5.01.2024 Termiz shahridagi 6-sonli umumiy o'rta ta'lim maktabida Termiz shahar hokimligi, va "Majnuntol" mfyi ma'muriyati bilan hamkorlikda "Yangi hayot uchun, Yangi O'zbekiston uchun" shiori ostida "Mahallada duv-duv gap" ma'naviy-ma'rifiy, madaniy musiqiy tadbir bo'lib o'tdi. Ushbu tadbirda mahallada yashovchi fuqarolar, nuroniylar, yoshlar, ziyolilar, xotin-qizlar, sektor rahbarlari, mahalla faollari va OAV xodimlari ishtirok etishdi. targ‘ibot tadbirida mamlakatimizda amalga oshirilayotgan islohotlarning mazmun-mohiyati va insonlar hayotiga ijobiy ta’siri, shuningdek, har bir mahallada aholi uchun yaratib berilayotgan shart-sharoitlar, olib borilgan obodonlashtirish va bunyodkorlik ishlari to‘g‘risida to'xtalib, ushbu ishlarga bosh bo'layotgan hurmatli yurtboshimizga, viloyat hokimligi, Termiz shahar hokimligi va mahalla raisiga o'z minnatdorchiliklarini bildirishdi. Tadbir davomida "Vatan madhi" videorolik namoyishi, viktorina savol-javoblari, vatanni madh etuvchi she'riy kompozitsiyalar, Termiz shahar 1-son madaniyat bo'limi ijodiy jamoasi va 6-sonli maktabning ijodkor yoshlari bilan hamkorlikda kuy-qo'shiq va raqslar tadbir ishtirokchilariga namoyish etildi. Ma'naviy-ma'rifiy tadbirni mazmunli etib boshlovchilik qismini shahar madaniyat bo'limi tadbirlar boshlovchisi Dalerbek Abdushukurov olib bordi.

Ushbu ma'naviy-ma'rifiy va musiqiy tadbir Termiz shahrining barcha mahallalarida 5 va 10 yanvar kunlari o'tkazilishi rejalashtirilgan🤗

🗣Termiz shahrida “Yangi hayot uchun, yangi Oʻzbekiston uchun” shiori ostida “Mahallada duv-duv gap” targʻibot tadbirlari davom etmoqda.

⏺Bugun Termiz shahrida yana 7 ta mahallada “Mahallada duv-duv gap“ targʻibot tadbirlari boʻlib oʻtdi. Xususan, “Jo‘yjangal”, “Majnuntol”, “Nurli kelajak”, “Amu sohillari”, “Turon”, “Baynalmilal” va “Saxovat” mahallalarida ”Yangi hayot uchun, yangi Oʻzbekiston uchun" shiori ostida oʻtkazilgan “Mahallada duv-duv gap” maʼnaviy-maʼrifiy, madaniy-musiqiy tadbirlarida ishtirokchilar tomonidan mamlakatimizda amalga oshirilayotgan islohotlardan aholining mamnunligi va shukronalik kayfiyatida ekanligi alohida eʼtirof etildi.

⏺Tadbirlarda badiiy jamoalar va maktablarning isteʼdodli oʻquvchilari tomonidan ijro etilgan kuy va qoʻshiqlar barchani xursand qilib, raqslarga chorladi.

⏺Ushbu tadbirlar shaharning barcha mahallalarida davom etmoqda.

🇺🇿Termiz shahar hokimligi Axborot xizmati

✅Kanalga ulanish: https://yangx.top/termizshh
Telegram | YouTube | Facebook | Web-site | Twitter | Instagram