Бастыҥнар хамсааһыннара инники үлэлэригэр олук ууруо

🫰Бүгүн улуус баһылыга Никита Андреев Василий Филиппов аатынан гимназияҕа Россиятааҕы оҕолор уонна ыччаттар “Бастыҥнар хамсааһыннара” диэн хамсааһын чэрчитинэн, оскуола бастыҥ үөрэнээччилэрин кытары көрүстэ. Тэрээһиҥҥэ улууспут бары оскуолаларын бастыҥ оҕолоро кытыннылар.

🗣Никита Викторович оҕолор бу хамсааһыҥҥа тирэҕирэн улуус, өрөспүүбүлүкэ эрэ буолбакка Бүтүн Россия үрдүнэн суолталаах боппуруостары быһаарарга бэйэлэрин кылааттарын киллэриэхтэрин сөбүн ыйда. Төрөөбүт дойдуларын историятын, олоҕун-дьаһаҕын, дьонун-сэргэтин туһунан сырдатыыга ураты болҕомто ууралларыгар сүбэлээтэ. Куйаар ситимин нөҥүө ыытыллар үөрэхтэргэ, семинардарга көхтөөхтүк кыттан, билиилэрин хаҥатыннахтарына инники олохторугар, үлэлэригэр-хамнастарыгар улахан туһалаах буоларын эттэ.

👩‍💻✍️Хардарыта кэпсэтиигэ оҕолор толлон, кыбыстан турбакка долгутар, мунаарар боппуруостарын интэриэһиргэстилэр, баҕа санааларын тириэртилэр. Холобур, үөрэх сынньалаҥын кэмигэр лааҕырдары тэрийэн үлэлэтэр көдьүүстээх буоларын эттилэр. Оскуоланы бүтэрээччилэр инники идэни талалларыгар үрдүк үөрэх кыһатыгар миэстэтигэр тиийэн билсэллэрин, Бэрдьигэстээххэ арыллыбыт цифровой технология колледжыгар туттарсар баҕалаахтарын, оскуола бастыҥ оҕолоругар туспа форма эбэтэр эмблема баар буоларын, урбаанньыттары кытар көрсөн, бизнес эйгэтигэр кэпсэтиэн баҕаралларын, оскуола массыынатыгар көрүллэр уматыгы элбэтэллэрин о.д.а. олус наадалаах боппуруостары интэриэһиргэстилэр.

🤩Өрөспүүбүлүкэҕэ ыытыллаары турар "Муус устар-2024" фестивальга кыттар баҕалаахтарын эттилэр.

💬Оҕолор боппуруостарыгар улуус баһылыгыттан ураты үөрэх управлениетын начаалынньыга Варвара Сметанина, ыччат политикатыттан кылаабынай исписэлииһэ Сардана Максимова, “Бастыҥнар хамсааһыннарын” салайааччыта Ия Заровняева хоруйдаатылар.

#муусустар2024

✍️Вячеслав Алексеев
@silatrudagorny