Madaniyat vazirining birinchi o‘rinbosari Avazxon Tadjixanov 7-iyun kuni O‘zbekiston davlat yoshlar teatrida amalga oshirilayotgan mukammal ta’mirlash va qo‘shimcha binolarni qurish ishlari bilan tanishdi. Teatr direktori Farhod Jo‘rayev bosh pudratchi va pudrat tashkilotlarining mas’ul vakillari bilan birgalikda vazir o‘rinbosariga qurilish jarayoning borishi haqida ma’lumot berdi.

Tashrif jarayonida pudratchi tashkilotlarga qurilishishlarini belgilangan vaqtda tugatish, teatr uchun issiqxona qurish, elektr quvvati ta’minotidagi uzilishlarning oldini olish maqsadida quyoshli panellar o‘rnatish bo‘yicha topshiriqlar berildi, teatr jamoasining 150 o‘rinli kichik sahna, kamer-sahna va butafor-sexi qurilishiga doir takliflari ma’qullandi.

Bundan tashqari, qurilish jarayonida ijodiy jamoaga zamon talablari darajasidagi shart-sharoitlarni yaratish, yangi grimxonalarini kerakli mebel jihozlari bilan jihozlash, nogironligi bo‘lgan shaxslarning teatr binosiga hech qanday qiyinchiliksiz kirib-chiqishlarini ta’minlash, tomosha jarayonini tomoshabinlar uchun maksimal qulay qilish masalalariga ham alohida e’tibor qaratildi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

#Vatan_manzumasi

⚡️ Namanganda “Vatan manzumasi” nomli adabiy-ma'rifiy kecha bo'lib oʻtdi.

☑️ Tinchlik va osoyishtalikni asrab-avaylash, el-yurt farovonligi uchun safarbarlik, vatanparvarlik, mardlik va jasorat singari ezgu fazilatlar aks ettirilgan mazkur adabiy-ma'rifiy tadbirda turli soha vakillari, harbiy xizmatchilar, o'quvchi-yoshlar ishtirok etishdi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

#Premyera

Joriy yilning 7-iyun kuni O‘zbekiston davlat yosh tomoshabinlar teatrida “Duel” spektakli premyerasi bo‘lib o‘tdi.

Taniqli yozuvchi Aleksandr Kuprinning hikoyasi asosidagi spektaklni rossiyalik rejissyor Yana Seleznyova sahnalashtirdi.
⠀
Ushbu Spektakl Madaniyat vazirligining ko‘magida hamda Rossiya Federatsiyasi Teatr arboblari uyushmasi va  Xorijdagi rus teatrlarini qo‘llab-quvvatlash markazi hamkorligida  sahnalashtirildi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt