“Tanovar malikasi” nomli hujjatli film

“Hujjatli va xronikal filmlar kinostudiyasi” tomonidan “Tanovar malikasi” deb nomlangan hujjatli film tasvirga olish ishlari davom etmoqda. “Oʻzbek sanʼati dargʻalari” turkumidagi mazkur film raqqosa, baletmeyster, “Bahor” raqs ansambilining asoschisi, Oʻzbekiston xalq artisti Mukarrama Turgʻunboyeva hayoti va ijodiga bagʻishlanadi.
#film

💬 Telegram | 🌐 Instagram | 🌐 Facebook

12-yanvar kuni Madaniyat vazirining birinchi o‘rinbosari Avazxon Tadjixanov boshchiligida O‘zbekiston davlat san’at va madaniyat institutida kengaytirilgan yig‘ilish o‘tkazildi.

Institutning professor-o‘qituvchilari va xodimlari, shuningdek, sud-huquq organlari vakillari ishtirok etgan yig‘ilishda madaniyat vazirligi tizimidagi ta’lim muassasalarida korrupsiyaviy holatlarga yo‘l qo‘ymaslik, qabul jarayonlarini odilona va shaffof tashkil etish bilan bog‘liq masalalar muhokama qilindi.

Mas’ul idoralar vakillari tomonidan bu boradagi kamchiliklar tanqidiy tahlil etilib, korrupsiyaga qarshi kurashish choralarining samaradorligini oshirish yuzasidan o‘z tavsiyalarini berishdi. So‘zga chiqqanlar bu boradagi fikr va mulohazalari bilan bo‘lishishdi.


💬 Telegram | 🌐 Instagram | 🌐 Facebook

Namanganda el suygan hofiz Kamoliddin Rahimov xotirasiga bagʻishlangan festival o‘tkazildi, shuningdek, muzey ochilishi bo‘lib o‘tdi.

Joriy yilning 12-yanvar kuni Namangan shahridagi 11-sonli bolalar musiqa va sanʼat maktabida “Oʻzbekiston xalq artisti Kamoliddin Rahimov qoʻshiqlari” Respublika festivali oʻtkazildi. Unda vodiy viloyatlari, poytaxt hamda Qashqadaryodan yuzlab havaskor va mohir sanʼatkorlar ishtirok etdilar.

Festivalda Namangan, Toshkent, Farg'ona, Andijon, Qashqadaryo viloyatlaridan 7 yoshdan 70 yoshgacha iste'dod egalari ishtirok etdi. Munosib bo‘lgan ijodkorlarga, o‘z nominatsiyalari bo‘yicha maxsus qimmatbaho sovg‘alar topshirildi.

Qolaversa, festival doirasida hofiz tavalludining 81 yilligiga bag‘ishlangan tadbir namoyishi tashkil etildi.

Ayni vaqtda Kamoliddin Rahimov xotirasini abadiylashtirish maqsadida bir qator tashabbuslar amalga oshirilish bo‘yicha ish ko‘zda tutildi.

💬 Telegram | 🌐 Instagram | 🌐 Facebook