21 чэрвеня "Купальская ноч у Купалавым Доме" адкрыла традыцыйную праграму Дзяржаўнага літаратурнага музея Янкі Купалы "Купалаўскія дні", якая ладзіцца штогод да гадавінаў нараджэння і смерці першага народнага паэта Беларусі Янкі Купалы.
Вечарыну распачалі купальскія песні ў выкананні сямейнага гурта Лямбовічаў "Крона" Ракаўскага цэнтра народнай творчасці. Разам з імі госці спявалі і танчылі. А Тэатр моды "ШармАнн" Хацежынскага сельскага Дома культуры прадэманстраваў яркае дэфіле.
Наведвальнікаў чакалі майстар-класы па лозапляценні, роспісе па тканіне, лепцы. Для цікаўных падрыхтавалі займальны квэст па музейнай экспазіцыі.
І кожны атрымаў магчымасць сплесці свой купальскі вянок.