Տավուշի պաշտպանական համակարգի փլուզումից հետո անպաշտպան են մնալու Գյումրին, Վանաձորը, Երևանը․ Երվանդ Բոզոյան
_
Գյումրիում «Մայր Հայաստանի» իրազեկման ակցիայի ժամանակ «Մայր Հայաստան» շարժման նախաձեռնող խմբի անդամ Երվանդ Բոզոյանը գյումրեցիներին սթափության և պայքարի կոչ է հնչեցրել՝ ընդգծելով, որ ինչպես գյումրեցիները, այնպես էլ ՀՀ բոլոր քաղաքացիները կարող են կրկնել արցախցիների ճակատագիրը։

«Տավուշի պաշտպանական համակարգի փլուզումից հետո անպաշտպան են մնալու Գյումրին, Վանաձորը, Երևանը»,-հայտարարել է Երվանդ Բոզոյանը։

Նա ընդգծել է, որ Փաշինյանի նպատակն է Գյումրիից ռուսական 102-րդ ռազմաբազան հանելը, Հայաստանը մաս-մաս անելն ու Թուրքիայի տիրապետությանը հանձնելը։

Մանրամասները՝ տեսանյութում։

#դեմ_եմ_Տավուշում_միակողմանի_զիջումներին
#ՄայրՀայաստան
#միացիր_որ_փոխենք
#Գյումրի

#դեմ_եմ_Տավուշում_միակողմանի_զիջումներին
#միացիր_որ_փոխենք
#ՄայրՀայաստան

«Մայր Հայաստանի» ներկայացուցիչները Գյումրիում հանդիպել են Շիրակի թեմի առաջնորդ Միքայել արքեպիսկոպոս Աջապահյանի հետ

#ՄայրՀայաստան
#Գյումրի

«Մայր Հայաստանի» ներկայացուցիչները Վանաձորում հանդիպել են Գուգարաց թեմի առաջնորդ Տեր Հովնան եպիսկոպոս Հակոբյանին։

Հիշեցնենք, որ նախօրեին էլ «Մայր Հայաստանի» ներկայացուցիչները Գյումրիում հանդիպել էին Շիրակի թեմի առաջնորդ Միքայել արքեպիսկոպոս Աջապահյանին։

«Մայր Հայաստան» շարժումն այսօր իրազեկման ակցիա է իրականացնում Վանաձորում։

«Օրվա իշխանությունները խաբում են, թե իբր Տավուշում գնալով զիջումների՝ ստանալու ենք խաղաղություն և անվտնագություն։ Այդ խաբեության զոհը դարձավ Արցախը, ու հիմա նույն սպառնալիքի տակ է ամբողջ Հայաստանը։ Տավուշում սկիզբ առած պայքարը հանուն ամբողջ Հայաստանի անվտանգության է։ Պարտավոր ենք յուրաքանչյուրս իր տեղում և իր մասով ցուցաբերել ակտիվություն՝ ի պաշտպանություն Տավուշի և Հայաստանի»,-ասել է «Մայր Հայաստան» շարժման առաջնորդ Անդրանիկ Թևանյանը։

Նա ընդգծել է, որ Կիրանցում կատարվողը հիշեցնում է Արցախում տեղի ունեցածը, բայց մեկ տարբերությամբ՝ հանձնման գործընթացին մասնակցում են հայկական անուն-ազգանունով ոստիկաններ․

«Բայց գործողությունների բնույթը նույնն է՝ նպաստում են այդ տարածքի դատարկմանը, որից հետո թիրախավորվելու է Լոռվա մարզը։ Չի՛ կարելի մենակ թողնել տավուշցիներին․ յուրաքանչյուրս մեր կողմից մեր քայլը պետք է կատարենք, և ապահովենք ՀՀ խաղաղությունն ու անվտանգությունը»,-հավելել է Թևանյանը։

Վանաձորցիները պետք է դուրս գան Հայաստանն Արցախի ճակատագրին չարժանացնելու պայքարի․ Մանուկ Սուքիասյան
___
Որևէ մեկն անմասն չպետք է մնա և չպետք է լռի, այս մասին այսօր Վանաձորում իրականացվող «Մայր Հայաստանի» իրազեկման ակցիայի ժամանակ հայտարարել է Երևանի ավագանու «Մայր Հայաստան» խմբակցության ղեկավար Մանուկ Սուքիասյանը։

«Անցնող 6 տարում մեր երկիրն ունեցել է միայն պատերազմ, զոհեր, գերիներ, ամոթի ու նվաստացման զգացողություն։ Այժմ, անկախ համակրանքներից և քաղաքական դիրքորոշումից, պետք է դուրս գալ Հայաստանն Արցախի ճակատագրին չարժանացնելու պայքարի»,-նշել է Մանուկ Սուքիասյանը։

Նա հավելել է, որ ունենք իշխանություն, որը շատ դեպքերում անում է այն, ինչ կաներ թշնամին։

Տավուշը կորցնելուց հետո կորցնելու ենք Լոռին․ Սոնա Աղեկյան
____

Սա բոլորիս պայքարն է, այս մասին այսօր Վանաձորում «Մայր Հայաստանի» իրազեկման ակցիայի ժամանակ հայտարարել է «Մայր Հայաստան» դաշինքի անդամ Սոնա Աղեկյանը։

«Տավուշը կորցնելուց հետո կորցնելու ենք Լոռին։ Դուրս գանք պայքարի, չլռենք, դեմ արտահայտվենք Տավուշը թուրքին տալուն։ Տավուշը պետք է պահել հայկական։ Միացեք, որ փոխենք»,-ասել է Սոնա Աղեկյանը։

Հիշեցնենք, որ մինչև այս «Մայր Հայաստանն» իրազեկման ակցիաներ է իրականացրել Երևանի ԲՈՒՀ-երում և Գյումրիում։

«Մայր Հայաստան» ժողովրդական շարժումն իր բոլոր ռեսուրսներով աջակցում է «Տավուշը հանուն Հայրենիքի» շարժմանը։

Կոչ ենք անում ՀՀ քաղաքացիներին ոտքի կանգնել և միասնաբար պայքարել հանուն մեծ փոփոխությունների, հանուն համերաշխության, հանուն մեր երկրի անվտանգ ու խաղաղ ապագայի։

Սուտն ու կեղծիքը, թշնամանքն ու պառակտումը, հանցավոր անգրագիտությունն ու թշնամու շահերի սպասարկման քաղաքականությունը պետք է դուրս շպրտվեն մեր կյանքից։

Մենք մեր երկրի առաջ ծառացած լրջագույն մարտահրավերները պետք է հաղթահարենք նոր ազգային իշխանության, նոր առաջնորդության, նոր որակի կառավարման միջոցով։

«Մայր Հայաստան» ժողովրդական շարժում

Երևանի ավագանու «Մայր Հայաստան» խմբակցություն

05.05.2024թ.

Կողմ ենք Հայաստանի ներսում քաղաքական փոփոխություններին․ Անդրանիկ Թևանյան
__

Եթե Տավուշում զիջումների գնանք, ապա Հայաստանը կընկնի Արցախի օրը,-այս մասին այսօր Շենգավիթ վարչական շրջանում «Մայր Հայաստանի» կողմից իրականացվող իրազեկման ակցիայի ժամանակ հայտարարել է «Մայր Հայաստան» շարժման առաջնորդ Անդրանիկ Թևանյանը։

«Արցախում էլ էին մտածում, թե իրենց հետ ոչինչ տեղի չի ունենա։ Արցախը կորավ Փաշինյանի ու Ալիևի հանցավոր համագործակցության արդյունքում։ Կոչ ենք անում այս ամենից դասեր քաղել, չզիջել, չընկրկել և պայքարել Հայաստանի անվտնագության ու խաղաղության համար։ Ձեր ձայնը բարձրացրեք հանուն Տավուշի և Հայաստանի»,-ընդգծել է Անդրանիկ Թևանյանը։

Նա նաև նշել է, որ «Մայր Հայաստանը» կողմ է Հայաստանի ներսում քաղաքական փոփոխություններին՝ առանց ցնցման և արյան, իսկ դրա երաշխիքը ժողովրդի լայն մոբիլիզացիան է։

Հիշեցնենք, որ «Մայր Հայաստանը» մինչ այս ակցիաներ է իրականացրել Երևանի ԲՈՒՀ-երում, Գյումրիում և Վանաձորում։

#միացիր_որ_փոխենք
#դեմ_եմ_Տավուշում_միակողմանի_զիջումներին
#ՄայրՀայաստան