📺 Тывада «Школаже белеткениринге дузалаш» деп акция чоруп турар

✍️ Тывада август 1-ден эгелеп, бүгү Россия чергелиг «Школаже белеткениринге дузалаш» деп акция чоруп турар. Хөй ажы-төлдүг болгаш хандырылгазы чегей өг-бүлелерниң чүс-чүс ажы-төлү база амыдыралдың берге байдалдарынга таварышкан уруглар чаа өөредилге чылында чугула дузаны алыр. Өөредилге херекселдерин дачаларның даргалары, солагай талакы дача ниитилелиниң удуртулгазы болгаш Степан Сарыг-оол аттыг ном саңының ажылдакчылары уругларга хүлээткен.

#Тыва24 #Медээлер

📺 Өөредилге чылының байырлыг эгелээшкини

✍️ Кызылда өөредилге адырының ажылдакчыларының август чөвүлел хуралы бөгүн база ажылын уламчылап турар. Кызылдың 20 дугаар школазында болгаш Тываның кадет корпузунда улуг хемчээлдиг хемчеглер эртип турар. Киржикчилер кижизидилге системазының хөгжүлдезин, немелде өөредилгени, школачыларның профессионал угланыышкынын болгаш оон-даа өске айтырыгларны сайгарып турар.

#Тыва24 #Медээлер

📺 Хөй-ниитиниң эки турачы дружиналарының спартакиадазы: спорт болгаш айыыл чок чоруктуң чаңгыс деми

✍️ Кызылга чылдың-на эртип турар Хөй-ниитиниң эки турачы дружиналарының спартакиадазы республиканың аңгы-аңгы кожууннарындан он-он киржикчилерни чыгган. Спортчу хемчег дружиналарның хүннүң-не корум-чурумну болгаш айыыл чок чорукту хандырарынга дузалажып турар болгаш бот идепкейлиг хамааты туруштуң чижээн көргүзүп турар кежигүннерин каттыштырган

#Тыва24 #Медээлер

📺 Барыын-Хемчиктинң 100 чыл оюнга тураскааткан чаа стадион

✍️ Барыын-Хемчик кожуун сентябрь айда 100 чыл оюн демдеглеп эрттиреринге белеткенип турар, аңаа хамаарыштыр Кызыл-Мажалык суурда 1000 олуттуг стадионнуң тудуун тудуп турар. Тываның Баштыңы Владислав Ховалыг тус черниң чурттакчыларынга бо белекти мугур харга тураскаадып кылган. Республика Баштыңы кожуунга барып, объектиниң тудуун хынаан.

#Тыва24 #Медээлер

📺 «Тыва 24». Хүннүң кол болуушкуннары. Башкарыкчызы – Алена Лагбы

✍️ - Владислав Ховалыг Барыын-Хемчик кожууннуң стадионунуң тудуун хынаан.
- Кызылда башкыларның август чөвүлел хуралы ажылын уламчылап турар.
- «Школаже белеткениринге дузалаш» деп акция Тывада уламчылап турар. Солагай талакы эрикте дачаларда баштайгы өг-бүлелер өөредилге херекселдерин алган.
- Тываның найысылалынга Хөй-ниитиниң эки турачы дружиналарының аразынга спартакиада болуп эрткен.

#Тыва24 #Медээлер