📺 Бистиң үрер хөгжүмүвүс Абаканда

✍️ Абаканга «Дыштаныр хүннерниң кудумчузу» деп акция ёзугаар үрер хөгжүм фестивалы болуп эрткен. Байырлал Красноярскының, Хакасияның болгаш бистиң республикавыстың хөйге билдингир хөгжүмчүлерин чаңгыс сценага чыгган. Тыва Республиканың Чазааның чанында үрер хөгжүм оркестри көрүкчүлериниң болгаш аалчыларының хамык кичээнгейин хаара туткан.

#Тыва24 #Медээлер

📺 Чанында эмчи дузазы

✍️ Тывада 2019 чылда эгелээн «Кадык камгалал» национал төлевилел алды чыл тургузунда шалыпкын боттанып келген. Төлевилелдиң кол сорулгазы – кижилерниң кадыкшылын камгалаары, шупту хамаатыларга, ылаңгыя ырак-узак суурларның чурттакчыларынга эмчи ачы-дузазын алыр арганы бээри. Сүт-Хөл кожууннуң Бора-Тайга суурда чаа фельдшер-акушер чери 2021 чылдан эгелеп, суурнуң чурттакчыларынга шалыпкын болгаш шынарлыг эмчи дузазын көргүзүп турар.

#Тыва24 #Медээлер

📺 Стиль болгаш чараш шимчээшкин: Тыва балетмейстер Вячеслав Донгак – чогаадыкчы чоруктуң ёзулуг мастери

✍️ Тываның найысылалынга шылгараңгай балетмейстер, дизайнер, башкы Вячеслав Донгактың ийи дакпыр юбилейинге тураскааткан «Өгбелерниң өнчүзү» деп делегей чергелиг фестиваль болуп эрткен. Ол хемчегге Хамаарышпас күрүнелер каттыжыышкынында чурттардан, Моолдан, Кыдаттан, Мурнуу Кореядан, Турциядан болгаш Россияның регионнарындан салым-чаяанныг хореографтар болгаш дизайнерлер чыылган.

#Тыва24 #Медээлер

📺 «Тыва 24». Хүннүң кол болуушкуннары. Башкарыкчызы – Оюмаа Монгуш

✍️ - Тываның Баштыңы Владислав Ховалыг барыын кожууннарда социал объектилерниң тудуунуң чорудуун хынаан
- «Кадык камгалал» национал төлевилел: чаа фельдшер-акушер пунктулары болгаш көжүп чоруур эмнелге комплекстери аарыг кижилерге ачы-дузазын чедирип турар
- Кызылга «Өгбелерниң өнчүзү» деп делегей чергелиг фестиваль болуп эрткен
- Тываның үрер хөгжүм оркестри Хакасияның көрүкчүлериниң сагыш-сеткилин чаалап алган

#Тыва24 #Медээлер