Surxondaryo delegatsiyasi Tojikistondagi “Navro‘z” bayrami tantanalarida ishtirok etdi

O‘zbekiston va Tojikiston xalqlarini nafaqat qo‘shnichilik aloqalari, balki o‘xshash madaniyat, urf-odat va an’analar bir-biriga mustahkam bog‘lab turadi. Shu boisdan bayramlarimiz, to‘y-tomoshalarimiz ikki qo‘shni davlat mehmonlarisiz o‘tmaydi.

Joriy yilning 20, 22, 24-mart kunlari Surxondaryo viloyati hokimining o‘rinbosari Jo‘rabek To‘rayev boshchiligida Jarqo‘rg‘on, Denov, Sariosiyo va Uzun tumani hokimlari ishtirokidagi delegatsiyamiz a’zolari Tojikistonning Xatlon viloyati hamda Hisor, Shahrinav, Shahrituz, Boxtar shaharlarida o‘tkazilgan “Navro‘z” bayrami tantanalarida ishtirok etishdi.

Delegatsiyamiz a’zolarini Xatlon viloyati raisi Davlataliy Said kutib oldi. Tashrif davomida qo‘shni mamlakatning tarixiy va diqqatga sazovor joylari, muzeylari bilan ham tanishildi.

Eslatib o‘tamiz, joriy yil 19-mart kuni Termiz shahrida o‘tkazilgan viloyatning asosiy bayram sayllarida Tojikiston delegatsiyasi ham ishtirok etishgan edi.

Telegram | Facebook | Instagram | YouTube | Web-site | Twitter

Hurmatli teatr san’ati sohiblari!

Sizlarni 27-mart-Xalqaro teatr kuni bayrami bilan samimiy muborakbod etaman. Mamlakatimizda keyingi yillarda san’at va madaniyat sohalariga juda katta e’tibor berilmoqda.
Teatr san’atini rivojlantirish yo’lidagi sa’y-xarakatlar bois bugun ibratxona deb atalmish teatrlar zamonaviy qiyofada aks etmoqda.
Teatr san’atining keyingi yillardagi rivoji, yaratilayotgan spektakllar, aktyorlar tomonidan yangidan-yangi talqindagi obrazlar, kasbiy mahoratlarining oshayogani juda quvonarli hol.
Shahrimiz hayotining ma’naviy-ma’rifiy hayotini rivojlantirish, san’atga bo’lgan qiziqish va istaklarini ro’yobga chiqarishda viloyat musiqali drama teatr va qo’g’irchoq teatrlarining o’rnini alohida e’tirof etish joiz.
Yana bir bor barchangizni 27-mart-Xalqaro teatr kuni bayrami bilan chin dildan muborakbod etaman.
Ijodiy barkamollik, oilaviy xotirjamlik, mustahkam sog’lik doim hamrohingiz bo’lsin.

Surxondaryo viloyati Madaniyat boshqarmasi boshlig’i Normurodov Shuxrat Abdug’affovich!