Тохсунньу 27 күнүгэр Россия уонна Донецкай народнай республика дьоруойа Дмитрий Егоров төрөөбүтэ 50 сылыгар аналлаах тэрээһин ыытыллыаҕа.

Уһун Күөл🔆

⚜️10.00 - Россия Геройа Дмитрий Егоров кэриэһигэр мемориальнай дуоска аһыллыыта.

⚜️10.30 - Оскуолаҕа Герой туһунан истиэндэни арыйыы.

⚜️11.00 - Улуустааҕы военизированнай оонньуу үөрүүлээх арыллыыта.

⚜️11.30 - Байыаннай хаамыыны уонна ырыаны көрүү күрэх.

⚜️13.00 эбиэт

⚜️14.00 - Военизированнай эстафета

⚜️16.30 - Оонньуу түмүгэ. Наҕараадалааһын.

📽📽📽Оттон Дьоруой төрөөбүт дойдутугар байыаннай-патриотическай иитиигэ туох үлэ барарый? Бу туһунан НВК "Саха" Сунтаардааҕы филиала бэлэмнээбит сюжетын көрүҥ👆

🚀 @suntaar_ulus

Тыа хаһаайыстыбатын эйгэтигэр үгүс уларыйыылар киирдилэр. Маныаха Сунтаар улууһун управлениета нэһилиэнньэҕэ билиһиннэрэр сыаллаах мунньахтары тэрийдэ.

🔹️Быйылгыттан тыа хаһаайыстыбатын боломуочуйата улууска бэйэтигэр бэриллэр буолла. Ол курдук, Сунтаар улууһугар материальнай базаны бөҕөргөтүүгэ 29 мөл.700 тыһ. солкуобай көрүллэн бэйэлэрэ тыыран туһаныахтара. Бу үп көмөтүнэн 25 төбөттөн 100 төбөҕө диэри хотоннору тутар, сайылыктары, сылгы базаларын, 200 туоннаҕа диэри оҕуруот аһын харайар эбийиэги тэрийэр кыахтаныахтара.

🔹Маны тэҥэ, электроннай бүддьүөт сокуона тахсан олоххо киириэҕэ. Манна национальнай бырайыак программаларын туһаныы судургутуйоҕа, кэлии-барыы кэмчилэниэҕэ. Холобура, агростартап, дьиэ кэргэн фермата уонна сылгыһыттар техника ылыналларыгар 70% үбүн төнүннэрии бырайыактарын электроннай ньыманан толоруохтара. Бу иннинэ фермердэр, хаһаайыстыбалаах дьон министиэристибэҕэ бэйэлэрэ тиийэн докумуоннарын туттарар этилэр.

🔹Мунньах хаамыытын кэтээн көрдөххө, нэһилиэнньэ мунаарара элбэх, туруорсар боппуруостара сытыылар. Чааһынай дьонтон үүтү тутуу билиҥҥи кэмҥэ судургута суох, ветеринарнай өҥө сыаната үрдүгэ, уматык сыаната үрдүү турааһына чаҕытар.

🔹Дьиэ кыылын чииптээһин боппуруоһа тыа дьонун сэрэхэчитэрэ элбэх. Бүгүҥҥү күҥҥэ маркировка үлэтэ көтөрдөргө уонна ынах-сүөһүлэргэ 100% туолбут. Оттон сылгы чиибэ ситэ толорулла илик. Сокуону тутуһуу олус эппиэтинэһи ирдиир. Холобура, араас программаларга кыттар буоллаххына, сылгыҥ чиибэ суох буоллаҕына ааспат куттал баар, ону тэҥэ сир дуогабарын уһатыы эмиэ мантан тутулуктаах буолуон сөп.

Маны ситэрэн эттэххэ, болномуочуйа улууска бэриллиитэ элбэх кыаҕы биэриэҕэ, тыа хаһаайыстыбатын сайыннарыыга төһүү буолуоҕа.

📽 Устууга тыа хаһаайыстыбатын салалтатын салайааччыта Владимир Анисимов кэпсиир👆

🚀 @suntaar_ulus

Тыа хаһаайыстыбатыгар таба тайаннахха барыыстаахтык үлэлиэххэ сөп.

🐝Мүөтү оҥоруу барыыстаах дьарык буоларын дьон-сэргэ өйдөөн Сунтаар улууһугар ыҥырыаны иитээччилэр элбээн иһэллэр. Холобурга Кириэстээххэ баар дьоҕус хаһаайыстыбаны ылан көрүөххэ.

🐝Умтичаана уонна Юрий Васильевтар 2020 сыллаахха тыа хаһаайыстыбатын программатыгар киирэннэр, хас да ыҥырыа сэмиэйистибэтин тутан ииппиттэрэ. Билигин, бу дьарыктарын ыһыктыбакка сайын ахсын элбэтэн иһэллэр. Быйыл 5 улейтан 120 киилэ мүөтү оҥорон атыылаатылар. Мүөт биир киилэтэ 2000 солкуобайга тэҥнэһэр. Васильевтар хаһаайыстыбаларын кэҥэтэр чопчу былааннаахтар.

🐝Маныаха, ыҥырыа эмиэ дьон курдук араас майгылаах уонна дьиэмсэх буолаллар. Ууну таһааччы, оҕо көрөөччү, нектар таһааччы, харабыллааччылар диэн үлэни үллэстэн үлэлииллэр эбит. Маны тэҥэ, хаппырыыс соҕус буоланнар кыстыгы сатаан туораабаттар.

🐝Хаһаайыстыбалаах дьон кыстыгы этэҥҥэ туоруур курдук, сөптөөх температураны тутан турар анал оборудованиелаах эбийиэк тутуутун туруорсаллар.

🚀 @suntaar_ulus

Арассыйа уонна Донецкай народнай республика геройа Дмитрий Егоров тыыннааҕа буоллар бүгүн 50 сааһын туолуох этэ. Маннык суолталаах күҥҥэ Сунтаар улууһугар 10 күннээх кэриэстэбил биллэрилиннэ, үйэтитии үлэтэ барыаҕа. Ол курдук оҕо тэрилтэлэригэр араас күрэхтэр, кылаас чаастара тиһигин быспакка ыытыллыахтара.

🔹Дмитрий Егоров "Сунтаар" диэн ааттанан, төрөөбүт дойдутун харысхал оҥостон, доҕор туһугар дьоруойдуу охтубут Сунтаар хоһууна. Кини көмүс ньээкэ уйата - иитиллэн тахсыбыт дьиэтигэр мемориальнай дуосканы арыйдылар. Манна кини аҕата Николай Алексеевич Егоров кыттыыны ылла. Хомойуох иһин, ийэтэ күн сириттэн күрэнэн, улааппыт дьиэтэ кураанах турар. Ол эрээри, сайын ахсын манна оҕо саҥатынан туолан сиэннэр мустуохтара.

🔹Дьоруой төрөөбүтэ 50 сылыгар билиини-үөрэҕи ылбыт, киһи быһыытынан такайыллан тахсыбыт оскуолатыгар өйдөбүнньүк муннугу туруордулар. Манна дьоруой олоҕун туһунан, анал байыаннай дьайыыга сулууспатын кэпсиир матырыйааллар хомуллан тиһиллибиттэр. Ол курдук, куар код ньыматынан тута киирэн көрүөххэ сөп. "Дима кыра сааһыттан дьоһуннаах, үчүгэй табаарыс, ханнык да үлэттэн чаҕыйбат, тимуровскай хамсааһыҥҥа бастакынан турара. Ол курдук, кини дьоруой буоларга кыратыттан бэлэмнэммит эбит диэн сыаналыыбыт" - диэн учууталлара ахталлар.

🔹Уһун Күөл оскуолатыгар ааспыт сылтан саҕалаан үөрэнээччилэр ортолоругар "Доҕордуу сыһыаҥҥа эрэллээх табаарыс" диэн стипендийэ олохтонон, Дима дьоруойдуу быһыыта үтүө холобур, үйэлээх кэрэһит буоларын туоһулуур. Быйыл 7-с кылаас үөрэнээччитэ Дамир Спиридонов уонна 10-с кылаас үөрэнээччитэ Айхан Григорьев стипендия хаһаайыттарынан буоллулар. Оҕолор инникитин да үтүө санаалаах, киһи киһитэ, дойдуга, дьоҥҥо, доҕорго бэриниилээх, эрэллээх буоллуннар.

Бу курдук, дьоруой сулустаах нэһилиэккэ үйэтитиигэ сүҥкэн үлэ барар

📽 Үбүлүөйдээх тэрээһин түгэннэрэ👆

🚀 @suntaar_ulus

Бойобуой доҕордоһуу тыыннаах туоһулара...

Арассыыйа уонна Донецкай народнай республика Дьоруойа Дмитрий Егоров төрөөбүтэ 50 сылыгар саҥа кинигэ күн сирин көрүөҕэ.

🇷🇺Дьоруой биир дойдулааҕа, Уһун Күөл нэһилиэгин олохтооҕо, хомоҕой тыллаах Эдуард Еремеев 180 сирэй муҥунан бойобуой сырыыны ойуулаан-дьүһүннээн документальнай кинигэни суруйан бүтэрдэ. Олус умсугутуулаах, анал байыаннай дьайыыны аһаҕастык кэпсиир айымньы Аҕа дойдуну көмүскээччилэр күннэригэр сүрэхтэниэҕэ, 1000 экземплярынан бэчээттэнэн тахсыаҕа.

🇷🇺Онон сотору кэминэн Дмитрий Егоров - Сунтаар уонна Нам улууһуттан "ЭР САНАА" уордьан кавалера Николай Романов - Ронин анал байыаннай дьайыыга сулууспаларын, хорсун быһыыларын илэ көрбүттүү ааҕыахпыт.

📽 Устууга кинигэ ааптара Эдуард Еремеев👆

🚀 @suntaar_ulus

Аҕа дойдуну көмүскээччилэр дьиэ кэргэттэрин кэмитиэтин Сунтаардааҕы салаата номнуо 200-чэ араас халыыптаах хаххалыыр сиэккэлэри өрөн таһаардылар. Оттон бу күннэргэ бааһырыыны уонна эчэйиини ылбыт байыастар хаачыстыбалаах эмтэниини ааһалларыгар госпитальга олус наадалаах биирдэ кэтиллэр ис таҥаһы, наадалаах тэрили тигэн саҕалаатылар.

🔺️Надежда Львова салайааччылаах, Жанна Макарова координатордаах "Харысхал" волонтерскай хамсааһын олус таһаарыылаахтык үлэлиир. Саҥаттан саҥа бырайыактары ылсан тиһэҕэр тириэрдэр кыахтаахтар. Кинилэргэ нэһилиэнньэ эдэриттэн эмэнигэр тиийэ саастаах дьон көхтөөх көмө буолаллар.

🔺️Бу күннэргэ 100 устуука кэмпилиэги (Распашонки, прикроватные кармашки и медицинское белье универсального размера) бэлэмнээн Миирнэйгэ ыытыахтара. Онтон салгыы анаммыт миэстэтигэр тириэрдэн биэриэхтэрэ.

🔺️Матырыйаалынан "Солнышко" уһуйаан уонна лесной оскуола көмөлөстө. Кырыйан бэлэмнэммит быыкарайканы сорох дьон дьиэлэригэр ылан тигэллэр. "Айар Куо" иистэнэр студия салайааччыта Катерина Павлова биир бастакынан көмөҕө кэллэ.

Бары бииргэ! Байыастар тустарыгар!

📽 Устууга "Харысхал" волонтердара үлэ үөһүгэр👆

🚀 @suntaar_ulus

ТАРСКАЙ ТҮҺҮЛГЭТЭ - СУНТААРГА!

⚡️Николай Тарскай аатыгар уонна Арассыыйа Дьоруойа Дмитрий Егоров төрөөбүтэ 50 сылыгар аналлаах күрэх олунньу 21-23 күннэригэр Сунтаарга ыытыллыаҕа. Үрдүк таһымнаах күрэҕи тэрийиигэ бэлэмнэнии үлэтэ барар.

⚡️Бүгүн Сунтаар улууһун баһылыга Анатолий Григорьев спорт министиэристибэтигэр үлэлээтэ. Миниистир Леонид Спиридоновы уонна солбуйааччы Гаврил Мохначевскайы кытта көрсөн кэккэ былааннары торумнаатылар.

🚀 @suntaar_ulus

С 1 февраля в Сунтарском улусе пройдет отборочный муниципальный этап юбилейного V республиканского фестиваля молодежи "МУУС УСТАР"!💥💥💥💥💥💥💥💥💥💥💥


▎Перечень треков и конкурсов:

ВОПЛОЩАЙ И ВДОХНОВЛЯЙ:

- Республиканский вокальный конкурс «СулуStar» (зачет)
- Республиканский танцевальный конкурс «Кун» (зачет)
- Конкурс социальных роликов «Коротко о важном»
- Республиканский конкурс «Хомус тэтимэ»
- Кубок Арктики: Якутский Стендап

ЯКУТИЯ-ТВОЯ СИЛА ДУХА:

- Кулинарный поединок «Секреты шефа» (зачет)
- Чистая Арктика
- Республиканский конкурс «Туристический код моего района» (зачет)

ПЕРСПЕКТИВА В ПОЗНАНИИ:

- Республиканский слет Движения Первых (зачет)
- Молодежный патриотический конкурс «Лента времени»
- В Год защитника Родины - будь готов к ГТО! (зачет)
- Кубок Арктики по Фиджитал футболу
- Медиафорум «Муус УСТАР»

РАЗВИВАЙСЯ В ЯКУТИИ!

- Конкурс молодых наставников «Вдохновляй на успех» (зачет)
- Республиканская интеллектуальная игра «Молодой аграрий»
- Конкурс цифровых художников «Креасфера+»

ДОБЫВАЕМ БУДУЩЕЕ ВМЕСТЕ!

- Республиканская деловая игра «Промышленность 2050»

СОЗИДАЙ И СОЗДАВАЙ!

- Архитектурный фестиваль «Архитон» (зачет)

ТВОРИ ДОБРО!

- Премия в сфере добровольчества «Доброволец Якутии»

ЭТНО-Мы!

- Конкурс «Время традиций» (зачет)

РОССИЯ СТРАНА ВОЗМОЖНОСТЕЙ!

- Слет победителей проектов платформы «Россия - страна возможностей»

ЗАЩИТНИК РОДИНЫ!

- Сила в единстве: основы военной подготовки (зачет)
- Гонки дронов «Воздушные гонки»

ФЕСТИВАЛЬ НАПРАВЛЕН НА РЕАЛИЗАЦИЮ ПОТЕНЦИАЛА МОЛОДЫХ ЛЮДЕЙ В СПОРТЕ, ИТ-СФЕРЕ, МУЗЫКЕ И ИСКУССТВЕ, БИЗНЕСЕ И ВОЛОНТЕРСТВЕ. ЖДЕМ ВАС В КОМАНДУ! 👏👏

Ответственные организаторы МКУ "Отдел по молодежной политике" МР "Сунтарский улус (район)"
контактный телефон: 89841112208
#муусустар2025