28 верасня 2023 года ў ДУА «Малькавіцкая сярэдняя школа” прайшла першая ў гэтым навучальным годзе інфармацыйная гадзіна ў рамках інфармацыйна-адукацыйнага праекта ШАГ на тэму “Радзіма мая Беларусь у асобах. Ад вясёлых стартаў – да алімпійскіх вяршыняў”.
Частка інфармацыйнай гадзіны “Мы разважаем” была прысвечана гутарцы з земляком, Астапенкавым Вячаславам, самым дужым чалавекам Беларусі. Нягледзячы на тое, што гутарка адбылася па відэасувязі, навучэнцы актыўна задавалі пытанні Вячаславу, слухалі яго парады, выказалі пачуццё гонару за яго дасягненні, якія праславілі нашу малую Радзіму на міжнародным узроўні.
Напрыканцы сустрэчы класны кіраўнік Найдзен К.А. сказала, што ва ўмовах сучаснага рытму жыцця выпускнік школы павінен валодаць моцным здароўем, быць усебакова развітым, умець рэалізаваць набыты запас ведаў у працэсе жыццёвых задач. У сувязі з гэтым, фізічнае выхаванне павінна займаць важнае месца ў жыцці кожнага навучэнца.

#Малькавіцкая_СШ
#ШАГ

26 кастрычніка ў ДУА "Малькавіцкая сярэдняя школа" ў рамках праекта "Школа Актыўнага Грамадзяніна" для навучэнцаў VIII–XI класаў прайшла інфармацыйная гадзіна па тэме «Радзіма мая Беларусь у асобах. Сям'я – пачатак усіх пачаткаў». Інфармацыйную гадзіну падрыхтавала класны кіраўнік 9 класа Мельнік Ганна Вячаславаўна.
На сустрэчы з навучэнцамі прысутнічаў Іван Мікалаевіч Макарэвіч, бацька мнагадзетнай сям'і, у якой выхоўваецца 9 дзяцей.

#Малькавіцкая_СШ
#ШАГ