20 снежня 2025 года "Настаўніцкая газета" адзначыць юбілейны выхад першага нумара. Роўна за год да гэтай знамянальнай даты мы пачынаем рубрыку "80 гадоў разам"

📚 Вас чакае сустрэча з педагогамі, установамі адукацыі, матэрыялы пра якіх ужо выходзілі на старонках нашага выдання ў ранейшыя дзесяцігоддзі. Праводзячы паралель з мінулым, мы будзем расказваць пра захаванне айчыннай сістэмай адукацыі лепшых традыцый выхавання і навучання маладога пакалення.

Першым героем рубрыкі стане Валянціна Рахманава з Рэчыцы. Нядаўна жанчына адсвяткавала 85-ы дзень нараджэння. Амаль роўна 55 гадоў назад, у лютым 1970-га, пра яе, 30-гадовую настаўніцу англійскай мовы, пісала любімая "Настаўніцкая газета". Той нумар з чорна-белым фотаздымкам і невялікай тэкстоўкай-подпісам педагог беражліва захоўвае як сапраўдную рэліквію разам са старымі школьнымі фотаальбомамі і асабістымі граматамі.

Разам з Валянцінай Пятроўнай, яе былымі і сённяшнімі калегамі мы пагартаем пажаўцелы нумар "Настаўніцкай", прачытаем навіны сістэмы адукацыі, матэрыялы да 25-годдзя Вялікай Перамогі, азнаёмімся з перадавым на той час педагагічным вопытам і, канечне, пагаворым пра настаўніцкі вопыт самой Валянціны Пятроўны.

📍 Пройдзе наша цёплая размова ў будынку сярэдняй школы № 4 Рэчыцы, дзе жанчына доўгі час працавала намеснікам дырэктара і які для яе, як і для соцень педагогаў і вучняў розных пакаленняў, стаў другім домам.

Матэрыял чытайце заўтра ў "Настаўніцкай".

Міжінстытуцкі фестываль "Шляхі ўдасканалення дзейнасці ўстаноў дадатковай адукацыі дарослых" прайшоў у Акадэміі адукацыі

✔️ Мерапрыемства стала ўжо традыцыйным і аб’яднала прарэктараў, прадстаўнікоў прафесарска-выкладчыцкага складу, кіраўнікоў структурных падраздзяленняў і метадыстаў рэгіянальных інстытутаў развіцця адукацыі. Вітала ўдзельнікаў фестывалю прарэктар па вучэбнай рабоце Акадэміі адукацыі Ірына Дзюба.

Ярка і пераканаўча, змястоўна і дынамічна прадставілі свае лепшыя напрацоўкі пад назвай "Ведаем як... Навучым!" каманды інстытутаў. Сярод форм работы ў міжкурсавы перыяд — як традыцыйныя, так і нестандартныя інавацыйныя.

Так, як прымяняць фрэймворк "Акталіз" для эфектыўнай матывацыі педагогаў, прадэманстравалі прадстаўнікі Брэсцкага абласнога ІРА. Гродзенскі абласны ІРА прадставіў сучасныя метады прафарыентацыйнага кансультавання навучэнцаў 8—11 класаў. Сярод эфектыўных прыёмаў Мінскага гарадскога ІРА — кросенс, кейс-стады, а для пачынаючых настаўнікаў — індывідуальныя кансультацыі, дуэтныя ўрокі і інш. Удзельнікі мерапрыемства ўбачылі, як рэалізуецца на практыцы прыём "Слаёны пірог".

🧩 Прадстаўнікі Гомельскага абласнога ІРА прэзентавалі такую форму прафесійнага развіцця педагогаў, як фестываль. Пераможца нядаўняга абласнога фестывалю прафесійнага майстэрства настаўнікаў, якія вядуць заняткі па прадмеце "Асновы бяспекі жыццядзейнасці", настаўніца сярэдняй школы № 5 Рагачова Наталля Пусянкова прадставіла метад сітуацыйнага мадэлявання, які паспяхова выкарыстоўваецца на вучэбных занятках.

Фотофакт. 35 человек получили премию Гомельского облисполкома во время областного новогоднего бала

▫️ По инициативе главы государства седьмой год подряд проводятся новогодние балы, участниками которых становится талантливая и трудолюбивая молодежь.

В праздничном зале звучали мелодии полонеза, падеграса, вальса. 40 пар юношей и девушек в атмосфере торжества, красоты и элегантности источали благородство, достоинство, честь, грацию.

🎗 Приятным моментом стало награждение 35 учащихся, которые получили из рук председателя Гомельского облисполкома Ивана Крупко премию облисполкома за успешную учебу, творческие и спортивные достижения.