1⃣1⃣ кастрычніка адзначаецца народнае свята Харытонаў дзень.

📌 У праваслаўным царкоўным календары гэта дзень шанавання памяці свяціцеля Харытона, біскупа.

Народныя традыцыі

🔸Харытонаў дзень у народзе лічыўся нядобрым.
🔸Хатнімі справамі займацца таксама не варта было.
🔸Не вымяталі смецце з хаты - гэта лічылася дрэннай прыметай.
🔸Прыглядаліся ў гэты дзень да знакаў.
🔸 Дом пачаў рыпець - гэта прадказвала бяду.
🔸Асцерагаліся каркання крумкача над хатай і незнаёмай чорнай кошкі.
🔸11 кастрычніка баяліся сустрэчы з чарнавокімі людзьмі.
🔸Лічылі, што яны больш схільныя да вядзьмарства.
🔸У гэты дзень наведвалі вясковых чараўніц і знахарак.
🔸Усе просьбы суправаджаліся дарамі ў выглядзе пірагоў і гаршкоў з мёдам.

Яшчэ больш чытайце тут.

🍰 Народжаныя 11 кастрычніка ўсяго ў жыцці дамагаюцца сваёй працай. Насіць ім варта горны крышталь.

#народны_каляндар

1⃣2⃣ кастрычніка адзначаецца народнае свята Феафан Міласэрны.

📌 Праваслаўнай царквой у гэты дзень ушаноўваюцца святы Феафан Міласцівы і вялебны Кірыяк.

Народныя традыцыі

🔸Казалі: «Феафан накінуў на сонца кафтан».
🔸 Звязана павер'е з тым, што звычайна ў гэты дзень ненадоўга вярталася цёплае надвор'е.
🔸12 кастрычніка ноччу ад зорак чакалі добрага святла.
🔸 Як сцямнее, выходзілі на іх глядзець.
🔸Кірыяка лічылі заступнікам вандроўнікаў і пустэльнікаў.
🔸У гэты дзень усіх падарожнікаў заводзілі ў хату і кармілі абедам.
🔸Калі недалёка ад паселішча жыў пустэльнік, яму адносілі мёд і бліны.
🔸Паляўнічыя на Феафана выходзілі ў палі на пошукі зайцоў.
🔸 Калі паляванне было ўдалым, то вечарам чакалася застолле з пірагамі.

Яшчэ больш чытайце тут.

🍰Народжаныя 12 кастрычніка адрозніваюцца дабрынёй. Насіць ім варта апал.

#народны_каляндар

1⃣3⃣ кастрычніка адзначаецца народнае свята Міхаіл Саламяны.

📌 У праваслаўным календары гэта дзень шанавання свяціцеля Міхаіла і пакутніка Рыгора.

🎭 Народныя традыцыі

🔸У гэты дзень сяляне абнаўлялі ложак, палілі старую салому з падушак і матрацаў.
🔸Верылі: 13 кастрычніка лесуны вылі звярынымі галасамі, вырывалі з каранямі елкі, палохалі звяроў.
🔸Продкі аблівалі дзяцей на парозе хаты калодзежнай вадой праз срэбнае рэшата.
🔸Лічылі, што гэта зберажэ не толькі ад псуты, але і ад зімовай прастуды.
🔸Парог са старажытнасці асацыяваўся з мяжой паміж хатай і «другім» светам.
🔸 Рэшата - з дастаткам, урадлівасцю і звязана было з дажджом, небам і сонцам.
🔸Вада, пралітая праз рэшата, надзялялася асаблівай лячэбнай сілай.

Яшчэ больш чытайце тут.

🍰 Народжаныя 13 кастрычніка валодаюць спакойным норавам. Насіць ім варта берыл.

#народны_каляндар

1⃣4⃣ кастрычніка адзначаецца народнае свята Пакроў.

📌 Праваслаўная царква святкуе Пакрава Прасвятой Багародзіцы. 

Народныя традыцыі

🔸Багародзіцу лічылі заступніцай земляробства.
🔸Казалі: «Да Пакрова - восень, пасля Пакрова - зіма надыходзіць».
🔸Напярэдадні свята ў хатах наводзілі парадак.
🔸У гэты дзень першы раз тапілі печ.
🔸З гэтай нагоды пяклі бліны.
🔸 Вытокі звычаю печ бліны на Пакроў звязаны з культам продкаў і шанаваннем усіх памерлых сваякоў.
🔸 Па павер'і, душы продкаў насяляюць куты хаты і ахоўваюць жыллё ад усяго благога.
🔸З Пакрова пачыналася вясельная пара.
🔸Дзяўчаты, якія мараць хутчэй выйсці замуж, ішлі ў царкву і ставілі святочную свечку.
🔸Паводле легенды, хто раней свечку паставіць, той і замуж раней выйдзе.

Яшчэ больш чытайце тут.

🍰 Народжаныя 14 кастрычніка надзелены стрыманасцю. Насіць ім варта алмаз.

#народны_каляндар

1⃣5⃣ кастрычніка адзначаецца народнае свята Купрыян і Усціння.

📌У царкоўным календары гэта дзень памяці пакутнікаў Кіпрыяна і Іўсцінні.

Народныя традыцыі

🔸15 кастрычніка лічылі днём ачышчэння і пазбаўлення ад злых духаў.
🔸Калі не прачытаць адпаведную малітву, на чалавека мог напасці нячысцік.
🔸Лічылі, што нецвярозага абавязкова ў гэты дзень чэрці наведаюць.
🔸У дзяўчат працягваліся вячоркі.
🔸 Весялосць, якая суправаджала іх раней, знікала.
🔸15 кастрычніка хадзілі ў лес збіраць апенькі і рыжыкі.
🔸 Гэтыя грыбы цаніліся: яны не бывалі чарвівыя, падыходзілі для сушкі, салення і прыгатавання ўсіх грыбных страў.
🔸 Апенькі салілі цэлымі бочкамі, іх лічылі выдатнай стравай на стале.

Яшчэ больш чытайце тут.

🍰Народжаныя 15 кастрычніка адрозніваюцца павышаным пачуццём справядлівасці. Насіць ім варта горны крышталь.

#народны_каляндар

1⃣6⃣ кастрычніка адзначаецца народнае свята Дзяніс Пазімні.

📌 Праваслаўная царква ў гэты дзень успамінае апостала Дыянісія.

Народныя традыцыі

🔸 Лічылі, што гэты дзень за сабой зіму цягне.
🔸Па ўяўленні нашых продкаў з 16 кастрычніка пачыналася глыбокая восень.
🔸Гэта час лістападу, першых снегападаў, замаразкаў і адлёту птушак.
🔸Казалі, што ў гэты час на зямлю выходзяць ліхаманкі - злыя духі, якія выклікаюць хваробы.
🔸Найлепшым сродкам ад іх лічылі асінавую кару, якую належыла заўсёды насіць з сабой.
🔸У хаце звычайна трымалі асінавае палена.
🔸16 кастрычніка асцерагаліся сурокаў.
🔸Супраць іх выкарыстоўвалі лук, часнок, рэдзьку і соль.
🔸Меркавалі, што пах часнаку і лука палохае нячыстую сілу.

Яшчэ больш чытайце тут.

🍰 Народжаныя 16 кастрычніка валодаюць дарам лекавання. Насіць ім варта гранат.

#народны_каляндар

1⃣7⃣ кастрычніка адзначаецца народнае свята Ерафееў дзень.

📌 У праваслаўным царкоўным календары ў гэты дзень ушаноўваюць пакутніка Іерафея Афінскага, біскупа.

Народныя традыцыі

🔸Верылі, што на Ерафея ў лясах перад зімой адбываецца апошні разгул лесавікоў.
🔸У лес 17 кастрычніка не хадзілі.
🔸 Лесуны ў гэты дзень ламалі дрэвы, ганялі дзікіх жывёл, хадзілі па лесе, біліся, свісталі, крычалі і жудасна рагаталі.
🔸Калі ж прыходзіў час і лесуны правальваліся пад зямлю, то яны зацягвалі з сабой звяроў і птушак, травы і ягады, грыбы і арэхі.
🔸Калі ж трапляўся лесуну чалавек, то і яго ён мог пацягнуць пад зямлю.
🔸Супраць лесуна ў гэты дзень выкарыстоўвалі падпаленую бярозавую галінку.
🔸Непажаданыя ў Ерафееў дзень вяселлі: шлюб нядоўгім будзе.

Яшчэ больш чытайце тут.

🍰 Народжаныя 17 кастрычніка адрозніваюцца сумленнасцю. Насіць ім варта берыл.

#народны_каляндар

1⃣8⃣ кастрычніка адзначаецца народнае свята Харыціны.

📌 У праваслаўным царкоўным календары гэта дзень шанавання памяці пакутніцы Харыціны Амісійскай.

Народныя традыцыі

🔸Казалі: «Харыціны - першае палатно».
🔸 З гэтага дня жанчыны садзіліся за ткацкія станкі, каб выткаць першае палатно.
🔸 У народзе святую лічылі заступніцай ткачых.
🔸Нітку, вытканую 18 кастрычніка, называлі «жыватворнай».
🔸Яе трэба павязаць на левае запясце, каб абараніцца ад сурокаў.
🔸Ткацкае рамяство вельмі шанавалася.
🔸Нашы прашчуры верылі, што дзяўчынка, якая з'явілася на свет у гэты дзень, будзе добрай ткачыхай.
🔸Яшчэ ў гэты дзень каталі шэрсць на валёнкі.
🔸Прыкмячалі: пералётныя птушкі дружна на поўдзень ляцяць - зіма будзе суровай.

Яшчэ больш чытайце тут.

🍰 Народжаныя 18 кастрычніка адрозніваюцца стойкасцю духу. Насіць ім варта аметыст і рубін.

#народны_каляндар

1⃣9⃣ кастрычніка адзначаецца народнае свята Фамін дзень.

📌 У праваслаўным царкоўным календары гэта дзень шанавання памяці апостала Фамы, аднаго з 12 вучняў Ісуса Хрыста.

Народныя традыцыі

🔸Калі ў гэты дзень нараджалася дзіця, пяклі каравай, адламвалі акраец, пасыпалі яго соллю і падносілі да нованароджанага.
🔸Таксама хлебнай лустай частавалі слабых здароўем людзей.
🔸Верылі, што гэта дапаможа ім хутчэй паправіцца.
🔸 Лічылі, што апостал Фама заахвочвае беражлівасць і запаслівасць.
🔸Да гэтай даты падводзілі вынікі гаспадарчага года.
🔸Калі свірны, скляпы  былі поўнымі, то адпраўляліся ў царкву і ставілі свечку.
🔸Ва ўраджайныя гады па вечарах у гэты дзень ладзілі сапраўднае свята.

Яшчэ больш чытайце тут.

🍰 Народжаныя 19 кастрычніка дажывуць да глыбокай старасці. Насіць варта аметыст і рубін.

#народны_каляндар

2⃣0⃣ жніўня адзначаецца народнае свята Сяргей Зімні.

📌 У праваслаўным царкоўным календары гэта дзень шанавання памяці святых Сергія і Пелагеі.

Народныя традыцыі

🔸Лічылі: з Сергія зіма пачынаецца, а на Матрону (22 лістапада) усталёўваецца.
🔸Казалі: "Сяргей інеем травы б'е, а Матрона зіме назад павярнуць не дае".
🔸У гэты дзень нашы продкі спачатку кармілі хатнюю жывёлу, а потым ужо снедалі самі.
🔸Запаліць у печы давяралі самаму малодшаму члену сям'і.
🔸Верылі, што тады ўсю зіму ў хаце цёпла будзе.
🔸Руплівыя гаспадары апускалі на дно возера, рэчкі бочкі з засоленымі агуркамі.
🔸 Вясной бочкі даставалі з вады і на стале з'яўляліся смачныя агуркі.
🔸Прыкмячалі: снег, які выпаў днём, хутка растане.

Яшчэ больш чытайце тут.

🍰Народжаныя 20 кастрычніка могуць быць міласэрнымі і бязлітаснымі адначасова. Насіць ім варта алмаз.

#народны_каляндар

2⃣1⃣ кастрычніка адзначаецца народнае свята Трыфан і Пелагея.

📌 У праваслаўным царкоўным календары гэта дзень шанавання памяці вялебных Трыфана і Пелагеі.

Народныя традыцыі

🔸У гэты час набліжэнне зімы станавілася ўсё больш адчувальным.
🔸Казалі: «З Трыфана-Пелагеі ўсё халадней».
🔸Людзі выходзілі на самую высокую гару і назіралі за тым, як узыходзіць Сонца.
🔸 Гэта рабілі для таго, каб паказаць прыродзе, як народ шануе яе.
🔸У гэты дзень было прынята займацца рамонтам, пашывам зімовага адзення.
🔸 У народзе казалі: «Трыфан футра чыніць, Пелагея рукавіцы шые».
🔸Для тых, хто збіраўся жаніцца ці выходзіць замуж, рыхтавалі новае адзенне.
🔸Прыкмячалі: да гэтага дня з бярозы не апала ўсё лісце - снег выпадзе позна.

Яшчэ больш чытайце тут.

🍰 Народжаныя 21 кастрычніка валодаюць здольнасцю да абутковага майстэрства. Ім уласцівы спакойны нораў. Насіць ім варта хрызаберыл.

#народны_каляндар

2⃣2⃣ кастрычніка адзначаецца народнае свята Якаў.

📌 У праваслаўным царкоўным календары гэта дзень шанавання памяці аднаго з дванаццаці апосталаў - Якава Алфеева.

Народныя традыцыі

🔸Нашы продкі гэты дзень называлі "дрэвапілец".
🔸У гэта час нарыхтоўвалі дровы, а таксама рубілі дрэвы ў лесе для будаўніцтва.
🔸 Восеньскі перыяд, калі дрэвы "засынаюць", лічыўся найлепшым для нарыхтоўкі.
🔸Секчы дровы можна было ў месцах, дзе раслі асіна, бяроза, алешына, вярба, елкі і сосны.
🔸Часта яны знаходзіліся ў багністых месцах.
🔸Таму дровы вывозілі толькі пасля таго, як падмарозіць і выпадзе снег.
🔸 22 кастрычніка называлі Днём першай кашы.
🔸У кожнай хаце на Якава варылі кашу са свіным салам.

Яшчэ больш чытайце тут.

🍰 Народжаныя 22 кастрычніка на першы погляд суровыя, але на самой справе мараць пра каханне і рамантыку. Насіць ім варта сапфір.

#народны_каляндар

2⃣3⃣ кастрычніка адзначаецца народнае свята Аўлампій Зімаўказальнік.

📌 У праваслаўным царкоўным календары гэта дзень шанавання памяці  двух святых пакутнікаў - брата і сястры Яўлампія і Яўлампіі.

Народныя традыцыі

🔸 У гэты дзень сяляне выходзілі глядзець на месяц і па ім прадказвалі надвор'е.
🔸Рогі павернутыя на поўнач - хутка наступіць зіма і снег ляжа на сухую зямлю.
🔸На поўдзень - восень будзе сырая. Хуткай зімы чакаць не варта.
🔸На Аўлампія дзень значна памяншаўся.
🔸Моладзь у гэты дзень скакала праз вогнішча.
🔸Лічылі, што гэта дапаможа адрадзіцца да новага жыцця і падоўжыць маладосць.
🔸У агні спальвалі старыя рэчы, каб пазбавіцца ад непрыемнасцяў і праблем са здароўем.

Яшчэ больш чытайце тут.

🍰 Народжаныя 23 кастрычніка рашучыя і ўпэўненыя ў сабе. Насіць ім варта тапаз.

#народны_каляндар

2⃣4⃣ кастрычніка адзначаецца народнае свята Філіпаў дзень.

📌 У праваслаўным царкоўным календары гэта дзень шанавання памяці апостала ад 70-ці Філіпа.

Народныя традыцыі

🔸 У Філіпаў дзень сяляне вазілі малаціць збожжа на млын.
🔸 Першымі прыладамі, з дапамогай якіх здрабнялі зерне, былі таўкач і ступка.
🔸Пазней зерне сталі пераціраць, а не таўчы.
🔸З часам былі створаны ручныя млыны, пазней - вадзяныя і ветракі.
🔸 Верылі: народжанага 24 кастрычніка хлопчыка назваць Філіпам - ён пражыве доўгае і шчаслівае жыццё.
🔸Заўважалі, што быць названым у гонар апостала або свяціцеля - добры знак.
🔸Прыкмячалі: вавёркі, краты і мышы ўзмоцнена кормам запасаюцца - да суровай і зацяжной зімы.

Яшчэ больш чытайце тут.

🍰Народжаныя 24 кастрычніка кемлівыя і лёгкія на ўздым. Насіць ім варта горны крышталь.

#народны_каляндар

2⃣5⃣ кастрычніка адзначаецца народнае свята Проў.

📌 У праваслаўным царкоўным календары гэта дзень шанавання памяці пакутнікаў Прова, Андрона і Тараха.

🎭 Народныя традыцыі

🔸У народным календары святога Прова звязалі з зоркамі.
🔸 У гэты дзень за зоркамі назіралі і па іх варажылі аб надвор'і і ўраджаі.
🔸Да зорак нашы продкі ставіліся з вялікай павагай.
🔸 Верылі, што ў кожнай жывой душы ёсць свой анёл-захавальнік.
🔸 Бог кожнаму чалавеку пры нараджэнні пасылае анёла, які абараняе ад грахоў і згубных дзеянняў нячыстай сілы.
🔸Верылі, што анёл кожную зямную справу ў нябесную кнігу запісвае.
🔸Калі чалавек памірае,  знічка падае на зямлю.
🔸 Верылі: на Права нікога крыўдзіць нельга, у адваротным выпадку і вам шчасця не будзе.

Яшчэ больш чытайце тут.

🍰 Народжаным 25 кастрычніка дадзена здольнасць па зорках прадказваць будучыню. Насіць ім варта бурштын.

#народны_каляндар

2⃣6⃣ кастрычніка адзначаецца народнае свята Карп.

📌 У праваслаўным царкоўным календары гэта дзень шанавання памяці пакутніка Карпа.

Народныя традыцыі

🔸Сяляне наводзілі парадак у лазні:  чысцілі печ, замянялі дошкі і лаўкі, якія згнілі.
🔸 Таксама выганялі лазніка - небяспечнага для людзей духа лазні.
🔸Жыў ён у сялянскай лазні і мог абліць кіпенем, кідацца гарачымі камянямі.
🔸Уцякалі ад яго задам наперад.
🔸Па павер'ях, лазневы дух мог ператварыцца ў ката, сабаку, жабу і нават зайца.
🔸Людзі, якія прыходзілі ў лазню, імкнуліся залагодзіць духа.
🔸Яму пакідалі кавалачак мыла, у кадушках трохі вады, а ў куце - венік.
🔸У лазні імкнуліся не мыцца ў адзіноце, а таксама пасля заходу сонца і ўначы.

Яшчэ больш чытайце тут.

🍰 Народжаныя 26 кастрычніка надзелены лепшымі чалавечымі якасцямі. Насіць ім варта смарагд.

#народны_каляндар

2⃣7⃣ кастрычніка адзначаецца народнае свята Параскева Пятніца.

📌 У праваслаўным царкоўным календары гэта дзень шанавання памяці вялебнай Параскевы.

Народныя традыцыі

🔸У гэты час восень заканчвалася, а зіма яшчэ не наступала.
🔸Галоўнае нязручнасць - непраходная гразь  ад частых дажджоў.
🔸У гэты дзень з пшаніцы новага ўраджаю варылі кашу.
🔸На Параскеву ўдовы і векавухі вымольвалі сабе спадарожніка жыцця.
🔸 З гэтай мэтай чыталі спецыяльную замову.
🔸Паводле легенды, той, хто ў гэты дзень сядзе за калаўрот, будзе рана пазбаўлены зроку.
🔸Гэтая забарона ў былыя часы распаўсюджвалася на ўсе пятніцы года.
🔸Верылі: 27 кастрычніка нельга шмат смяяцца, бо ў старасці многа плакаць прыйдзецца.

Яшчэ больш чытайце тут.

🍰Народжаным 27 кастрычніка трэба будзе шмат працаваць, каб дасягнуць шчасця ў жыцці.  Насіць ім варта тапаз.

#народны_каляндар

2⃣8⃣ кастрычніка адзначаецца народнае свята Яфім.

📌 У праваслаўным царкоўным календары гэта дзень шанавання памяці вялебнага Яўфімія Салунскага.

Народныя традыцыі

🔸Казалі: «Яўхім холадам карэнне траў і дрэў з зямлёй змыкае, насякомых у траве хавае, на прыроду сон навявае».
🔸Зіма набліжалася, усе расліны і жывёлы рыхтаваліся да яе прыходу.
🔸Зіма набірала сілу, а разам з ёй актывізавалася і нячыстая сіла.
🔸Па павер'і, з Яфіма кікімара пачынала перашкаджаць дзяўчатам: блытала пражу, рвала тканіну, біла гаршкі.
🔸Сяляне мялі і трапалі лён, рыхтавалі пражу.
🔸Мужчыны ж выраблялі валёнкі, рамантавалі сельскагаспадарчы інвентар, ладзілі сані.
🔸Прыкмячалі: шмат мышэй на гумне - зіма з адлігамі будзе.

Яшчэ больш чытайце тут.

🍰 Народжаныя 28 кастрычніка валодаюць выдатнымі арганізатарскімі якасцямі. Насіць ім варта амазаніт.

#народны_каляндар

2⃣9⃣ кастрычніка адзначаецца народнае свята Лонгін Сотнік.

📌 У праваслаўным царкоўным календары гэта дзень шанавання пакутніка Лонгіна Сотніка.

Народныя традыцыі

🔸Нашы продкі верылі, што Лонгін стаіць паміж добрым і злым светам, ахоўвае людзей.
🔸Меркавалі, што вароты - гэта самае небяспечнае месца, паколькі тут стаіць нячыстая сіла.
🔸З гэтай прычыны часта размяшчалі над варотамі выяву заступніка.
🔸Згодна з паданнем, святы Лонгін лічыўся лекарам хвароб вачэй.
🔸 29 кастрычніка яму маліліся ўсе, у каго былі праблемы са зрокам.
🔸 Традыцыйна ў гэты дзень людзі мыліся халоднай вадой з калодзежа або ключа.
🔸 Асабліва стараліся памыць дзяцей, лічалі, што гэта дапаможа зроку.
🔸Для паляпшэння вастрыні зроку прымушалі дзяцей глядзець на ваду некалькі гадзін запар.

Яшчэ больш чытайце тут.

🍰Народжаныя 29 кастрычніка  адрозніваюцца рашучасцю і непахіснасцю. Насіць ім варта агат.

#народны_каляндар

3⃣0⃣ кастрычніка адзначаецца народнае свята Асія Калеснік.

📌 У праваслаўным царкоўным календары гэта дзень шанавання памяці прарока Асія. 

Народныя традыцыі

🔸У народзе лічылі, што прарок Асія адказвае за калёсны транспарт сялян.
🔸З гэтай нагоды ў народзе казалі: «На прарока Асія кола з воссю развітваецца».
🔸Мужчыны ў гэты дзень прыводзілі вазы ў парадак (чысцілі, чынілі, змазвалі) і прыбіралі да вясны ў хлеў.
🔸Замест іх даставалі сані.
🔸Звычайна вазы выраблялі з дрэва. У іх запрагалі коней.
🔸На выраб кола цесляру неабходна было больш за месяц працы.
🔸У гэты дзень па рыпенні кола на возе вызначалі, якім будзе ўраджай у наступным годзе.
🔸Колы едуць ціха і не рыпяць - на наступны год уродзіцца шмат хлеба і гародніны.

Яшчэ больш чытайце тут.

🍰 Народжаныя 30 кастрычніка адрозніваюцца мэтанакіраванасцю і арганізаванасцю. Насіць ім варта апал.

#народны_каляндар