⚡️ 3-may kuni O'zbekiston madaniyat vaziri Ozodbek Nazarbekov hamda Qozog'istonning O'zbekistondagi Favqulodda va muxtor elchisi Beybut Atamqulov o'rtasida hamkorlik uchrashuvi bo'lib o'tdi.

✅ Uchrashuv avvalida so'nggi yillarda ikki mamlakat prezidentlarining tashabbusi bilan barcha sohalar qatori madaniyat sohasidagi hamkorlik ham rivojlanib borayotganligi ta'kidlandi.

✅ Mamlakatlarimiz vakillarining ikki mamlakatda bo'lib o'tayotgan xalqaro madaniy tadbirlarda ishtiroki kengayib borayotganligi, o'zaro madaniyat kunlarini har yili o'tkazish an'anaga aylanganligi bildirildi.

✅Uchrashuv davomida vazir Ozodbek Nazarbekov elchi Beybut Atamqulovni kuni-kecha Xiva shahrida bo'lib o'tgan II “Lazgi” xalqaro raqs festivalida Qozogʼiston vakillari – “Kazina” raqs ansamblining “Eng yaxshi yakkaxon raqs ijrochisi” nominatsiyasida birinchi oʼrinni qoʼlga kiritgani bilan tabrikladi.

✅ Shuningdek, joriy yilning avgust oyida Qozog'istonda o'tkaziladigan "O'zbekiston madaniyat kunlari" doirasida tashkil etiladigan tadbirlar, xususan, Ostona shahrida Markaziy Osiyo madaniyat va sanʼat ustalarining tantanali konserti, Qozogʼistonning yirik shaharlarida “Oʼzbekiston madaniyati kunlari”, Ostona shahrida Oʼzbekiston tasviriy va xalq amaliy sanʼati koʼrgazmasini tashkil etish yuzasidan fikr almashildi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

⚡️ 3-may kuni O'zbekiston madaniyat vaziri Ozodbek Nazarbekov hamda Rossiyaning Strategik tashabbuslar agentligi Bosh direktori Svetlana Chupsheva boshchiligidagi delegatsiya o‘rtasida hamkorlik uchrashuvi bo'lib o'tdi.

✅ Rossiyaning Strategik tashabbuslar agentligi - Federatsiya tizimida muhim rol egallashi, davlat, biznes va jamiyat o‘rtasidagi aloqa va hamkorlik platformasi bo‘lib xizmat qilishi, shuningdek, Federatsiya mintaqalarida ilg‘or tajribalarni amalga oshirishga hissa qo‘shishi bilan birga jahon hamjamiyatida ham muhim rol o‘ynashi haqida ta’kidlandi hamda so'nggi yillarda ikki davlat o‘rtasida madaniyat sohasidagi hamkorlik rivojlanib borayotganligi haqida aytib o‘tildi.

✅ Uchrashuv davomida agentlik Bosh direktori Svetlana Chupsheva keyingi yillarda ikki mamalakatning madaniyat sohasidagi o‘zaro hamkorligi to‘g‘risida takliflarini bildirdi.

✅ Shuningdek, ikki mamlakat o‘rtasida tajriba almashish va ijodiy iqtisodiyotni o‘rganish bo‘yicha O‘zbekistonning ishtiroki doirasida yangi loyihalarni ilgari surish bo‘yicha strategik tashabbuslar agentligining ijodiy iqtisodiyotni rivojlantirish markazi ishlab chiqaruvchilar klubi, ijodiy iqtisodiyotni rivojlantirish markazining ijodiy maydonlar tarmog‘i loyihasi, ijodiy sohalarni rivojlantirish bo‘yicha qo‘shma tadbirlar hamda O‘zbekiston vakillarining Moskvada bo‘lib o‘tadigan xalqaro ijodiy Iqtisodiyot forumidagi ishtirokini ta’minlash haqida fikr almashildi.

✅ Shu bilan birga, Bosh direktor hozirda Rossiyaning ijtimoiy-iqtisodiy rivojlanishiga hissa qo‘shgan ko‘plab muvaffaqiyatli loyihalar va tashabbuslar haqida ma’lumot berdi.

✅ Uchrashuv yakunida vazir Ozodbek Nazarbekov Rossiya bilan bugungi kundagi madaniyat sohasidagi hamkorlik holatini yuqori baholab, hamkorlik aloqalarini rivojlantirishda bu kabi strategik loyihalar institutlari, loyiha offislari, "think tank"lar muhim o'rin egallashini bildirdi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt