“Бойсун баҳори” халқаро фольклор фестивали олдидан матбуот анжумани ўтказилди

Термиз шаҳридаги Матбуот уйида “Бойсун баҳори” халқаро фольклор фестивалини юқори бадиий савияда ўтказиш билан боғлиқ ташкилий ва ижодий ишларга бағишланган матбуот анжумани ўтказилди.

Сурхондарё вилояти ахборот ва оммавий коммуникациялар бошқармаси бошлиғи З.Тўраев бошқарган анжуманда журналистлар, ахборот хизматлари раҳбарлари, блогерлар иштирок этди.

Тадбирда вилоят ҳокими ўринбосари, ташкилий қўмита аъзоси Ж.Тўраев бу ноёб ва нафис санъат байрамини ўтказиш билан боғлиқ ташкилий ва ижодий ишлар, унинг аввалгиларидан фарқли жиҳатлари, фестиваль доирасидаги тадбирлар ҳақида атрофлича маълумот берди.

Сурхондарё вилояти ҳокимининг матбуот котиби М.Давлатов фестиваль матбуот маркази фаолияти, халқаро тадбирни ОАВ ва ижтимоий тармоқларда ёритиш, журналист ва блогерларга яратилган шароитлар ҳақида сўз юритди.

Матбуот анжуманида иштирокчиларни қизиқтирган саволларга жавоб берилди.

Telegram | Facebook | You Tube | Web-site