1⃣0⃣ верасня адзначаецца народнае свята Сава.

📌 У праваслаўным царкоўным календары гэта дзень шанавання памяці святых Ганны і Савы.

🎭 Народныя традыцыі

🔸У гэты дзень звычайна дасявалі апошнія азімыя.
🔸Вывозілі снапы з поля, каб зберагчы сена ад восеньскіх дажджоў. 
🔸Назіралі за птушкамі: гусі яшчэ не паляцелі ў вырай - зіма будзе позняй.
🔸Па надвор'і ў гэты дзень прадказвалі, якім будзе канец верасня.
🔸Суха і цёпла - вялікіх дажджоў чакаць не варта.
🔸У лес 10 верасня не хадзілі: існуе вялікая верагоднасць заблукаць.
🔸Калі ж пайсці вельмі трэба, то раілі ўзяць пірог і пакінуць яго на пяньку для лесуна.
🔸У гэты дзень да бацькоў нявесты не хадзілі: бяду наклічаш.

Яшчэ больш чытайце тут.

📚 У народзе кажуць

🔹Бярозы жоўкнуць з верхавіны - вясна будзе ранняй, а калі знізу - позняй.
🔹Дождж з навальніцай - да цёплай восені.
🔹Шмат арэхаў і жалудоў - да добрага ўраджаю азімых.
🎂 Народжаныя 10 верасня незалежныя і ганарлівыя. Насіць ім варта агат.

РАСЦЁМ БЕЛАРУСАМI🇧🇾!

Сёння ў нашай рубрыцы мы раскажам пра Мінскі паўмарафон.

Мінскі паўмарафон традыцыйна праводзіцца з 2013 года і збірае ўсіх аматараў бегу. У гэтым годзе іх колькасць склала 15 тыс., сярод якіх - наймацнейшыя бегуны не толькі нашай краіны, але і спартсмены з-за мяжы.

Новаўвядзеннем гэтага года стала тое, што аматары бегу стартавалі з вуліцы Кірава каля стадыёна "Дынама", а фінішаваць удзельнікі будуць на лёгкаатлетычнай арэне гэтага стадыёна.

Таксама разам з бегунамі Мінскага паўмарафону пачалі забег удзельнікі адкрытага чэмпіянату Беларусі па паўмарафоне. Кожны аматар бегу мае магчымасць паспаборнічаць з атлетамі, якія выступалі на Алімпійскіх гульнях і выйгравалі медалі самай высокай вартасці.

#советский_район #расцем_беларусамі