ПАЛЯВÁЦЬ (palavać)
(дзеяслоў, незакончанае трываньне)

1. На каго, каго і без дапаўненьня Займацца паляваньнем.

 🔸— Той, хто хоча паляваць на вялікую зьверыну, павінен мець і вялікую цярплівасьць... (Пасьлядовіч)

2. За кім, на каго. Высочваючы, імкнуцца напасьці на чый-н. сьлед, злавіць каго-н.

🔸— Не, — адказаў Былінскі — Вы для гэтае справы не падыходзіце. За вамі гестапа даўно палюе. (Гурскі)

3. Пераноснае значэньне; на што. Размоўнае слова: імкнуцца здабыць, атрымаць, украсьці што-н.

🔸Асабліва ўдала Лукаш умеў паляваць на каўбасы або сыры. (Лобан)

#беларусь #беларуский #belarus #беларускийязык #минск

Як сказаць па-беларуску "За ушами трещит"?

🔸Аж нос гайдука скача (гайдук — від пляскі)
🔸Аж нос у прысядкі гуляе (ідзе)
🔸Аж нос угінаецца
🔸Аж вушы трашчаць
🔸Мала вочы не павылазяць

#беларусь #беларуский #belarus #беларускийязык #минск

НЕСПАДЗÉЎКА (niespadzieŭka)
(назоўнік, жаночы род)

Размоўнае слова: нечаканы, непрадбачаны выпадак, здарэньне і пад.

🔸Параход так раўнуў, што Сашка ад неспадзеўкі аж прысеў. (Даніленка)
🔸Для мяне прапанова выступіць была неспадзеўкаю, і я неяк аж зьбянтэжыўся. (Сабаленка)

#беларусь #беларуский #belarus #беларускийязык #минск

ЗВАЖÁЦЬ (zvažać)
(дзеяслоў, незакончанае трываньне)

Зьвяртаць увагу на каго-, што-н., надаваць значэньне каму-, чаму-н.

🔸Даходзілі да Кастуся чуткі пра тое, што вучыцца там [у сэмінарыі] нялёгка, выкладчыкі муштруюць вучняў, але ён на гэта зважаў мала. (С. Александровіч)

#беларусь #беларуский #belarus #беларускийязык #минск

ГРУВÁСТКІ (hruvastki)
(прыметнік, мужчынскі род)

Вельмі вялікі, грузны, масіўны.

🔸Першыя радыёпрыёмнікі былі з ладны чамадан, вялікія і грувасткія. (Шыловіч)

#беларусь #беларуский #belarus #беларускийязык #минск

На дабранач 🧡

ГНУТКІ (hnutki)
(прыметнік, мужчынскі род)

1. Здольны лёгка гнуцца; гібкі.

🔸Пад хатаю тонкая рабіна
Да клёна хіліць гнуткі стан. (Ляпёшкін).
🔸Гусі шчыпалі мураву жоўтымі дзюбамі. Часта схілялі нізка, над самаю муравою, свае доўгія белыя гнуткія шыі і, выцягваючы іх на ўсю даўжыню, сіпелі ў бок на дзяцей. (Галавач).

2. Пераноснае значэньне: багаты адценьнямі, зьменлівы ў сваім руху (пра голас, мову і пад.).

🔸Гнуткі голас артыста лёгка зьліўся з цудоўным вакальным малюнкам вобраза. («Беларусь»).
🔸Антон Корж — чалавек гнуткага розуму і дыялектычнага мысьленьня. (Лойка).

#беларусь #беларуский #belarus #беларускийязык #минск

Чароўная нашая беларуская мова нават такія слоўцы мае 🌿 Якраз для гэтага сонечнага і цёплага красавіцкага надвор’я ☺️

УМÁІЦЬ (umaić)
(дзеяслоў, закончанае трываньне)

Аздобіць першаю вясноваю зелянінаю.

🔸І хаты майскім дзераўцом не ўмаіў селянін, як прадзеды умайвалі, як вучыць абычай... (Купала)

🔸І вясна хоча плошчы ўмаіць у зелень каштанаў. (Танк)

#беларусь #беларуский #belarus #беларускийязык #минск

КРÁТАЦЦА (kratacca)
(дзеяслоў, незакончанае трываньне)

1. Рухацца, варушыцца.

🔸Ледзь-ледзь краталася толькі бляшанае лісьце асін. (Броўка)
🔸На левай вудзе кратаўся паплавок. (Ваданосаў)

2. Пераноснае значэньне: абуджацца, узьнікаць (пра пачуцьці, думкі і пад.).

🔸Стараста быў узбуджаны і ўсхваляваны, але гэта ўсё не дасягала глыбіні душы, і недзе ў схаваным кутку краталася радасьць. (Самуйлёнак)

#беларусь #беларуский #belarus #беларускийязык #минск

УСУТЫЧ (usutyč)
(прыслоўе)

Вельмі блізка, ушчыльную.

🔸Пачатак наступленьня быў ўдалы: за першыя суткі прарвалі адну моцную лінію абароны і падышлі ўсутыч да другой. (Мележ)

#беларусь #беларуский #belarus #беларускийязык #минск

​🇧🇾🇧🇾 Члены семьи :: Словарь белорусского 🇧🇾🇧🇾

Мать - Маці
Отец - Бацька
Брат - Брат
Сестра - Сястра

Сын - Сын
Дочь - Дачка
Родители - Бацькі
Дети - Дзеці
Ребёнок - Дзіця

Мачеха - Мачыха
Отчим - Айчым
Сводная сестра - Зводная сястра
Сводный брат - Зводны брат

Зять - Зяць
Невестка - Нявестка
Жена - Жонка
Муж - Муж

#беларусь #беларуский #belarus #беларускийязык #минск

Колькі словаў на доўгія выходныя 💛 Зычым вам сонейка і цяпла 🌞

#беларусь #беларуский #belarus #беларускийязык #минск

ЯСІК (jasik)
(назоўнік, мужчынскі род)

Маленькая падушка.

🔸Тата бухае сяньнік на ложак, мама засьцілае прасьціною, зьверху новаю посьцілкаю, кладзе горачкай падушкі і на самы верх — маленечкі ясік, вышыты валошкамі. (Каліна)
🔸У спальні стаялі два нікеляваныя ложкі, засланыя квяцістымі капамі, на іх — пышныя падушкі з маленькаю наверсе — ясікам. (Пальчэўскі)

#беларусь #беларуский #belarus #беларускийязык #минск

УСЛÓН (usłon)
(назоўнік, мужчынскі род)

Пераносная лаўка на ножках у сялянскай хаце.

🔸Табурэтак на ўсіх не хапае і прыходзіцца ўнесьці зь сяней доўгі ўслон. (Навуменка)
🔸Малым прысьніўся дзіўны сон,
Што нехта, у шынялі паходным,
Прыйшоў, як бацька, сеў на ўслон
І стаў пытаць пра ўсё лагодна. (Танк)

#беларусь #беларуский #belarus #беларускийязык #минск

А як гэтая птушка завецца ў вас?

#беларусь #беларуский #belarus #беларускийязык #минск

Вось і надышоў апошні дзень лета 🌞 Правядзём яго такім цёплым і адначасова журблівым словам 🪽

Зычым вам, каб да наступнага лета вы не пасьпелі моцна стаміцца ад холаду і атрымлівалі асалоду ад кожнага дня 💛

ВЫРАЙ (vyraj)
(назоўнік, мужчынскі род)

1. Цёплы край, куды вылятаюць на зіму пералётныя птушкі.

🔸Той год птушкі доўга не адляталі ў вырай: стаяла цёплая, пагодлівая восень. (Грамовіч)

2. Чарада пералётных птушак.

🔸Высока ў небе, працяжна курлыкаючы, ляцеў жураўліны вырай. (Якімовіч)

#беларусь #беларуский #belarus #беларускийязык #минск