📣 Xushxabar!

⚡️ Turkiyaning Istanbul shahrida 24-iyuldan 4-avgustga qadar xalqaro madaniyat va san'at festivali bo'lib o'tdi.

Yigirma beshinchi marotaba tashkil etilgan ushbu festivalda 75 ta davlatdan madaniyat va san'at vakillari ishtirok etdi.

Unda, Qoraqalpog'iston Respublikasining "Ayqulash" Qoraqalpoq davlat milliy folklor ansambli ham o'z san'atini namoyish etdi.

Festivalning yakuniy natijalariga ko'ra, "Ayqulash" Qoraqalpoq davlat milliy folklor ansambli "Eng yaxshi ansambl" va "Eng yaxshi sozanda" nominatsiyalarida g'oliblikni qo'lga kiritdi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

⚡️ Kuni kecha Ostona shahrida "O'zbek kino kunlari"ning ochilish marosimi bo'lib o'tdi.

Unda O'zbekiston milliy kinematografiyani rivojlantirish markazi direktori Furqat Usmonov, Qozog'iston milliy kinematografiyani qo'llab-quvvatlash davlat markazi rahbari Kurmanbek Jumagali hamda o'zbek kinoijodkorlari ishtirok etdi.

Ochilish marosimida qozog'istonlik tomoshabinlar uchun Madaniyat vazirligi huzuridagi Kinematografiya agentligi buyurtmasiga binoan Muzaffarxon Erkinov tomonidan suratga olingan "Abdulla Oripov" filmi namoyish qilindi.

✅ Ma'lumot uchun, bugun kino kunlari doirasida kinoixlosmandlar e'tiboriga “Yasha xotin” komediyasi taqdim etiladi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

#ekspeditsiya
#nomoddiy_madaniy_meros

⚡️ Qirg'iziston Respublikasining o'zbeklar zich yashaydigan hududularida saqlanib kelinayotgan urf-odat va qadriyatlarni o'rganishga qaratilgan etnofolklor ekspeditsiyasi o'z ishini boshlashi haqida xabar berilgan edi.

Ayni kunlarda xalqaro ekspeditsiyalar rejasiga muvofiq etnofolklordan iborat O'zbekiston delegatsiyasi Qirg'iziston Respublikasida o'z ishini boshladi.

Delegatsiya a'zolari O'sh shahrida joylashgan "Qo'l hunarmandlar" mahallasida bo'lib pichoqchilik, mahsichilik, temirchilik, beshikchilik kabi milliy hunarmandchilik turlari bilan tanishdilar.

Ma'lumot uchun, O‘zbekiston Respublikasi Prezidentining "Nomoddiy madaniy merosni muhofaza qilish, ilmiy o‘rganish va targ‘ib qilishni rivojlantirishga oid qo‘shimcha chora-tadbirlar to‘g‘risida"gi 2023-yil 25-dekabrdagi PQ-405-sonli qarori ijrosini ta'minlash maqsadida, xalqaro ekspeditsiyalar rejasiga muvofiq joriy yilning 5-avgust kuni O'zbekiston delegatsiyasi Qirg'iz Respublikasida o‘z ishini boshladi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt