🐆 🎥ТРК Президента приступил к производству фильма
«Абылай Хан»
 
Художественный короткометражный фильм рассказывает о выдающемся государственном деятеле, храбром полководце Абылай хане, возглавлявшем Казахское ханство в 1771 – 1781 годах. Фильм снимает Центр документального кино Телерадиокомплекса Президента РК, передает Kazinform.

🎬Съемки киноленты проводятся в локации «Кочевники» в г. Конаеве. Художественная лента «Абылай Хан» будет показана в Мультимедийно-интерактивном комплексе, расположенном на площади Абылай хана в Бурабае. Посетителям комплекса предоставляется прекрасная возможность узнать историю жизни мальчика Абильмансура, ставшего  великим сыном казахского народа – Абылай ханом.

@kazinform_news

⚛Президент Қасым-Жомарт Тоқаев Алматыдағы ғалымдармен кездесуінде не айтты?

📝📝📝📝📝:
 
– Қазір – ғылым мен білімнің заманы. Отанымызды көркейтеміз десек, ең алдымен, осы екі саланы дамытуымыз керек
 
– Қазақстанда әлемнің беделді 12 жоғары оқу орнының филиалы жұмыс істеп тұр. Көп ұзамай тағы бірнешеуі ашылады
 
– Өткен аптада сингапурлық ғалымдармен және ондағыжоғары оқу орындарының ректорларымен арнайы жүздестім. Енді Сингапурда ғылыми кадрларымызды оқытатын болдық
 
– Жас әрі терең білімді азаматтар – ұлтымыздың басты капиталы және қоғамдағы оң өзгерістердің қозғаушы күші
 
– Жастық шақ – уақытты босқа өткізетін емес, ел үшін табанды қызмет ететін кез. Академик Қаныш Сәтбаевтың өмір жолы – осының жарқын мысалы. Ғұлама ғалым небәрі 25 жасында «Алгебра» оқулығын жазуға кіріскен. Ал 30 жас шамасында Жезқазғандағы кен орнын ашқан
 
– Ғалымдарымыз кабинеттерінде тып-тыныш отырып, тек теориялық ізденістермен шектелмей, нақты іспен және қолданбалы зерттеулермен айналысуға тиіс
 
– Әлемдегі Google, Microsoft, Apple сияқты көптеген технологиялық алпауыттардың негізін студенттер қалаған. Біздің елімізде де талантты командалар пайда болады және олар жаһандық нарықта көш бастайтын IT-компаниялар құрады деп сенемін
 
– Жасанды интеллектіні дамыту ісінде елдің кадрлық әлеуеті маңызды рөл атқарады. Сондықтан білікті мамандардың қатарын көбейту керек. Жоғары оқу орындары бұл жұмыспен мықтап айналысуы қажет.

@ptrkkz

⚛Мемлекет басшысының басқа да сөйлеген сөзінен:

– Қазақстан табиғи уран өндіру көлемі бойынша әлемде бірінші орында. Біз ядролық отынның компоненттерін өз елімізде өндіреміз. Бұл – бәсекелестіктегі біздің басты артықшылығымыз. Оны пайдалана білуіміз қажет

– Ядролық энергетиканы құруға қатысты соңғы шешімді халық жалпыұлттық референдум арқылы қабылдайды

– Елімізде көлік құрастыратын бірқатар кәсіпорын жұмыс істейді. Жергілікті өндірістің үлесін және технологияның импортын арттыру керек

– Халықты отандық медициналық бұйымдармен және дәрі-дәрмекпен қамтамасыз ету деңгейін кезең-кезеңімен көтеру маңызды. Біз осы салада халықаралық деңгейдегі жетекші компаниялармен қарым-қатынас орнатып жатырмыз

– Транскаспий халықаралық көлік бағыты әлемдік саудада мол мүмкіндіктерге жол ашады. 2027 жылға қарай осы дәліз арқылы жүк тасымалдау көлемін жылына 10 миллион тоннаға дейін жеткізуді жоспарлап отырмыз

– Еліміздегі автокөлік жолдарының жай-күйіне объективті мониторинг жүргізілуге тиіс. Нақты ахуалды айқын көрсететін тың тәсілдерді ойластырған жөн

– Алматы облысында салынып жатқан Alatau City «ақылды қаланың» жарқын үлгісіне айналуы қажет. Бұл қала сингапурлық Surbana Jurong консалтингтік компаниясының қатысуымен салынып жатыр. Шаһар өмір сүруге, бизнес жүргізуге ыңғайлы әрі жетекші халықаралық іскерлік хабқа айналуы керек

– Биыл елімізде «Таза Қазақстан» акциясы басталды. Бұл – жай науқан емес, бұл –халқымыздың көзқарасын, болмысын өзгерте алатын өте маңызды жоба

– Әйелді құрметтей білетін қоғам шын мәнінде өркениетті, мәдениетті қоғам болмақ. Әрине, бір Заңмен барлық мәселе шешілмейтіні анық. Ең бастысы, өзгерісті әркім өзінен бастауы керек

– Былтыр 284 жас ғалым баспана алды. Биыл менің тапсырмаммен оларға тағы 200 пәтер берілетін болды.

@ptrkkz

🔑📚 Президент ғылымның түрлі саласында еселі еңбек етіп жүрген бірнеше азаматқа салтанатты түрде пәтер сертификаттарын табыстады.

📸31.05.2024, Алматы қаласы

@ptrkkz

🌳«Таза Қазақстан» акциясы аймақтарда қалай жүріп жатқанын мен мұқият қадағалап отырамын – Қ.Тоқаев

Президенттің Алматы қаласында қазақстандық ғалымдармен кездесуінде сөйлеген сөзінен.

@ptrkkz

⚜️Қасым-Жомарт Тоқаев: «Білімпаздық, еңбекқорлық, алғырлық пен жасампаздық – қанымызға сіңген қасиет»

Президенттің Алматы қаласында қазақстандық ғалымдармен кездесуінде сөйлеген сөзінен.

@ptrkkz

🎢Барша бүлдіршінді 1 маусым — Халықаралық балаларды қорғау күнімен құттықтаймыз!

@ptrkkz

🏢Қасым-Жомарт Тоқаев Алматыға жұмыс сапарының екінші күнінде Балалар шұғыл медициналық жәрдем орталығын аралады

▫️Президентке орталықтың заманауи медициналық аппараттармен жабдықталған диагностика кабинеттері, нәрестелерге арналған қарқынды терапия бөлімшесі және операция бөлмелері таныстырылды.

▫️Соңғы үш жылда бұл ауруханада емделушілер саны 30 пайызға артқан. Сол себепті қазір Балалар шұғыл медициналық жәрдем орталығының негізгі ғимаратын жаңарту және реконструкциялау жоспары әзірленіп жатыр. Соған сәйкес ескі корпустардың бәрі күрделі жөндеуден өткізіліп, қосымша оңалту, отоларингология, аймақтық офтольмология орталықтары және жақ-бас сүйек хирургиясы бөлімшелері ашылмақ. Нәтижесінде стационардағы төсек-орын саны 350-ден 470-ке дейін артады. Сондай-ақ көрсетілетін медициналық қызметтердің түрі көбейіп, халықаралық стандарттар деңгейіндегі сапаны қамтамасыз ету мүмкіндігі пайда болады.

☑Мемлекет басшысы медициналық мекеменің қызметіне табыс тілеп, 2 реанимобиль мен интерактивті тақтаны сыйға тартты.

@ptrkkz

⚛Президент Халықаралық балаларды қорғау күніне орай Алматыда ұйымдастырылған «Jas Galym. Science Quest» фестиваліне барып, балалармен кездесті

☑Жыл сайын дәстүрлі түрде өткізілетін фестиваль биыл ғылым тақырыбына арналған. Қасым-Жомарт Тоқаев қала оқушыларымен бірге «Science», «Engeneering», «Art», «Technology» және «Mathematics» станцияларын аралап көрді. Квест форматында ұйымдастырылған шарада оқушылар өздерінің ғылыми жобаларын таныстырды.

@ptrkkz

⚛1 маусым – Халықаралық балаларды қорғау күніне орай оқушыларға «Ақорда» резиденциясында экскурсия ұйымдастырылды

▫️Оған еліміздің барлық өңірінен 81 бала, соның ішінде су басқан аймақтардан келген оқушылар қатысты. Ақорданың кішкентай қонақтарының қатарында халықаралық және республикалық олимпиадалардың жеңімпаздары, оқу үздіктері бар.

▫️Аталған шара аясында балалар «Ақорда» резиденциясының орталық салтанатты холы мен ресми қабылдаулар және түрлі жиындар өткізуге арналған залдарын тамашалады. Резиденция аумағындағы бақты аралап көрді. Сондай-ақ балалар Қазақстан Президентінің жұмыс тәртібімен танысты, еліміздің бас ғимараты туралы қызықты деректерден хабардар болды.

@ptrkkz

🐆ҚР Президентінің телерадиокешені «Айналайын» деректі фильмін ұсынады
 
1 маусым – Халықаралық балаларды қорғау күні. Мемлекет басшысы Қасым-Жомарт Тоқаев жас ұрпақтың жайлы өмір сүруі мен қауіпсіз ортада өсуін үнемі айтады.

▫️Робототехника бойынша әлем чемпионаттарында топ жарып жүрген Алматы РФМШ мектебінің оқушылары Нұрай Рғымбаймен Дариға Рахымберді жетістікке қалай жетті?
▫️Бүгінде елімізде дарынды балаларға қандай жағдай жасалған?
▫️Бүлдіршіндерді қолдау, қорғау мақсатында қандай жұмыстар атқарылып жатыр?
▫️Мереке қарсаңында еліміздің әр түкпіріненкелген 81 оқушы Президент резиденциясымен танысты. Ақорданы аралаған балалар қандай әсер алды?

🈂️Бүгін сағат 17:50-де Jibek Joly арнасында «Айналайын» деректі фильмін көріңіздер!

@ptrkkz