⚡️ Madaniyat vaziri Ozodbek Nazarbekov Farg'onada bo'lib o'tayotgan tanlov jarayonlarini kuzatmoqda

Bugun, 20-sentyabr kuni “Xush kayfiyat” respublika ko‘rik-tanloviga start berildi.

Avvalroq joriy yilning 20-21-sentyabr kunlari Farg‘onada ko‘rik-tanlovning o'tkazilishi haqida xabar berilgan edi.

Tanlov 2 ta yo‘nalishda: "Askiyachilik san’ati" yo‘nalishida jamoaviy hamda “Qiziqchilik san’ati” yo‘nalishida yakka tartibdagi ishtirokchilar o‘rtasida o‘tkazilmoqda.

Ma'lumot o'rnida, ushbu tanlovning birinchi (hududiy) bosqichi joriy yil mart oyining birinchi o‘n kunligida Qoraqalpog‘iston Respublikasi, viloyatlar va Toshkent shahri miqyosida o’tkazilgan bo'lib, hududiy bosqichda jami 200 dan ziyod ijodkorlar ishtirok etdi.

Ikkinchi (respublika) bosqichiga esa bugun 20-sentyabr kuni start berilib, unda saralangan jami 50 dan ziyod yosh ijodkorlar ishtirok etishmoqda.

Tanlov Madaniyat vazirligi, Iqtidorli yoshlarni qo‘llab-quvvatlash markazi, Respublika askiya va qiziqchilik san’ati markazi, Farg‘ona viloyati hokimligi hamda “Madaniyat va ma’rifat” telekanali bilan hamkorlikda o'tkazilmoqda.

Bizni kuzating... G'oliblikni kim qo'lga kiritar ekan?

Telegram | Instagram | Facebook | Veb-sayt

#Suhbat

⚡️ Bugun, 20-sentyabr kuni madaniyat vazirining birinchi o‘rinbosari Avazxon Tadjixanov hamda vazirlikning tegishli markaziy apparati vakillari ishtirokida Madaniyat vazirligi tasarrufidagi davlat teatrlari, madaniyat bo‘limi mudirlari hamda ta'lim muassasalaridagi vakant lavozimlariga onlayn tarzda suhbat tashkil etildi.

✅ Suhbat davomida ularning istiqboldagi rejalari va sohadagi mavjud muammolarni bartaraf etish bo‘yicha takliflari eshitildi.

Telegram | Instagram | Facebook | Veb-sayt

⚡️ Madaniyat vazirligining ishchi guruhi Navoiy viloyati madaniyat boshqarmasi faoliyatida korrupsiyaga qarshi kurashish holatini o‘rganmoqda. 

✅ Batafsil

Telegram | Instagram | Facebook | Veb-sayt

⚡️18-20-sentyabr kunlari madaniyat vaziri o‘rinbosari Yusufjon Usmonov xizmat safari bilan Qoraqalpog‘iston Respublikasida bo‘ldi.

✅ Xizmat safari davomida Yusufjon Usmonov Qoraqalpog‘iston Respublikasi Vazirlar Kengashi Raisi Farhod Ermanov, O'zbekiston Respublikasi Bosh prokurori o'rinbosari Salom Samadov, Qoraqalpog‘iston Respublikasi Prokurori Erkabay Tadjiyev va Qoraqalpog‘iston Respublikasi madaniyat vaziri Begis Temirbayev bilan birgalikda To‘rtko‘l tumanidagi madaniyat markazi, 3-son bolalar musiqa va san’at maktabini hamda Nukus shahridagi Opera san’atiga ixtisoslashtirilgan maktab internati, Nukus ixtisoslashtirilgan madaniyat maktabi faoliyati bilan yaqindan tanishib, muassasalarning kuz-qish mavsumiga tayyorgarlik holatini hamda qayta tiklanuvchi energiya manbalari - quyosh panellarini o‘rnatish bo'yicha amalga oshirilgan ishlarni ko‘zdan kechirishdi.

✅ Shuningdek, To‘rtko‘l tumanida joylashgan Otajon Xudoyshukurov nomidagi madaniyat saroyi binosida joylashgan Otajon Xudoyshukurov hayoti va ijodiga bag'ishlangan muzey faoliyati bilan tanishdi.

Telegram | Instagram | Facebook | Veb-sayt