⚡️Հիշեցնենք, որ մայիսի 26-ին՝ ժամը 16:00-ին Հանրապետության հրապարակում տեղի կունենա մեծ հանրահավաք:

Գառնիկ Դանիելյան

⚡️ Մայիսի 22-ին կայանալիք հանդիպումների ժամանակացույց

Բագրատ Սրբազանի կարճ ու կոնկրետ պատասխանն Ալեն Սիմոնյանին:

Տնտեսությունը պետք է ծառայի մարդու անձնական և հավաքական կարիքին։ Տնտեսությունը չի կարող լինել գերնպատակ ու պատշամունք, այլ միայն ծառայության միջոց։

Տնտեսությունը հանրության առողջության սյուներից մեկն է։

Բագրատ Սրբազանը՝ տնտեսագետների հետ հանդիպումից առաջ։

Տնտեսական գործունեության նպատակը պետք է լինի ոչ թե ծառայեցնելը, այլ ծառայելը։ Այն չպետք է ծառայի իշխանության ձեռքբերմանը, հարստության անհագ կուտակմանը կամ նյութի չարաշահմանը։

Հոգևոր ընկալմամբ՝ տնտեսությունը կամ հարստությունը բարիք է, խնդիրը նրա սխալ կիրառումն է կամ ի չարս գործածումը։ Հետևաբար դատապարտելի է տնտեսական խաբեությունն ու մարդու շահագործումը։

Բագրատ Սրբազանը՝ տնտեսագետների հետ հանդիպմանը։

Պետք է նպաստել մարդու իրավունքի ազատ գործադրմանը, տնտեսական մենաշնորհների վերացմանը, իշխանության լծակների չարաշահման ու հովանավորչության իսպառ բացառմանը, միջոցների արդար և հավասար բաշխմանը, հասարակության վստահության ամրապնդմանը և շատ կարևոր մի կետ՝ բնական պաշարների օգտագործման և տնտեսության զարգացման ճիշտ հավասարակշռմանը։

Բագրատ Սրբազանը՝ տնտեսագետների հետ հանդիպմանը։

Կրթությունն իր բոլոր սահմանումներով հանդերձ՝ մեզ համար մնում է առաքինի մարդ կերտելու արվեստ։ Առանցքում առաքինի մարդու կերտումն է։

Բագրատ Սրբազանը՝ կրթության ու գիտության ոլորտի մասնագետների հետ հանդիպմանը։

«Մեր ուզածը պետություն է, որն արժանապատվություն է տալիս իր քաղաքացիներին։ Որի՝ անկախ ազգությունից քաղաքացին լինելը քեզ մեծագույն պատիվ է և հնարավորություն»։

Սուրբ Աննա եկեղեցու բակում Բագրատ Սրբազանը ամփոփում է օրն ու պատասխանում լրագրողների հարցերին։

Հայաստանը կա, լինելու է և այս ապօրինի, ազգադավ իշխանություններից ազատվելով՝ կերտելու ենք մեր երազանքների Հայաստանը։

Շարժումն օր օրի թափ է հավաքում։ Որևէ մեկը վախենալու, երկմտելու կամ նահանջելու մասին չի մտածում։ Մենք մտածում ենք մեր հայրենիքի ու պետականության մասին, մտածում ենք, որ կերտելու ենք այն Հայաստանը, որը մեր բոլորիս երազանքներում է ու սրտերում։

Գառնիկ Դանիելյան

Խաչատուր Սուքիասյանի հայտարարությունները չեն կարող չտեղավորվել ՀՀ քրեական օրենսգրքի 329 հոդվածի տիրույթում։ Բայց ինչո՞ւ չեն տեղավորվել ու ինչո՞ւ չեն տեղավորվելու։ Որովհետև Քննչական կոմիտեն զբաղվում է քաղաքականությամբ։

Փաստաբան Ռուբեն Մելիքյան

Ազգային ժողովի իշխանական պատգամավոր Խաչատուր Սուքիասյանը, անդրադառնալով «Տավուշը հանուն Հայրենիքի» շարժման ընթացքին, այսօր հայտարարել է, որ շարժման առաջնորդները, ընդդիմադիր գործիչները և այլն, կարող են, մեռնել կամ բանտարկվել, կամ այլ կերպ հալածվելլ։

Իշխանական պատգամավորն, ըստ էության, Ազգային Ժողովի ամբիոնն օգտագործում է ժողովրդին ու մեզ սպառնալու համար։ Այն նույն ժողովրդին է սպառնում, որի հազարավոր զավակներ այդ նույն իշխանությունների ապաշնորհ կառավարման արդյունքում զոհվել են սահմանին։ Նաև արցախցիներին է սպառնում՝ ասելով, որ եթե շարունակեն մասնակցել ցույցերին կզրկվեն նպաստներից ու ապագայում բնակարան ստանալու հնարավորությունից։ Իրենք սպառնում են ունեզրկմամբ ու սպանությամբ։ Դա պարզ պատկերն է, թե մենք ինչ ենք ուզում, իրենք ինչ են ուզում։ Այդ վարքագիծը, որը մինչ այդ թաքնված էր, հիմա դրսևորվում է։

Բայց գիտե՞ք ինչն է ամենահետաքրքիր և կարևոր հանգամանքը։ Այն, որ մեզ միայն Սուքիասյանը չի սպառնում։ Նման սպառնալիքներ մենք ավելի վաղ ենք ստացել։ Բացեք թուրքական մամուլը և տեսեք, թե ինչ է գրում Էրդողանի զարմիկ Զենգիզ Էրիկին պատկանող «SüperHaber.com» էլեկտրոնային պարբերականը։ Ահա վերնագիրը. «Ո՞վ է սպանելու Բագրատ սրբազանին... Մեղքը գցելու են թուրքերի վրա»:

Հոդվածում նշվում է, իբր հենց հայերն են սպանելու Բագրատ Սրբազանին ու մեղքը գցեն Թուրքիայի կամ Ադրբեջանի հատուկ ծառայությունների վրա։ Ու հիմա երբ համադրում ենք Սուքիքասյանի ասածն ու Էրդողանի ընտանեկան թերթի գրածը, պատկերը շատ ավելի հստակ է դառնում։ Մեր ժողովրդի թշնամիները լավ են հասկանում, թե ինչի մասին է այս պայքարը։ Նրանք լավ են գիտակցում, որ հայ ժողովուրդն ուղղելու է իր մեջքը և ճշմարտությունը հաղթելու է ստին։ Նրանք լավ գիտեն, որ Հայաստանի ու հայ ժողովրդի անվերջ ստորացման այս շղթան շուտով կտրվելու է։ Դրա համար էլ սպառնում են։

Որոշ ոստիկաններ դարձել են գործիք։ Ասում են՝ մենք չենք ծեծում, չենք սպանում ոչ մեկին, ոստիկաններն են սպանում, ում ուզում ենք, ոստիկանները սպանում են։

Կրկին դիմում եմ ոստիկանությանը՝ սահմանափակեք ձեզ։ Բոլոր այն ստորաբաժանումները, որոնք լծված են մարդկանց ահաբեկելու, պատժելու, ջարդելու գործին, ապա այլևս ոստիկանական համակարգ չեն։ Այս ամենը ոստիկանությանը բութ գործիքի վերածելու ձգտում է։

Բագրատ Սրբազան

Այսօր մեր լեգենդար հրամանատար Կոմանդոսի ծննդյան տարեդարձն է։ Եվս մի գողացված կենսագրություններից մեկը։ Մարդ, որը փառահեղ մարտական ճանապարհ է անցել, հերոսացում և արժանապատվություն է պարգևել մեր ազգին, հատկապես Շուշիի ազատագրումով։ Իր անունը մնացել է հավերժական դաջված մեր սերունդների սրտերում ու մտքերում և այդ կենսագրությունն էլ է գողացված։

Մենք այսօր խոսում շնորհավորում ենք, խոսում ենք իր սխրանքների ու հայրենատեր լինելու մասին, բայց մեր ուղեղի մյուս կիսագունդը հիշեցնում է, թե ինչ է պատահել այդ ժառանգության հետ։

Կոմանդոսը մեկնեց որպես անհատապես հաղթանակած, բայց իր ժառանգությունը պարտված հրամանատար։ Սա ամենամեծ դժբախտությունն է ցանկացած հրամանատարի, զորավարի համար։

Բագրատ Սրբազան

Մայիսի 23-ի ժամանակացույցը

Բագրատ Սրբազանն այցելել է Երևանում Իրանի Իսլամական Հանրապետության դեսպանատուն և գրառում կատարել Նախագահ Էբրահիմ Ռայիսիի ու Իրանի այլ պաշտոնյաների ողբերգական մահվան կապակցությամբ բացված ցավակցությունների մատյանում։

Սա աղաղակ է, ճիչ և այդ ճիչն արձագանք է գտել։ Սա տարիներով ձևավորված անհրաժեշտություն չէ, այլ գործընթաց է, որը ծնվել է Արցախի հանձնումից, մեր հայրենիքը կտոր-կտոր փշրելուց հետո։

Բագրատ Սրբազանը՝ հայրենադարձների հետ հանդիպմանը

Մենք ասում ենք՝ թող լինի սահմանազատման ու սահմանագծման գործընթաց, թող լինի խաղաղություն, բայց օրենքով լինի։ Ինչո՞ւ թշնամու կողմից երկու տարի առաջ գրավված հողերից չեք խոսում, բայց խոսում եք 90-ականների տարածքներից։ Քանդում եք երկրի ամենապաշտպանված բնագիծը։

Բագրատ Սրբազանը՝ հայրենադարձների հետ հանդիպմանը

Ալիևն ասում է՝ մեր մի պահանջով 4 գյուղ հետ բերեցինք, և ինչ ասում ենք, դա էլ պետք է լինի։ Այսքան ստորացումն ո՞ւմ հաշվին է արվում, դուք այսպիսի՞ հայրենիք, այսպիսի՞ պետականութուն եք երազել։

Բագրատ Սրբազանը՝ հայրենադարձների հետ հանդիպմանը

Ժամանակին թելադրողի դերում էինք, հիմա հայտնվել ենք խնդրողի դերում, ինչը մեծ վտանգ է ոչ միայն Հայաստանի, այլև այն հայերի համար, որոնք ապրում ենք այլ միջավայրում։ Կանգնած ենք ինքնության կորստի առաջ։ Երբ սփույռքում մոլորված վիճակում քաշվում են իրանց տան անկյունում, ակամա հրաժարվում են հայության կյանքի մաս լինելուց։

Այն երազը, որ ունեինք պետություն, հայրենիք ունենալու մասին, խլված է մեզանից։ Այս շարժման նպատակն է վերադարձնել այդ երազներն ու իղձերը։

Բագրատ Սրբազանը՝ հայրենադարձների հետ հանդիպմանը