❗️Тошкентда эркак халқаро бизнес-марказнинг юқори қаватидан тушиб кетиб ҳалок бўлди. Ҳодиса суицидми, эҳтиётсизликми ё қотиллик экани бўйича ҳозирча маълумот йўқ.

@pressuzb

Бугун, 21 апрель куни соат 11:50 ларда Юнусобод туманида жойлашган Халқаро ҳамкорлик маркази биносининг 9-қаватидаги чекиш учун мўлжалланган очиқ қисмидан 42 ёшли эркак ўзини пастга ташлаб, ўз жонига қасд қилган.

Ҳозирда ҳолат юзасидан Юнусобод туман прокуратураси томонидан текшириш ҳаракатлари олиб борилмоқда.

Бош прокуратура

@pressuzb

2022 йил 22 апрелдан бошлаб Ўзбекистоннинг Украинадаги элчихонаси Киев шаҳрида ўзининг тўлақонли фаолиятини бошлайди.

@pressuzb

Қонунчиликка кўра, 2022 йил 1 майдан:

➖ “Автомобиль тарихи” маълумотларини шартномавий асосда ДХМ, ЯИДХП (my.gov.uz) ёки веб-сайтлар ва уларнинг иловалари орқали аниқлаш бўйича давлат хизмати йўлга қўйилади;

➖ автотранспортни техник кўрикдан ўтказиш жараёнида автотранспортнинг босиб ўтган масофаси ҳақидаги маълумотлар, жумладан, техник кўрикдан ўтказувчи тадбиркорлар томонидан ҳам мажбурий тартибда ахборот тизимига киритилади.

@pressuzb

Ўзбекистон Республикаси Ташқи ишлар вазирлиги баёноти

Ўзбекистон Республикаси муқаддас Рамазон ойи кунларида Кобул, Мозори-Шариф ва Қундуз шаҳарларида содир этилган террорчилик ҳаракатларини қатъий қоралайди.

Ўзбекистон томони ҳалок бўлганларнинг оила аъзолари ва яқинларига чуқур ҳамдардлик билдиради, шунингдек, жароҳатланганларнинг тезроқ соғайиб кетишини тилайди.

@pressuzb

❗️24-25 апрель кунлари Ўзбекистоннинг тоғ олди ва тоғли ҳудудларида сел келиши хавфи мавжуд — «Ўзгидромет»

Якшанба куни нам ҳаво массаси Ўзбекистоннинг барча ҳудудларини қамраб олади. Тошкент, Самарқанд, Жиззах, Сирдарё вилоятларида ва Фарғона водийси вилоятларида баъзи жойларда ёмғир кучли бўлади. 24-25 апрелда тоғ олди ва тоғли ҳудудларда сел келиши хавфи мавжуд.

@pressuzb

Ўзбекистон миллий телерадиокомпанияси (МТРК) жорий йил 21 ноябрдан 18 декабргача Қатарда бўлиб ўтадиган футбол бўйича Жаҳон чемпионатининг трансляция ҳуқуқини сотиб олди. Учрашувлар “Спорт” ва “Маҳалла” телеканалида намойиш этилади.

@pressuzb

Ҳукумат қарори билан Давлат солиқ қўмитаси раиси Шерзод Давлятович Кудбиевга Давлат солиқ қўмитаси ҳузуридаги Фискал институт ректори вазифасини бажариш ҳам юкланди.

@pressuzb

❗️Битта чегирма акцияси билан Тошкентнинг бир тумани “фалажланди”

Бугун, 23 апрель куни Чилонзор туманидаги “Atlas” савдо мажмуасида нуқсони бор маиший техникалар катта чегирмалар асосида сотилиши эълон қилинганди.

Кейинроқ мазкур дўкон ёпилганлиги сабабли арзонлаштирилган нархда сотув бўлмаслиги маълум қилинди. Айни вақтда Чилонзорда йирик тирбандликликлар кузатилмоқда.

@pressuzb

Яна ҳоким ёрдамчиси пора билан қўлга тушди

Тошкент тумани ҳокими ёрдамчиси ўзини Тошкент шаҳар Статистика бошқармаси бошлиғи ўринбосари деб таништириб, Олмазор туманидаги 0,04 га ерга қарор чиқартириб бериши учун 30 минг АҚШ доллари олган вақтида ушланди.

Аввалроқ Зангиота тумани ҳокимининг ёрдамчиси ва Чуст тумани ҳокимининг ёрдамчиси пора билан ушлангани ҳақида хабар берган эдик.

@pressuzb

⚡️Тошкентда трамвай йўлларини қуриш 2023 йилдан бошланади

Манба маълумотига кўра, шаҳарда трамвай ҳаракатини ташкил этиш бўйича дастлабки ишлар бошланган: хорижга чиқиб кетган собиқ трамвайчиларни қайтариш ва хориждан мутахассислар жалб қилиш ишлари кетмоқда. Хусусан, Туркия ва Чехиядан мутахассислар чақирилмоқда.

Шунингдек, йўналишлар харитаси яқин бир йил ичида ишлаб чиқилиб, трамвай йўлларини қуриш 2023 йилдан бошланиши режа қилинмоқда.

@pressuzb

Олий ва ўрта махсус таълим вазири Абдуқодир Тошқуловнинг маълум қилишича, магистратурага ўқишга киришда мутахассислик фанларидан топшириладиган имтиҳонни бекор қилиш тартиби кўриб чиқилмоқда.

@pressuzb

Беларусь бош вазири расмий ташриф билан Тошкентга келди

Беларусь бош вазири Роман Головченкони Тошкент халқаро аэропортида Ўзбекистон бош вазири Абдулла Арипов, ташқи ишлар вазири ўринбосари Владимир Норов ва шаҳар ҳокими Жаҳонгир Ортиқхўжаев кутиб олган.

Беларусь бош вазири ташрифи давомида Президент Шавкат Мирзиёев қабулида ҳам бўлади.

@pressuzb

Беларусь Тошкентда трамвайни қайта тиклаш лойиҳасида иштирок этишни режалаштирмоқда

Бу ҳақда «Иннопром: Марказий Осиё» халқаро кўргазмасида иштирок этиш учун Тошкентга келган Беларусь бош вазири Роман Головченко Ўзбекистон бош вазири Абдулла Арипов билан учрашувда маълум қилган.

«Беларусь томони зарур инфратузилма, режалаштириш ва ҳаракат таркибини етказиб бериш билан боғлиқ комплекс ечимларни тақдим этишга тайёр. Бу каби қарор қабул қилинса, Ўзбекистонда ҳам ишлаб чиқариш имкониятларини кўриб чиқамиз», — деган Головченко.

Аввалроқ Ўзбектстонда трамвай йўлларини қуриш 2023 йилдан бошланиши режа қилинаётгани ва бунга Туркия ҳамда Чехиядан мутахассислар чақирилаётганини хабар бергандик.

@pressuzb

Никоҳланувчи шахслар молекуляр-генетик тестдан ўтказилади

Президент қарорига кўра, 2023 йил 1 июлдан бошлаб йўлга қўйиладиган бу жараёнлар Республика аҳоли репродуктив саломатлик маркази ҳамда унинг ҳудудий марказлари орқали амалга оширилади.

@pressuzb

Давлат солиқ қўмитаси раиси Шерзод Кудбиев Ўзбекистон стол тенниси федерацияси раиси этиб сайланди.

Куни-кеча унга Давлат солиқ қўмитаси ҳузуридаги Фискал институт ректори вазифасини бажариш ҳам юкланганди.

@pressuzb

⚠️ Малакаси етарли бўлмаган ҳайдовчилар машинани махсус белги билан ҳайдайди — ИИВ ЙҲХБ

1 майдан бошлаб янги ҳайдовчилар ёхуд тажрибасиз ҳайдовчиларнинг автомобиллари махсус белги билан белгиланади. Бу Ўзбекистоннинг янгиланган йўл ҳаракати қоидаларида назарда тутилган.

ЙҲҚдаги ўзгаришларга кўра, ҳайдовчилик стажи икки йилдан кам бўлган ёки ҳайдашни энди бошлаган, малакаси етарли бўлмаган ҳайдовчилар бошқараётган транспорт воситасининг орқасида ичига қора рангли баландлиги 110 мм бўлган ундов белгиси тасвири туширилган сариқ квадрат (150 мм томони) бўлиши керак. Трактор, ўзиюрар транспорт ва мототцикллар бундан мстасно.

@pressuzb

Дунёнинг энг бой одами — Илон Маск Twitter’ни 44 млрд. долларга сотиб олди

У ижтимоий тармоқлардаги саҳифасида шундай ёзган: «Умид қиламанки, менинг жиддий рақибларим Twitter’да қоладилар, чунки бу ерда сўз эркинлиги бор».

Маълумот учун: Twitter Ўзбекистонда блокланган.

@pressuzb