12-yanvar kuni Madaniyat vazirining birinchi o‘rinbosari Avazxon Tadjixanov boshchiligida O‘zbekiston davlat san’at va madaniyat institutida kengaytirilgan yig‘ilish o‘tkazildi.

Institutning professor-o‘qituvchilari va xodimlari, shuningdek, sud-huquq organlari vakillari ishtirok etgan yig‘ilishda madaniyat vazirligi tizimidagi ta’lim muassasalarida korrupsiyaviy holatlarga yo‘l qo‘ymaslik, qabul jarayonlarini odilona va shaffof tashkil etish bilan bog‘liq masalalar muhokama qilindi.

Mas’ul idoralar vakillari tomonidan bu boradagi kamchiliklar tanqidiy tahlil etilib, korrupsiyaga qarshi kurashish choralarining samaradorligini oshirish yuzasidan o‘z tavsiyalarini berishdi. So‘zga chiqqanlar bu boradagi fikr va mulohazalari bilan bo‘lishishdi.


💬 Telegram | 🌐 Instagram | 🌐 Facebook

Namanganda el suygan hofiz Kamoliddin Rahimov xotirasiga bagʻishlangan festival o‘tkazildi, shuningdek, muzey ochilishi bo‘lib o‘tdi.

Joriy yilning 12-yanvar kuni Namangan shahridagi 11-sonli bolalar musiqa va sanʼat maktabida “Oʻzbekiston xalq artisti Kamoliddin Rahimov qoʻshiqlari” Respublika festivali oʻtkazildi. Unda vodiy viloyatlari, poytaxt hamda Qashqadaryodan yuzlab havaskor va mohir sanʼatkorlar ishtirok etdilar.

Festivalda Namangan, Toshkent, Farg'ona, Andijon, Qashqadaryo viloyatlaridan 7 yoshdan 70 yoshgacha iste'dod egalari ishtirok etdi. Munosib bo‘lgan ijodkorlarga, o‘z nominatsiyalari bo‘yicha maxsus qimmatbaho sovg‘alar topshirildi.

Qolaversa, festival doirasida hofiz tavalludining 81 yilligiga bag‘ishlangan tadbir namoyishi tashkil etildi.

Ayni vaqtda Kamoliddin Rahimov xotirasini abadiylashtirish maqsadida bir qator tashabbuslar amalga oshirilish bo‘yicha ish ko‘zda tutildi.

💬 Telegram | 🌐 Instagram | 🌐 Facebook

Rasmiy munosabat

Fuqaro Islam Karimbayev (Islam Kaparzo) Facebookdagi sahifasida oʻtgan asrning 50-yillarida qurilgan musiqa maktabi binosi sotib yuborilgani va bugungi kunda ushbu inshoot buzilish arafasida ekani haqida maʼlum qilgan.

Shuni maʼlum qilamizki, Angren shahar “Yangiobod” MFY Gʻafur Gʻulom koʻchasi 34-“A” uyda joylashgan hamda “musiqa maktabi” ekani iddao qilinayotgan ushbu bino bugungi kunda Angren shahar Madaniyat boʻlimi balansida emas.

Muqaddam Angren shahar Xalq taʼlimi boʻlimi tasarrufida boʻlgan mazkur bino koʻp yillar davomida boʻsh turgani hamda foydalanilmagani sababli shahar hokimining 2015-yil 23-fevraldagi farmoyishiga asosan hokimlik balansiga oʻtkazilgan.

Mazkur bino Vazirlar Mahkamasi qarori bilan tasdiqlangan Moddiy madaniy merosning koʻchmas mulk obyektlari milliy roʻyxatiga kiritilganiga oid maʼlumot vazirlikda mavjud emasligini bildiramiz.

Madaniyat vazirligi matbuot xizmati


💬 Telegram | 🌐 Instagram | 🌐 Facebook