Իլհամ Ալիևը վախենում, սարսափում է Հայաստանի կողմից ռևանշից, Արցախի ազատագրումից, ու այդ սարսափը նա չի կարողանում թաքցնել։

"Ադրբեջանին պետք են կայուն երաշխիքներ, որ Հայաստանում ռևանշիզմի փորձեր չեն լինի",- հայտարարել է Ալիևը։

Ռևանշ լինելու է։ Նիկոլին դատելուց հետո զբաղվելու ենք Արցախի ազատագրությամբ։

Արարատի մարզի Սուրենավան գյուղում թափառող շները հարձակվել են դպրոց գնացող երեխաների վրա և սպանել 7 տարեկան երեխայի։

Վերջին օրերին հաճախ են մտերիմներս հետաքրքրվում, թե ինչու չեմ երևում հանրության մեջ։ Շահարկումներից զերծ մնալու համար պարտավոր եմ հայրենակիցներիս տեղեկացնել, որ ուղիղ մեկ ամիս առաջ' նոյեմբերի 5-ին, բարձրությունից ընկնելու հետևանքով կոտրվել են երկու ոտքերս, և տևական ժամանակ վերականգնողական բուժում եմ անցնում։

2024-ի փետրվարին Ադրբեջանում տեղի կունենա արտահերթ նախագահական ընտրություն։

Նախագահ դառնալու մարմաջով տառապող Նիկոլ Փաշինյանն ունի բոլոր իրական հնարավորությունները՝ իրականացնելու իր երազանքը։ Էլ ո՞վ է այդքան ծառայություններ մատուցել Ադրբեջանին, ինչքան Նիկոլը։

Վստահ եմ, ձայների 90%-ով Նիկոլը կդառնա Ադրբեջանի նախագահ, եթե դնի իր թեկնածությունը, մանավանդ որ նրա ՔՊ-ում շատ կան Ադրբեջանում ծնված կամ Ադրբեջանով ոգևորված մանկլավիկներ։ Միանգամից երկու հաջողության կհասնեն՝ համ կդառնան Ադրբեջանի իշխանություն, համ էլ կազատվեն հայ ժողովրդի առաջիկա դատաստանից։

Ադրբեջանը հրապարակել է ազատ արձակված հայ գերիների անունները.

1. Ավագյան Հրաչ Արզումանի
2. Սերոբյան Գեղամ Սամվելի
3. Հովհաննիսյան Հայկազ Կորյունի
4. Թոսունյան Լևոն Աշոտի
5. Բաղդասարյան Արթուր Էդուարդի
6. Ստեփանյան Դավիթ Ստեփանի
7. Հերաբյան Հրայր Հրաչի
8. Միքայելյան Անդրանիկ Վազգենի
9. Ավագյան Սերոբ Սուրենի
10. Կոստանյան Նարեկ Աղայի
11. Հարությունյան Վարազդատ Սերյոժայի
12. Մարտոյան Մանուկ Հովհաննեսի
13. Վարդանյան Արսեն Արայիկի
14. Դիլանյան Արման Վազգենի
15. Թադևոսյան Հրայր Վարդանի
16. Բահրիկյան Վահագան Էդիկի
17. Արամյան Կարեն Արմենի
18. Սուքիասյան Անդրանիկ Սրապի
19. Մարտիրոսյան Գևորգ Սամվելի
20. Կիրակոսյան Էդուարդ Արմենի
21. Գևորգյան Ռոբերտ Հովիկի
22. Եղիազարյան Սասուն Սեյրանի
23. Հակոբյան Վոլոդյա Գագիկի
24. Ավագյան Տիգրան Մանիկի
25. Սաղաթելյան Գրիգոր Սեյրանի
26. Ավետիսյան Վաղարշակ Աշոտի
27. Ռաֆայելյան Վլադիմիր Օթարի
28. , Սարգսյան Իշխան Աշոտի
29. Հովակիմյան Հարություն Յուրիկի
30. Ղազարյան Կարեն Աշոտի
31. Ոսկանյան Գագիկ Աշոտի
32. Էուլջեքչյան Վիգեն Աբրահամի

Ադրբեջանի ու Հայաստանի իշխանությունների ամենաբարձր մակարդակով պայմանավորվածություն է ձեռք բերվել գերիների փոխանակման և քաղաքական համագործակցության վերաբերյալ։

Ուրախալի է, որ Ադրբեջանը վերադարձնում է 32 հայ գերիների։

Ադրբեջանը, սակայն, փորձում է Հայաստանի հետ բանակցությունները դուրս հանել այլ երկրների վերահսկողությունից ու բերել դեմ առ դեմ քննարկումների դաշտ, որտեղ փաստացի կլինեն մի կողմից Հայաստանը, մյուս կողմից՝ Ադրբեջանն ու Թուրքիան։

Սա մեզ որևէ ցանկալի արդյունք չի տա, ինչքան էլ մեզ փորձեն համոզել, թե Ռուսաստանը, ԱՄՆ-ն կամ մյուս գերտերությունները հեռու են, և մենք պետք է հույս դնենք միայն տարածաշրջանային երկրների վրա։ Տարածաշրջանային 4 երկրներից 2-ի ռազմավարական փաստաթղթերում հստակ գրված է Հայաստանի պետականության ոչնչացում։ Այդպիսի երկրների հետ հնարավոր չէ միայնակ նստել բանակցության սեղանի շուրջ ու պայմանավորվել, եթե, իհարկե, քո երկրի ղեկավարը դավաճան կամ հիմար չէ։

Կրկնում եմ, լավ է, որ մեր գերիների մի մասին Ադրբեջանը վերադարձնում է հայրենիք, բայց վախենամ՝ թշնամին թուլացնում է մեր զգոնությունը, որ առաջիկա շաբաթներին կոնկրետ գործողությունների անցնի։

17-րդ դարում Անգլիայում գոյություն ուներ սեփական մեղքերը վաճառելու սովորույթ, և որոշ գումարի դիմաց ուրիշներին էին հանձնում իրենց հանցանքների պատասխանատվությունը։ Իսկ հրեական հուդայական կրոնում կար «քավության նոխազ» երևույթ, երբ մարդկանց մեղքերի համար ընտրում էին մի այծ ու դրա ուսերին բարդում ամեն ինչ, հետո այդ այծը (նոխազը) բաց թողնում անապատում՝ հույսով, որ դա իր հետ տանում է իրենց մեղքերը։

Իր գոյության բոլոր ժամանակներում մարդկությունը փորձում է ուրիշի վրա բարդել իր գործած մեղքերը և խուսափել պատասխանատվությունից։ Հայաստանում դա հիմնականում արտահայտվել է եկեղեցիների կառուցումը հովանավորելով, երբ մարդիկ կյանքի մայրամուտին եկեղեցի են կառուցել՝ հույսով, թե Աստված կների իրենց մեղքերը։ Եկեղեցին, իհարկե, դարձել է ազգի պատմական ժառանգություն, բայց դրանով ժամանակի օլիգարխի մեղքերը չեն ներվել Բարձրյալի կողմից։

Մեր օրերում մարդիկ ընտրել են ավելի հեշտ տարբերակ։ Ամեն ինչի համար նախկիններն են մեղավոր, նույնիսկ եթե այդ մեղքը դու ես գործել, միևնույն է, նախկիններն են մեղավոր։ Այդպես ավելի հեշտ է՝ ոչ փող ես ծախսում, ոչ զոհաբերություն անում, ոչ եկեղեցի կառուցում։ Մանավանդ եթե մեղք գործածն էլ Աստծուց հեռու է, առավել ևս սատանայապաշտ, ապա բոլոր մեղքերը գործում է առանց խղճի խայթի։

100․000 դրամ միանվագ վճարումների մասին․

Սիրելի Արցախցիներ, ՀՀ Աշխատանքի և սոցիալական հարցերի նախարարությանը նոյեմբերի 16-ին պաշտոնական գրություն էի ուղարկել տեղահանվածներին հասանելիք 100․000 ՀՀ դրամ միանվագ օգնության խնդիրների հետ կապված։ Մասնավորապես, օնլայն հայտերը լրացնելիս համակարգը հաճախ պատասխանում է, որ տվյալները մշակման փուլում են, և դա ձգվում է տևական ժամանակ։ Մի քանի տասնյակ ընտանիքներ դեռեւս չեն ստացել գումարը։ Նախարարությանը խնդրել եմ հստակ պատասխանել, թե ինչպես են լուծվում 100․000 դրամ աջակցության համակարգի տեխնիկական կամ այլ խնդիրները, Արցախի քաղաքացիները ե՞րբ և ինչպե՞ս կարող են ստանալ 100.000 ՀՀ դրամի միանվագ աջակցության իրենց հասանելի գումարները։

ՀՀ Աշխատանքի և սոցիալական հարցերի նախարարության դեկտեմբերի 8-ի պաշտոնական պատասխանում նշված է, որ արդեն 109,395 անձի վճարվել է գումարը, բայց դեռևս կան անձինք, որոնց վճարվելու է միանվագ դրամական սոցիալական աջակցություն:

Նախարարությունը միաժամանակ դեկտեմբերի 8-ի պատասխանում տեղեկացնում է, որ եթե որոշ մարդկանց տվյալներ չեն ներառվել վճարման ցուցակ, ապա անձը կարող է գրավոր դիմել Միասնական սոցիալական ծառայություն։

Արցախցիների անձնագրերի մասին․

2023թ. սեպտեմբերի 19-ին Ադրբեջանի ահաբեկչական հարձակման հետևանքով ժամանակավորապես բռնի տեղահանված Արցախցիների փաստաթղթերի մասին պաշտոնական հարցում էի ուղարկել ՀՀ ՆԳՆ՝ պարզելու նաև, թե արդյո՞ք Արցախի Հանրապետության քաղաքացիների մասին տվյալներ կան ՀՀ բնակչության ռեգիստրում։

ՀՀ ՆԳՆ Միգրացիայի և քաղաքացիության ծառայության պետ Արմեն Ղազարյանի ստորագրությամբ ստացված պաշտոնական պատասխանում նշվում է, որ ՀՀ կառավարության 26․10․2023թ․ թիվ 1864-Ն որոշման Հավելված 1-ի 1-ին կետի համաձայն՝ ժամանակավոր պաշտպանություն ստացած փախստականի անձը հաստատող փաստաթուղթ են անձնագիրը, որի ծածկագիրը տպագրվում է կամ տպագրված է բացառապես 070 կոդով և ժամանակավոր պաշտպանության /փախստականի/ վկայականը։ 070 ծածկագրով անձնագիր ունեցող անձանց անհատական տվյալները հաշվառված են Լեռնային Ղարաբաղի բնակչության ռեգիստրում, որին հասանելություն ունի ՀՀ ՆԳՆ Միգրացիայի և քաղաքացիության ծառայությունը։

Սիրելի Արցախցիներ, եթե ունեք 070 կոդով անձնագիր, ապա ըստ ՀՀ ՆԳՆ ՄՔ պաշտոնական գրության՝ ձեզնից յուրաքանչյուրի տվյալները կան բնակչության ռեգիստրում, հետևաբար կարող եք վերականգնել ձեր փաստաթղթերը։

2023-ի սեպտեմբերի 19-ին, երբ Ադրբեջանը ահաբեկչական հարձակում էր սկսել Արցախի դեմ, ուշ երեկոյան ինձ գրեց առաջնագծում' Կաշենի մոտ ծառայող մի ծանոթ աղջիկ ու ասաց, որ իրենք շրջափակման մեջ են, հույս չկա, թե ողջ կմնան։ Դրանից հետո այլևս նրա հետ որևէ շփում չեղավ։ Կապը կտրվեց։

Իսկ նա այնքան նպատակներ ու երազանքներ ուներ։

Արցախցի այդ աղջկա նման մեր շատ հայրենակիցներ են զոհվել հայրենիքի համար մղված պայքարում' զոհվելուց ժամեր առաջ նույնիսկ չկասկածելով, որ շուտով ընդհատվելու է իրենց կյանքի թելը։ Մեզանից ոչ ոք չգիտի, թե ինչ տեղի կունենա օրեր, գուցե ժամեր հետո, ու մենք կազմում ենք ծրագրեր, մեր առաջ դնում ենք նպատակներ' չիմանալով, թե արդյո՞ք քիչ հետո մեր կյանքի թելն էլ չի կտրվելու։

Նույնկերպ նաև երկրների իշխանություններին է։ Նախագահները, նախարարներն ու վարչապետներն էլ չգիտեն, թե արդյո՞ք իրենք առավոտյան կարթնանան, ու եթե արթնանան էլ, արդյո՞ք հաջորդ գիշերը կկարողանան գլուխը բարձին դնել ու քնել։ Բայց չիմանալով հանդերձ' կազմում են ծրագրեր, քանդում են պետություններ, դժբախտացնում ժողովուրդների, ագահաբար հարստանում ու մտածում սեփական իշխանությունը երկարաձգելու մասին։

Սիրելի հայրենակիցներ, երբեք մի հուսահատվեք չարքերի գոյության համար ու մի մտածեք, թե նրանք հավերժ են, որովհետև չգիտեք, թե վաղը ինչ տեղի կունենա։ Ոչ ոք ապահովագրված չէ, ոչ ոք հավերժ չէ, ոչ ոք ամենակարող չէ։

Ամենակարող է միայն Աստված, իսկ Աստծո գործերն անքննելի են։

Ռուսաստանի երկու քաղաքացիներ Հայաստանում խուլիգանական արարք են արել ու դա նկարահանել, տարածել համացանցում։ Մեր ոստիկանությունն էլ նրանց ձերբակալել է։

Յուրաքանչյուր երկրում կան հիվանդագին սովորույթներ ունեցող մարդիկ, հանցագործներ, սրիկաներ, որոնք իրենց դեմքը ցույց են տալիս նաև այլ երկրներում։ Երկու ռուսաստանցիների արարքը զզվելի ու անհանդուրժելի է, բայց վախենամ՝ սրա հետևում կոնկրետ կազմակերպված գործոններ կան։

Ես շարունակում եմ հիշել դեռևս 2021-ի հունվարին Հայաստանի իշխանության սրտի օլիգարխներից մեկի խոսքերը, երբ ինձ ասաց․ «Մենք ժողովրդին աստիճանաբար կտրամադրենք Ռուսաստանի դեմ այնքան, որ մի գեղեցիկ օր հենց ժողովուրդը ոտքի կկանգնի ու զանգվածային ցույցերով կպահանջի, որ ռուսները իրենց բազաներով հեռանան այստեղից։ Մեր հարևանը Թուրքիան է»։

Այս ծանր օրերին, երբ Ռուսաստանի քաղաքական իշխանության անգործության հետևանքով Արցախը հայաթափվեց այն դեպքում, երբ ամբողջ Արցախահայության միակ հույսը մնացել էր հենց Ռուսաստանը։ Ու հայերի ընդհանուր այս զայրույթի ֆոնին հանկարծ Երևանում հայտնվում են Ռուսաստանի քաղաքացիներ, որոնք ծաղրում են մեր հայրենակիցներին, տարեց տատիկին սպառնում ծեծի ենթարկել։ Փորձեք նայել երևույթի խորքը, որտեղ հայ ազգի սրտի նուրբ լարերին կպնող քայլեր են՝ հայ տատիկին ծաղրի ենթարկել, հայհոյել ծաղկավաճառ կնոջը, մրգեր շպրտել հայ կնոջ վրա։ Էլ ի՞նչ է պետք, որ հայերն սկսեն ատել ռուսաստանցիներին։

Իսկ Ռուսաստանի այդ քաղաքացիները ի՞նչ ազգություն ունեն։ Դա ճշտե՞լ է Հայաստանի ոստիկանությունը։ Փորձե՞լ է որևէ մեկը պարզել, թե ով է այդ հանցագործներին պատվիրել նման արարք։ Թե՞ ով պատվիրել է, նա երբեք չի հարցնում պատվիրատուի անունը։

Միջնադարյան հայ բանաստեղծ Ֆրիկն ասում է' երբ մարդու ժամանակը ծռվում է, նա երեսնիվայր գլորվում է։

Հիմա մեր երկրի ու ժողովրդի ժամանակը ոչ միայն ծռվել է, այլև սլաքները դուրս են եկել իրենց տեղից ու մեզ թողել անժամանակ' երեսնիվայր ընկած։ Ժամանակի բացակայությունը կործանում է ամեն ինչ' պայքարը, գալիքի տեսլականը, բարոյականությունը, արժանապատվությունը, հայրենասիրությունը։

Ժամանակը սպանողները սպանում են ապագան։

Բայց մենք ոտքի կկանգնենք անպայման, ու դրա համար մենք նախ ձևավորում ենք ժամանակը ճիշտ ընկալող ազգային գործիչներ, որոնք կդառնան ժամանակի սլաքները։

Մի հուսահատվիր։ Ժամանակը մոտ է, ու մենք կտեսնենք, կմասնակցենք անդունդի հատակից դեպի վերև սլանալուն։ Դու միայն լույսը մի կորցրու։

Արգենտինայի նոր նախագահի տարօրինակությունները.

-Խավիեր Միլեյը խնդրել է նախագահական գավազանի վրա պատկերել իր 5 կլոն շներին, -կառավարության անդամները առաջին անգամ երդվել են գաղտնի, առանց մամուլի և հեռարձակման;
-երկրի արդարադատության նորանշանակ նախարարը մեկ ամիս բանտում է անցկացրել ապացույցները թաքցնելու համար, անվտանգության նախարարությունը գլխավորել է քաղաքական գործիչը, որը չի կարողացել անցնել ընտրությունների երկրորդ փուլ, իսկ արտաքին գործերի նոր նախարար Է դարձել տնտեսագետը, որը դիվանագիտական փորձ չունի;
-մարդկային կապիտալի (կրթություն, մշակույթ, Սոցիալական քաղաքականություն) նախարարությունը կղեկավարի լրագրող, որը չունի կառավարչական որևէ փորձ;
-իր քարտուղարության ղեկավար Միլեյը նշանակել է քրոջը։

@ArmeniaSputnik

Ցավակցում եմ Արգենտինային։

Այսօր Ադրբեջանից տուն են վերադառնում 32 հայ ռազմագերիներ։

Դա լավ լուր է։ Յուրաքանչյուր հայ մարդ կարևոր է մեզ համար։ Բայց կարևոր է նաև իմանալ, որ Ադրբեջանը նրանց մեծ մասին դատապարտել է երկարատև ազատազրկման տարբեր հանցանքների ու ահաբեկչության անվան տակ։

Դա թշնամու գործելակերպն է, որով փորձում է աշխարհին ցույց տալ, թե իր մոտ ոչ թե ռազմագերիներ են, այլ ահաբեկիչներ։

Հարց. ի՞նչ են պայմանավորվել Հայաստանի և Ադրբեջանի իշխանությունները դատապարտված գերիների առումով։

Կարևոր է, որ Հայաստանում նրանք ազատ արձակվեն, ոչ թե պատիժ կրեն չգործած հանցանքի համար, միայն թե Ալիև-Փաշինյան պայմանավորվածությունը կատարվի։

Ինչպես սպասվում էր, Հայաստանին դեմ առ դեմ բանակցության բերելուց հետո Ադրբեջանն անցավ հաջորդ փուլին' գործի մեջ ներքաշելով Թուրքիային։

Դա նշանակում է մեկ բան' թուրք-ադրբեջանական ոհմակի բերանում տեղավորել միայնակ մնացած Հայաստանը։

Այո, մենք հիմա լրիվ մենակ ենք։ Հայաստանի իշխանությունը հետեւողական կատարեց Արևմուտքի ու Ադրբեջանի պահանջները' թշնամանալ Ռուսաստանի հետ։ Հիմա փաստացի չկա հայ-ռուսական բարեկամական դաշնակցային հարաբերություն, ԱՄՆ -ն, Մեծ Բրիտանիան ու Ֆրանսիան խոսքերից բացի այլ բան չեն անում։ Դա պարզ է ի սկզբանե։ Եթե որևէ մեկին թվում է, թե Ֆրանսիան մեզ լուրջ զենքեր կտա, չարաչար սխալվում է։ Մի քանի զրահամեքենա կուղարկեն ու խաղաղության մղումներով ամեն ինչ կավարտվի։

Մենք փաստացի մենակ ենք։ Ուզենք թե չուզենք, այդպես է, և այդ պարագայում Հայաստանի իշխանությունը մեր երկիրը տանելու է թշնամու երախում տեղավորելու։