❤️олитва святителю Димитрию Ростовскому

«😥, святителю Дмитрие, великий угодниче Христов, златоусте Российский! Услыши нас грешных, молящихся тебе, и принеси молитву нашу к Человеколюбцу Богу о рабах Божиих (имена). Умоли Его благосердие, да не осудит нас по беззаконием нашим, но да сотворит с нами по милости Своей. Испроси нам у Христа Бога нашего мирное и безмятежное житие, здравие душевное и телесное. Даруй нам богоугодно прейти поприще временныя жизни: избави нас от воздушных мытарств и настави нас на путь, ведущий в селения праведных; подаждь нам твое архипастырское и святое благословение, да оным осеняеми, избавимся от козней лукаваго и избегнем от всякой беды и напасти. Услыши моление наше, отче Дмитрие, и моли непрестанно о нас Всесильнаго Бога, славимаго и покланяемаго в трех Ипостасех, Емуже подобает всякая слава, честь и держава во веки веков. Аминь.»

#святой #Димитрий #Дмитрий #ДимитрийРостовский #святитель #молитва #православие #икона #религия #церковь

Читать другие молитвы святителю Димитрию Ростовскому:
https://pravoslavnye-molitvy.ru/dimitriyu-rostovskomu/

❤️олитва преподобному Иову, игумену Почаевскому

«😥, всесвятый и преславный угодниче Божий, преподобне отче наш Иове, присный о нас ко Господу молитвенниче и теплый предстателю о душах наших, к тебе всеумиленно ныне притекаем, и поминающе подвиги и чудеса твоя, яже сотворил еси и твориши на земли, просим и молим твою благостыню: якоже твердо и неизменно потрудился еси в вере Христа Бога нашего, и сию до конца в себе и во всех присных твоих целу и невредиму сохранивый от всяких приражений вражиих и ересей тлетворных, сице и нас в Православии и единомыслии укрепи, отгоняя молитвами твоими всякую тьму неверия и неправомыслия от сердец и помышлений наших; послуживый Господу и Богу твоему делы благими и неизреченным самоотвержением в трудех, бдениих и пощениих, настави нас на путь всякия добредетели и благостыни, избавляя от искушений и грехов, удаляющих нас от Бога и повергающих в бездну зла все житие наше; явивыйся иногда с Пречистою Девою Богородицею верху горы Почаевския во спасение обители твоея от нашествия и обложения агарянскаго, и ныне ускори на помощь всей православней и боголюбивей державе нашей противу всех врагов наших внешних и внутренних, утверждая мир и тишину в земли нашей, да твоими молитвами и предстательством тихое и безмолвное житие поживем во всяком благочестии и чистоте; и всем, к тебе притекающим, и припадающим к раце честных и многоцелебных мощей твоих и твоея помощи и заступления требующим неоскудныя милости независтно подаваяй, не остави и нас, сирых и безпомощных, тебе молящихся, избавляя от всякия скорби, гнева и нужды, от глада, губительства, труса, потопа, огня, меча, нашествия иноплеменник и междоусобныя брани.

😠й, угодниче Божий, призри милостивно от Престола Царя славы, Емуже ты ныне предстоиши со архангелы и ангелы и со всеми святыми, на обитель твою сию Почаевскую, еюже ты древле мудро правил еси, наздав ю всехвальным и дивным житием твоим, и сохрани ю молитвами твоими, и всякий град, и страну, и всех отовсюду, на мори и на суши, в пустынех и в злоключениих многоразличных тебе призывающих, от всех зол видимых и невидимых, да, тако твоею помощию и ходатайством спасаеми, в веце сем и по скончании живота нашего сподобимся купно с тобою славити и воспевати Всечестное имя Отца и Сына и Святаго Духа во веки веков. Аминь.»

#молитва #святой #преподобный #Иов #ИовПочаевский #икона #религия #христианство #православие #вера

😇 Читать другие молитвы святому преподобному Иову Почаевскому:
https://pravoslavnye-molitvy.ru/iovu-pochaevskomu/

❤️олитва преподобному Аврамию Ростовскому

«😥, преподобне отче наш Аврамие! Не забуди нас, но поминай всегда во святых твоих и богоприятных молитвах стадо твое, еже сам собрал еси, и моли за ны, чада твоя, отче священный, яко имеяй дерзновение ко Господу; не мним бо тя мертва суща, аще и преставился еси от нас, пастырю наш добрый. Се мощи твоя святыя пред очима нашима, святая же твоя душа, со ангельскими безплотными лики Престолу всех Царя предстоящи, достойно веселится. Испроси убо нам время на покаяние, яко да возможем невозбранно прейти от земли на небо, и вечныя муки избавившеся, Небеснаго Царствия наследники будем со всеми праведными, от века благоугодившими Господу нашему Иисусу Христу, Емуже подобает всякая слава, честь и поклонение со Отцем и Святым Духом ныне и присно и во веки веков. Аминь.»

#святой #Авраамий #АвраамийРостовский #преподобный #Аврамий #чудотворец #архимандрит #православные #молитва #религия #христианство #икона #православие

❤️олитва преподобномученице Анастасии Римляныне

«🙁евственниц похвало и мучениц славо, Анастасие преподобная! К тебе во умилении сердец наших припадаем и твоего заступления у Господа о нас молим. Аще бо чистоте твоей не поревновахом и безбоязненнаго исповедания твоего не приобщихомся, паче же многими прегрешеньми и лютыми паденьми и отступствы гнев Божий привлекохом, но не хощем во гресех наших умрети и, на твоя мужеския подвиги взирающе, паки на одоление страстей наших ополчаемся. Сие же ведуще, яко кроме благодатныя помощи ничто же благое сотворити возможем, тую нам от Господа подати тебе просим.

🤣ы бо, преподобномученице преславная, велие ко Владыце дерзновение стяжала еси, яко прославившая Его в чистой душе твоея и в телеси твоем страдальчестем, зане вся прельщения и прещения мучителя презревши, искоренение же зубов и ногтей истерзание, и сосцев и рук и ног отсечение сладце претерпевши, дерзновенно вопияла еси: “Христос есть богатство мое и похвала”! Темже от того богатства и нашей нищете духовная подаждь дарования и от безмерных прегрешений живот наш соблюди, мир и безмятежие нам испроси, от нужды и уныния нас предстательством твоим огради, друг ко другу нас в послушании и братолюбии настави и ко Господу очи сердец наших всегда возводи, во еже присно славити нам Отца и Сына и Святаго Духа державу, и твое теплое предстательство во веки веков. Аминь.»

#святая #Анастасия #АнастасияРимляныня #молитва #православие
#вера #религия #икона

😇 Читать акафист преподобномученице Анастасие Римляныне:
https://pravoslavnye-molitvy.ru/akafist-anastasiya-rimlyanynya/

❤️олитва Божией Матери пред иконой «Озерянская»

«😥т суеты житейския возникше и ума своего помыслы во едино собравше, ко Твоей, Богородице, иконе очи душ и телес наших воздвизаем, и Тебе взываем сице: не остави, Пречистая, нас немощных во гресех наших растлетися, не попусти злому демону души наша от Сына Твоего в дебри страстей отгнати, но помози нам Того заповеди присно памятовати, да ниже блудным возбешением себе предаем, ниже друг друга злобою угрызаем, но якоже днесь, святыни Твоей предстояще, о исправлении жития нашего ревностию распаляемся, тако и от храма Твоего в дома своя отшедше, сие доброе намерение сохранити потщимся. По сих же и телесныя наша нужды утоли, и горести Твоею молитвою исцели, Всепетая.

😙емы, яко подобаше нам паче вся сия благодушне претерпевати и точию о терпении в скорбех Господа просити: но понеже изнемогают в печалях душы наша и помыслы уныния нашу колеблют веру, сего ради в сокрушении сердец к Тебе сице взываем: якоже безчисленныя болящыя страдальцы исцелила еси и скорбящыя утешила еси, тако и нас пред чудотворною Твоею иконою припадающих и в скорби Тебе молящихся услыши, и всех прошения во благое исполни, болящым здравие, скорбящым утешение подающи, во вражде сущым мир от Бога низпосылающи, сомнящымся же веры утверждение.

🙂слыши грешныя рабы Твоя, Пречистая, воздвигни нас на благодарственное Ти славословие, да умножится вера людей Твоих, да прославится в них Твое заступление, да тако Царствие Сына Твоего посреди нас утвердится. Емуже подобает всякая слава, честь и поклонение, со Безначальным Его Отцем, и Пресвятым и Благим и Животворящим Духом, ныне и присно и во веки веков. Аминь.»

#икона #Озерянская #ОзерянскаяИкона #ПресвятаяБогородица #Богородица #БожияМатерь #Богоматерь #православие #молитва #храм #религия #христианство

❤️олитва священномученику Иоанну, пресвитеру Царскосельскому

«😥, священному́чениче Иоа́нне, па́стырю царскосе́льский! Предстоя́ще пред ико́ною твое́ю, мо́лимся ти́, я́ко посреде́ на́с су́щему: помози́ на́м, гре́шным, досто́йным бы́ти твоего́ о на́с к Бо́гу хода́тайства. Укрепи́ ны́ во благоче́стии и ве́ре правосла́вной вся́ дни́ живота́ на́шего во е́же безпреткнове́нно ходи́ти на́м путе́м отце́в на́ших и соблюда́ти уста́вы и обы́чаи святы́х, в земли́ на́шей просия́вших. Научи́ ны́ вну́тренняго челове́ка на́шего ева́нгельскою доброде́телию украша́ти и иска́ти Ца́рствия Бо́жия па́че земны́х и тле́нных ми́ра сего́; немощну́ю во́лю на́шу незы́блемо утверди́ в зако́не Госпо́днем; ре́вностию к дело́м богоуго́дным и спаси́тельным воодушеви́ теплохла́дное се́рдце на́ше; изба́ви ны́ от себялю́бия, тщесла́вия и лука́вства; поры́вы гне́ва и неразу́мия на́шего укроти́; нра́в на́ш гордели́вый смиренному́дрием украси́; искорени́ небреже́ние и ле́ность из серде́ц на́ших; уста́ на́ша, дру́г дру́га осужда́ющая, испо́лни чи́стаго хвале́ния Бо́жия; да́руй на́м умиле́ние в моли́тве, ожесточе́нность на́шу врачу́ющее; посреде́ ро́да развраще́ннаго и прелюбоде́йнаго кро́тость, незло́бие и целому́дрие соблюсти́ помози́. Па́че же всего́ наста́ви к покая́нию во гресе́х пре́жней жи́зни на́шея, да очи́стимся от все́х нечисто́т и страсте́й, и, моли́твою твое́ю поспешеству́емы, дости́гнем гра́да Бо́жия, в него́же ничто́ скве́рно вни́ти мо́жет, сла́вяще Тро́ицу Святу́ю во ве́ки веко́в. Ами́нь.»

#молитва #святой #священномученик #Иоанн #ИоаннЦарскосельский #пресвитер #ЦарскоеСело #ИоаннКочуров #религия #христианство #православие #молитвы #церковь

❤️олитва преподобному Спиридону, просфорнику Печерскому, в Ближних пещерах

«😬реподо́бне о́тче Спиридо́не! Воззри́ на на́с ми́лостивно и к земли́ приве́рженных возведи́ к высоте́ небе́сней. Ты́ горе́ на небеси́, мы́ на земли́ ни́зу, удалены́ от тебе́, не толи́ко ме́стом, ели́ко грехми́ свои́ми и беззако́нии, но к тебе́ прибега́ем и взыва́ем: наста́ви на́с ходи́ти путе́м твои́м, вразуми́ и руково́дствуй. Вся́ твоя́ свята́я жи́знь бы́сть зерца́лом вся́кия доброде́тели. Не преста́ни, уго́дниче Бо́жий, о на́с вопия́ ко Го́споду. Испроси́ предста́тельством свои́м у Всеми́лостиваго Бо́га на́шего ми́р Це́ркви Его́, под зна́мением креста́ во́инствующей, согла́сие в ве́ре и единому́дрие, суему́дрия же и раско́лов истребле́ние, утвержде́ние во благи́х де́лех, больны́м исцеле́ние, печа́льным утеше́ние, оби́женным заступле́ние, бе́дствующим по́мощь. Не посрами́ на́с, к тебе́ с ве́рою притека́ющих. Вси́ правосла́внии христиа́не, твои́ми чудесы́ испо́лненнии и ми́лостьми облагоде́тельствованнии, испове́дуют тя́ бы́ти своего́ покрови́теля и засту́пника.

😖ви́ дре́вния ми́лости твоя́, и и́хже отце́м вспомоществова́л еси́, не отри́ни и на́с, ча́д и́х, стопа́ми и́х к тебе́ ше́ствующих. Предстоя́ще всечестне́й ико́не твое́й, я́ко тебе́ жи́ву су́щу, припа́даем и мо́лимся: приими́ моле́ния на́ша и вознеси́ и́х на же́ртвенник благоутро́бия Бо́жия, да прии́мем тобо́ю благода́ть и благовре́менную в ну́ждех на́ших по́мощь. Укрепи́ на́ше малоду́шие и утверди́ на́с в ве́ре, да несомне́нно упова́ем получи́ти вся́ блага́я от благосе́рдия Влады́ки моли́твами твои́ми. О, превели́кий уго́дниче Бо́жий! Все́м на́м, с ве́рою притека́ющим к тебе́, помози́ предста́тельством твои́м ко Го́споду, и все́х на́с упра́ви в ми́ре и покая́нии сконча́ти живо́т на́ш и пресели́тися со упова́нием в блаже́нныя не́дра Авраа́мова, иде́же ты́ ра́достно по труде́х и по́двизех ны́не почива́еши, прославля́я со все́ми святы́ми Бо́га, в Тро́ице сла́вимаго, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.»

#молитва #святой #Спиридон #СпиридонПечерский #СпиридонПросфорник #преподобный #вера #православие #церковь #храм #икона #религия #христианство

❤️олитва священномученикам Александру Смирнову и Феодору Ремизову

«😥, святи́и священному́ченицы Алекса́ндре и Фео́доре! К ва́м, я́ко к неоскудева́ющему исто́чнику благода́ти Бо́жией, мы́, недосто́йнии, прибега́ем. Вы́ бо тоя́ сподо́бистеся, адама́нты ве́ры су́ще. Еще́ же и стра́шныя ра́ны и хуле́ния зло́бная нечести́вых мучи́телей претерпе́вше, увере́ние о венце́ му́ченичестем от Го́спода прия́сте и терпе́нием ва́шим, дре́вним му́чеником подража́юще, мучи́телей удиви́сте. Я́ко па́стырие Бо́жии су́ще, ре́вностно слу́жбу в земны́х хра́мех соверша́вше и моли́твою ва́шею наро́д Бо́жий укрепля́вше, бу́дите и за на́с моли́твенницы, предстоя́ще ны́не пред Престо́лом Вседержи́теля. Вы́, поне́сше тяготу́ и зно́й дневны́й, не то́кмо сло́вом, но и де́лом бы́сте свиде́телие Пра́вды Бо́жия, утверди́те и на́с во и́стине Христо́вой, не поне́сших ни тяготы́ поноше́ний, ни зно́я гоне́ний, но да бу́дем, я́ко нае́мницы единонадеся́таго часа́, ча́ющии мзду́ прия́ти от Христа́ во Ца́рствии Небе́снем. Испроси́те у Бо́га моли́твами ва́шими, святи́и страда́льцы Христо́ви, ве́ры правосла́вныя укрепле́ние, помысло́м на́шим освяще́ние, в доброде́телех преспе́яние; да да́рует О́н да́р благопотре́бен коему́ждо прося́щему предста́тельства ва́шего, да сподо́бит на́с и в ча́с кончи́ны на́шея о́ную тве́рдость ве́ры яви́ти, ку́ю же и ва́м дарова́, да со все́ми святы́ми сподо́бимся в Ца́рствии Небе́снем непосты́дно воспева́ти Его́ Пресвято́е И́мя Отца́, и Сы́на, и Свята́го Ду́ха во ве́ки веко́в. Ами́нь.»

#молитва #святые #священномученики #Александр #Феодор #АлександрСмирнов #ФеодорРемизов #Фёдор #православные #религия #христианство #православие #молитвы #церковь

❤️олитва святым бессребреникам Косме и Дамиану, чудотворцам Асийским

«😥 чудотворцы славнии, врачеве безмезднии, Космо и Дамиане! Вы от юности Христа Бога возлюбивше и Того повеления всем сердцем соблюдающе, аще и вдасте себе учению врачебному, но добродетельнаго ради жития и чистоты душевныя, силою Христа Бога, не врачевания токмо искусство, но паче неоскудную благодать исцеления всяких неисцельных недугов от Бога прияли есте. Отонюдуже любовию и милосердием к недугующим подвизаеми, не токмо людем, но и скотом исцеления болезней подаваете, неисчетным множеством чудес ваших весь мир наполняете, и не телесныя токмо недуги исцеляете, но и верою Христовою души просвещаете, в терпении болезней укрепляете, в тяжких недузех о исправлении жития вразумляете и ко Христу покаянием привлекаете. Темже ныне и нас, припадающих к вам пред честною иконою вашею, скоро услышите.

🥳ныя дети, вашей помощи во учении книжнем просящия, вашими молитвами наставите, да вашему житию ревнующе, не земное точию научение приобрящут, но паче во благочестии и правой вере непрестанно да преспевают. На одре болезни лежащим, человеческия помощи отчаянным, к вам же тепле с верою и усердною молитвою прибегающим, исцеление болезней вашим милостивым, чудодейственным посещением даруйте. Многажды в болезни впадающия и от лютых недуг в уныние, малодушие и роптание пришедшия, данною вам от Бога благодатию в терпении утвердите, и наставите, да уразумеют волю о них Божию святую и совершенную, и сами себе и живот свой воле Христа Бога предают.

😙 недузех сущих, о исправлении же жития нерадящих, в гресех не раскаивающихся, сердцем ожесточенных, сокрушите во спасение и к покаянию призовите, да немощни суще телом, здрави пребудут душею, и причастницы соделаются Божия спасительныя благодати. Братию святаго храма сего, вашему святому заступлению от Бога врученную, и всех к вам усердно прибегающих невредимы сохраните от долгонедужия, от болезней лютых и неисцельных, от разслабления тела, от исступления ума, от смертоносныя язвы, от внезапныя смерти, и мощным ходатайством вашим к Богу соблюдите в правой вере твердых, во благочестии преспеющих, в добрых делех усердных, в молитве к Богу прилежных, да с вами вкупе сподобятся в будущем веце присно воспевати и славити всесвятое и великолепое имя Отца и Сына и Святаго Духа во веки веков. Аминь.»

#молитва #святые #бессребреники #КосмаиДамиан #Косма #Дамиан #чудотворцы #православие #христианство #религия #икона

😇 Читать другие молитвы святым Косме и Дамиану:
https://pravoslavnye-molitvy.ru/kosme-i-damianu/

❤️олитва архангелу Селафиилу о наставлении на путь истинный

«🤒вятый Архангеле Божий Селафииле, даяй молитву молящемуся, научи меня молиться молитвой смиренной, сокрушенной, сосредоточенной и умиленной.

😥, великий Архангеле Божий Селафииле, ты молиши Бога за людей верующих, умоли Его Благоутробие за меня, грешного, да избавит меня Господь от всех бед и скорбей, и болезней, и от напрасныя смерти, и от муки вечныя, и сподобит меня Господь Царствия Небесного со всеми Святыми во веки. Аминь.»

#молитва #архангел #Селафиил #религия #христианство #церковь #икона #православие

😇 Другие молитвы архангелу Селафиилу:
https://pravoslavnye-molitvy.ru/arhangelu-selafiilu/

❤️олитва великомученику Георгию Победоносцу о помощи и защите

«😥 всехвальный, святый великомучениче и чудотворче Георгие! Призри на ны скорою твоею помощию, и умоли Человеколюбца Бога, да не осудит нас, грешных, по беззакониям нашим, но да сотворит с нами по велицей Своей милости. Не презри моления нашего, но испроси нам у Христа Бога нашего тихое и богоугодное житие, здравие же душевное и телесное, земли плодородие, и во всем изобилие, и да не во зло обратим благая, даруемая нам тобою от Всещедраго Бога, но во славу святаго имени Его и в прославление крепкаго твоего заступления, да подаст Он стране нашей и всему боголюбивому воинству на супостаты одоление и да укрепит непременяемым миром и благословением.

😃зряднее же да оградит нас святых ангел Своих ополчением, во еже избавитися нам, по исходе нашем из жития сего, от козней лукаваго и тяжких воздушных мытарств его, и неосужденным предстати Престолу Господа Славы. Услыши ны, страстотерпче Христов Георгие, и моли за ны непрестанно Триипостаснаго Владыку всех Бога, да благодатию Его и человеколюбием, твоею же помощию и заступлением обрящем милость, со ангелы и архангелы и всеми святыми одесную Правосудного Судии стати, и Того выну славити со Отцем и Святым Духом, ныне и присно, и во веки веков. Аминь»

#молитва #Георгий #ГеоргийПобедоносец #святой #великомученик #религия #христианство #церковь #икона #православие

😇 Другие молитвы великомученику Георгию Победоносцу:
https://pravoslavnye-molitvy.ru/georgiyu-pobedonoscu/

❤️олитва блаженному Симону, Юрьевецкому чудотворцу

«🥸олитва твоя несумненно многомощна у Престола Божия, сего ради и прибегаем к тебе, помощнику и заступнику нашему, блаженный и праведный Симоне, Христа ради юродивый, Юрьевецкий чудотворче! Молим тя, молися о нас Господу Богу: да избавит Он народ свой от всяких бед и зол. Да послет нам Вседержитель мир и благоденствие, здравие и изобилие плодов земных. Да поможет нам твоими святыми молитвами, искоренити из сердец наших богопротивную гордость и самомнение. Да вселит Он в сердца наша любовь к Нему и к людем, дух целомудрия, смирения, терпения и кротости. Молися за нас грешных, да сотрет Господь Бог страшное рукописание грех наших безмерных, да сподобит Он нас в безконечной вечности пети Ему: Аллилуиа. Предстоя Святому Престолу Божию, молися Отцу нашему Небесному, да угасит Он горящую пещь огненных страстей наших. Ты прославился еси чудесы твоими! Темже молим тя: исцели и наша недуги телесныя и душевныя, да здрави воспоем и восхвалим прославльшаго тя Господа Иисуса во веки веков. Аминь.»

#молитва #святой #Симон #СимонЮрьевецкий #блаженный #юродивый #чудотворец #православие #религия #христианство #вераправославная

❤️олитва святителю Тихону, патриарху Московскому

«😥 пастырю наш добрый, святый великий патриарше Тихоне, яко град горний, ты явился еси, добрая дела твоя и доныне светятся пред человеки. Вемы, яко ты, предстоя Престолу Пресвятыя Троицы, велие имаши дерзновение в молитвах пред Господем. Воззри и ныне на нас грешных и недостойных чад твоих, к тебе бо, яко имущему велие дерзновение пред Творцем всяческих, ныне припадаем и усердно молимся: умоли Господа, да подаст нам решимость стяжати благочестие отцев наших, егоже ты стяжал еси от юности твоея. Ты в житии своем ревностный защититель и хранитель истинныя веры был еси, помози и нам незыблему соблюсти веру православную.

🤣ихая бо душа твоя зело преуспела в божественном смиренномудрии, научи и нас разум наш питати не многомятежною мудростию человеческою, но смиренным познанием воли Божией. Ты пред лицем лютых врагов Христовых Истиннаго Бога дерзновенно исповедал еси, молитвою своею укрепи нас, малодушных, да и мы всегда и всюду противостанем духу безбожия и льсти. Ей, угодниче Божий, не презри нас, молящихся тебе, ибо не токмо от бед и скорбей избавление просим, но силы и твердости, великодушия и любве просим, дабы переносити оныя напасти, возстающия на ны. Испроси нам неослабное терпение даже до конца жития нашего, мир с Господом и грехов отпущение.

😥тче святый! Укроти в стране нашей ветры неверия и смуты, да водворит Господь на земли Российстей тишину и благочестие и любовь нелицемерную, молитвами твоими да сохранит ю от междоусобныя брани, да укрепит святую Церковь нашу Православную, да не оскудеет она истинными пастырями, добрыми делательми, право правящими слово евангельския истины. Упаси и заблуждшия овцы стада Христова. Наипаче же моли Господа сил, да возродится Русская земля святым покаянием и единым сердцем и едиными усты прославит дивнаго во святых Своих Бога, в Троице славимаго Отца и Сына и Святаго Духа во веки веков. Аминь.»

#молитва #святые #Тихон #ТихонМосковский #патриарх #святитель #православие #икона #религия #христианство #церковь

😇 Акафист святителю Тихону, патриарху Московскому:
https://pravoslavnye-molitvy.ru/akafist-tikhonu-patriarkhu-moskovskomu/

❤️олитва преподобному Варлааму Хутынскому о защите от скорбей, бед и напастей

«😥 преподо́бне и Богоно́сне о́тче наш Варлаа́ме! Услы́ши нас моля́щихся тебе́ и бу́ди нам помо́щник в ско́рбех на́ших, и изба́ви нас от напа́стей, за мно́жество прегреше́ний находя́щих на ны; умоли́, уго́дниче Христо́в! Всеблага́го Бо́га дарова́ти нам оставле́ние всех от ю́ности на́шея до настоя́щаго дне и часа́, де́лом, сло́вом, помышле́нием и все́ми чу́вствы соде́янных на́ми согреше́ний, исхода́тайствуй нам невозбра́нный вход в Небе́сное Ца́рствие, да прославля́ем непреста́нно сла́вимую от А́нгел Всесвяту́ю Тро́ицу, Отца́ и Сы́на и Свята́го Ду́ха и твое́ ми́лостивное предста́тельство в безконе́чныя ве́ки. Ами́нь!»

#молитва #преподобный #святой #Варлаам #ВарлаамХутынский #православие #икона #христианство #религия #вераправославная

😇 Другие молитвы святителю преподобному Варлааму Хутынскому:
https://pravoslavnye-molitvy.ru/varlaamu-hutynskomu/

❤️олитва святителю Герману, архиепископу Казанскому и Свияжскому об исцелении болящего

«😥 вели́кий уго́дниче Христо́в, Ге́рмане! Испроси́ нам, раба́м Бо́жиим (имена), у Го́спода по́мощь в не́мощех, утеше́ние в ско́рбех, здра́вие в неду́зех душе́вных и теле́сных: умоли́ Его́ дарова́ти нам оставле́ние всех, ели́ка согреши́хом от ю́ности на́шея в житии́ сем и при кончи́не на́шей испроси́ нам вре́мя покая́ния, да и́скренним испове́данием грехо́в сию́ предвари́вше, безбе́дно пре́йдем возду́шныя мыта́рства, и изба́вимся от осужде́ния и му́ки, ми́лостию Безнача́льного Отца́, благода́тию Собезнача́льного Сы́на и освяще́нием Присносу́щнаго Ду́ха, во ве́ки веко́в. Ами́нь.»

#молитва #святой #Герман #ГерманКазанский #святитель #икона #Казань #Свияжск #икона #религия #христианство #православие #церковь

😇 Читать другие молитвы святителю Герману, архиепископу Казанскому и Свияжскому: https://pravoslavnye-molitvy.ru/germanu-kazanskomu/

❤️олитва священномученику Никите (Делекторскому), епископ Орехово-Зуевский

«😥, преславный священномучениче, святителю отче наш Никито, первоепископе Орехово-Зуевский! Услыши нас, грешных, молящихся тебе и к твоему предстательству усердно притекающих и просящих молитвеннаго твоего заступления. Помози нам, угодниче Божий; веру христианскую до конца жития нашего содержати, заповеди Божии неленностно исполняти, обидящих прощати, чистоту и целомудрие хранити и всех ближних преискренне любити. О, святый страстотерпче, во дни земнаго жития ты сам, искушен быв, можеши и нам искушаемым помощи, яко немощнии есмы и о спасении вечном не радим.

😬росим убо тя, священномучениче отче наш Никито, воззови ко Творцу всяческих, да дарует всем нам силу побеждати искушения наша, ревность ко исправлению греховнаго жития нашего, любовь к Богу и ближним нелицемерную; малодушным – успокоение, заблудшим – исправление, согрешившим – дух сокрушения, бедствующим – благовременную помощь. Не посрами нас, к тебе с верою притекающих, споспешествуй, яко отец чадолюбивый чадам, и нам понести иго Христово во благодушии и терпении, и всех управи в мире и покаянии скончати живот свой непостыдно и преселитися со упованием во обители небесныя, идеже и ты ныне водворяешися со ангелы и святыми, зря и прославляя Бога, в Троице славимаго, Отца и Сына и Святаго Духа. Аминь.»

#молитва #святой #священномученик #Никита #НикитаДелекторский #НикитаОреховоЗуевский #епископ #религия #христианство #православие #молитвы #церковь

❤️олитва преподобному Варлааму Керетскому, чудотворцу

«😥, преподобне отче наш Варлааме, яко имеяй дерзновение ко Творцу, Избавителю всех, Иже в Троице Святей покланяемому истинному Христу Богу нашему, помяни нас, грешных и недостойных щедрот Его, у страшнаго престола Господа Славы и Судии Всех, идеже ты в сонме праведных предстоиши. Да подаст нам непотребным, погруженным в бездну греховную, покаяние сердечное, слез излияние и пламень стыда во утробах наших. В сим же пламене да сгорят вся наши беззакония и неправды, яже соделали во вся дни живота нашего, да не будем наследники пламене гееннскаго, готоваго пожрети души наши. Молим тя, отче святый, умоли Господа Вседержителя даровати нам сил и мудрости воеже избавитися от всякаго тлетворнаго страстнаго действа, от поползновения греховнаго.

🙂проси, отче Варлааме, Всемилостиваго Бога даровати нам ревнование о житии равноангельском, о стяжании молитвы чистыя, о пребывании в посте и добродетелех христианских. Не премолчи вопия за ны ко Господу, да с терпением течем на предлежащий нам подвиг имея в житии твоем образ назидания не токмо людем мирским, но и ликом иноческим. Научи нас, богоносне отче Варлааме, каятися твоим покаянием суровым, полагатися несумненно на волю Господа нашего, яко да и малая лодеица смертного сего телесе нашего без препятия одолеет бурный океан греховных страстей мира сего и к тихому пристанищу притечет, идеже ты и вси от века Богу угодившия пребывают во Христе Иисусе Господе нашем, Емуже подобает всякая слава, держава честь и поклонение со Безначальным Его Отцем, и со Пресвятым и Благим и Животворящим Его Духом во веки веков. Аминь.»

#молитва #преподобный #святой #Варлаам #ВарлаамКеретский #чудотворец #Василий #православие #икона #христианство #религия #вераправославная

❤️олитва священномученику Константину Богородскому (Голубеву)

«😥, страстоте́рпче Христо́в Константи́не блаже́нне! Кро́вию твое́ю я́ко багряни́цею украси́вся и небе́сных черто́гов и ве́чнующия сла́вы сподо́бився, не забу́ди и на́с на земли́ су́щих, но те́плым хода́тайством твои́м пред Бо́гом изба́ви все́х на́с от вся́кия ско́рби и боле́зни. Се́ бо, к честне́й и многоцеле́бней ра́це святы́х моще́й твои́х благогове́йно припа́дающе и лобыза́юще ю́, мы́ недосто́йнии и многогре́шнии к тебе́, я́ко ско́рому помо́щнику и те́плому моли́твеннику на́шему, прибега́ем, и с сокруше́нным и смире́нным ду́хом вопие́м: не пре́зри моле́ния на́с гре́шных, немощны́х во мно́гая беззако́ния впа́дших, но, я́ко благода́тию Бо́жиею венча́нный, очи́сти на́с от неду́г на́ших и испроси́ на́м у Христа́ Бо́га на́шего здра́вие душе́вное и теле́сное.

🤣ы́ бо неоску́дную благода́ть исцеле́ний от Спа́са на́шего Иису́са Христа́ за ве́ру твою́, кро́вию запечатле́нную, прия́л еси́. Те́мже у́бо помози́ на́м в лю́тых не́мощех лежа́щим и челове́честей по́мощи отча́явшимся, к тебе́ же те́пле с ве́рою прибега́ющим, и исцеле́ние на́м подава́й неоску́дно: все́м же ве́рным грехо́в оставле́ние испроси́, да сла́вят ди́внаго во святы́х Свои́х Го́спода Бо́га и Спа́са на́шего Иису́са Христа́, и Пречи́стую Ма́терь Его́, и твое́ те́плое заступле́ние, всегда́, ны́не и при́сно и во ве́ки веко́в. Ами́нь.»

#святой #Константин #КонстантинБогородский #КонстантинГолубев #священномученик #пресвитер #православие #молитва #храм #икона #религия #христианство

❤️олитва святому преподобному Кириллу, игумену Новоезерскому, чудотворцу

«😥, богоизбранный, вышняго града, небеснаго Иерусалима, небесный гражданине, очищенный Духом Святым уме, земный ангеле, небесный человече, чистаго девства добрый ревнителю, досточуднаго терпения преизящный образе, богохранимое Духа Святаго жилище, доблественный Христов воине, Кирилле преподобне! Проси у Христа Бога, всеблагаго Творца нашего: страждущую страну Российскую от лютых безбожник и власти их да свободит, и да возставит престол православных правителей; верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш. Испроси же у Господа Бога мир церквам святым, людем же Российским тишину и благоденствие и плодов земных изобилие. Да сохранит же Господь Отечество наше от всех напастей, бед и скорбей, от нападения вражия, от смертоносныя язвы и от всякаго зла. Нас же, стадо твое, во святей сей обители пребывающее, и всех с верою и любовию ко всечесней раце многоцелебных мощей твоих припадающих и образ подобия твоего любезно целующих, и всех православных христиан к тебе приходящих, молитвами твоими соблюди и ко Христу приведи, Емуже, со Отцем и Святым Духом, подобает всякая слава, честь и поклонение, ныне и присно и во веки веков. Аминь.»

#святой #Кирилл #КириллНовгородский #КириллНовоезерский #преподобный #игумен #православие #молитва #храм #икона #религия #христианство

❤️олитва архангелу Божию Михаилу

«🤒вятый и великий Архангеле Божий Михаиле, неисповедимыя и пресущественныя Троицы первый во Ангелех предстоятелю, рода же человеческаго приставниче и хранителю, сокрушивый с воинствы своими главу прегордаго Денницы на небеси и посрамляяй выну злобу и коварства его на земли! К тебе прибегаем с верою и тебе молимся с любовию: буди щит несокрушим и забрало твердо Святей Церкви и Православному Отечествию нашему, ограждая их молниеносным мечем твоим от всех враг, видимых и невидимых.

☹️е остави же, о Архангеле Божий, помощию и заступлением твоим и нас, прославляющих днесь святое имя твое: се бо, аще и многогрешни есмы, обаче не хощем в беззакониих наших погибнути, но еже обратитися ко Господу и оживленным быти от Него на дела благая. Озари убо ум наш светом лица Божия, иже выну сияет на молниевиднем челе твоем, да возможем разумети, что есть воля Божия о нас, благая и совершенная, и ведети вся, яже подобает нам творити и яже презирати и оставляти. Укрепи благодатию Господнею слабую волю и немощное произволение наше, да, утвердившеся в законе Господнем, престанем прочее влаятися земными помыслы и похотении плоти, увлекающеся по подобию несмысленных детей скорогибнущими красотами мира сего, яко ради тленнаго и земнаго безумне забывати вечная и небесная.

☹️ад всеми же сими испроси нам свыше дух истиннаго покаяния, нелицемерную печаль по Бозе и сокрушение о гресех наших, да остающее нам число дний временнаго живота нашего иждивем не во угождении чувств и работе страстем нашим, но во изглаждении зол, содеянных нами, слезами веры и сокрушения сердечнаго, подвигами чистоты и святыми делами милосердия. Егда же приблизится час окончания нашего, освобождения от уз бреннаго сего телесе, не остави нас. Архангеле Божий, беззащитных противу духов злобы поднебесных, обыкших преграждати душе человечестей восход в горняя, да, охраняеми тобою, безпреткновенне достигнем оных преславных селений райских, идеже несть печаль, ни воздыхание, но жизнь безконечная, и, сподобльшеся узрети пресветлое лице Всеблагаго Господа и Владыки нашего, падше со слезами у ног Его, в радости и умилении воскликнем: слава Тебе, дражайший Искупителю наш, Иже за премногую любовь Твою к нам, недостойным, благоволил еси послати Ангелы Твоя в служение спасению нашему! Аминь.»

#молитва #АрхангелМихаил #Михаил #Архангел #Архистратиг #православие #религия #икона #христианство #церковь

😇 Другие молитвы Архангелу Михаилу:
https://pravoslavnye-molitvy.ru/arhangelu-mihailu/