Заўтра воблачна з праясненнямі. На большай частцы тэрыторыі дажджы, у асобных раёнах навальніцы і моцныя дажджы. Вецер пераменных напрамкаў, умераны, пры навальніцах парывісты. Тэмпература паветра мінімальная ноччу +10 +15, па ўсходзе +16 +19; максімальная днём +19 +25, ва ўсходніх раёнах +26 +29.

У абласных цэнтрах заўтра:
Гродне +20 +22
Брэсце +21 +23
Віцебску і Магілёве +25 +27
Гомелі +27 +29

У сталіцы заўтра воблачна, днём з праясненнямі. Ноччу часам дождж (верагоднасць ападкаў больш за 90%), днём кароткачасовы дождж (яго верагоднасць 70-80%), магчымая навальніца. Вецер пераменных напрамкаў, умераны, днём пры навальніцы парывісты. Тэмпература паветра мінімальная ноччу +13 +15, максімальная днём +22 +24. Атмасферны ціск істотна не зменіцца.

Зараз у сталіцы +14
Вецер слабы
Ціск 741 міліметр ртутнага слупка
Адносная вільготнасць 87%

Сёння святкуецца Сусветны дзень донара крыві, а 14 чэрвеня 1938 года быў заснаваны Беларускі дзяржаўны тэатр лялек.
Нашы продкі ў гэты дзень хадзілі ў лес збіраць лекавыя зёлкі. Потым іх звязвалі і сушылі пад столлю хаты або рабілі настойкі.
Калі ў першай палове дня заўважалі ў небе вясёлку, то не хадзілі далёка ад дома, бо гэта значыла, што хутка пойдзе дождж.

Заўтра пераменная воблачнасць. На большай частцы тэрыторыі кароткачасовыя дажджы, у асобных раёнах навальніцы і моцныя дажджы. Ноччу і раніцай слабы туман. Вецер пераменных напрамкаў, умераны, пры навальніцах парывісты. Тэмпература паветра мінімальная ноччу +12 +18, максімальная днём +23 +29, ва ўсходніх раёнах месцамі да +30.

У абласных цэнтрах заўтра:
Гродне +23 +25
Брэсце +24 +26
Віцебску, Гомелі і Магілёве +28 +30

У сталіцы заўтра пераменная воблачнасць. Кароткачасовы дождж (яго верагоднасць 80-90%), магчымая навальніца. Ноччу і раніцай слабы туман. Вецер пераменных напрамкаў, умераны, пры навальніцы парывісты. Тэмпература паветра мінімальная ноччу +15 +17, максімальная днём +25 +27. Атмасферны ціск істотна не зменіцца.

Зараз у сталіцы +22°
Вецер слабы
Ціск 741 міліметр ртутнага слупка
Адносная вільготнасць 83%

У народным календары 15 чэрвеня – Нікіфар-спавядальнік.
У гэты дзень дзяўчыны збіраліся разам і плялі вянкі, якія потым захоўвалі як абярэг на шчасце.
У палях 15 чэрвеня касілі сена, а ў лесе нарыхтоўвалі кару для дублення скур.
Калі ішоў дождж, чакалі шмат грыбоў

Сёння пераменная воблачнасць. На большай частцы тэрыторыі кароткачасовыя дажджы, навальніцы. Пры навальніцах месцамі моцныя ліўні, град. Вецер пераменных напрамкаў умераны, пры навальніцах месцамі шквалістае ўзмацненне. Тэмпература паветра максімальная ад +21 да +27, па ўсходняй палове +28 +32.

У абласных цэнтрах сёння:
Гродне +22 +24
Брэсце +24 +26
Віцебску і Магілёве +28 +30
Гомелі +29 +31

У сталіцы кароткачасовы дождж (яго верагоднасць больш за 90%), навальніца, месцамі па горадзе моцныя ліўні. Вецер пераменных напрамкаў, умераны, пры навальніцы шквалістае ўзмацненне. Тэмпература паветра максімальная +25 +27. Атмасферны ціск істотна не зменіцца.

Зараз у Мінску +19°
Вецер слабы
Ціск 741 міліметр ртутнага слупка
Адносная вільготнасць 96%

Інфармацыя для метэазалежных людзей.
Геамагнітны фон сёння спакойны.

На поўдзень Кітая абрынуўся тайфун «Нуры». Больш за ўсё пацярпела прыбярэжная правінцыя Гуандун. Там затоплены вуліцы некалькіх гарадоў. Моцным ветрам пашкоджаны лініі электраперадачы. У рэгіёне аб'яўлены чацвёрты ўзровень небяспекі, а ўлады кінулі ўсе сілы на папярэджанне парушэння працы інфраструктурных аб'ектаў. Чакаецца, што «Нуры» будзе бушаваць на тэрыторыі правінцыі некалькі дзён, а ў канцы тыдня пачне рухацца на поўнач.
У Пекіне сёння +30, воблачна.

Незвычайнай прыгажосці відовішча зняў аўтамабіліст з Канады. Спачатку вадзіцель заўважыў лася па трасе, а затым вясёлку, якая адным сваім канцом упіралася ў дарогу. Жывёла накіравалася прама да месца, дзе назіралася маляўнічая атмасферная з'ява. Гэта выглядала як цуд, але лось у літаральным сэнсе нырнуў ў рознакаляровыя пералівістыя вадзяныя кроплі. Магчыма, пасля таго, як нешта такое ўбачыў адзін з нашых продкаў, і ўзніклі казкі пра адзінарогаў.
У Атаве сёння +29, ясна.

У 2006 годзе 16 чэрвеня для карыстальнікаў адкрыўся новы будынак Нацыянальнай бібліятэкі Беларусі.
У народзе ж у гэты дзень казалі: "На Лук'яна глядзі, адкуль вецер дзьме". Па ветры прагназавалі ўраджай. Калі паўднёвы – добры, а вось з паўднёвага захаду – можа быць і не вельмі, бо ён прыносіў дажджы. Паўночна-заходні вецер наогул лічылі неспрыяльным: ён абяцаў навальніцы і буры.

Сёння пераменная воблачнасць. Па паўднёвым захадзе кароткачасовыя дажджы, навальніцы. Пры навальніцах месцамі моцныя ліўні, град. Вецер усходні, умераны, пры навальніцах парывісты, месцамі шквалістае ўзмацненне да моцнага парывістага. Тэмпература паветра максімальная +25 +31.

У абласных цэнтрах сёння:
Гродне і Брэсце +26 +28
Віцебску і Магілёве +28 +30
Гомелі +29 +31

У сталіцы пераменная воблачнасць. Без істотных ападкаў (іх верагоднасць 5-10%). Вецер усходні, умераны. Тэмпература паветра максімальная +27 +29. Атмасферны ціск істотна не зменіцца.

Зараз у Мінску +21°
Вецер слабы
Ціск 740 міліметраў ртутнага слупка
Адносная вільготнасць 75%

Інфармацыя для метэазалежных людзей.
Геамагнітны фон сёння слабаўзрушаны.

Анамальная спякота захоўваецца ў ЗША. Захад краіны пакутуе ад пажараў. У Арызоне агонь знішчыў больш за 15 тысяч гектараў. Да эвакуацыі рыхтуюць каля тысячы чалавек. Лакальныя пажары не адпускаюць і Каліфорнію. Маштаб распаўсюджвання асобна ўзятага ачага меншы, аднак частата з'яўлення полымя ў розных месцах параўнальна вышэйшая. Хуткае распаўсюджванне стыхіі ў рэгіёне абумоўлена засушлівым і ветраным надвор'ем, а таксама вялікай колькасцю травы і кустоў.
У Вашынгтоне сёння +22°, дождж, навальніца.

У Пакістане лютуе саранча. Насякомыя наносяць велізарны урон ураджаю. Урад задзейнічаў армію для аказання дапамогі. У мінулым месяцы ў правінцыі Белуджыстан на паўднёвым захадзе краіны расла пшаніца. Цяпер ад яе мала што засталося. Гэта першае буйнамаштабнае нашэсце саранчы ў Пакістане з дзевяностых гадоў мінулага стагоддзя. Паводле ацэнак урада, у маштабах краіны ўрон можа скласці каля 5,1 мільярда долараў ЗША.
У Ісламабадзе сёння +39°, ясна.

Сёння адзначаецца Сусветны дзень барацьбы з апустыньваннем і засухай. Нашы продкі ў гэты час працягвалі, нягледзячы на спякоту, палявыя работы: раскідвалі па землях, якія "адпачываюць" (не засяваюцца ў гэтым годзе), угнаенні.
Таксама сеялі грэчку. Аб тым, што час для гэтага прыйшоў, сведчылі паружавеўшыя суніцы.
Калі 17 чэрвеня ішоў дождж, ён, па назіраннях народных сіноптыкаў, мог зацягнуцца яшчэ на два-тры дні. Зрэшты, гэта не пра сёння. : )

Сёння пераменная воблачнасць. На большай частцы тэрыторыі кароткачасовыя дажджы, навальніцы, пры навальніцах месцамі моцныя ліўні, град. Вецер усходні, паўднёва-усходні, пры навальніцах парывісты, месцамі шквалістае ўзмацненне ветру. Максімальная тэмпература паветра +24 +29, па паўночна-усходняй палове +30 +31.

У абласных цэнтрах сёння:
Гродне +25 +27
Брэсце +26 +28
Гомелі +28 +30
Віцебску і Магілёве +29 +31

У сталіцы кароткачасовы дождж, навальніца, пры навальніцы месцамі па горадзе моцныя ліўні і шквалістае ўзмацненне паўднёва-ўсходняга ветру. Максімальная тэмпература паветра +27 +29. Атмасферны ціск істотна не зменіцца.

Зараз у Мінску +22°
Вецер слабы
Ціск 740 міліметраў ртутнага слупка
Адносная вільготнасць 63%

Інфармацыя для метэазалежных людзей.
Геамагнітны фон сёння спакойны.

Пачынаецца! Будзьце асцярожныя.

Наш пазаштатны аўтар @kazz_by перадае з месца падзей!