🎶🎤 Канцэртная праграма майстроў мастацтваў «Не будзіце салдат, якія заснулі» адбываецца ў суправаджэнні Прэзідэнцкага аркестра Рэспублікі Беларусь пры ўдзеле вядучых калектываў і выканаўцаў айчыннай эстрады.

✍️ Увазе публікі прадстаўленая музычная пастаноўка, якая распавядае аб лёсах чатырох удзельнікаў баявых дзеянняў, якія сустрэліся ў першыя дні вайны і разам прайшлі скрозь гады ліхалецця.

🏛 Сачыце за навінамі разам з «Культурай і Мастацтвам».

10 мая, 19:00, на вялікай сцэне Нацыянальнага акадэмічнага драматычнага тэатра імя Якуба Коласа адбудзецца прэм’ера ваеннай драмы «Сотнікаў» паводле аднайменнай аповесці Васіля Быкава.
Паказ першага спектакля прысвячаецца Дню Перамогі савецкага народа ў Вялікай Айчыннай вайне.

Двое партызан – Барыс Сотнікаў і Мікалай Рыбак – па заданні камандзіра атрада ідуць шукаць правізіі ў бліжэйшыя вёскі. Пасля перастрэлкі з паліцаямі яны трапляюць у палон да фашыстаў. Для хворага, параненага Сотнікава і больш прыстасаванага да жахлівай рэальнасці Рыбака ўзнікае маральны выбар. Яны павінны скарыцца перад гітлераўскай машынай або годна змірыцца са смерцю і такім чынам атрымаць незалежнасць ад ворагаў. У бесчалавечных абставінах вайны зрабіць выбар вымушаны вымушаны і мірныя людзі – бацька чырвонаармейца, стараста вёскі Пётра Качан, маці чацвярых дзетак Дзёмчыха, яўрэйская дзяўчынка Бася...

Пастаноўка і музычнае афармленне Канстанціна Ганчарова. Сцэнаграфія і касцюмы Святлана Макаранка.