⚡5 ойуур баһаара умуруорулунна

От ыйын 26 күнүн туругунан, Саха сиригэр 810 тыһ. тахса га уопсай иэннээх 99 ойуур баһаара уонна 1 ландшафтнай уот умайар.

Ааспыт сууккаҕа 80 тыһ. тахса га иэннээх 5 ойуур баһаарын умуруордулар. Маны тэҥэ 42 тыһ. кэриҥэ га иэннээх 5 уоту төгүрүйдүлэр.

Баһаары умуруоруу үлэтигэр 1975 киһи уонна 187 тиэхиньикэ кыттар.

Ордук Өлүөхүмэ, Үөһээ Бүлүү, Үөһээ Дьааҥы улуустарыгар турар 13 ойуур баһаара сүрүн салалта кэтэбилигэр сылдьар.

@nvk_sakha

Уус Алдан улууһугар «Дүпсүн» кэпэрэтиип үүт тутуутугар былаанын — 28 бырыһыан толорон олорор.

Хаһаайыстыба үлэтин улуустаҕы устар бөлөхпүт билистэ.

@nvk_sakha

✅Ил Дархан Нам улууһун баһылыгын кытары көрүстэ

От ыйын 26 күнүгэр Саха сирин Ил Дархана Айсен Николаев Нам улууһун баһылыга Юрий Слепцовы кытары көрүстэ.

Юрий Иннокентьевич сааскы халаан содулун туоратыыга туһуламмыт чөлүгэр түһэрии үлэтин хаамыытын билиһиннэрдэ. Нэһилиэнньэ материальнай уонна финансовай көмөнү толору ылбыт. Билиҥҥи кэмҥэ оройуоҥҥа социальнай уонна инфраструктурнай эбийиэктэри чөлүгэр түһэриигэ үлэлэр ыытыллаллар. Туһааннаах докумуоннары бэлэмнээбиттэр, үбүлээһин боппуруоһугар федеральнай биэдимэстибэлэри кытары үлэ бара турар.

Ону тэҥэ өрүттэр сүөһү аһылыгын бэлэмнээһин хаамыытын туһунан дьүүллэстилэр. Юрий Иннокентьевич бэлиэтээбитинэн, быйыл от үүнүүтэ куһаҕана суох, оттооһун былаана кэмигэр туолуоҕа.

Көрсүһүү кэмигэр Айсен Николаев Юрий Слепцовы кытары «Үөрэҕирии» национальнай бырайыагынан эбийиэктэр тутууларын кэпсэттэ.

@nvk_sakha

Быйыл Бүлүү улууһугар окко былаан 26220 туоннаҕа тэҥнэһэр. Сыллата сүөһү аһылыгын бэлэмнээһинигэр былаан уопсай төбө ахсаанынан туруоруллар.

Ол курдук быйыл оройуоҥҥа 12 тыһыынча кэриҥэ туора муостаах, 8 тыһыынчаттан тахса сылгы сайылаан турар. Кураан дьыл буолан, от үүнүүтэ биир тэҥ буолбатах диэн этэллэр.

Сиһилии кэлэр сюжекка көрүҥ.

@nvk_sakha

✅Саха сирин медиктэрин идэлээх сойууһа СВО кыттыылаахтарыгар көмөнү оҥордо

Саха сирин доруобуйатын харыстабылын идэлээх сойууһа анал байыаннай дьайыы кыттыылаахтарыгар уонна кинилэр дьиэ кэргэттэригэр көмөнү хомуйууну салҕыыр. От ыйыгар медицинскэй тэрилтэлэр көхтөөхтүк үбү-харчыны, таҥаһы-сабы, малы-салы хомуйбуттар уонна аахсыйалары ыыппыттар.

Өрөспүүбүлүкэтээҕи 3№-дээх клиническэй балыыһа бииргэ үлэлиир СВО кыттыылаахтарыгар эми-тому, аптечканы, утуйар таҥаһы бэлэмнээбиттэр, оттон волонтердар кинилэргэ таҥастары тикпиттэр. «Фтизиатрия» научнай-практическай киин медикамеҥҥа уонна бэрэбээскэҕэ 23 тыһ. солк. ыыппыт.

Бүлүү оройуоннааҕы киин балыыһата 280 тыһ. солк хомуйан ыыппыт уонна биэс хаххалыыр сиэккэни бэлэмнээбит. Өймөкөөн оройуоннааҕы киин балыыһата бастакы наадалаах малга-салга, медикамеҥҥа уонна минньигэскэ диэн 90 тыһ. солк хомуйбут.

Ону тэҥэ үбү-харчыны Хаҥалас, Амма, Сунтаар уонна Үөһээ Бүлүү оройуоннааҕы киин балыыһалара эмиэ хомуйбуттар. Саха сирин доруобуйатын харыстабылын идэлээх сойууһа материальнай көмөнү барытын СВО кыттыылаахтарыгар уонна кинилэр дьиэ кэргэттэригэр ыыппыт.

@nvk_sakha

Быйыл үүнүү мөлтөх диэн отчуттар Мэҥэ Хаҥалас улууһугар этэллэр. Ол да буоллар ходуһаларга үлэ тохтообокко барар.

Сиһилии кэлэр сюжекка көрүҥ.

@nvk_sakha

⚡Абый улууһугар 2 улахан ойуур баһаарын умуруордулар

Үрүҥ Хайа уонна Киэҥ Күөл бөһүөлэктэригэр кутталы үөскэппит 2 улахан ойуур баһаара умуруорулунна. Бу туһунан ойууру харыстыыр сыалтан тэриллибит суһал штаб мунньаҕар иһитиннэрдилэр.

Кэнники сууккаҕа хаалбыт уоттары умуруоруу уонна харабыллааһын үлэтэ салҕаммыта. Үөһэттэн кэтээн көрүү түмүгэр 2 ойуур уота умуруоруллубута бэлиэтэннэ.

Уопсайа баһаары умуруоруу үлэтигэр 150-чэ киһи ол иһигэр 70 тахса баһаарынай уонна быыһааччы кыттыбыта. Билигин баһаарынайдары атын ойуур баһаарын умуруоруутугар илдьиэхтэрэ.

@nvk_sakha

🌤ТУСКУЛ БИЛГЭТЭ

Тарас Тарасов-Тускул от ыйын 27 күнүттэн атырдьах ыйын 1 күнүгэр диэри Саха сиригэр хайдах күн-дьыл буоларын анаарыыта☀️🌨🌱

@nvk_sakha

Байыаннай дьайыы кыттыылаахтарын дьиэ кэргэттэригэр көмө салгыы оҥоһуллар

Күүрэн-кытаатан хаалбыт ньиэрбэни, уйулҕаны уоскутуу, эти-хааны кытаатыннарыы. Өрөспүүбүлүкэтээҕи реабилитациялыыр кииҥҥэ икки сылтан бэттэх анал байыаннай дьайыы 299 кыттыылааҕа уонна 257 байыас ийэтэ, аҕата көмөнү ыллылар.

Билигин 9 байыас уонна 14 төрөппүт эмтэнэр, сынньанар. Кинилэри быраас көрөн баран, сорохторун терапия араас көрүҥүнэн эмтэнэргэ уонна массажтанарга, эмтээх физкультуранан дьарыктанарга сүбэлиир. Байыастар уонна кинилэр төрөппүттэрэ туһааннаах кииҥҥэ 18 күн доруобуйаларын бөҕөргөтөллөр.

@nvk_sakha

🌲«Тиэргэн»: Тыа хаһаайыстыбатын билимин хандьыдаата Иннокентий Федоров (26.07.24)

Биэриигэ тыа хаһаайыстыбатын билимин хандьыдаата Иннокентий Федоров тиэргэнигэр баар ураты үүнээйитин туһунан сиһилии сырдатта.

@nvk_sakha

🌿☀️👏🏻 Агата Pai толоруутугар Харыстаа диэн ырыаны истиҥ. Бу ырыа, СВО-ҕа сылдьар Агата кэргэнигэр анаммыт. Ырыа тыллара уонна матыыба Инна Донская-Дайаана, аранжировка Андрей Федоров-Тэтим, «Добун» студияҕа уһуллубут.

@nvk_sakha

📚Саҥа, киэҥ уонна аныгы дьиэ - бу "Мир приключений" диэн Дьокуускайдааҕы бибилэтиэкэ кэлэктиибин баҕа санаата. 1969 сыллаахха тутуллубут бибилэтиэкэ, киин куорат Залог түөлбэтигэр турар. Бүтэһигин манна өрөмүөн үлэтэ 2007 сыллаахха ыытыллыбыта.

Кыһыҥҥы кэмҥэ дьиэ иһигэр температура 10 эрэ кыраадыс сылаас буолар. Хаарбах туруктаах эргэ тутуу, кыараҕас коридордаах уонна кырачаан хостордоох буолан, кырачааннарга сөптөөх дьарыктары, куруһуоктары ыытарга табыгаһа суох диэн этэллэр.

@nvk_sakha