⚛️Увага, рэспубліканскі конкурс творчых работ “Праз творчасць у прафесію жыцця”!

Запрашаем прыняць удзел навучэнцаў ва ўзросте 12–17 гадоў пад кіраўніцтвам педагогаў ўстаноў агульнай сярэдняй адукацыі, устаноў дадатковай адукацыі дзяцей і моладзі. Конкурс праводзіцца са студзеня па кастрычнік з мэтай стымулявання пазнавальнай актыўнасці, духоўнага ўзбагачэння асобы навучэнца праз садзейнічанне свядомаму выбару сферы будучай прафесійнай дзейнасці.

У намінацыі “Ад захаплення да прафесіі жыцця” прымаецца тэкстава-ілюстрацыйны матэрыял са⬇️

🔄звесткамі аб гісторыі, спецыфіке, значнасці, палажэнні на рынку працы абранай прафесіі;

🔄атрыбуты прафесіі (традыцыі, сімвалы, міфы, прафесіянальныя тэрміны);

🔄матывы выбару прафесіі і шляхоў вызначэння паспяховасці ў абранай прафесіі (у тым ліку асобасных якасцяў);

🔄перспектывы і асобасная роля аўтара ў прафесіі.

У намінацыі “Падарожжа ў свет прафесій” прымаецца мультымедыйная прэзентацыя з апісаннем прафесіі, якое дае найбольш поўнае ўяўленне аб абранай прафесіі, атрыбутах, умовах і прадметах працы, неабходных кампетэнцыях і іншая карысная інфармацыя аб прафесіі.

🫱Умовы правядзення конкурсу🫲