❤️олитва пред иконой Божией Матери «Троеручица»

«😥 Пресвятая и Преблагословенная Дево Богородице Марие! Припадаем и покланяемся Ти пред святою Троеручною иконою Твоею, воспоминающе преславное чудо Твое исцелением усеченныя десницы преподобнаго Иоанна Дамаскина, от иконы сея явленное, егоже знамение доныне видимо есть на ней, во образе третия руки, к изображению Твоему приложенныя. Молимся Ти и просим Тя, Всеблагую и Всещедрую рода нашего Заступницу: услыши нас, молящих Ти ся, и якоже блаженнаго Иоанна, в скорби и болезни к Тебе возопившаго, услышала еси, так и нас не презри, скорбящих и болезнующих ранами страстей многоразличных и к Тебе от души сокрушенныя и смиренныя усердно прибегающих. Ты зриши, Госпоже Всемилостивая, немощи наша, озлобление наше, нужду, потребу нашу в Твоей помощи и заступлении, яко отвсюду враги окружени есмы, и несть помогающего, ниже заступающего, аще не Ты умилосердишися о нас, Владычице. Ей, молим Ти ся, вонми гласу болезненному нашему и помози нам святоотеческую Православную веру до конца дней наших непорочно сохранити, во всех заповедех Господних неуклонно ходити, покаяние истинное о гресех наших всегда Богу приносити и сподобитися мирныя христианския кончины и добраго ответа на Страшнем Суде Сына Твоего и Бога нашего, Егоже умоли за нас Матернею молитвою Твоею, да не осудит нас по беззаконием нашим, но да помилует нас по велицей и неизреченней милости Своей. О Всеблагая! Услыши нас и не лиши нас помощи Твоея державныя, да, Тобою спасение получивше, воспоем и прославим Тя на земли живых и рождшагося от Тебе Искупителя нашего, Господа Иисуса Христа, Емуже подобает слава и держава, честь и поклонение, купно со Отцем и Святым Духом, всегда, ныне и присно, и во веки веков. Аминь.»

#Троеручица #Богородица #БожияМатерь #Богоматерь #православие #молитва #храм #икона #религия #христианство #вераправославная

🤱 Другие молитвы иконе Божией Матери «Троеручица»:
https://pravoslavnye-molitvy.ru/troeruchica/

❤️олитва первоверховным апостолам Петру и Павлу

«😥 пресла́внии апо́столи Пе́тре и Па́вле, ду́­ши за Хри­ста́ преда́вшии и кро́­вию ва́шею па́жить Его́ удобри́вшии! Услы́шите чад ва́ших мо­ли́т­вы и воздыха́ния, се́рд­цем со­кру­ше́н­ным ны́­не приноси́мыя. Се бо беззако́ньми омрачи́хомся и того́ ра́­ди беда́ми, я́ко­же ту́чами, обложи́хомся, еле́я же до́браго жи­тия́ обнища́хом зело́. О си́льнии! Понеси́те не́­мо­щи на́­ша, не отлуча́йтеся ду́­хом от нас, да не разлучи́мся вконе́ц от люб­ве́ Бо́­жия, но кре́п­ким заступле́нием ва́шим нас защити́те, да по­ми­лу­ет Гос­по́дь всех нас мо­ли́тв ва́ших ра́­ди, да истреби́т же рукописа́ние безме́рных гре­хо́в на́­ших и да спо­до́­бит со все́­ми свя­ты́­ми блаже́ннаго Ца́рст­вия и бра́ка А́гнца Сво­его́, Ему́­же честь, и сла́­ва, и благодаре́ние, и по­кло­не­ние во ве́­ки ве­ко́в. Ами́нь.»

#святык #апостолы #Пётр #Павел #апостолПетр #апостолПавел #православие #молитвы #религия #христианство #молитва

❤️олитва святому преподобному Паисию Святогорцу

«😥, святый преподобне и богоносне отче наш Паисие, возлюбленный наш покровителю и богомудрый наставниче, по лествице добродетелей возшедый от бытия земнаго в Царствие Небесное и получивый благодать предстательствовати за ны пред Троном Всемилосерднаго Господа нашего; сице молим тя: отврати нас от пути грехов наши и научи нас Господеви приноситисовершенныя плоды покаяния и обновления во Христе душ наших.

😥тче святый, во дни земнаго жития твоего многия тяжкия болезни и недузи неизцельныя уврачевавый, души от греха и скорбей страждующия исцеливый; ныне же предстоя пред Богом, преклони Его милосердие к нам, да твоего предстательства ради исцелит и нас, с любовию чтущих святую память твою, и дарует нам крепость в искушениих, мужество в борьбе с духом злобы, ищущим вечней погибели нашей, да дарует нам прощение всех наших грехов, иже от юности нашея до настоящего дня мыслию, словом и делом сотворихом, да научит нас, что подобает нам творити, дабы выну Ему служити, яко подобает ближним нашим с любовию и смирением служити.

😠й, отче святый, настави нас, по примеру святаго жития твоего, любви и самопожертвования исполненнаго, отвергшись пут греховнаго жития, взыти к Небесным чертогам, идеже восхвалим Всемилосерднаго Триипостаснаго Господа нашего во веки веков. Аминь.»

#святой #ПаисийСвятогорец #преподобный #Греция #православие #религия #христианство #икона #молитва #акафист #старец #Схимонах

😇 Акафист святому преподобному Паисию Святогорцу:
https://pravoslavnye-molitvy.ru/akafist-paisiyu-svyatogortsu/

❤️олитва ко Пресвятой Богородице пред иконой «Касперовская»

«😥 Пресвятая Дево, Богомати Пречистая, града Одессы и всея земли Черноморския покрове и заступление! Тебе припадаем и покланяемся пред Святою и Пречестною иконою Твоею Касперовскою, Еюже дивные и преславные чудеса совершашася. Ты едина еси радости нашея Ходатаице и яко Мати Божия можеши всем нам помощи. Тебе убо единей дадеся Матернее дерзновение умилостивити Сына Твоего, Христа Бога нашего, о спасении нас грешных. Темже смиренно молим Тя, Всемилостивую Владычицу нашу, не презри и не возгнушайся воздыханий наших, но помози нам немощным, скверным и неисправленным, скорбящим и озлобленным, больным и заблудшим, в сокрушении сердец наших прибегающих. Избави нас, Преблагословенная Госпоже, Мати Господа Вышнего, от всяких бед и скорбей, от всяких недугов и болезней, от внезапныя смерти, от напастей демонских и наветов злых человек, яко Тобою и демоны попираются и вси враги наши посрамляются. Умоли, Госпоже Пречистая, Господа и о еже сохранитеся Отечеству нашему и Православной Церкви нашей в мире и тишине. Вышним Своим Благословением да укрепит Господь Архиереи наша Православныя и пастыри, христолюбивое воинство со всеми православными христианами. Всех же нас огради от всякого зла благостию Твоею, и утеши милостивым Твоим посещением и вся благодеющия нам. Еще же, о, Владычице, молим Тя, еретическое востание низложи, рассеянные собери, заблудшия во едино Христово стадо возврати, старость поддержи, юныя вразуми, вдовицы сирыя защити, болящия исцели и скорбящие утеши. Прежде отшедшие отцы и чада и братию нашу во светлостех райских и селениях праведных упокой, с ними же и нас всех в покаянии и исповедании приими, да и мы со всеми Святыми прославим Пречестное и Пресвятое имя Отца и Сына и Святаго Духа, ныне и присно, и во веки веков. Аминь.»

#молитва #Касперовская #икона #КасперовскаяИкона #ПресвятаяБогородица #Богородица #БожияМатерь #Богоматерь #религия #христианство #православие

❤️олитва святителю Арсению, епископу Тверскому об укреплении веры, от всякого зла

«😥, вели́кий уго́дниче Бо́жий, святи́телю о́тче Арсе́ние! Се прино́сим тебе́ хвале́бное пе́ние мы, гре́шнии и недосто́йнии ча́да твоя́, и велича́ем по́двиги и доброде́тели твоя́, и мно́гую ми́лость твою́ ко всем с ве́рою притека́ющим к оте́ческому твоему́ покро́ву. Приими́ с любо́вию приноше́ние ве́ры и любве́ на́шея, и принеси́ е́ Вседержи́телю Бо́гу, от Него́же нисхо́дит вся́кое дая́ние бла́го и вся́кий дар соверше́нный, и я́коже благоде́тельствовал еси́ в земне́м житии́ твое́м всем иска́вшим твоея́ по́мощи, та́ко и ны́не не лиши́ нас, о́тче благосе́рдый, твоего́ пред Бо́гом многомо́щнаго заступле́ния. Се бо нетле́нныя и многоцеле́бныя мо́щи твоя́ дарова́ нам Госпо́дь во увере́ние, я́ко ве́лие дерзнове́ние и́маши к Нему́ и я́ко мно́го мо́жет предста́тельство твое́ пред Престо́лом бл́агости Его́. Те́мже не оста́ви нас си́рых и безпо́мощных, но при́сно помина́й нас во святы́х небе́сных твои́х моли́твах. Укрепи́ на́ша стопы́ тве́рдо и непоколеби́мо ходи́ти путе́м за́поведей Госпо́дних, утверди́ ру́це на́ша к воздея́нию моли́твенному и к соверше́нию до́брых дел, согре́й сердца́ на́ша любо́вию ко Го́споду и к жи́зни ве́чней. Испроси́ у Царя́ Небе́снаго гра́ду Твери и святе́й оби́тели твое́й благостоя́ние и всей стране́ Росси́йстей ми́лость Бо́жию и сохране́ние от вся́каго зла. Испроси́, святи́телю Бо́жий, и всем, с ве́рою прибега́ющим к ра́це святы́х моще́й твои́х и и́мя твое́ благогове́йно призыва́ющим, коему́ждо дар благопотре́бен: неду́гующим исцеле́ние, бе́дствующим избавле́ние, печа́льным утеше́ние, заблу́ждшим и́стины позна́ние, гре́шным исправле́ние, подвиза́ющимся преспе́яние, и всем вся к жи́зни вре́менней и ве́чней потре́бная, во сла́ву ди́внаго во святы́х Свои́х Бо́га, в Тро́ице сла́вимаго и покланя́емаго, Отца́ и Сы́на и Свята́го Ду́ха. Ами́нь.»

#святой #Арсений #АрсенийТверской #епископ #святитель #религия #христианство #православие #вера #молитва

😇 Другие молитвы святому Арсению, епископу Тверскому:
https://pravoslavnye-molitvy.ru/arseniyu-tverskomu/

❤️олитва преподобной Ангелине Сербской

«😥, преподобная Ангелино, мати наша добрая и милостивая, помози нам, чадом твоим непослушливым. Ты еси матерь наша благая, скорбное житие на земли пожила еси, обаче с помощию Божией, победы в битвах храбро стяжала еси и душа твоя в свет Царствия Небеснаго радостно вселися. Твоя домашния Церковь Христову украсиша и позолотиша твоим святым супругом Стефаном и сынами Иоанном и Максимом. Имела еси сердце неизмеримо большое и сострадательное ко всем, находящимся в беде. Посему благочестивый сербстий народ звал тебя лучшим из слов дарованных Богом – матушка. Яко ты еси мати всех нас, сербов, твоих, которые, аще и согрешиша много, обаче любим тя и почитаем и к тебе за помощью притекаем.

😍ая бо матерь детей своих возненавиде, аще и согрешат зело? Ни, но мудро наказует их, любити же не престает. Поэтому и ты, мати наша добрая, накажи нас с небес, бичом Божиим, но не оставляй нас без твоея любви. Десницей правды Божией покарай нас, а десницей любви укрепи и верни с путей неправедных на путь истины и добра.
Молимся тебе, мати добрая, молитвами твоими испроси нам благословение небесное: болящим здравие, немощным силу, отчаявшимся надежду, голодным хлеба насущнаго, безплодным чад, гонимым кров и утешение, и всем молящимся тебе подай по великой милости твоей просимое. Но и еще больше даруй нам, мати наша добрая, благ небесных души очищающих, укрепляющих нас в исполнении заповедей Божиих, ведущих нас к добру и уводящих от всякаго зла. Ибо аще не бежим от зла в мире сем, како убежим от него в ином мире, аще не очистимся здесь от грязи, како сможем там, где смотрят на то что отсюда несем.

😬омози нам умрети миру сему, якоже и ты миру мертва бысть, возжелавши блага непреходящаго и вечнаго. Пусть и наше благо на небесех будет, дабы и сердца наши на небесех были, а не здесь, идеже все гниет и исчезает, идеже вор крадет, и моль и ржа тлит. Аще бо все силы своим положим на блага мира сего, за горсть праха земнаго, юже ниже с собой возьмем, тем и ты нам помощи не возможеши, мати наша благая. Аще же немного потрудимся, хотя мало возопиим ко Господу чрез тебя, невесту Его небесную, таже помощь твоя изольет неисчислимые блага небесные, иже укрепят нас на узком пути спасения, аще и сотни смертей нам предстанут.

😙оистину душа наша вся грехами разодрана и бедна добродетелью, милосердный же Господь уготова лекарство – покаяние. Да родится в нас, хотя малая часть того истиннаго покаяния, еже Господу принесла еси, мати наша святая. Оживи божественное в душах наших твоими теплыми слезами, яже изливаеши на всяк день о роде сербстем, да уразумеем бездну долгов наших пред Богом, Он же прощает долги наши, аще искренно и слезно попросим Его о прощении.

🤣емже смилуйся, матушка наша Ангелино, крушедольская святая игумения, и помози нам спастися ото всякаго зла, дабы однажды твоими молитвами ко Господу, вошли в покой Царства Небеснаго, идеже вси благодарно прославляют Святую Единосущную и Нераздельную Троицу, Отца и Сына и Святаго Духа, ныне и присно и во веки веков. Аминь.»

#молитва #святая #Ангелина #АнгелинаСербская #преподобная #КрушедольскийМонастырь #Сербия #религия #христианство #православие

❤️олитва пред Ахтырской иконой Пресвятой Богородицы

«😥 преблагословенная и многомилостивая Владычице мира! Се мы грешнии, на святый образ Твой взирающе и на нем Тя в скорби и сострадании распятому за нас Христу Спасителю предстоящу видяще, усердно молим Тя, известную о нас к Сыну Твоему молитвенницу: не остави нас в день испытания и скорби, но во искушениих и напастех, нам бываемых, огради нас всечестным покровом Твоим от враг видимых и невидимых и даждь нам силу, во еже всесовершенную и благую волю Творца и мира Владыки творити. Зриши бо, милостивая Заступнице наша, колико грехом всяческим подвержени есмы: не токмо бо волею согрешаем, но и неволею в многоразличная прегрешения впадаем. Сего ради к Тебе, державней устроительнице спасения христианскаго прибегаем и умиленно вопием: ум наш познанием Божественныя истины просвети, сердце наше теплотою христианския любви и спасительных желаний согрей, волю же нашу в нелицемернем заповедей Господних исполнении утверди. Ей, Госпоже премилостивая, приникни с высоты небесныя к воздыханием и молитве нас грешных, исцели болезни недужных, умири сердца озлобленных, даждь терпение страждущим, внуши страх Божий обидящим, укрепи гонимыя за правду, сироты и вдовы защити, подаждь утешение плачущим, испроси прощение кающимся, демонскую же бурю страстей во грешных душах утиши и в сердцах, чтущих Тя, Христову кротость и любовь вкорени и духом милосердия и сострадания сия утверди, отпадшия же от веры еретики и отступники к познанию истины направи и уста нечестивых, хулящих Святую Церковь и веру православную поносящих, загради. Отшедшим от жития сего отцем и братиям и сестрам нашим, о Мати Божия, прощение грехов и предначатие блаженства вечнаго испроси. Егда же и нашея кончины час приближится, тогда убо, о Владычице, приими душу нашу и в сонме праведных сию упокой, идеже лицы Ангел и святых угодник немолчно славословят державу и милость Отца и Сына и Святаго Духа и Твое Матернее о нас предстательство и заступление, ныне и присно, и во веки веков. Аминь.»

#молитва #Ахтырская #икона #АхтырскаяИкона #ПресвятаяБогородица #Богородица #БожияМатерь #Богоматерь #религия #христианство #православие

❤️олитва ко преподобному Андрею Рублеву иконописцу

«😥 преподобне отче Андрее, зело облагодатствованный пресветлым даром видения первообразов красоты Божественных! О дивный плоде Церкве Российския, отрасле благая Сергием великим насажденного древа! В грозное бо время постави тя Господь свидетеля своего и земли нашея молитвенника велика тя содела. Кто исповесть безчисленныя труды и подвиги твоя, разум земный превосходящия и единому токмо ведомых Господу, имиже благодать писания чудотворящих икон стяжал еси! Ты благоуханием святых твоих икон весь мир исполнил еси, наипаче образом Пресвятыя Троицы, да воззрением нань побеждается всякий грех и ненавистная рознь мира сего. О преподобне и пречудне отче, призри с высоты, идеже в Божественнем свете пребываеши, и услыши молитвы нас, грешных, и, яко имеяй дерзновение ко Пресвятей Троице, со преподобным Сергием и всеми святыми моли Владыку всех, о еже Церковь его укрепити, разобщенных соединити, расточенных собрати и в разумение истины всем приити, отвратити от нас праведный гнев Свой и исполнити даров Духа Святаго, любве, радости, мира, долготерпения, благости, милосердия, веры, кротости, воздержания, земное же странствие прейти нам, грешным, безбедно, в будущем же веце сподобится с тобою и всеми святыми прославляти Пресвятую Троицу, Отца, и Сына, и Святаго Духа, ныне и присно, и во веки веков.»

#святой #Андрей #АндрейРублев #Рублёв #молитва #православие #религия #Христианство #преподобный #чудотворец #иконописец #РусскиеСвятые

😇 Другие молитвы преподобному Андрею Рублеву:
https://pravoslavnye-molitvy.ru/andreyu-rublevu/

❤️олитва царю-мученику Никорлаю II о помощи в гонениях, заточении и невинно убиенных

«😥 святый великий Российский Царю и страстотерпче Николае! Вонми гласу моления нашего и вознеси ко Престолу всевидящаго Господа стенания и воздыхания народа Русскаго, некогда богоизбраннаго и благословеннаго, ныне же падшаго и от Бога отступившаго. Разреши клятвопреступление, доселе тяготеющее над народом Русским. Тяжко бо согрешихом, отступивше от Царя Небеснаго, оставльше веру православную на попрание нечестивых, преступльше клятву соборную и не возбранивше убиению твоему, Семьи твоея и верных слуг твоих.

☹️е бо послушахом повеления Господня: «Не прикасайтеся помазанным Моим» паки же Давиду глаголющу: «Иже прострет руку на Помазанника Господня, не Господь ли поразит его?» И се ныне достойная по делом нашим приемлем, тяготеет бо даже до дне сего на нас грех царския крови пролития.

🙁оныне оскверняются святыни наши. Блуд и беззаконие не оскудевают от нас. Чада наши преданы на поругание. Вопиет к небу кровь невинная, на всякий час в земле нашей проливаемая.

☹️о виждь слезы и сокрушение сердец наших, каемся бо, якоже киевляне некогда пред князем Игорем, ими умученным; якоже владимирцы пред князем Андреем Боголюбским, ими убиенным, и просим: умоли Господа, да не отвратится от нас до конца, да не лишит народ Русский великаго избранничества Своего, но да подаст нам разум спасения, во еже восстати нам из глубины падения сего.

😃маши бо, Царю Николае, дерзновение велие, ты бо кровь свою пролиял еси за народ свой, и душу положил еси не токмо за други, но и за враги своя. Сего ради предстоиши ныне в Невечернем Свете Царю Славы, яко верный слуга Его. Буди нам ходатай и заступник, и охранитель. Не отвратися от нас, и не остави нас на попрание нечестивых. Даруй нам силы на покаяние, и правосудие Божие приклони на милосердие, да не погубит нас до конца Господь, но да вся простит и милостивно помилует, и спасет землю Русскую и народ ея. Да избавит же Отечество наше от постигших бед и напастей, возродит веру и благочестие, восставит же престол Царей православных, еже сбытися пророчествам угодников Божиих. И да прославят люди Русские по всей вселенней всехвальное имя Господне и верно послужат Ему до скончания века, воспевая славу Отцу и Сыну и Святому Духу ныне и присно и во веки веков. Аминь.»

#святой #Николай #Романовы #НиколайВторой #страстотерпцы #ЦарскаяСемья #НиколайII #молитва #православие #религия

😇 Читать молитвы царю страстотерпцу Николаю II:
https://pravoslavnye-molitvy.ru/tsaryu-nikolayu-2/

❤️олитва великому князю Андрею Боголюбскому

«😥, святы́й благове́рный вели́кий кня́же Боголю́бский Андре́е! Ра́бе Бо́жий ве́рный и Богославный, христиа́нине истовый и Богоревнивый, му́же доброде́тельный и Богому́дрый, во́ине всечестны́й и воево́до доброхва́льный, прави́телю держа́вный и дерзнове́нный! Ру́сь Святу́ю на уде́лы и кня́жества разобщенную, Бо́жиим хоте́нием хотя́щий во еди́ное Русское Ца́рствие собра́ти и единодержавно Е́ю пра́вити, да непреобори́ма пребу́дет от все́х вра́г ви́димых и неви́димых, возстаю́щих на правосла́вныя христиа́ны. Да не тщетны бу́дут твои́ святи́и дея́ния во сла́ву и че́сть Бо́га Христиа́нскаго, иде́же твое́ Богосве́тлое строе́ние Бо́гом люби́маго Ца́рства Правосла́внаго на Ру́сской Земле́ зри́м и велича́ем, егда́ сто́льный гра́д Влади́мир и Боголюби́вую оби́тель Пресвяте́й Богоро́дице воздви́гнувый, иде́же ты́ в не́й посреди́ но́щи неповинне злочестивыми и клятвопреступными свои́ми слуга́ми взя́тый и от ру́к и́х беззако́нно и жесточайшими меча́ми убие́нный, и честно́ю кро́вию свое́ю истекаемый, тве́рдое основа́ние Единодержавию Правосла́вной Руси́ та́ко положи́вый. И ны́не мы́, грешные рабы́ Бо́жии (имена́), в Богомощное небе́сное предста́тельство твое́ ве́руем, и́бо му́ченическим венце́м житие́ твое́ запечатлевшее, мо́лим тя́, да изба́вит на́с Госпо́дь от крамолы́ слу́г антихристовых и от кровавых жертвоприношений и жидовских обы́чаев, и да спасе́тся Земля́ Ру́сская от и́га сатани́нскаго, и́бо име́ем тя́, вели́каго уго́дника Бо́жия, неустрашимаго ра́тника Христо́ва, егда́ на поля́х земно́й бра́ни со мно́гими врага́ми за Ве́ру святу́ю и Оте́чество сражавыйся, и сто́ль ди́вную сла́ву Бо́жиих побе́д все́й Ру́сской Земле́ показу́ющий. И ты́, я́ко держа́вный воево́до и святы́й му́ченик, и всегда́ дерзнове́нный о на́с моли́твенник, Боголюби́вый и неуста́нный созидателю Свято́й Руси́, во святы́х мощах ди́вно просла́вленный, и в по́мощь и в заступле́ние на́м оста́вленный, возстани за на́с проти́ву иноплеме́нных, чужеземных и зловре́дных супоста́т, и противоста́ни и́м со мнозими святими князьями-воинами, и пе́рвее со святим равноапо́стольным вели́ким князе́м Влади́миром и свято́й равноапостольной вели́кой княгиней Ольгой, и с вели́кими благове́рными князьями первомучениками-страстотерпцами Бори́сом и Гле́бом, и со святы́м во́ином преподобному́чеником Игорем Черни́говским, и святы́м благове́рным вели́ким князе́м Георгием Всеволодовичем Владимирским, вку́пе же и с Богосве́тлыми сына́ми твои́ми князьями-му́чениками Гле́бом Владимирским и храбрым Изяславом, да и́х по́мощию не позыблем пребу́дет До́м Пресвяты́я Богоро́дицы, все́й Руси́ Держа́вной Влады́чицы, и да просла́вится и просияет тобо́ю, кня́же Андре́е, во вся́ ве́ки Земля́ Ру́сская и напо́лнится благочести́вым христиа́нским ро́дом по благослове́нию Богоро́дицы, и Благода́тию Ея́ многочудотворных ико́н Влади́мирской и Боголюбской, и па́ки угобзится и укрепи́тся сла́ва Руси́ Правосла́вной, и просияет Невеще́ственным и Животво́рным све́том Бо́га Отца́, Сы́на и Свята́го Ду́ха. Ами́нь.»

#святой #Андрей #АндрейБоголюбский #благоверный #молитва #православие #религия #Христианство #ВеликийКнязь

❤️олитва Царственным страстотерпцам Романовым

«😥, святая седмерице, царственнии страстотерпцы, Николае, Александро, Алексие, Марие, Ольго, Татиано и Анастасие!

😙ы, союзом любве Христовы связуеми, дом ваш, яко малую церковь, благочестно устроили есте и смирением себе посреде земнаго величия украсили есте. В годину же братоубийственныя брани и гонений безбожных во отечестве нашем, все упование на Бога возложивше, образ терпения и страдания всей земли Российстей явили есте и, молящеся о мучителех, клевету, узы и изгнание, глумление, насмеяние и оболгание, убиение и телес поругание мужественне претерпели есте. Сего ради от земнаго царствия к Небесному прешли есте и теплии ходатаи о нас явилися есте.

😥, святии угодницы Божии! Молитеся о нас Богу, да Церковь в единомыслии и твердей вере соблюдет, страну нашу миром и благоденствием оградит и от междоусобныя брани и разделения избавит, власть предержащую умудрит, воинство мужеством украсит, народ от разорения сохранит, супруги христианския в верности и любви укрепит, чада в благочестии и послушании возрастит, и вся ны купно с вами сподобит воспевати Пречестное и Великолепое имя Живоначальныя Троицы Отца и Сына и Святаго Духа ныне и присно и во веки веков. Аминь.»

#святой #Николай #Романовы #НиколайВторой #страстотерпцы #ЦарскаяСемья #НиколайII #молитва #православие #религия

❤️олитва преподобному Сергию Радонежскому об укреплении веры

«😥 преподобне и богоносне отче наш Сергие! Воззри на нас (имя рек) милостивно и, к земли приверженных, возведи к высоте Небесней. Укрепи наше малодушие и утверди нас в вере, да несомненно уповаем получити вся благая от благосердия Владыки Бога молитвами твоими. Испроси предстательством твоим всякий дар всем и коемуждо благопотребен и вся ны споспешествующими твоими молитвами сподоби в день Страшнаго суда шуия части избавитися, десныя же страны общники быти и блаженный оный глас Владыки Христа услышати: приидите, благословеннии Отца Моего, наследуйте уготованное вам Царствие от сложения мира. Аминь.»

#преподобный #Сергий #СергийРадонежский #святой #Сергей #православие #молитва #храм #икона #религия #христианство #православный

Другие молитвы святому Сергию Радонежскому:
https://pravoslavnye-molitvy.ru/sergiyu-radonezhskomu/

❤️олитва пред ее иконою Богородице «Экономисса»

«😥 Пречистая Владычице Богородице, Всечестнейшая наша Мати Игумение всех православных святых обителей иноческаго жития, во Святей Горе Афонстей и по всей вселенней сущих! Приими смиренная моления наша и принеси я ко всещедрому Богу нашему, да спасет души наша Своею благодатию. Воззри на ны милосердным Твоим оком и соверши Сама о Господе наше спасение, понеже без милости Спаса нашего и Твоего святаго о нас ходатайства не возможем окаяннии совершити своего спасения, яко окаляхом житие наше в суетах мирских, ибо время приближися жатвы Христовы и день Страшнаго Суда приспе. Мы же, окаяннии, погибаем в бездне греховней нерадения ради нашего, по реченному от святых отцев, первоначальников ангельскаго во плоти жития, яко последнии монаси нерадением жития своего уподобятся мирским человеком, еже и сбысться днесь, ибо последнее иночество наше плавает житием своим в мори житейском, посреде великия бури и непогоды, ибо наша святыя обители во прасе пребывают, грехов бо ради наших всеправедный Судия Господь наш Иисус Христос тако благоволи, мы же, недостойнии, не имамы, где главы подклонити.

😥 сладчайшая наша Мати Игумение! Собери ны, разсеянное стадо Христово, воедино и спаси православное монашество последняго века сего, и всех православных христиан сподоби райския жизни со ангелы и всеми святыми во Царствии Христа Бога нашего, Емуже честь и слава, со Безначальным Его Отцем и со Пресвятым, Благим и Животворящим Его Духом во веки веков. Аминь.»

#Экономисса #Домостроительница #Богородица #БожияМатерь #Богоматерь #православие #молитва #храм #икона #религия #христианство #вераправославная

🤱 Акафист Пресвятой Богородице пред иконой ее «Экономисса»:
https://pravoslavnye-molitvy.ru/akafist-ekonomissa-domostroitelnitsa/

❤️олитва святому преподобному Афанасию Афонскому чудотворцу

«😬реподобне отче Афанасие, изрядный угодниче Христов, и великий Афонский чудотворче! Во дни земнаго жития твоего многия на путь правый наставивый, и в Царствие Небесное мудре руководивый, скорбныя утешивый, падающим подавый руку помощи, и всем любезен, милостив и сострадателен отец бывый; ты ныне, в небесней пребывая светлости, наипаче умножаеши любовь твою к нам немощным, в море житейстем различне бедствующим, искушаемым духом злобы и страстьми своими, воюющими на дух. Сего ради смиренно молим тя, святый отче: по данней тебе от Бога благодати помози нам творити волю Господню в простоте сердца и смирении, искушения же вражия победити и свирепое страстей море изсушити; да тако немокренно прейдем житейскую пучину, и предстательством твоим ко Господу, сподобимся достигнути обетованнаго нам Царствия Небеснаго, славяще Безначальную Троицу, Отца и Сына и Святаго Духа, ныне и присно и во веки веков. Аминь.»

#преподобный #Афанасий #АфанасийАфонский #святой #чудотворец #православие #молитва #храм #икона #религия #христианство #православный

😇 Читать акафист святому Афанасию Афонскому:
https://pravoslavnye-molitvy.ru/akafist-afanasiyu-afonskomu/

❤️олитва праведной Иулиании деве, княжне Ольшанской

«😥, свята́я пра́ведная де́во Иулиани́е, княжно́ Ольша́нская, помо́щнице всем жа́ждущим спасе́ния и исцеле́ния от боле́зней душ и теле́с, принеси́ моли́твы ко Го́споду на́шему Иису́су Христу́ и Пречи́стей Его́ Ма́тери и Присноде́ве Мари́и за вся наро́ды Вели́кия, Ма́лыя и Бе́лыя Росси́и. Умоли́ Спаса́ на́шего, да обратя́тся вси лю́дие к ве́ре Правосла́вней, да укрепя́т любо́вь взаи́мную и духо́вное еди́нство. Ты, му́драя де́во, ве́лию си́лу благода́ти Бо́жия в себе́ показа́вшая и в со́мне святы́х Пече́рских просла́вленная, укрепи́ испове́дников ве́ры Правосла́вныя, пода́ждь им тве́рдость и му́жество, обрати́ заблу́дших к покая́нию и исправле́нию, сохрани́ всю страну́ на́шу от гла́да, тру́са, пото́па, огня́, междоусо́бныя бра́ни и от всех враго́в ви́димых и неви́димых. О, свята́я а́гнице Бо́жия, я́ко име́яй дар мно́зи боле́зни цели́ти и от ко́зней враго́в огражда́ти, исцели́ у́бо на́ша страсти́ душе́вныя и облегчи́ тя́жкия боле́зни теле́сныя, отра́ду в скорбе́х да́руй и изба́ви нас от вся́ких бед и напа́стей. При́зри на вся предстоя́щия честны́м твои́м моще́м и прося́щия твоея́ по́мощи се́рдцем сокруше́нным и ду́хом смире́нным, да принесе́м во всем житии́ на́шем плоды́ духо́вныя: любо́вь, бла́гость, милосе́рдие, ве́ру, кро́тость, воздержа́ние, да сподо́бимся жи́зни ве́чныя и да любо́вию твое́ю огражда́еми пое́м просла́вльшему тя Го́споду Иису́су Христу́, Ему́же подоба́ет вся́кая сла́ва и честь со Безнача́льным Его́ Отце́м и с Пресвяты́м и Животворя́щим Его́ Ду́хом, ны́не, и при́сно, и во ве́ки веко́в. Ами́нь.»

#святая #праведная #Иулиания #ИулианияОльшанская #княгиня #вераправославная #молитва #религия #православие #христианство

❤️олитва архангелу Селафиилу от болезней

«🤒вятый Архангеле Божий Селафииле, даяй молитву молящемуся, научи меня молиться молитвой смиренной, сокрушенной, сосредоточенной и умиленной.

😥, великий Архангеле Божий Селафииле, ты молиши Бога за людей верующих, умоли Его Благоутробие за меня, грешного, да избавит меня Господь от всех бед и скорбей, и болезней, и от напрасныя смерти, и от муки вечныя, и сподобит меня Господь Царствия Небесного со всеми Святыми во веки.Аминь.»

#молитва #архангел #Селафиил #религия #христианство #церковь #икона #православие

😇 Другие молитвы архангелу Селафиилу:
https://pravoslavnye-molitvy.ru/arhangelu-selafiilu/

❤️олитва пред Влахернской иконой Пресвятой Богородицы

«😥 Пречистая наша Всеблагословенная и Всемощная Госпоже Владычице Влахернская и всего мира христианского похвало и утверждение, благодарим Тя, яко сподобила еси нас великой Своей милости, творити пресветлое торжество Честнаго Твоего многоцелебного Образа, явленнаго благоволением Твоим во граде Константинополе, послеже во многих градах и весех чудесы просиявшего.

😙зирая на твой светозарный благодатный лик, Пречистая, со трепетом радости и благоговения и зрим очи Твои голубые, голубиные, небесные, исполненные любовью великою, добротою богатою и смирением совершённым. Твои уста подобно цвету розы, исполненны сладких речей. Руки твои распростертые к нам, исполнены добрых дел. Дивную красоту твою неземную во всем не доступно нам описати, токмо бо в молчании и трепете взываем душею умиленной, сокрушенной в смирении пред всесовершенной святостью твоею.

🤒ице и днесь с трепетом, пред Святою иконою Твоею припадая, умоляя наполнити наше немощное человеческое естество живительными и цельбоносными струями непрестанных молитв Твоих и очиститися от всякой скверны плоти и духа, совершая святыню в страсе Божиим, ибо вемы, яко много может молитва Твоя пред Престолом Триединаго Бога. Се мы, смиренныя и грешныя, обремененнии игом тяжких многих беззаконий наших, во умилении глубоцем просим подать исцеление слепым, хромым, глухим и другим страждущим, одержимыми многими и различными скорбями и недугами, ибо мы вемы, яко ничтоже возможно ходатайству Твоему, аще токмо восхощеши.

🤣емже просим утвердити нашу веру праву, Церкве Русстей мир, тишину и благостроение, укрепить православныя люди в настоящую годину испытания и избавить от душепагубных ересей, расколов и разделений, сподобить соблюсти всех в единомыслии и да познают не верующии и не покланяющиися Честному Образу Твоему, яко Ты еси несравненное наше Украшение, Слава, Небесный и Державный Покров, скорая Помощница, непостыдная Заступница и постоянная Ходатаица у Единого Ходатая Бога и человеков Иисуса Христа. Яко Тя ради подобает всякое благодарение Всесильному и Всеблагому Содетелю, Господу нашему Иисусу Христу купно со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.»

#ВлахернскойИкона #Влахернетисса #Богородица #БожияМатерь #Богоматерь #православие #молитва #храм #икона #религия #христианство #вераправославная

❤️олитва преподобной Евфросинии, в миру Евдокии, княгине Московской

«😥, преподобная княгине Евфросиние, добляя в женах подвижнице, прехвальная угоднице Христова! Приими моление о нас, недостоиных, с верою и любовию к тебе припадающих, и теплым к Богу ходатайством испроси граду Москве и людем от бед и напастей сохранение, споспешествуй, яко чадолюбивая мати, чадом, тобою собранным, понести иго Христово во благодушии и терпении и добре подвизатися ко исправлению жития своего, еже ко спасению; в мире благочестно живущим испроси у Господа в вере твердость, во благочестии преспеяние и всем, с верою прибегающим к тебе и твоея просящим помощи и заступления, подавай всегда недугов исцеление, в скорбех утешение и во всем житии благопоспешение, наипаче же умоли Господа в мире и покаянии земное житие преити нам, мытарств горьких и мук вечных избавится и Царство Небесное твоим ходатайством получити, идеже ты со всеми святыми Господу предстоиши, да всегда славим Отца и Сына и Святаго Духа, ныне и в безконечныя веки веков. Аминь.»

#молитва #святая #Евфросиния #ЕвфросинияМосковская #Евдокия #преподобная #княгиня #православие #храм #икона #религия #христианство #вераправославная

❤️олитва преподобному Герасиму, Болдинскому чудотворцу

«😥 добре наш пастырю и Богомудрый начальниче, преподобне отче Герасиме, услыши нас молящихся тебе и призывающих в помощь скорое предстательство твое. Виждь нас грешных в толицех обстояниих сущих, виждь нас немощных отвсюду уловляемых, всякаго блага лишенных, и умом от малодушия помраченных; потщися, угодниче Божий, не оставити нас в греховном плену быти, да не будем в радость врагом нашим и не умрем в лукавых деяниих наших. Моли о нас, недостойных, Спаса Господа, Емуже ты со бесплотными лики предстоиши: милостива к нам сотвори Содетеля нашего в нынешнем веце и в будущем, да не воздаст нам по делом нашим и по нечистоте сердец наших, но по Своей благости воздаст нам: на твое бо ходатайство уповая и твоим предстательством хвалимся, твое заступление на помощь призываем и к цельбоносным мощам твоим припадая недостойнии, исцеления просим: избави нас, угодниче Христов, от злых находящих на нас, и укроти волны страстей и бед, восстающих на нас, да ради святых твоих молитв не обымет нас напасть и не погрязнем в пучине греховней и в тине страстей наших. Моли, преподобне отче Герасиме, Христа Бога нашего, да подаст нам мирное жительство, оставление грехов, душам нашим спасение и велию милость. Аминь.»

#святой #Герасим #ГерасимБолдинский #преподобный #чудотворец #молитва #православие #религия #христианство