvahethiopiaBot @tikvahethiopia

የወረታ ደረቅ ወደብና ተርሚናል ተመረቀ!

ከ100 ሚሊየን ብር በላይ ወጪ የተደረገበት የወረታ ደረቅ ወደብና ተርሚናል የመጀመሪያ ምዕራፍ ተመረቀ።

በምርቃት ስነ ስርዓቱ ላይ የአማራ ክልል ርዕሰ መስተዳድር አቶ ተመስገን ጥሩነህ፣ የትራንስፖርት ሚኒስትሯ ወይዘሮ ዳግማዊት ሞገስ እንዲሁም የፌደራልና የክልሉ ከፍተኛ የስራ ሃለፊዎች ተገኝተዋል።

ከዚህ ባለፈም በገዳሪፍ ዋና አስተዳዳሪ ሜጀር ጀኔራል ነስረዲን አብዲ የተመራ ልዑክም በስነ ስርዓቱ ላይ ተገኝቷል።

@tikvahethiopia @tikvahethiopiaBot

#UPDATE

- የሟቾች ቁጥር 1,526 ደርሷል
- በቫይረሱ የተጠቁ ሰዎች ቁጥር 67,110

በኮሮና ቫይረስ [#COVID19] የሞቱ ሰዎች ቁጥር 1,526 የደረሰ ሲሆን 67,110 ሰዎች ደግሞ በቫይረሱ ተጠቅተዋል። ከበሽታው አገግመው ከሆስፒታል የወጡ ሰዎች ቁጥር ደግሞ 8,365 መድረሳቸውን ተመልክተናል።

@tikvahethiopiaBot @tikvahethiopia

ውሃን የሚገኙ ተማሪዎች የላኩት መልዕክት፦

- የኢትዮጵያ መንግስት እያደረኩ ነው የሚለው እገዛ የጠበቅነው ያህል አይደለም። አሁንም ችግር ላይ እንደሆነን መታወቅና አስቸኳይ መፍትሄ ሊሰጠን ይገባል።

- ትላንት ኤምባሲዉ ደብዳቤ በተወካዮች በኩል ልኮልን ነበር በጣም የማይጠበቅ መልዕክት ነው። እኛ የፈለግነው ደህንነታችን ተጠብቆ የሌላ ሀገር መንግስታት ዜጎቻቸውን እንዳሶጡ እኛንም እንዲያሶጡን ነው የነሱ ግን መልስ ጉዳዩ ዝግጅትን የሚጠይቅ እንደሆነ ነው የሚገልፁት።

- መንግስት ላለፉት 3 ሳምንታት ሙሉ ግን ምንም መልስ እየሰጠን አይደለም። በተለያዩ ወቅቶች የተለያዩ ምክንያቶችን ነው እየደረደሩ ያሉት። ሌሎች ሀገራት ተማሪዎቻቸን ካስወጡ ቆይተዋል። እኛ ግን አሁንም እዛው ነን!

ተማሪዎቹ ተላከልን ከኤምባሲው ተላከልን የሚሉትን ድብዳቤ ለቲክቫህ ኢትዮጵያም ልከዋል!

@tikvahethiopia @tikvahethiopiaBot

ልጆቻቸውን ቻይና ልከው የሚያስተምሩ ወላጆች የኢትዮጵያ መንግስት ልጆቻቸውን ወደ ሀገራቸው እንዲመልስ ለመጠይቅ እንዲሁም ያደረባቸውን ቅሬታ ለመግለፅ ፋና ቴሌቪዥንና የኢትዮጵያ ቴሌቪዥን ይገኛሉ።

#TikvahFamily
@tikvahethiopia @tikvahethiopiaBot

ጠቅላይ ሚኒስትሩ በአቡዳቢ ውይይት አድርገዋል!

ጠ/ሚር ዐቢይ አሕመድ በዛሬው ዕለት በተባበሩት አረብ ኤሜሬቶች በልዩ ልዩ ምክንያት በችግር ውስጥ ከሚገኙ፣ ጥቃት ከደረሰባቸው እና በመጠለያ ውስጥ ከሚገኙ ሴት ኢትዮጵያውያን ጋር መክረዋል። ምክክሩም በችግሮቻቸው እና በመፍትሄዎች ላይ ትኩረትን ያደረገ ነበር። በውይይቱ ችግር ከገጠማቸው ሴቶች በተጨማሪ በልዩ ልዩ ሥራዎች ላይ ተሰማርተው ስኬትን ያስመዘገቡ ሴቶችም በመድረኩ ላይ ልምዳቸውን አጋርተዋል።

@tikvahethiopia @tikvahethiopiaBot

ልጆቻቸው ውሃን የሚገኙ ተማሪ ወላጆች ጥያቄ፦

- የኢትዮጵያ መንግስት በአስቸኳይ ልጆቻቸውን ወደሀገራቸው እንዲመልስላቸው ጠይቄ አቅርበዋል።

- የሌሎች ሀገር ዜጎች በራሳቸው መንግስት በአስቸኳይ ሲወጡ የኢትዮጵያ ተማሪዎች ግን እስካሁን ድረስ ባለመውጣታቸው ያደረባቸውን ቅሬታ አሰምተዋል።

- በምግብ እጥረት ልጆቻቸው ክፉኛ እየተጎዱባቸው እንደሆነም ተናግረዋል።

@tikvahethiopiaBot @tikvahethiopia

በያዮ ወረዳ የተያዘው ህገወጥ የጦር መሳሪያ...

በኢሉአባቦር ዞን ያዮ ወረዳ ህገወጥ የጦር መሳሪያ ሲያዘዋውሩ ተደርሶባቸዋል ያላቸውን ሶሰት ግለሰቦች መያዙን ፖሊስ አስታውቋል።

የወረዳውፖሊስ አዛዥ ዋና ሳጅን ከድር አባፎጊ እንደገለፁት ግለሰቦቹ  የተያዙት ኮድ 3 -22454 አ.አ. በሆነ አይሱዙ የጭነት ተሽከርካሪ የጦር መሳሪያዎቹን ሲያጓጉዙ ተደርሶባቸው ነው።

ግለሰቦቹ ከጋምቤላ ወደ አዲስ አበባ በመጓዝ ላይ እንደነበሩ አመልክተው ያዮ ወረዳ እንደደረሱ  በተደረገው ፍተሻ 40 ክላሽንኮቭ ጠብመንጃዎች በቁጥጥር ስር ማዋላቸውን አስታውቀዋል።

#ENA
@tikvahethiopiaBot @tikvahethiopia

#UPDATE

የኢትዮጵያ የህብረተሰብ ጤና ኢንስቲትዩት፦

"ቀደም ብሎ ኢንስቲትዩቱ አንድ የኮሮና ቫይረስ [COVID19] በሽታ ምልክቶችን ያሳየ ሰው በለይቶ ማቆያ ማዕከሉ ውስጥ እንደሚገኝና ናሙናው ለቦራቶሪ ምርመራ መላኩን መግለጹ ይታወሳል። የምርመራው ውጤት የደረሰ ሲሆን ከበሽታው ነጻ መሆኑም ተረጋግጧል፡፡"

@tikvahethiopiaBot @tikvahethiopia