#Sharq_taronalari_2024
#Jarayon

⚡️ YUNESKO shafeligida 25-30-avgust kunlari qadimiy va betakror Samarqandda “Sharq taronalari” XIII xalqaro musiqa festivali bo'lib o'tishi haqida xabar berilgan edi.

Festivalga tayyorgarlik ishlari boshlab yuborilgan bo'lib, ayni kunlarda tashkiliy ishlar jadallik bilan olib borilmoqda.

Kuni kecha madaniyat vazirining o'rinbosari Murodjon Majidov boshchiligida festivalda taklif etilgan xorijiy va mahalliy mehmonlarni kutib olish va boshqa tashkiliy masalalar yuzasidan vazirlik mas'ullari, Yunus Rajabiy nomidagi O‘zbek milliy musiqa san'ati instituti rektori v.b. Eldor Shermanov hamda O’zbek milliy maqom san’ati markazi bosh direktori Avazbek Shomurodov ishtirokida tegishli masalalar muhokama etildi.

Festival doirasida tashrif buyurayotgan xorijiy mehmonlarga qulaylik yaratish maqsadida volontyorlar guruhi shakllantirilib, ular bilan ham uchrashuv o’tkazildi va umumiy tushunchalar tushuntirildi. Volontyorlarga O’zbek milliy maqom san’ati markazi bosh direktori Avazbek Shomurodov bilan birga institut rektori v.b. Eldor Shermanov festivaldan ko’zlangan maqsad, milliy qadriyat va an’analarimizni jahon miqyosida targ’ib etishning ahamiyati kabi dolzarb masalalar yuzasidan ma’lumot berishdi. Milliy g’urur, milliy g’oya, milliy faxr tuyg’usini his etgan holda ko’hna tariximiz, Yangi O’zbekistonda yaratilgan keng imkoniyatlar, Vatanimiz kelajagiga ishonch kabi tuyg’ular har bir volontyor ko’zida jo’sh urishi lozimligi ta’kidlandi.

Shuningdek, 27-28-avgust kunlari “Sharq xalqlari musiqa madaniyati: globallashuv jarayonlarida ijodiy uyg‘unlashuv tamoyillari” mavzusidagi Xalqaro ilmiy-amaliy konferensiya o‘tkazilishi rejalashtirilgan manzil Yunus Rajabiy nomidagi O‘zbek milliy musiqa san'ati instituti rektori v.b. Eldor Shermanov va O’zbek milliy maqom san’ati markazi bosh direktori Avazbek Shomurodov tomonidan ko'zdan kechirildi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

#Fotoreportaj
#Doʻstlik_festivali
#Buxoro

⚡️ Ayni kunlarda respublika bo'ylab, 30-iyul "Xalqlar do‘stligi kuni"ga bag‘ishlangan bayram tadbirlari bo‘lib o‘tmoqda.

❕ Ma'lumot o'rnida, “Do'stlik” festivali 4-avgustga qadar davom etadi, festival dasturi bilan - bu yerda - tanishing.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

⚡️ 1-avgust kuni O'zbekiston madaniyat vazirining xalqaro masalalar bo'yicha maslahatchisi Shohrux Akbarov hamda Qatar Davlati Madaniyat vazirligi protokol va aloqalar bo'limi boshlig'i Ahmad Al Alyafiy, Tashkiliy ishlar boshqarmasi boshlig'i Ahmad Husayn Abu Malha o'rtasida hamkorlik uchrashuvi bo'lib o'tdi.

✅ Uchrashuvda ikki tomonlama madaniy hamkorlik munosabatlarining joriy holati va kelgusida amalga oshirilishi rejalashtirilayotgan loyihalar haqida fikr almashildi.

✅ Shu bilan birga, 2024-yilning oktyabr oyida O'zbekistonda tashkil etilishi kutilayotgan "Qatar madaniyati haftaligi"ni o'tkazish muddatlari, manzillari va tartiblari yuzasidan taqdimot bilan tanishildi.

✅ Uchrashuv yakunida vazirining xalqaro masalalar bo'yicha maslahatchisi Shohrux Akbarov O'zbekiston madaniyat vaziri Ozodbek Nazarbekovning joriy yil 25-30-avgust kunlari “Sharq taronalari” XIII xalqaro musiqa festivalining ochilish marosimiga Qatar Davlati madaniyat vaziri Shayx Abdulrahmon bin Hamad bin Jassim bin Hamad Al-Tanini taklif etib yo'llagan xatini xorijiy mehmonlarga topshirdi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

⚡️ Xabaringiz bor, 30-iyul "Xalqlar do'stligi kuni" munosabati bilan 29-iyuldan 4-avgustga qadar mamlakatimiz bo'ylab “Do‘stlik” festivali o'tkazilmoqda.

✅ Festival doirasida 1-avgust kuni О‘zbekiston yozuvchilar uyushmasida “Qardoshlik mushoirasi” nomli ma’rifiy tadbir bо‘lib о‘tdi.

✅ Unda О‘zbekiston Yozuvchilar uyushmasi, Millatlararo munosabatlar va xorijiy mamlakatlar bilan dо‘stlik aloqalari qо‘mitasi rahbariyati va xodimlari, turli millat yozuvchi shoirlari, ommaviy axborot vositalari vakillari ishtirok etishdi.

✅ Ushbu marosimda О‘zbekistonda yashab ijod qilayotgan qozoq, tojik, rus yozuvchi va shoirlarining о‘zbek tiliga tarjima qilingan kitoblari, shuningdek, uyushma a’zolari tomonidan ona tilimizga о‘girilgan jahon adabiyotining sara asarlari kо‘rgazmasi namoyish qilindi.

✅ Mazkur ma’rifiy tadbir shoirlar, yozuvchilar va keng jamoatchilik ishtirokida buyuk mutafakkir shoir Alisher Navoiy haykali poyiga gul qо‘yish marosimidan boshlandi. Shundan sо‘ng tadbirlar poytaxtimizda qad rostlagan Abay, Chingiz Aytmatov, Maxtumquli, Aleksandr Pushkin, Nizomiy Ganjaviy, Taras Shevchenko, Yakub Kolas, Shota Rustaveli haykallari poyida davom etdi.

✅ Gul qо‘yish marosimida Qozog‘iston, Turkmaniston Respublikalarining O‘zbekistondagi Favqulodda va Muxtor elchilari, Qirg‘iziston hamda Belarus Respublikalarining elchixonasi mutasaddilari ishtirok etishib, yurtimizda keng nishonlanayotgan Do‘stlik festivaliga yuqori baho berishdi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt