📺 Мөңгүн-Тайга кожуунда культураның хөгжүлдези

✍️ Кожуунда культурлуг хүрээлелди хөгжүдер талазы-биле ажыл уламчылап турар. «Культура» национал төлевилелдиң ачызында үш объект амгы үениң чаа дериг-херекселдери-биле четчеленип, бедик шынарлыг хемчеглерни эрттирер аргалыг апарган.

#Тыва24 #Медээлер

📺 Тываның Иштики херектер яамызының чеди ай дургузунда кылган ажылының түңнелдери

✍️ 2025 чылда регионнуң Иштики херектер яамызы хамаатыларның айыыл чок чоруун хандырар талазы-биле ажылды чорудуп турар. Кем-херек үүлгедиишкиннерин эвээжедир болгаш хөй-ниити корум-чурумун быжыглаар талазы-биле хемчеглерни алган. Иштики херектер сайыды Юрий Завьялов бо чылдың чеди айының ажыл-чорудулгазының түңнелдериниң дугайында илеткелди кылып, журналистерниң айтырыгларынга харыылаан.

#Тыва24 #Медээлер

📺 Кышты канчаар уткуур бис?

✍️ Тыва кел чыдар одалга сезонунга шалыпкын белеткенип турар. Республиканың эрге-чагыргазы, кышкы үеде чылыг хандырылгазының үзүктел чок ажылдаарын болдурар дээш, хемчеглерни чорудуп турар. Эргижирээн дериг-херекселдерни чаартырынче база одаар чүүлдүң курлавырларын тургузарынче онза кичээнгейни угландырган.

#Тыва24 #Медээлер

📺 Каа-Хем кожуунда өрттерниң байдалы

✍️ Тываның Чазаа байдалды хыналдада алган, ынчалза-даа өрттер талазы-биле байдал чидиг хевээр арткан: агаар-бойдус чаа өрттерниң хып үнеринге таарымчалыг байдалды тургузуп турар. Каа-Хем кожуунда камгалакчылар болгаш чурттакчы чон өрт-биле демиселди уламчылап турар.

#Тыва24 #Медээлер

📺 «Тыва 24». Хүннүң кол болуушкуннары. Башкарыкчызы – Оюмаа Монгуш

✍️ - Регионнуң Иштики херектер яамызы чеди ай дургузунда кылып чоруткан ажылының түңнелдерин үндүрген.
- Тывада өрттер талазы-биле байдал чидиг хевээр арткан. Бистиң тырттырар бөлүүвүс республиканың бир кожуунунга барып, когараан чон-биле ужурашкан.
- Тывада кышка белеткел кидин түлүк чоруп турар.
- «Культура» национал төлевилелдиң ачызында Мөңгүн-Тайга кожуунда культураның болгаш уран чүүлдүң үш объектизи чаарттынган.

#Тыва24 #Медээлер